صييييح.....لاني احب نفسي اكثر منك!!!

[الألم الدفين]

الله يهديك طولتي وقطعتي عليه متعتي
والله من كثر ماشدتني قصتك صرت احس اني انا صاحبة القصة
بانتظارك

 

[برونزية رشيقة]

احنا وياج .. نبي التكملة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بس والله إنج قوية .. عجبتيني

 

[Miis]

ياللا عاد نسيت اولهاا ومابعد تكملت

 

[احبه موووووت]

والله ردة فعل قوويه واسلوبك عجبني واااااايد احس انك رديتي اعتباااااارك بس يابنات مو كل رجل جذي بعضهم اذا قلتيله بروح بيت اهلي بيقولج روحي واذا تبين انا بوصلج
لبيتكم
بعضهم حتي توصل للطلاق الحرمه تروح بيت اهلها ولا يسأل فيها عشان كرامته
واهي ولا شيء كرامتها وغصبن عنها ترجع له وبعضهم ما يررجعون وتوصل للطلاق
والي يقهرني في الريايل اذا قلتيله ليش خنتني يقولج ليش فتشتي في تلفوني مالج حق يعني اهو له حق يخوون ويزني واهي مالها حق تحافظ عليه وتراقبه عشانها اهي وعشان اولادها وعشانه

ومدام اهو الي حملج غصبن عنه يتحملج
لين تولدين
الحرمه مو ماكينه كل شيء تتحمله
يبون أولااد يتحملونااا
احنا مانقدر كل سنه نحمل بسبب شنو اذا قلتيله يقول مادري صار بلغلط وحملتي
مو بكيف هم ؟

 

[ملكة ببلقيس]

؟.؟.؟.؟.
؟.؟.؟.
؟.؟.
؟
متابعة لك ,,

 

[pιnкιѕн]

طولتي اختي
عسى المانع خير

 

[جوجولانا]

اشهد انك بنت رجال ومتربيه صح ....................................بس تكفين لاطولين

 

[رندا2012]

بنت ابوها000000فديتش كدا الحريم والابلاش بس كملي القصة لانها جدا مشوقة

 

[ساره67]

الله يحفظج يارب تستوين ربيعتي عشان طرشيلي إيجابياتج الوحدة هالوقت إدور الربيعه الزيينه والقويه والطيبه
الله يحفظج وبارك فيج وفي عيالج وبيتج

آمين

 

[صغيرة على الحب!]

ول ل ل ل !!
هدي اللعب
ارخي حبتين ..
شديتي بما فيه الكفاية!
تلاعبي فيه الحين~
، ، ،
dats enough dear!
:crazy:

​

 

[يقين الحب]

ان شاء الله اذا كملت للنهايه بعطيكي رايي

 

[ساره67]

يالله وينج ربيعتي خصب ههههههههه

 

[سكنات في القلوب]

كملي ولا ترا المو ضوع بينحذف تشوقينا وتروحين افا بسعليك

 

[الورود الزاهية]

انا اهنيك على هذي الشخصية القوية والله يعطيك العافية

 

[lo0ole]

احلا يا قويه خخخخخخخخخخ كملي فديتج ولا بيحذفــــــــــــــــــــــــــون الموضوع وبالتوفيق ان شاء الله

 

[دانه*]

يللللللللللللللللااااا عاااااااااااااااااااد

 

[um_noora]

يالله يالغالية نتريااااااااااااااااااااج

 

[HTYM]

هلا خواتي ...سامحوني تاخرت عليكم فالرد
بس انشغلت و يا عيالي و ابوهم:blushing:​

شكرا لكل الخوات اللي شاركن بالردود...والله اني احبكن فالله​

بس حبيت اوضح نقطة للخوات...انا انسانه طيبه..وحبوبة ومرحه...بس قبل الزواج كانت شخصيتي غير...كنت قيادية بحكم كوني الاخت الكبيرة ل3 بنات اصغر عني...وحازمة بحكم البيئة اللي تربيت فيها لأن الوالد كان قايد فالجيش...وكانت على راسنا مرت أبو!!!!!!​

لكن بعد الزواج تغيرت...و مع الاسف للاسوء...ماكان عندي اللي يوجهني و يعلمني كيف لازم اتصرف او اتكلم او ألبس..أو أو أو ...باختصار حالي حال أي وحده ماعندها تجارب وتتزوج لأول مرة في حياتها!!!​

زواجي كان تقليدي...اهله يونا البيت شافوني حبيوني خطبوني...end of story!!!
لكن وحده صديقتي يزاها الله خير..بدون ماتقصد مرة قالتلي عن رفيجتها تقرا كتب فالعلاقات الزوجية...وعاده رفيجتي قعدت تتطنز عليها...(ماتدري اني بغدي شراتها)​

ومن يومها وانا اقرا و اتعلم...واطبق في حسن التصرف مع الزوج.. لكن هذا الموقف اللي استوى بيني و بين زوجي كان فطري مش مكتسب...لان كل وحده فينا تمتلك غريزة الام...نعم الأم!!! انتي تعاملينه بحنيه مثل ماتعاملين عيالج بالضبط...و تهتمين فيه..وفي لبسة ورقاده و مرضة...مثل عيالج..لكن معنا الحب يختلف باختلاف اتجاهاته...عيالج حبهم في قلبج و في صدرج...تفزين اذا انجرح واحد فيهم أو صاح و اتألم...واذا ياع قمتي رظعتيه و لميتي في حظن الام...الام الثانية توجه الحب عندها مختلف لان زوجج اكبر فالسن و في الحجم...و تفزين اذا ناداج...أو دخل البيت متكدر أو مريض...ماذا اشتهاج قمتي و لميتي و رظعتي باسلوب مختلفif you know what I mean!!!​

بالنسبة لزوجي...كان قلبي دايما يشككني ان في شي...!!! تغير معايه...واستوى اسلوبه مقبول...ماكان في تغير كبير...وكان الهاجس مايوقف...كنت طالعه معاه مرة..و نزل المحطة بيشتري سناكس للعيال...رن تيلفونه...رقم غريب...كان مميز تم قلبي يدق و حسيت دقات قلبي وصلت اذني... هذي مش اول مرة يرن تيلفونه ويطلع رقم غريب...بس انا ماكنت مرتاحه...قمت و خزنت الرقم عندي...!!!​

رد بوخليفة...و شاف موبايلة و مارد...!!رن موبايله مرة ثانية: يوم رد قال: ألو؟!! هلالالالا....وين؟؟!! متى بتردون؟؟!! اوكي باتصل خلاف انا مشغول الحين..باي!!!​

يحليلة....صوت اللي متصله كان عالي لدرجة ان الحمار بيميز بين صوت الحرمة و الريال...نعم كانت وحده!!! بتسألوني شو سويت؟!!! بقولكم ماشي...كنت اسولف وياه و انكت...و كأنه ماستوى شي...
بس كنت اطبخها على نار هاديه....​

وللحديث بقية.....​

 

[HTYM]

خذت الرقم و عطيته اخوي دقالها يكلمها....و قالها ان ارقم يابه من رفيجه اللي مدحها و قال انها وحـــــــده فنـــــانه...طبعا ال......مايازلها الكلام اللي سمعته وسكرت التيلفون...!!​

سألني اخويه منو هاي؟؟ قلتله وحده مأذيه زوج رفيجتي...ورفيجتي تخاف اتسوي اي شي زوجها يكتشفه بعدين...!!​

المهم...انا اتصلت!!!! و ردت عليه
قلتلها: منو معايه؟!
قالتلي انتي اللي منو؟! انتي اللي متصله؟!...
قلتلها: أنا مرت فلان....
قالت: منو فلان؟!...
قلت: فلان بن فلان راعي وافي...اللي دووومه قاعد في وافي جورميه... قالتلي: شوتخربطين...اي واحد فلان هذا...؟!
قلت: ماشاء الله من كثرهم لازم مابتعرفينه؟!...
قالتلي: اقول انجلعي بس...وانقطع الخط!!​

تمييت يالسة اطالع الموبايل...ارد اتصلبها ولا اخليها تولي؟!....ليش هي خلت زوجي يولي؟!! والله ماخليها وانا بنت ابويه...!!! ييت بدقلها مرة ثانيه...ولا الموبايل يرن...! ​

-ألو؟
-نعم؟! مش انتي اللي سكرت قبل شوي؟!
-هيه!!
-ليش اتصلتي؟!!
-بس اريد اعرف....زوجج فلان بن فلان؟!
-هيه...شو ردت الذاكرة ماشاء الله؟! ولا كنتي تستهبلين بس؟!
-لو سمحتي عن الغلط!!
-حليـــــــلها....!!! تعرف الغلط بعد....يأم الغلط!!!
-انا متصله عشان اقولج بس ان زوجج هو اللي فر رقمه عليه...و يلاحقني من مكان لين مكان...وقالي انه مطلق و عنده ولد..!!!
-استريحي الغاليه...عنده ولد وبنت...و انا الحين حامل..!!!
-صدقيني انه قالي مطلق...وانتي تعتقدين لو اعرف انه متزوج بكلمه؟ انا بعد مطلقه و عندي ولد...و اعرف شو يعني يوم الوحده ينهدم بيتها...!!!​

انا هني تبريدت!!!! مطلقة!! و عندها ولد!!! يعني هذي هي نفسها اللي دقتله قبل سنه تقريبا!! و سوتلي هذيج المشكله !!!​

-اريد اشوفج...مش توج تقولين انج انتي الظحية و انه يلاحقج؟!
-هيه...وانا مستعده اشوفج...متى تبينا نتشاوف؟!
-بكره بعد المغرب..فيستيفال سيتي​

وللحديث بقية....​

 

[HTYM]

وسرت...وماتتخيلون و لا بتصدقون يوم بقوللكم انه كان احلا شي استوى في حياتي !!!
قعدت في لانوتغ انتظرها...!!!
ودخلت...!!! شافتني...واتقربت لين الطاوله....!!
انتي ام خليفة؟؟
هيه!!
انا فلانه!!
حسييت!! قعدي!!
عقدت اتناظرني فترة وانا اناظرها...ماتكلمت!!
وعقب قالت: يعني انتي جميلة وبيظة وطويلة ويبين عليج ان جسمج حلو حتى عالحمل...مستغربه يعني ريلج ليش يغازل....؟!! (وهي تبتسم ابتسامه صفره)
قلتلها: بكل بساطة...محروم! مثلج!
قمت وخذت موبايلي ودقيتله!!!مارد....قلتلها: دقيله...! دقتله و ردعليها!
ألو...ها وين انته؟!....انا ويا ربيعتي فالكوفي (اتخسين! ربعبج جني)...مايخصك منو!!...شوتبا انته الحين؟!...اقول اجلب ويهك بس الحين..انا مش فاظتلك!!!!

انا هني اكتفيت اشوفها تهزأ في الريال اللي حاشمتنه و عازتنه ورازتنه...وكلامه ماينرد عليه غير حاظر وعلى امرك...طلع جذا!!!!...
قلت: لازم اروح..السالفة ماتستاهل اظيع وقتي اكثر..!! باي
و خليتها وطلعت....
طول الوقت فالسيارة اقول الحمدلله اني شفتها وشفت اسلوبها..!!
خواتي !!! لا من جمال...ولا من جسم ..ولا من طوول!!!
قصيرة...وضعيفة ميته...و وعاااااديه...ومسوية عملية تجميل في خشمها وبوتكس لشفايفها...بالعربي خسفة!! ....حبيت نفسي في لحظتها وااااايد...وقمت ابوس يدي و اقول فديتني ...فديتني محلاني!!

وللحديث بقية...​