صييييح.....لاني احب نفسي اكثر منك!!!

[سكنات في القلوب]

كمالي ولا تطولين علينا

 

[دلووووووعة زوجي]

يووووووووووووووووووووووووووووووووه كملي ملينا من تقطيع القصه

 

[بصبري اتحداهم]

ماشاء الله عليك الله بارك لك في زوجك وعيالك صح لسانك المره لازم تتعامل مع الزوج بكل ثقه لان اكثر الازواج يحبون الزوجه الي تاخذ حقها بنفسها مو يكون البكي اسلوبها معه وتتصرف بذكاء في اصعب المواقف ومنك نستفيد فديتج بنت رجال من ظهر رجال .

 

[مهايه]

يالله عاد نبى نعرف النهايه؟؟؟؟

 

[في مهب الريح]

اول شي اختي
جد جد تستاهلين تصفيق حار >>>من شده الاعجاب

عجبتييييييييييييني

ياشديده ^_*

اللي تندب حظها مانه فايده


بس سؤال انتي ليه دقيتي عليها وقابلتيها
؟؟؟

وانتي ماطلبتي شي

بس رزيتي نفسك قدامها

ابي اعرف ليه


ننتظر

لاتطولين
بلييييييييييييز

 

[HTYM]

رديت البيت و كان الوقت متأخر...زوجي كان فلميلس عند ربعه...طبعا ماحس بشي...اليوم الثاني انتظرته يطلع...كان بعد صلاة العصر...قمت و طلعت كمن بدله و فريتهم عالسرير...نثرت الميك اب مالي على الارض عند باب الكبت( كبتي له بابه مزلاج من مرايا كبار) و شغلت المسجل على الأف أم...و طلعت من البيت...​

​

بما ان مركز وافي كان من المحرمات عليه...كان هو الهدف الثاني فالخطة...و سرت وافي...و قمت اشتري و اشخط البطاقة...لان اي شراء بالبطاقة توصل عقبه رسالة نصية على موبايلي و موبايل زوجي...تعمدت يعرف انا وين و شو اشتري...قام يتصل...ويتصل...وانا ولا كاني اسمع الموبايل...​

​

خلصت و رديت البيت...كان واقف عند باب الحوي (الحوش) دخلت السيارة للكراج و نزلت و دخلت غرفتي​

تبعني و سكْر الباب وراه....سألني: وين كنتي....؟!​

انته تدري وين كنت!​

بلاج انتي...!! مستويه تعامليني بدون احترام!!​

ليش؟! يوم اسير السوق استويت اعاملك بدون احترام؟!​

شو تسمين العفسة هذي اللي فالغرفة؟​

عادي...كنت ادور لبس...ولبست و اتعدلت و طلعت!!​

هيه..طلعتي وين سرتي!!!​

وااااااافي!!​

وانا مش مانعنج من سيرت وافي؟!​

ليش...بلاه وافي...سرت واشتريت اغراظ من محلات مش موجوده غير في وافي...اذا كنت تعتقد ان اهدافي تشبه اهدافك فانته غلطان...!!​

شو قصدج؟!​

انا اسير عشان عيالي...اشتري اغراظ لعيالي....و انته؟!​

مب شغلج ليش اسير؟!​

نقاشنا عقيم....و انا افظل انك تنهيه..لاني بدش اسبح و احط راسي و ارقد!!​

​

عقب هالموقف...فلانه كانت تتصل فيه...((و انا مثل ماتعرفون اعرف رقمها))...وماكان يرد...هالفترة اشتغلت على الدعاء و سورة البقرة...​

اتصلت في ابويه...وخبرته الموضوع...((بس عطيته رؤوس أقلام..لأني مابغيته يعرف كل شي))​

وقالي: ماعليه يابويه...يوم بتونا بوظبي انا بتصرف...!!​

وفعلا!! رحنا فالويك أند عند اهلي...و تغدينا عادي..وحلينا...و العصر بعد الصلاة عند السيارة يوم بغينا انروح ركبت السيارة...و قام ابويه و سحبه شوي بعيد... نزلت الجامه عشان اسمع.. كان صوت زوجي مش واظح...بس ابوية كان صوته غليظ و واضح...سمعته يقول: بنتي عطيتك اياها امانه...حافظت عليها لين سلمتك اياها...و البنت الحشيم المتربية مثل الرنج...يركبها وااااحد رزه يستاهلها...لكن اللي مالها حشمه مثل باص المواصلات...مليون واحد يركبها و تلقاها خايسة من الوصخ و التفافيل!! فــ هالله هالله فالرنج!!!تراها اسبورت تعجبك!!!​

​

ركب السيارة ...وانا في قلبي مستانسة وااااااايد من الكلام اللي قاله ابويه...واشوف الندم في عين زوجي...قام و حط اغنية حلوة(ماذكرها) و سحب يدي و ظمها في يده...و قالي: بتصدقين اذا قلتلج انج اغلى من انفاسي..؟! قلتله: يهمك تعرف اذا بصدقك ولا لأ؟! قالي: اكيـــــــد!!!!​

قلتله: اشتغل عليها.....يمكن في يوم من الايام أصدقك...و اتكون انته اغلى من انفاسي!!!​

خف السرعة لين وقفت السيارة..و ألتفت علي وقالي...والله احبج يا ام خليفة و محد يسواج!!! و اذا الريال في يوم من الايام طار بعيد عن عشه!!! فلازم بيرد...لأنه عشه!!! ماله و ملكه مش ملك حد...و مستحيل يحل في عش غيره يالغالية!!!​

​

و من يومها و هو يحاول...والله ياخواتي ريلي تغير..بفضل رب العالمين..و بفضل العلم...لا تقولون مافي حل...الكتب ولله الحمد موجوده, و الدورات و المنتديات و الاشرطةو الخوات...ترى قوة الاخوة فالله هي اقوى قوى تستطيعين من خلالها البدأ بالتغير بعد التغير من الداخل...كوني قوية...و صبووووورة...والله ولي التوفيق...​

​

السموحة اذا طولت عليكم لأني اتمنى الكل يستفيد....فكل وحده منكم تستاهل!!!

 

[HTYM]

اول شي اختي
جد جد تستاهلين تصفيق حار >>>من شده الاعجاب

عجبتييييييييييييني

ياشديده ^_*

اللي تندب حظها مانه فايده


بس سؤال انتي ليه دقيتي عليها وقابلتيها
؟؟؟

وانتي ماطلبتي شي

بس رزيتي نفسك قدامها

ابي اعرف ليه


ننتظر

لاتطولين
بلييييييييييييز

حبيبتي...مشكورة على المشاركة ...كسبتج اخت فالله و انشاء الله ماخسرج لا فالدنيا و لا فالاخرة..
جوابي على سؤالج:
ماكنت ابغي لو احساس بسيط بالظعف يدخل نفسي..و يكسرني...لا تنسين اني كنت حامل...واللي ماتعرفونه و ماقلتلكم اياه عشان اختصر عليكم السالفة اني راجعت دكتور نفسي...مش لاني كنت تعبانه نفسيا...لاني سمعت وايد عن ناس اقوياء تعرضوا لمواقف شديدة على نفسهم ماقدروا يوقفون في وجهها و انكسروا...تداركت الموضوع قبل لايستوي...لأني فعلا اكنت احب عمري وااايد...و راجعت الدكتور...شاورته في سيرتي على هالموعد و مقابلتي لها...وشجعني...قالي: سيري و انتي واثقة من نفسك...وابغيج في هذا اليوم بالذات تلبسين احسن و احلا ماعندج...و تكشخين....مش عشان تقهرينها؟!! عشان كشختج تزيد الثقة في نفسج...وتعطيج قوة لتقيم تصرفاتج معاها...وفعلا هذا اللي استوى...وطلعت من المكان و انا اكثر ثقة في نفسي من قبل....
و مايهزني رييييييح:harhar1:​

 

[دلوعة وحبوبة]

ماشاء الله عليك والله انك بنت ابوك الله يحفظك ويحفظلك زوجك ويديم السعادة بينكم

 

[سمو ذاتي]

قووووولي امييييييييييييين
بعد قولي امييييييييييين ..بعد قووووولي اميييييييييين..

يارب يسخرلج ريلج كما سخر الرياااااااح لسليماااااااان..ويخلييييييييج له ويسهل علييج ولادتج

عجبتيييييييييييييني حيييييييييييل ...تحيااتي لج حبيبتي

وبالتوفييييييييق دائما

 

[HTYM]

دلوعة و حبوبه
سمو ذاتي

كلامك شامة فخر ارفعها على صدري...و بتشجيعكم خواتي,,,ثقتي بنفسي بتقوى اكثر
و الله يعطيكم كل اللي تتمنونه...مثل ماتتمنولي الخير...

تحياتي...

 

[شيخـ الزينات ـة]

عادت الموضوع ليش ؟؟؟ كملي

 

[مررروج]

يعطيك الف عافيه
درس حلو

 

[HTYM]

عادت الموضوع ليش ؟؟؟ كملي

حبيبتي شيخت الزينات!!!
كملت الموضوع و ختمته فالصفحة التاسعة:nosweat:

وسوري اذا طولت عليكم...مشكورة على المتابعه!!

 

[Miis]

ماشاءالله بجد عرف قيمتك مشكله الرجال مايعرف هالشي الااذا حس انه بيفقدك

الله يسخره لك دايم الدووم

 

[Miis]

ملحوظه ::

يوم راح يلعب لاحظت جاب وحده عكس صفاتك

نصيحتي لك كوني متجدده ومزاجيه ساعه تحبينه وساعه تسفهينه

مب دوم مطيعه وتحت ايده كل مااشتاق لك لقاك مرتزه

 

[شيخـ الزينات ـة]

:shutup: ماأنتبهت والله شيء حلو الحمدلله نهايه سعيده والله يخلي لك زوجك والله الخاينه شيء مو هين بس يالله يثبت زوجي على حبي ولا يتغير ويعميه عن عيوبي ولا يطالع باحد غيري ابدا أبدا :in_love:

 

[HTYM]

ملحوظه ::

يوم راح يلعب لاحظت جاب وحده عكس صفاتك

نصيحتي لك كوني متجدده ومزاجيه ساعه تحبينه وساعه تسفهينه

مب دوم مطيعه وتحت ايده كل مااشتاق لك لقاك مرتزه

صح!!! برافووووووو عليج يا شاااااطرة!!:a084:

كنت اتمنى اسمعها منكم...وانتظر الأمووورة اللي بتفهم سبب طرحي للموضوع!!!
ماشاء الله عليج فطييين...!!!
الريال عموووما يمل من شكل الحرمة...ويحبها متجدده...بس المظهر مش دايما الحل...يحبها غامضة و مش مفهووومه....قليلة الكلام...مرة طيوبة و مرة صارمة...مثـــــــل الأم تماما
:c017:

 

[اميره جميله]

الله يعطيكي العافيه

 

[ع ف]

ماشاء الله عليج اختي :icon30:
بفضل من الله وثم بقوة شخصيتج حليتي المشكلة :flex:
عندج سريعة بديهة وحسن تصرف
على كثر ما اقرا بس بعد ماعتقد بتكون عندي القدرة على التصرف مثلج
بقعد اصيح وعلى طول بنفجر في ويهه
الله لا يقول ان شاء الله :no:
عجبتيني والله يوفقج ويسعدج :clap:

يارب احفظ قلوب وابصار وكل جوارح ازواجنا عن غيرنا حلالاً او حراماً
​

 

[الليالي الحالمه]

الله يسخركم لبعض ويبعد عنه بنات الحراااااام آآآآآآآآآآمين :c016:
انا احس اني صعب اكلم ابوي لاني ماابغاه يطيح من عيونهم
لان احترام اهلي له يهمني كثيييييييير