مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

صور تهدد حياتي .. من باب الأخوه انصحوني

ركز معي

New member
إنضم
20 يونيو 2008
المشاركات
79
السلام عليكم ..



حبيته
إيه حبيته
وماقصرت عليه بشي

وكل شي يبي أسويه له

.
.
.​
سنه وشوي مرت على زواجنا تخللتها مشاكل وهذا عادة كل حياة زوجيه وماتضايقت ولا نسبة حبه قلت بقلبي .. موقاصرني شي .. حلوه وبنت عايله .. مابقى احد ماخطبني لجمالي واخلاقي وهذا من نعم الله علي ..
بس بالفتره الاخيره حسيت ان وزني ازداد وطلبت منه اني اسجل بنادي فكان رده .. لأ لأ لأ مو الحين لما تحملين وتولدين وخدودج تطيح لحد حنجج اخليج تروحين ..

في يوم من الايام بطلت جهازه عشان اشبك وانا اقلب بين الصور والمواضيع لقيت صوره تخدش الحياء وتتبعت مصدرها عشان اهيا ماكانت مع الصور العاديه وكانت الصدمه الكبيره .. لقيييييت صور كثيييره من هالنوعيه .. ماتوقعت زوجي جذييه .. اهوا يخاف ربه وصلواته الخمس كلها بالمسجد .. ومايحب الحش ولا يعني تقريبا ملتزم..

انصدمت انهرت دموعي صارت تنزل من غير مااحس انشلت حركتي ركضت عـ الحمام ( وانتوا بكرامه ) عشان ارجع من زود مااني انقرفت من هالمناظر .. قلبي يدق بسرعه والاسئله صارت تصب على راسي مثل الشلال ليش ومتى وشنو قاصره يحبني ؟ يخوني؟ يجذب علي؟ حراااااااااام

يابنات والله من زود حبي لكم وثقتي بأخوتكم مابلغتكم لأن ماعندي احد اشكيله بهالليل إلا ربي سبحانه ثم انتوا​

انصحوني

اروحله بعصبيه واواجهه؟
اتفاهم معاه؟
اطنش وامشي بنصيحة الوالده ( دامه هايبج ويسوي هالشي من وراج لاتواجهينه عشان مايستسهل معرفتج بالأمر ويسوي هالشي قدامج من دوم احترام ولا حشيمه لج وادعيله لين الله يهديه ) ؟
أمسح الصور؟
أحفظ ادعيه واحاديث بجهازه؟
ولا عندكم راي ثاني؟
لا اطولون علي​
 
إنضم
22 مارس 2008
المشاركات
1,337
اهلين اختي الله يهديه لكي ويحنن قلبه عليك ويسخره لك اختي كل الرجاجيل كذي يحبون يشوفون الصور والافلام الاباحيه بس وش حيلتنا الا الدعاء الله يهديهم ويعمي قلوبهم عن الحرام ويسخرهم لنا اسمعى كلام امك الله يحفظها لك زوجك اذا عرف راح يتمادى ويحط الوم عليك لانك فتشتي وراه انا داريه انك شفتيها با الصدفه بس هو بيحط هاذى السبب الاول يعني بيسوي نفسه الصح
 
إنضم
9 ديسمبر 2007
المشاركات
230
يااااااااااقلبو الله يصبرك يارب وحسبك الله ونعم الوكيل ...

والشي الثاني لاتواجهيه خففي وزنك وخليك دايما قمه الأناقه والأنوثه

ولمحي له عن الرجال اللي يسوا زيه وعاقبتهم في الأخره وسمعيه فتاوي واشرطه وفي محاضره مرئيه

للدكتور عبدالمحسن الأحمد اسمها مداهمات شغليها له واحرصي انه يشوفها مدام انه فيه خوف من الله

ادخلي له من هذا الباب.....

والله يهديلك هو ويسخره لك هذا اللي عندي وان شاء الله الأخوات يفيدوكي ومايقصروا.
 
إنضم
1 يونيو 2008
المشاركات
99
غاليتي لو عصبتي راح تصدر منك تصرفات تخليك تخسرينه للأبد

بس أتخذي قرارتك وأنتي هاديه وبعيد عن أي تفكير رجعي وسلبي

يعني لو واجهتيه يمكن يستسهل الأمر وراح هو يواجهك ويقولك كلها إلا صور

و ... و... و... أعذار راح يستند فيها عليها وراح تختصرين المسافه عليه ويواجهك فيها

ويصير الامر عادي هنا ماتقدرين تصلحين شي كسرتيه بأيدك


فكري كيف تشوهين فكرة هالصور في نظره كيف تخلينه يتقرف منها حتى لو أنها صور

لاتودي ولاتجيب بحيث تحسسينه من دون تبيني له أنك تعرفين لأنه راح يوبخك ويقولك من قالك تفتحين

أو تفتنشين << كلمه دارجه أو بالأحرى أول مايخطر في باله ومن قالك تشوفين وراح يقفله برقم سري
ولاتمسحينها ولاتقربينها أبد وحاولي مثلأ تحطين خلفيات أذكار صورة الكعبه ورد طبيعه هذا أذا يسمح لك تسوين هالشي

وهنا أنتي كيف تعرفين أنه بطل هالشي أو لاء..؟؟ بعدمالتصرف بأي شي إالين ماتتأكدين بالتدريج أنه يخاف يحط هالأشياء عنده
ذكريه أنه لو مات كيف راح تكون هالأشياء شاهده عليه ماهو له

فكري بالموضوع بجميع جوانبه

ومثل ماقتلي سهل أنك تأثرين عليه لأنه ملتزم بس يبي لك تعرفين نقطة الضعف

هل هو من الرجال اللي يحبون الحوار أو السمع أو انك تتكلمين عن شخصيته أو عنك

أعرفي كيف توصلين له بسلاسه

طيب بدال ماتروحين نادي أنتي تمرني كل يوم بالبيت


وربي يوفقك ويصلح ذات بيتنكم
 

البحر غدار

New member
إنضم
2 يونيو 2008
المشاركات
449
لاتفعلى شىء انسى انك شفتى هالصور وكملى حياتك بهدوء لان اى ردة فعل ستجلب لك المشاكل وانتى بغنى عن وجع الراس ولن تستفيدى شيئا
 
إنضم
19 مارس 2008
المشاركات
136
عزيزتي لاتستعجلي في الحكم عليه خاصه وانك تقولي محافظ على صلاته وفي المسجد يمكن احدمن اصدقائه دخلها بجواله وهو ماعنده خلفيه عنها تعرفين الشباب مع بعضهم والجوالات وبعضهم انذال يبغون يسببون مشاكل بهالطريقه انادائما افتح جوال زوجي واقلب فيه وهوكذلك وخاصه اذارجع من الدوام اوخرج مع اصحابه المهم مره رجع من الدوام وكالعاده دخل الحمام الله يكرمكم واغراضه وجواله عالمكتب المهم فتحته وشفت مقاطع فيديو سخيفه المهم خرج وقلت في الدوام مشغول بالاشياء الحلوه هذي وتاركها اشوفها معاك هوتفاجئ عن وشواتكلم لان هومايعرف وش في جواله هو حلف انه مايدري ومستحيل يشوف الاشياءهذي قال انادخلت مكتب المديروصديقه جالس عالكمبيؤتر تبعه وجواله معاه واكيد استخدم جوالي وفعلا دق عليه وغسل شراعه واللي اكدلي ارسل زميله رساله يعتذر فيها عاللي صارلاني صراحه واثقه فيه ومستحيل يسوي كذا لانه يقول اللي يسوي شي غلط الله ويدق باب الناس الناس يدقوا بابه حاولي تناقشيه وبطريقه حلوه يمكن تجيب نتيجه والله يهديه انشاء الله والله يبعد عناوعنك عيال وبنات الحرام:c016::c016:
 

ركز معي

New member
إنضم
20 يونيو 2008
المشاركات
79
حبيبة رشيد
القلب الرؤوم
مجروحه وأكابر
البحر غدار
قمرهم كله

أشكركم على نصايحكم وبإذن الرحمن بآخذها بعين الاعتبار .. وبعدين أنا متأكده أنه أهوا اللي حافظها لأن مكانها سري ومخفي وبالصدفه لأن ربي يحبني شفتها ..
وبرايكم
أسكت .. أطوف .. وإحنا شنو لنا غير هالكلام
ليش مافيه خوف من الله .. ليش مايراقبون الله بتصرفاتهم
ليش صارت الخيانه شي عادي ؟؟ ليش صار الزنا شي عادي ؟؟ لا تستغربون إيه الزنا شي عاادي
قال رسول الله صلى الله عليه وسلم بما معناه : العين تزني وزناها النظر
واحنا مجرد حركة غريزتنا دفعتنا عشان نمارسها مع ازواجنا بالحلال تثير الشك في نفوسهم ويكون السؤال من وين تعلمتيها ..
أنا أبي أحاسبه .. مااحب اشوف الغلط بعيني واسكت .. اشوف زوجي يزني وأسكت مستحييل أصلا لمجرد حبي له ماارضى تكتب له سيئه أو يمارس خطأ أهوا حبيبي

بس ماني عارفه من وين ابتدي

 

ريح الشمال

New member
إنضم
20 نوفمبر 2007
المشاركات
608
هلا اختي
بيقووووول لج والله احمدي ربج انا بس عالنت وغيييييري ع الطبييييعه (الحلو الي عندي كان يقولي جيييه -اونه كل المتزوجين الي اعرفهم عنهم اربيعات بس انا احسن عنهم- وشكلهم كلهم في الهوى سوا) بس نصيييييحه لا تواجهيييينه بعصبيه لانها بتنقلب علييييج حلييييها بتروي مش باندفاع
 

الشوق2

New member
إنضم
22 مايو 2008
المشاركات
40
الدعاء ثم الدعاء ثم الدعاء قال تعالى : " واذا سالك عبادي عني فاني قريب اجيب دعوة الداع اذا دعان "
 

بنت المطر2

New member
إنضم
20 نوفمبر 2007
المشاركات
299
(استودعت الله نفسي وزوجي وذريتي في ديننا ومالنا وخواتيم اعمالنا اللهم استودعتك بيتي وعمالتي عن الزنا والكذب والفساد اللهم حصن بيتي من اوله لاخره ومن اعلاه لاسفله اللهم ابعد عنه الحرام بانواعه اللهم اخرجني منه عزيزه وردني اليه اعز واجعل لنا فيه سعادة في ديننا ودنيانا وصلى الله على سيد الاولين والاخرين وعلى صحبه اجمعين آمين آآآآآآآآآآميييييين
 
إنضم
9 مايو 2008
المشاركات
479
قعدي معاه قعدة صراحه واخذي جواله بيدج وقولي له ابي اوريك شيء واذا قالج شنو فتحي له وريه الصور قولي له شنو هذا الش شفته بجوالك واذا قالج ليش فتشتي دوري لج قولي حبيت ادز لي صور من عندك بدزهم لرفيجتي او اي سبب ثاني وشفتهم وقولي له شنو السبب الي خلاك تحط الصور بجهازك ؟؟ وقولي له اول شيء انت ماتخاف من ربك ؟ ماتخاف من بعدين تفكر بس في يومك الأنسان في اي لحظه يمكن انه يموت وبعدين شلون بيقابل ربه وانصحيه بهدوء وحنان ولاتاخذينه بعصبيه مثل الياهل الي يغلط وتنصحينه وتفهمينه شنو بيسبب له غلطه هذا وهذا شيء يحرق القلب فلابد من المواجهه بس بعقلانيه وبدون تهور وعصبيه.
 

(مها)

New member
إنضم
4 أغسطس 2007
المشاركات
77
برأيي أختي ان تحطي لك خطه وتكون كالتالي:
شوفي وقت ماهو يجلس ع الكمبيوتر ويحس انك بعيده ,, وتكوني بحدسك تعرفين
هو ايش يناظر ايش يسوي ,,, او تشوفين ايش هي فترة الامان عنده اللي يحس فيها يمكن
يطالع الصور ,, يعني يدري انك طالعه او انك نايمه تفاجئينه وهو ع النت يعني ترجعين فجأه
او تقولي له انا رايحه انام طول ماهو ع الكمبيوتر لحاله ,, تخليه فترة حسيتي انه فتح الصور اللي عنده
وتدخلين وعينك ع الشاشه وبعدها تواجهينه بانكسار
قولي وش هذا انا مو مقصره معك ؟؟ ليش انا مو مكفيتك وليش وليش وكل التساؤلات اللي عندك
طبعا قبل كل شي تعرفين اسلوب زوجك معاك قاسي والا بيخاف من ردة فعلك ,,, المهم
خليه يوعدك مايطالع اشياء من هالنوعيه وخليه يطلع الملفات كلها قدامك في لحظتها
وقولي له خليهم انا ابشوفهم وباحذفهم ,,,, بس هو يمكن يحذفهم على طول قدامك (( مو مشكله ))
وكمان قولي له ابي تفتح صفحه جديده يعني كل الملفات والاشياء اللي تنرفزني طلعها
الحين علشان لاازعل اذا اكتشفتها بالمستقبل
بالبدايه راقبيه يعني بعد مايقوم من الكمبيوتر شوفي ايش المواقع اللي فتحها من خلال الهستري
وشوفي هل هو بالفعل يفتح للان بشكل مستمر ,,, وتصيدي له وسوي اللي قلت لك عليه
ومثل ماقالو البنات تقريبا معظم الشباب كذا وان شاء الله تهديه باسلوبك للطريق الصحيح
ابتعدي عن الصراخ حافظي على جمالك ورونقك طول هذي الفتره ودلعيه قبل لاتصيدينه
وانا اؤيد المواجهه والمصارحه بحكم عرفي لنفسية زوجي لان مااحب اعيش وانا شايله هم
ولان لازم اعدله علشان حياه افضل نحو الامام ,,,
موفقه اختي وان شاء الله تصلحينه والله يهديه
 
إنضم
28 أبريل 2008
المشاركات
493
عزيزتي : اسمعي كلام أمك
وتجاهلي كل اللي شفتيه ؛ لأنك لو صارحتيه
سيستسهل الموضوع وسيفعل ذلك امامك دون دون حياء أو حشيمة وسيكون الأمر عادي
بالنسبه له ؛أما بالنسبه لك فستشعرين أنك
تموتين في اليوم الف مرة وما أنت بميتة
(بعد عمر طويل إن شاء الله)(الحياء من الإيمان)
وأكثري من الإستغفار ... وأكثري من الدعاء له
بالهداية ...







 

ربي ارحمنا

New member
إنضم
30 أبريل 2008
المشاركات
770
حبيتي اكثر الناس عندهم حب استطلاع .........لاتعصبين ولاتتعبين حالك ونفسيتك واسكتي وخليه .............
الله يوفقك ويبعد زوجك عن الحرام............
 
إنضم
30 مايو 2008
المشاركات
50
مرحبا
اختي في الله عندي لك راي يمكن يكون غير مباشر
تنتظري رجعته من الدوام وتمثلي انك حزينه وتبكي
واذا سالك عن السبب قولي له ان صديقتج عندها مشكله
شافت صور عند زوجها واهي حزينه وانتي متضايقه عشانها
بعدين عدي له عقاب اللي يسوي مثل هالاشياء وانه زوجها
طاح من عينك من بعد ما عرفتي اللي صار لانك ما تحترمين الرجل الخاين
وكوني طول اليوم تتكلمي عن هالشخص وكرهك لتصرفه
وبما ان زوجك يخاف الله بيتاثر باذن الله وبيترك هالاشياء
وانتي راقبي جهازه ان شاء الله تلقينه ترك كل شي
(ياااااااااااارب تهدي زوجها وتنور قلبه وتسخره لها)
(الله يحميك ويحمي الجميع من كل شر)
ان شاء الله اكون افدتك ونسمع منك الاخبار الطيبة
تحياتي لك وللجميع
 

تميمية(1)

New member
إنضم
28 أبريل 2007
المشاركات
1,350
لا تضيقين خلقج و لا شي هذي مرحلة و تعدي..
يعني استكشاف..و لما يطيح الي براسه بيتركه ان شا الله..
انت ادعي له و تابعيه بدون ما يدري..عشان ما توصل للادمان ( في العادة يبطلون منها بمجرد التعرف عليها)
و حاولي انج ما تقصرين معاه..البسي مثلهم و شبعي عينه.. عشان ما يلفتون نظره و تعلمي الحركات الي تصده عنهم
الله يصلحه و يهديه..
 

أم فهودي

New member
إنضم
21 ديسمبر 2007
المشاركات
456
حبيبتي إياك ثم إياك والمواجهة ترى مومن صالحك تواجهينه أستعيني بالله والتضرع بين يدي بديع السموات والأرض والدعاء فيه سر السعادة وألإستغفار ثم الإستغفار وقيام الليل والدعاء لزوجك بأن يهديه الله ويحصنه عن الحرام بالنظر إلى الحلال وأسألي الله أن يغنيه دائما بحلاله عن حرامه وهو على كل شيء قدير
 

وش حيلتي

New member
إنضم
21 مارس 2008
المشاركات
117
لا تواجهينه بس لا تنسينه من الدعاء ودامه راعي صلاة ان شاء الله صلاته تنهاه حاولي بطريقة الايحاء يعني قولي له والله النت يبغى واحد قوي ايمانه والي ما يخاف من ربه اكيد يضعف بس لازم الواحد يجاهد نفسه ولا تبيني انك عرفتي واذا هو يستحي منك هذي نعمه بعضهم ما تهمهم زوجاتهم وعادي
 
أعلى