صباحكم : دعواتي لكم بالغيب....
صباحكم تفريج من كل هم....
بنات دعواتكم اشوف تأثيرها في حياتي....
واستغفااااااري .... بعد....
وربي اكتب لكم ودموعي تحرق عيوني... امس انفرج عني جزء كبير من الظلم اللي كنت اعاني منه سنين وما تخيلت انه ينكشف الا بزواجي او موتي او موتهم..... الف حمد لك يارب على تفريج الهم...
الاستغفااااار يابنات ودعواتكم لي بتفرج الهم شفتها بعيني سبحان الله ... تدرون الظلم لما يجي العبد وهو غافل وقايم ع خدمة الظالم شي كبير عند ربي... ربي لما يشووووف عبده ينظلم والمظلوم نية صافيه مع الظالم ترى ريبي ينصره وهو مايدري منين جاه النصر ولا الفرج....
فديتكم ربي لايحرمني منكم....
امس صار شي ماتوقعته........ فضل الاستغفاااار ودعواتكم فديتكم...
البارحه ... كنت قاعده انظف غرفة جدي ومرة ابوي قاعده تقهويها... انا ارتبها محد قال لي من راسي.. احب اخدم جداني (طبعي أموت ع الشيبااان والعجايز) ع شرهم معاي بس وربي انهم بركه ف البيت احب كبااااااار السن.... ربي مسخرني لهم حتى ام زوجي يوم تغيرت علي مع انها مب كبيره بالاربعين.. بس ربي مسخرني لها وربي يابنات وربي وربي الخير مايضيع عند ربي... ربي أرحم علينا من امهاتنا تعبت وانا اقولها للي حولي ولكم واتمنى تحطونها بروووسكم...
المهم كنت ارتب كبت جدي وملابسه... نزلت ملابسه ونظفت الدروج وبخرت كبته بالعود وعطرت ملابسه بعطر رجالي خذته من اخوي وانا قاعده ارتبه قاعده مرة ابووووي تقطع فيني تقطيع اللحم مع جدتي كلااااام ماينقااااااال عن العدوووو ... وسمعهم واحد من عمامي وخواني كانوا موجودين.. شلون؟ كنت بغرفة الشيبان ارتب كبت جدي ومرة ابوي معاهم بالغرفة يتكلمون ومن كان واقف عند الباب؟؟؟ جدي ومعاه واحد من عمامي و2 من خواني ... والباب مردود ماكان مسكر... وسمعوا بإذنهم الكلام اللي ماينقال للعدو ينقال عني..... وربي استحي اقوله لكم.... وأنا اسمع و ما ارد ... بس اقول بخاطري ياربي ترفعني بظلمهم وتفرج همي وكربي وتفك أسري... وربي يابنات فجأة الا الباب ينفتح وجدي يصااارخ..... عليهم ليه هند تتعامل بهالطريقه ومن سمح لكم تتكلمون عنها ياظالمين.. (لايفوتكم هذا جدي اللي حار دووووم بس سبحان الله الدم عمره مايصير ماااااي ) ويصاااارخ وصوته شال البيت ويلف ع عمي وين ابوها قاعد ف البيت ووجوده مثل عدمه مع هالعقرب وهند حياتها بهالشكل.. وعمرها ما اشتكت.... هذي مب حاله....العقرب (يقصد مرة ابوي .. وعجوز النار يقصد جدتي زوجته ..) وربي انتفض من الربكة ورحمة ربي بي.. بنات الكلام اللي قالوه عني امس ترى ماهو جديد ومالي الا الصبر والسكوت لان مستحيل يصدقوني لا جدي ولا ابوي ولا خواني ولا اي واحد منهم...... تعرفون وشو مستحيل يصدقون...ربي سمعهم السم اللي اسمعه كل يووووووم.... ظلم بهتاااان وقذف بدون مبالغه مني... بس ربي كريم وربي رحيم (يارب اكون مظلومة ولست ظالمــه) ياويل كل ظالم وين بيروووح من ربي!!!!! حزينه وبنفس الوقت الفرحه مو شايلتني.....
اذا قلت لكم ان ربي ارحم علي من امي صدقونــــــــــــــــــــــــــــي ..
امي مو عندي و ما اقول لها اصلا ومستحيل اقول لها عن السيناريو اللي يصير لي كل يوم ولا حتى انتو اقول لكم... ليه... لان مامنه اي فايده بس اتشكى عليكم .. بس بضايقكم وماراح افيدكم باي شي!!!
سبحانك ربي ما ارحمك.....
اشوف نصري بعيني!!!!! يارب لك الحمد..... اللهم لاتجعل في قلبي غيرك.... يارب.....
و ربي ما ادري شلون اجازيكم..ومالي الا الدعاء..... لأن دعواتكم لي بالفرج والنصر بركاتها قاعده احسها طول يومي...
اللهم أسعد كل من دعت لي سعاده لاتشقى بعدها ابدا.. اللهم سخر لها زوجها تسخير العبيد لسيّده وسخر لهم اهل ازواجهم تسخير العبيد.. وبارك لهم في ذراريهم وأرضهم وأرض عنهم وزوّج إماءهم
اللهم ارزق كل محرومة بالذرية السليمة البارّه التي تملأ حضنها وارزقها بفرج لايتلوه اي هم وسعاده لايتلوها اي حزن وابتسامه لايتلوها اي دمعه..
اللهم لا تجعل منهم ولا فيهم ولا معهم ولا من ذويهم مهموما الا فرجته ولا دينا الاقضيته ولا حزينا الا اسعدته ولا محروما الا رزقته ولا مأسور الا فككت اسره وارجعته الى اهله سالما غانما ..ولا مريضا او سقيما الاشفيته ولا مبتلا الا عافيته ..اللهم قيّض لهم من ملائكتك ما يستغفر لهم الى يوم القيامه.. اللهم اسعدهم ما احييتهم وأفرحهم ما ابقيتهم.. وأربط على قلوب كل حزينه برباط صبر من عندك لا ينقطع و برباط يقين من عندك لا ينفذ وأرزقهم حسن الظن بك كما رزقتني به...
اللهم علق قلوبهم وقلبي بك .. ولاتجعل فيه سواك..
اللهم سخر لنا من رحمتك ما يحول بيننا وبين عقوبتك ومن رضاك مايحول بيننا وبين غضبك ..
بنات مو عارفة ش اقول لكم.....احيانا يكون السكوت أبلغ من الكلام!!
