صفحات لـم تـقـرأ بـعـد...>>معلمة متألـمـة...

الحالة
مغلق و غير مفتوح للمزيد من الردود.
يااعمري عليك الله يفرررج همك وينوور دربك
كتبت لك رد قبل كذا بس شكلك مانتبهتي له
حبيت ابشررك ربي زرقني ولد
 
يا قلبي عليك يا هند دمعتي نزلت من كلامك يارب يارب يارب اجمعهم عن قريب ياكريم
ابروح اصلي وادعيلك بالفرح عن قريب ويكفيكم شر الحاسدين
 
يااااااااااااارب عجل بالفرج لاختي هند
واجمعها بناصر بالقريب العاجل على خير
واكفها شر من به شر

وربي دمعت عيوني مادري شكتب
 
ملوكتي..... ألف مليون مبروووووووك حياتي.... ربي يرزقج بره يارب هو واخته....
تستاهلين ربي يتمم عليكم بالصحه والعافيه والسعاده التي لايتلوها شقااااء ....

وااااو وربي ونستيني......

امنيتي ..ربج كريم..... ياغاليه..... ​
 
حياج هنوده
والله بعمري مادخلت منتدى هالكثر الا عشان اعرف اخبارك
الله يفرج همك وييسر لك ما فيه صلاح دنياك واخراك
 
هلا معلمة اخبارك يارب تكوني بخير
ممكن اسالك سؤال شو برنامجك لليوم وبكرة الجمعة
قصدي كيف تقضيهم علشان نستفيد منك
 
طيب معلمة ليش ما تكلمين شيخ ثقة عندكم ويكلم ناصر او اهله قصدي ابوه يرجع يرجعك بس بطريقة غير مباشرة يعني ما يدرون انه انت اللي ورا هذا الموضوع
 
مساءك عسل ياعسل ان شاءالله عن قريب نسمع اللي يفرح اقلوبنايارب بقدرتك على الخلق اامربلم شمل هند وناصرياكريم يامنان ياذا الجلال والكرام
 
المهم قعدت مع الخاينه بنت عمتي... لين بعد العشاء وعقب كلمت اخوه يجي ياخذني... ورحت بيت ابوي (بيت عمتي وعععععع ب نفس حوشنا بيوتنا مع بعض :( مجمع سكني :( ) بدلت ونزلت للشيبان سلمت عليهم وطبعا محاضرة ثانيه ومرة ابوي مب راضيه وقالت لي الحين بياخذون علي وكل ماسافر ولدهم بيخلونج عندهم...قلت لها عمتي انا مب بزر لو انا ما ابي انام محد يجبرني...ارتاحي محد يستغلني...(هالشي بعد حسبته ل مرة ابوي لان بكلامها هذا بيّن لي صج لو بنتها بعد بتقول لها نفس اللي قالته لي...) ورحت بيتي وصلت الساعه 9 ولقيت عمتي والنشبه وخواته ورواضي تصاااارخ من الفرحه ولمتني وقال لي وين ناثل؟؟ ابتسمت لها وقلت لها راح مكه.. قالت ليث ما ودانا انا وانتي!! انا ذعلانه عليه.. وقلت لها حبيبتي مايصير معاه بس رجاجيل ...وطلعت غرفتي وبدلت عبايتي وخذت شيلتي ونزلت لعمتي وقعدت معاها شوي (بنات وربي اني احسها تشوف ناصر فيني وهذا الواقع يا بنات ترى ام الزوج مهما بلغ شرها ترى هي بالنهايه ام ومجربه حب الضنا ربي يرزقني ويرزق كل محرومة....وعقب حبيت عمتي ع راسها وقلت لها باخذ رواضي تنام معاي..... قالت لي رواضي بنتج يايمه لاتشاوريني فيها.... ( وبعد كلمتها هذي حسبتها لها برصيدها عندي... ) بنات وربي لو تسوون نفس الاسلووووب ترى مابتاخذون على اي احد بقلوبكم وبترتاحون من الهم والحسد والحقد و وساوس بليس...... مب مع الكل قصدي مع ام زوجج وابوه هلج اللي لازم تحتكين معاهم عماتج عمامج خالاتج بس البنات انتبهوا منهم ولا تثقون الا بناس من اهل القرآآآآآن وربي غيرهم مابينفعونكم ابد....اقل شي لو ماراح يضرونكم بينسونكم ذكر الله وبيلهونكم معاهم ف دنياهم هذا اقل ضرر بتحصلونه منهم... وهو والله ماهو قليل لأن من ضيع دينه حياته مالها اي معنى ولا لوجوده اي معنى والعياذ بالله..

وطلعت ونومت رواضي معاي بحضني وصحيت الفجر وصليت وشفت جوالي لقيته مرسل مسج قبل الفجر بساعه وكانوا رايحين ع كلامه لعرفات كان بكرة العيد.... طبعا ماتحنيت.... وديت روضه الصالون وحنيتها مع خواته والنشبه الحمدلله ماراحت ...ولا مره راحت معاي وع خواته اي مكان لاسوق ولا صالون (ناصر مانعني من اي روحه معاها وشكلها تدري لانها تتجنب تروح مشوار انا فيه... وفيه شي كنت ابي اقوله لكم بس اخاف من غيبتها لانه حرام مع ان اللي بقوله عنها حقيقه صاير مع ناصر بس مالي شغل بها ......ومن هالسبب ناصر مايحب اني اروح معاها ولا حتى اجتمع معاها بالبيت هي اصلا تتجنبني لو ناصر بالبيت.....) المهم ربي فوقها وفوق كل حقير وظالم....
ححنيت رواضي وردجعنا البيت.... ليلة العيد.... ارسل لي مسج يعايدني..... وليته ما ارسله بكيت لين وجعني راسي......وقلت فديته ع التعب اللي هم فيه مانساني..... حياتي وربي مابي ازعه ولا اشغله..(و ارسلت له حبيبي وانت بخير وعيدك مبارك.. وانتبه ل عمرك ولاتنشغل فيني عن اللي انت رايح له... و ارسل لي كبيره يا بعد روحي.... وبكيت وما رديت عليه.... )..
نمت الساعه 12 بالليل وقعدت الصبح طبعا رواضي معاي وقعدت الصبح وسبحتها ولبستها لبسها (خواتها ماخذينه لها) وكنت ماخذه لها قبل لايروح ناصر سلسال ذهب وحلق سوارتين وبروش ...ولبستها الطقم كنت ماخذته للعيد لها وما علمت اي احد.. لبستها اياه.. ونزلتها لعمتي ..لبست جلابيه للعيد وماتمكيجت بس اكتفيت ب كحل داخل عيني عشان عيد ربي ومالي نفس من قلللللللللب....
وقعدت معاهم لين الساعه تسع الصبح وعقب استاذنتهم ورحت بيت ابوي وعيدت عليهم وكانوا يشوفون حزني ع ناصر بعيونهم وهذا بعد غلط كبير ماله داعي بس هذي كلها دروس..... وكل طقه بتعليمه.. وعقب الغدى رحت بيت امي وقعدت عندها لين ف الليل... فديت روحها.... وعقب اتصلت لاخوه ياخذني ورحت بيتي والصبح كنت متفقه مع امي تجيني ونروح ناخذ لي اغراض لغرفتي ( ناصر ماعطاني مصروف في يدي...عطاني بطاقته باللي فيها وهو خذ معاه كاااش ...وقتها ماكنت اشتغل... وهالشي ما تغير علي حتى عقب ما اشتغلت....) رحت مع امي وخذت ملحفين للسري ومخدات جديده كبيره حجم عادي 4 وصغار خذت 2 و وحده طويله (ما احب المخدات اللي تملا السرير ومايبيّن شكل الملحف...) احط مخدات كثيره متى..؟ اذا كان الملحف عاااادي مافيه موديل ساده بيج او ابيض او بني ...المهم ساده..
وخذت شموع معطره للغرفه وغيرت اضاءة الابجورات اخذت اضاءة حمرا (طبعا الاضاءة الصفرا ما استغني عنها ابد)..وغيرت اتجاه الميس تواليت والسرير... وخذت شموع ومخدات لغرفة الجلوس... وخذت كولكشن كامل فوط بكل الاحجام مع ارواب حمام.. وخذت بيجامات لي و له وخذت فستان اسود استرتش علاااق ضيق لين الفوق الخصر وعقب واااااسع زم.... تحت الركبه... وخذت فلات اسود فيونكة وخذت انروير مع نايت دريس الفستان خذته عشان استقبله فيه... وتحنيت قبل لاييجي بيوم وقبل الحنا حفيت طبعا هو وصل رابع العيد ف الليل الساعه 12 ...قبل لا يجي رحت الصالون مع امي وسويت شعري بس.. الميك اب بروحي سويته حطيت بيبي بينك فاتح وكحل فوق عيني فرنسي ومسكرا وروج وردي وبلاش خفيف وردي والاندر وير لبسته وردي ( حلوة الحركة انج تلبسن بودي او فستان حفر او علاق لونه اسود او كحلي او بني غامج وتلبسين تحته اندروير فلاش اصفر او اورانج او سماوي او وردي.... روووعه تعجبني الحركة كيوووت ...) شعري مرفوع بطريقة الشنيون النازل تحت ( ما احب التساريح اللي فوق قمة الراااس اكرهها وعمري ما شفتها ع حد وعجبتني لانها تبشع البنت) ناااازل كأنه ع رقبتي.. من ورى... ولبست حلق كريستال شوارفيسكي..صغير وخلخال ذهب ابيض وخاتم ناعم وبس... مع الفلات فيونكه ساتان اسود.. وكنت مجهزة له سندويشات لبنة بزعتر وجبن مع خيار.. وعصير فرش كوكتيل.. وماي وسلة فواكه والشموع مولعتها ومعطرة الغرفة ومبخرتها بعود بالعنبر... و وصل ناصر طق الباب وانا ارجف من الفرحه وفتحت له الباب ومن كان معاه !!!! سمــــّوي.... تقول وااااو هنــّود يادبه روعه ماشاء الله وانا ورى الباب مابيها تشوف لبسي استحي ( عمري مالبست قصير قدامها ولا قدام اي حد من هله..)

بنات الوقت خذاني معاكم ماحسيت بعمري.......

الاحد ع خير موعدنا......

دعواتي للجميع في عصر الجمعه....أحبكم من كل قلبي...

اي كنت اسمع هالرابط بصوت الشيخ ادريس ابكر وصف الجنه روعه.... ربي يرزقنا الجنه عقب عمر طويل ..
http://www.youtube.com/watch?v=oe37UK36IUY
تحياتي..​
 
اوراق حياتي فديت روحج....

رووزي حياتي منورة.... الويكند اكثر شي مع الشيبان :) ( مالي غيرهم ) نروح الاستراحه او ف البيت او نروح البحر.....
الاحد بقولكم تفاصيل الويكند اللي اسويه لعمري حتى لو كنت برى البيت....

توتو منورة ربي يرضى عليج ...

بنت العطاوي.... منورة فديت عمرج...

مهرة مالها خيال هلا وغلا مليووون ...

فوفونان.. حياتي لج كم يوم مالج حس:( ش اخبارج....

اخليكم واشوفكم الاحد...​
 
والله ياانا انتظر احر من الجمر ترجعين لناصر ​

ودي اسألك سؤال اسمك وناصر حقيقي اولقب ​

ياليت تجاوبيني ​
 
هلااااااااااااااا هنودة شخبارك ؟؟..قطعتي قلبي من جد بهالكلام وانا اقرأ اقول يارب الوعد قرييييييب^^
والله انا بخير بس داومت بالجامعه وانشغلت مررره مع الجامعه والسوق ومواعيد الاسنان يلا افضى ابغى انام ..متابعتك بالليل لو مالحقت من جد لكم وحشه القعده معاكم الصبح ماتنمل
ان شاء الله اكون معاكم الايام الجاية الصبح بوقت البريك لان الايام اللي فاتت كنت اكمل اجراءات التسجيل وكذا^^في امان الله
​
 
اللهم في هذا اليوم المبارك ياحي ياقيوم ياذا الجلال والإكرام

أجمع هذا الحبيبة بمن تحب

عاجلاً غير آجل يارب فرجك الساعة الساعة

يارب الليلة الليلة يسر لها أمرها

يارب إنك على كل شئ قدير

وصلى الله على محمد وعلى آله وصحبه وسلم
 
http://www.safeshare.tv/w/cPuVLeDwsm


اللهم ارزق اخيتي التوفيق واكتب لها الحياه السعيده
كسبتي قلوب لاتعرفيها تدعولك بظهر الغيب
لها تفسير واحد هي المحبه في الله
برغم انا فتحنا جروح لها أربع سنوات
والله ماتوقعت هذه المده الطويله!
لكن صبرا جميلا والله المستعان

​
 
هلا هنوووووده توحشيني والله وماتاخر عليكالا من تعب ادعيلي كل يوم وانا بحااال الصداع ذابحني

وانتي ربي يرجع لك كل ايامك الحلوووووه وزياده مع ناصر ويرزقك بالاطفال اللي يملون حياتتكم سعاااده
 
معلمة متألمه
الله يبعد عنك الالآم والمتاعب
حبيبتي انا متابعه لك
ومتفاعله مع كلامك جدااااااااااا
مع انك يمكن تكوني مثل عياالي
بس استفدت من كلامك كثير
وادعوا لك بظهر الغيب
سبحان الله ماهذا الحب لك في القلوب
اسأل الله ان يكون بسبب حب الله لك
فأحبب فيك خلقه
غاليـــــــــــــــــــــــــــــــتي
انا صراحه مستغربه منك
اربع سنووات منفصلين
وكل منكم يحمل للاخر من الحب
ماالله به عليم
كان من المفترض ان يعرف ناااصر
ان قلبك لازااال متعلق به
وكل مابعد عنك زاد تعلقك به
هنووودة الانسان كم بيعيش بهالدنيااا
كا ن لازم تبااادرين
ويعرف ناصر قدر مايحمله قلبك الصغير من حبه
وين اهل الخير وين اهل الصلاح
ليه مااحد يسعى بالخير بينكم
كان لازم ترسلين من تثقين فيه
او بنفسك توصلين له مشااعرك
مدري شقوول بس انتي ادرى
بظروفك وظروفه
بس اللي ابغى اوصله لك
انك ماتوقفين مكتوفة الايدي
باادري حتى لو عن طريق اخته
وماهو جرم ولا عيب
هذا كان زوجك وهو حبيبك
وفراقكم عن بعض غصبا عنكم
اسأل الله ان يجمع بينكم عااجلا غير آجل
وان يسعدك سعاده ابديه لاتشقي بهاا ابدا
وان يعوض صبرك خير



 

دام انفصال رسمي ولا يهمك
شي ربك تدبيره احسن تدبير
ربي يكتب لك الخير

ان كان مع ناصر او غيره
الي خلق ناصر خلق غيره ملايين
ربي يعوض صبرك خير
عاجل غير آجل

هذا ابتلاء والحمد لله جا كذا ما جا في صحتك او دينك

اسالي الله الخير وحده الي يعلم وين الخير
يا ما كان الحبيب بالامس صار عدو
وياما عدو صار حبيب
سبحان مغير الاحوال
الرضا بما قسم الله يعتبر من النعم العظيمه مو عند اي احد
والدعاء سلاح جبار
قولي باستمرار
اللهم اني ابرأ اليك من حولي وقوتي ولجأت لحولك وقوتك
راح تشوفين عجائب قدرته
​



​
 
هنديالغاليه
ربي كريم بنا ومثل مارجع لك ناصر ببداية حياتكم عقب مااتفقتو على الانفصال
قادر يرجعه لك الان بعد ما انقطع كل شي بينك وبينه

ربــــــــــــمايتــــــــبدل كـــــــل شــــــــيء في ثــــــــــــانيـــــــــه ليـــــس لشــــــــــيء فقــــــــــط لانن الله يــــــــــريد ثــــــــم نكــــــــــــتشف ان مـــــــــــاتــــــــــبدلت الــــــيه هو خيــــــــرا لنـــــــــــا
 
أم أنس. اسعدك مولاك.
أسعدتني مأخطته أناملك وماقدرت أصبر لين الأحد

اللهم أسعدها أكثر مما أسعدتني. و أضحكها بقدر ما أدخلت السرور ف قلبي

ربي. يتقبل دعواتج يارب ويتقبل دعواتي للجميع

حسبنا الله سيؤتينا الله من فصله انإ. الى الله راغبون
اشوفكم غ خير

معلمة
 
الحالة
مغلق و غير مفتوح للمزيد من الردود.
عودة
أعلى أسفل