صفحات لـم تـقـرأ بـعـد...>>معلمة متألـمـة...

[ضحية زمن]

كل عاااام وانتي بالف خير

كل عااااام وانتي وانا والجميع الى الله اقرب

وحشتينا حيييل وبانتظاااااارك​

 

[مرافئ النجاح]

اهلين ومرحبتين بالحلوين 00ربي يحفظك يا هنوده ويارب تبشرينا باخبارك الحلوه الله يوفقك ويسر امرك 00

يارب فرج همومنا واشرح صدورنا واهدنا لما تحب وترضى 00

 

[- سعودية وآفتخر]

متابعه باذن الله

تابعي

 

[&الماس&]

اشتقنا لك هنووده ومانسيتك من دعائي حتى وانا اعتمر بالحرم اخر اسبوع من شعبان الله يقبل.

 

[بنت مكه 1100]

هنوووووووووووده دخيلتك قولي وش صار معاااك اليوم مع الناس اللي من طرف ناااصر واخباره باقي تعباانه ربي يجمعكم على خير


وفرحت كثير بوعدك لان الدعااااء بظهر الغيب ان شاء الله مستجاااب

 

[نغمات النجاح]

حياك الله بالمدونة الجديدة
فرج الله كربك
ويسر امرك
واصلح حالك
وبارك لك

 

[um hazzaa]

صباح الخير على الحلوين
هنوده شخبارج حبيبتي
وينج طمنينا شو صار معج
ناطرينج على احر من الجمر
الله يوفقج دنيا واخره ياااااااااااااارب
لا تتاخرين علينا فديتج

 

[معلمة متألمة]

صبـــاحـكم.... عســـــــــل يارب....

اكتب لكم وانا اسمع دعاء للشيخ ادريس ابكر... اموت عليه ...

هاكم الرابط:
http://www.youtube.com/watch?v=HgROb5HOlg4

..

برجع ارد عليكم... بس بعد اللي بكتبه لكم الحين....

انتظروني....​

 

[معلمة متألمة]

امس بالدوام... نادوني وقالوا لي تعالي فيه حرمه تبيج.. انا انصدمت لأن الطلب غريب .. انا معلّمة وتونا بثاني يوم دوام للطالبات لأن مايمدينا عطيناهم دروس عشان اقول الامهات يمديهم يجون المدرسه ويطلبوننا.. وقلت لهم من يبيني!! قالوا ما نعرف حرمه تقول نادو لي هند..!! قلت اوكي..
كنت حاطه ميك اب خفيف تحت العين (الشدو تحت العين كحلي وكحل قلم داخل عيني وشوي برى تحت العين ودمجته بالفرشاة مع الشدو الكحلي.. وقدام عند مدمع العين حطيت بيج ع لؤلؤي خفيف اضاااءه وماخليته مبيّن بعد مسحته بالفرشاااه خفيف ..وغلووووس وردي ومسكرة ديووور ووتربروووف رووعه) وكنت لابسة تنورة بيج وبلوزة سماوي لونها وصندل غوتشي وحلق صغير ذهبي وسوارة ذهب ناعمه..وشعري مرفوع بكليب ونازل منه خصل خفيفه كأنه مبهدل طبيعي بس مرتب ممم انا احب ارفعه بهالطريقه حتى بالبيت (شعري ناعم وهالشي واجد مساعدني الحمدلله..مع اني افكر اسوي شعري كيرلي سنه كامله وامي تقول لي لا لاتلعبين فيه ..اشوف ربعي بالدوام بعضهم شعورهم كيرلي من الله ماشاء الله تبارك الله روعه وشعري بالموت لو ابي اسويه كيرلي..)المهم .. دخلت المكتب عدلت الميك اب لان هالكلام كان الساعه 10 تقريبا.. وتعطرت شانيل 5 ونزلت..)
اول ماوصلت تحت وشفت من موجود ملامح وجهي اختفت وصار وجهي من دون اي معالم.....
من تتوقعـــــون...!!!​

آآآآآآه يابنات والله ان شريط حياتي مع ناصر اشوفه قدامي وإنقطعت عن العالم اللي كنت موجوده فيه وما اذكر انا وقتها بأي حزه..​

طلعت الحرمة الي طالبتني بالإسم هي:​

النــــشـــبـــة!!!!​

شفتها واحمد ربي مادمعت عيني... بنات انمتو تقولون اني قويه وانا احس اني من داخل هشيمة مثل بيت العنكبوت...والله ان العبرة طلعت ب حلقي وربي ستر..... وجيت واول ماشفتهم مشيت أبطأ و قالت تعالي انا فلانه!!! وقلت بخاطري لا هلا و لا مرحبا خير ش لج عندي...!! وقلت لها هلا والله ومعاها اخت ناصر سمــــّوي.... طبعا سموّي تكلمت قبلها وقالت هند انا سمــّوي وابتسمت لها وجات ولمـّتني ولميتها وانا انتفض.. والله (شفتوا السعفلما ينفضه الهوى بالشتا شلون؟؟ بالضبط نفسي امس واحاول اني اركد ما ابي النفضه تبيّن بس ما ادري اذا لاحظوا او لا...
المهم النشبه تقول لي بليز هند ابيج تسجلين بناتي... قلت لها فلانه انتي تعرفين انا مدرسة مب نائبة ولا مسؤولة شؤون الطلاب!! اقول لها ووجهي مافيه اي شي لا زعل و لا ابتساامه ..( كرهها بقلبي يتجدد وهي تكلمني واتخيل كل مواقفها معاي.... آآآآآآه ... يا بنات غير اشياء لين قبل سبوعين تسويها وتوصلني من مصدر موثوق ... ( مكلمه ناصر تبي تزوجه وحده من اهلها.... وناصر قال لها ما بي اتزوج... انتي شفتي هلي خطبوا لي ورفضت والكل يدري........ اني مابي غير زوجتي.... انطمت وما ادري وش ناوية عليه...​

وسمــّوي تقول لي هند ماشاء الله تبارك الله محلــوّة... وانا ابتسمت قلت لها عيونج الحلوة فديتج... المهم قلت للنشبه ما عندي اي شي اقدر اسويه ما عندي اي صلاحيه .... قالت اعرف بس انتي عللاقتج بالادراة اوكي ويحبونج بليز كلميهم.... قلت لها ما اقدر ومب من اختصاصي الاسشياء الاداريه.... وانا مضطرة امشي ..... وسمــّوي مكلمتني بشي تبيني اساعدها فيه وقتل لها من عيوني لو قدرت .. وعقب استأذنت سمّوي مع النشبه ورجعت لمــّتني سمــّوي مرة ثانيه وتقول محـــلـوّة يا هند ... تبين شي قلت لها سلامتج سلمي ع الوالده والوالد والبنات و .....!!! ههههههه لا امزح ما كلمت بس البنات..... وعينها بعيني... وانا قلبي حالته حاله!!!!!​

هذا اللي صار امس ش رايكم!!! ولين اليوم ماترقعّت.... جيّتهم لخبطتني كثيــــــــــر شوي فرح وضيقه مالها حد!!!! شوفة النشبة ضايقتني غير اللي اسمعه عنها ......​

 

[شامخة بذاتي]

ننتظرك.................

 

[شامخة بذاتي]

حلو موقفك من النشبه تستاهل اكثر

الله يشغلها بنفسها وماعاد تذكر احد

وانتي الله يردك لناصر ويشفيكم يارب

ماقلتي لنا هل ناصر مازال يتعالج من السحر
وانتي هل استمريتي على الرقيه

 

[رضا ربي غايتي]

اهلين هنوده والله لك فقده الله ييسر لك كل امر عيسر وجعل من ارادك بسوء الله يشغله في نفسه

 

[معلمة متألمة]

شموخــة..
انا مستمره حاليا ع الزيت والمااااي والرقيه للحين!! بس الحمدلله مرتاحه ع الزيت والمااي صح تعبت منهم شوي.... طلعت بيديني حساسيه و الفخووذ حساسيه تحرق و تحك.... والحين شوي خفت.... يمكن من الماي و الزيت.. ما ادري... و صداااااع يجيني.... واحيانا ضيق بالنفس مو دوم.... والحين الحمدلله....

​

 

[شامخة بذاتي]

هو لازم تتعبي في البدايه ومع الاستمرار بإذن الله واليقين بان الله هو الشافي
والتوكل على الله حق التوكل
والمحافظه على الصلاة والصدقه

ستشفين بإذن الله

وتذكري ان نبينا عليه الصلاة والسلام وهو خيرمننا سحر

 

[شهد البحراني]

عساها فاتحه خير يارب ما تدرين ياهند يمكن سموي ترجع البيت وتخبر ناصر باللي شافته وتقول ترا فلانه محلوه ومن هالقبيل ويزيد شوقه ولهفته لج وتمسكه فيج يالله يارب عسئ ينصلح الحال وتردون لبعض

 

[um hazzaa]

والله اول ما قريت النشبه عبالي يايه تعتذر لج باللي صار وفرحت
ما دريت انها يايه محتاجتلج
زين سويتي يوم انج رديتيها تستاهل
بعد لها عين ما تستحي

الله يوفقجك حبيبتي ويرد لج ناصر عاجلا غير اجل يااااااااااااااااارب

 

[ذهب مع الريح]

هلا بالغاليه
فعلا صرتي غاليه تعودنا عليك رجعت لبلقيس على قصتك وتفاعلت معك وحبيتك ولما انقطعتي حاولت استمر بس ما قدرت ادخل بلقيس واطلع بسرعه

انا حاليا بالاردن وفجاه تذكرت انك بترجعين بعد العيد
وجيت ركض لقيت المنتدى منور بوجودك

يااااااااااااااارب يرفع عنك ما نزل بقدرته اللهم امين وعليك بسورة البقره والصوم والصلاه

تعرفين يا هند انا تغيرت في امور كثيره بعد ما قريت قصتك واستفدت وشلتها جميل منك وصار لازم ارد لك الجميل بدعائي لك وفرحي لفرحك

رددي باستمرار اللهم اكفنيهم بما شئت وكيفما شئت انك على كل شئ قدير

 

[123@123]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[123@123]

كان الله في عونك

 

[بنت العطاوي]

صباح الخيريالغالييييه والله موقف ولااحلامع اسوم الاانشبه ماتستحي لهاوجه تطلب خدمات الله يشغلهابنفسهاويحفظك من شرها