صفحات لـم تـقـرأ بـعـد...>>معلمة متألـمـة...

الحالة
مغلق و غير مفتوح للمزيد من الردود.
حياك ربي ياهند وكل عام وأنتي بخير وصحة وسلامة وسعادة ..

كنت أتمنى بشارة منك برجوعك لزوجك ..الله يكتب لك الخير في جميع أمورك ..آمين ..سلامنا للوالدة الغالية ومن تحبين ..
 
هلا فيك ياهنوده الغاليه كل عام وانتي بخير والجميع ان شاءالله

ننتظر يومياتك وسامحيني على القصور قطعت بسبب الاجازه وبعده حمل ووحم ادعي لي ربي يتمم لي على خير

احنااا معكم ان شاء الله
 




يا أجمل تباشير الصباح .. وشروقه ~

يسعد صباح إشراقتك
 [ في حياة أحبتي ]

مبروك أفتتاح يومياتك ومرحبآ بك من جديد..
منتظرين جديدك يالغلا..
​
 
صباااااااااااااااح الخييييييير هنووووودتي
اشتقتلك موووووووووووت
وكل عااااااااام وانت بخييييير انشالله عليك وعلى الوالدة
 
ضع الكأس وارتح قليلاً ..!!

في يوم من الأيام كان محاضر يلقي محاضرة عن التحكم بضغوط وأعباء الحياة لطلابه
فرفع كأساً من الماء وسأل المستمعين :
ما هو في اعتقادكم وزن هذا الكأس من الماء ؟
وتراوحت الإجابات بين 50 جم إلى 500 جم
فأجاب المحاضر :
لا يهم الوزن المطلق لهذا الكأس ,,,
فالوزن هنا يعتمد على المدة التي أظل ممسكاً فيها هذا الكأس
فلو رفعته لمدة دقيقة لن يحدث شيء
ولو حملته لمدة ساعة فسأشعر بألم في يدي
ولكن لو حملته لمدة يوم فستستدعون سيارة إسعاف ..
الكأس له نفس الوزن تماماً، ولكن كلما طالت مدة حملي له كلما زاد وزنه …
فلو حملنا مشاكلنا وأعباء حياتنا في جميع الأوقات
فسيأتي الوقت الذي لن نستطيع فيه المواصلة ..
فالأعباء سيتزايد ثقلها …
فما يجب علينا فعله هو أن نضع الكأس ونرتاح قليلا قبل أن نرفعه مرة أخرى …
فيجب علينا أن نضع أعباءنا بين الحين والآخر
لنتمكن من إعادة النشاط ومواصلة حملها مرة أخرى …
فعندما تعود من العمل يجب أن تضع أعباء ومشاكل العمل ولا تأخذها معك إلى البيت
لأنها ستكون بانتظارك غداً وتستطيع حملها …
​
 
هلا هلا هلا والله هلا بهند نور المنتدئ والله
وربي لج وحشه كنتي تجمعينا ومن غبتي عني ما عاد تجمعنا بس بإذن الله راح نتجمع من جديد وعسئ ربي يجمعج مع من تحبين
وابشرج بحمد من الله وتوفيقه ولدت بتاريخ 25 رمضان وولادتي كانت قيصريه وبنتي طلعت نتفه وزنها 2,100 غرام بس الحمدلله صحتها زينه وفحوصاتها تطمن وعسئ ربي يفرحنا بيك ياهند.
 
صباحكـــــــــــــم ورد جـــــــــــــوري....

حبايبي اسفه تأخرت عليكم اليوم.... لانه والله من الصبح شغل.... وبعد للحين ماتوفرت لنا لابتوبات ع الاسبوع الجااااي..... وهاللابتوب مب لي :( يعني مو طول اليوم عندي....

ولو وفروا لنا بعد ماراح اقدر اقعد طول اليوم واخلي شغلي وبناتي >_< بس كل يوم بطل عليكم :)

آآآآآآه يا بنات لو كل شي ينقاااااااال كان قلت لكم ش صااااار معاي اليووووووم .... ما اقدر اقولكم اياه اليووووم بس شي غريـــــــــــــب و مع ناس من طرف ناصـــــــــر ..... اكتب لكم وانا ارجف..... ترى!!!


مممم ما علينا......

وحشتوني..... مووووت....

يابعد عمري وربي وحشتكم عذاااااب وشوفكم دوووواي من كل علــــّه....

قلت بفتح يوميات عشان اكتب اي شي صار لي زين والا غيره عشان نستفيد من بعض...

ربي يسعدكم يااارب

برد عليكم انتظروني >_<​
 
مرحباااااااااااااا بالجميع
نورتي اليوميات هنوده
بانتظارك بكل شوووووق
 
اهلين خوفتيني عليك عساه شي زين يارب يارب بشوق الى يومياتك يالغالييييه
 
امنيتي ضمة طفل..
والله وحشتكم اكبر.... فديتج على الكلام اللي يثلج صدري.... ربي يتقبل منا ومنج يابعدي...
ماراح انقطع منكم بإذن الواحد الاحد....

ضياء المساء
النور نووورج فديتج..
كلنا بخير ولله الحمد...

ام قيس
النووور نوووورج ياغاليه

يارب نور قلبي
تسلمين فديتج.... وأجمعين ان شاء الله

اشتاق لك..
تسلمين ... ياغاليه..
ان شاء الله افيد واستفيد..
ترى والله حتى تجارب البنات وصبر البعض اشوف سلوتي فيه واستمد باقي صبري اللي بدى يخلص منه...

لك غلا محد وصل له
هلا فيج حبيبتي..
تسلمين ع الترحيب... وان شاء الله اكون عند حسن ظنكم..

مجنونة ميدو
فديتج تسلمين وإنتي بخير يارب وصحة وسلامة..
كلنا بخير..... ولله الحمد


ملاك الصغيرة
هلافيج بعد عمري عمرج
تشرفين بلد وربي....

ملكه قلبه
فديت روحج....وربي شوقي لكم اكبر..
مب بس تجاربي لكم انا بكبري لكم ش تبون بعد.. >_~
وربي يشرفني افيدكم وهذا هدفي الوحيد.. لمشاركتي معاكم لاني متأكده ان مواقفي مرت بكثير منكم وكل وحده منا باختللاف نمطها وشخصيتها وبيئتها اللي عاشت فيها والزوج الي ارتبطت او ع وشك الارتباط به غيـــــــــــــــــــر كل وحده غير عن الثانيه ف حلو نتبادل خبرات ومشاكل وهفوات وعثرات بعضنا...
لان الشقي هو من يتعظ به الناااااااس والذكي من يتعظ منهم....
اللهم لاتجعل بيننا ولا فينا ولا معنا شقيا ولا محروووما ولا مهموووما ولا مكروووب آمين...

اوراق الخريف
هلافيج زوووود ياغاليه..
ماصار جديد على حطة يدكم... دعواتكم بتفريج همي وتيسير أمري..


رواق الخريف فديت عمرج....
نورتيني... كلنا بخير ولله الحمد... وموضوعي مافيه جديد... بس دعواتكم....... العدوااااان مازالوا حاطين اللي وراهم ودونهم عشان ما نرد لبعض..... الله يكفينهم بمااا شااااااء وكيفما شاااء رب العزة والجلال...
وانا مقتنعه ان ربي كاتب لي الخيــــــر ونصيبي بيجيني لين عندي...... وهالشي اللي مريحني كل ماسمعت شي يضايقني..... يقيني بالله حديد وهالشي الوحيد اللي مقويني ومطول بالي
بنات وربي وربي الانسااان من دون يقين بالله وحسن ظن فيه جل وعلا قسم بالله مايعيش واقل كلمة تنهيه واقل مشكله تدمر حياته ... ربي كبيـــــــــــــــر ورحمته وسعت كل شي... وربي انها وسعت الكفاااار العادلين فكيف بنا نحن أمة حبيبه محمد صلى الله عليه وسلم.... ارقوا سنووود وفلووووّها ....
واي وحده بنصحها بقوولها تلتزم قرب ربي وتقوي يقينها فيه وبس... هالشي من دونه مستحيل نعيش..

بنت مكة.... مافيه قصووووور فديتج....
معذوورة وربي يقومج بالسلامة... يارب ويرزقج الذرية السليمه الباااره وطمنينا عليج :)
وعد بدعي لج بظهر الغيب...وحيااااج معانا انتي راعية محل .. وتنورين فديتج..

منى 25 .. تسلمين غناتي ع الوردة.. :)
وعلى الحروف الحلوة اللي صفيتيها لي :)
ربي يصف لج الخير وين مارحتي يااااااارب.... ويكفيج اي هم

تنهدات انثى..
حياتي انتي وربي انا اكثر......
وانتي بخير حياتي ربي يسعدج يارب... تسلمين..

شامخة بذاتي
نورتي مدونتي المتواضعة..
حروووف تكتب بماء الذهب غاليتي... اقف احترام لكل حرف خطته اناملك الماسيه..
وننتظر الاجمل دائما غاليتي....

بنت العطاوي
منورة فديت روحج....
ما فيه الا الخير... بس ضغط شغل تعرفين...
ماراح انقطع عنكم ان شاء الله... فديتج ع الدعوه ربي يسعدج سعاده لايتلوها شقاااء يارب..

شهووودة الف الحمدلله على السلامة وألف مليون مبرووووك ع البنوته الله يرزقج انتي وابوها برها والله ينبتها نبات حسن يارب......عادي امي جايبه واحد من خواني قيصري ووزنه خفيف كللللش والحين ما شاء الله عليه ربي يحفظه لنا يارب... ماعليه شر.... بس رضعيها طبيعي وقدامها العافيه ...
وربي وحشتيني انتي وكوتوموتو مادري وينها افكر فيها :( ولها وحشة ان شاء الله اشوفها قريب.....

فيـــــــــــس متشقق من الوناااسه ويحك خشمه من الريحه اللي شمها...
واااااو ريحه شي حلوووو...
فانيليا...
رشرووشتي هذي انتي!!!
حياتي وحشتيني..... منورة ياغاليه..... حياج الله

ربي يسعدكم ياااارب ولايحرمني منكــــــــــــــم....​
 
نورتينا يالغاليه والله انتي على باالي اتمنى الاجازه تخلص علشان نجتمع الله يجمعنا على طااعته بالايمان يااارب والفردوس اااامين​
 
هلا وغلا ومراحب بالغالية

وحشتيني وربي العالم

منـــــورة يا قلبي

متــابعة لك إن شاء الله =)​
 
مرااااااااااااحب وحشتيني هنوده مرررره
فديتك
وش صار اليوم
وش صار معاك في الاجازه بشري في شي جديد
 
حسن الظن بالله والصبر
من اجمل مايكون في حياة المؤمن
وكل واحد بها الدنيا ماراح يأخذ الا نصيبه
والي مقدر له
هنوده ربي يختار لك كل شئ فيه خير
ويصرف عنك كل شر
استمري بدعاء اللهم من اراد بي كيدآ فرد كيده في نحره
واجعل تدبيره تدميرآ عليه
اللهم فاشغله بنفسه

وربي يصرف عنك كيد الكايدين

ننتظرمواقفك وتعملك الطيب معا من حولك
.............................
.......................
............
​
 
الله يجمعنا على خير ويكون تجمعنا في سبيل مرضاه ربنا وافاده غيرنا

والله انا معرفتي لك شرف لي يامعلمه وماتصدقين وش كثر احبك واعزك واتمنى لك الخير والسعاده والتوفيق

الله يجمعك بمن تحبين عاجلا غير اجل
 
يسعد مساك هنوده...نورتي المنتدى يالغاليه...

ربي يثبتك...ع القول الثابت ويزيدك صبر ويقين...ويجمع شملك عاجلا" غير اجل...​
 
وشلونكم وشهي اخباركم ياعساكم طيبين انا اول مره ادخل دفتر اليوميات من يوم دخلت المنتدى ودي اقربدفتر اليوميات بس مااعرف واليوم ولله الحمد دخلت وكل عام وانتم بخير
 
الحالة
مغلق و غير مفتوح للمزيد من الردود.
عودة
أعلى أسفل