صفحات لـم تـقـرأ بـعـد...>>معلمة متألـمـة...

الحالة
مغلق و غير مفتوح للمزيد من الردود.
متابعين يا الغالية
متشوقين نعرف البقية-----> لقافة طال عمرك
 
وجهزت العشا وطلعت اخذ شاور... من ريحة الطبخ.. واول ماطلعت من الحمام تكرمون الا تلفوني يرن وطرت بروبي والا ناصر اللي متصل وبكيت قبل لا ارفع السماعه وقلت الو.... قال السلام عليكم... قلت عليكم السلام.... قال للحين تبكين ياهند قلت له لا من قال لك... صوتي من الصبح ماتغير.... وقال لي ما اقدر اتصل لج الا لما اخلص المناسك بس برسل لج مسجات اطمنج علي... تبين شي فديتج!! قلت له سلامتك ورضاك... قال انتبهي ع عمرج واي شي يضايقج طرشي لي مسج.. ( وربي لو يصير وشو ما دزيت له مسج وضايقته وعشان ما اشغله عن فريضته) وقلت له طيب حبيبي.... قال انتبهي ع عمرج... قلت له ان شاء الله... وسكر الخط وتبخرت ونزلت لعمتي والبنات... وحطوا العشا وتعشينا...

تآآآآآيم آآآآوت
صبايا
اشوفكم ع خير تومورو​
 
يومياتك حلوة يامعلمة شدتني كثير وحاسة اني اتعلم منك اشياء كثيرة الله يجزاك خير ويردك لزوجك في القريب العاجل
 
والله نفس الاحساس لما زوجي راح للحج

الله يردكم لبعض عاجلا غير اجل

بس تكفين هنوده لاتنسين الرقيه وسورة البقره

وياارب ييسر لك امورك ويسهلها عليك

وادعولي احج السنه الجايه بإذن الله لان الحين ما اقدر
 
سواليفك حلوووووه ماشاءالله ومستانسين فيها وان شاءالله ترجع ايامك الحلوووووه
 
الله ياهنود يرجع اقراء ملفاتك كلهاااااااااااااا للافاده جزيتي خيرا
ووووجمعك الله بنصورك
 
الله ينصرك ويردك لزوجك وتسعدين معه وبه ويرزقك ربي الذرية الصالحة

اللهم آمين ..
 
ربي يعطيك على قد نيتك يالغاليه...كلماتك دورر..​

ألهي أجمعهاااااااااا بمن تحب و أنت راضيا" عتهااااااا...​
 
هنودة .. يارب توفقك (( وربي دايم ادعيلك وحتئ بالعشر الاواخر من الرمضان كنت ادعيلك )))
 
صباح الخيرات يا حلوين
صباح الورد معلمتنا
 
صابحكــــــــــــــم:

Strawberry%20Cheesecake%20Bites.jpg


شلونكم....

ان شاء الله بخيــــــر..

فديت حروفكم اللي تبرد نااااار صدري...
وربي اني ادعي لكم دوم ب خاطري واقول ياربي تسعدهم وتجمعني فيهم ف الفردوس الاعلى يااااارب ونجلس نتذكر ايامنا ف الدنيا ...... قولوا آمين...

بنات البارحه كنت اقرى كتاب قصة الخلق روعه: وقريت شي أبكاني وربي جسمي يوم قريته يرررررجف..
تدرون لما نقول استغفر الله والحمدلله و لا اله الا الله ( يعني لما نذكر ربي وندعيه بالمغفرة ونستغفره) تدرون من اللي يستغفر لنا عند ربنا كل يوم لنا نطلب منه المغفرة!!
هالمعلومه البارحه بس عرفتها... يمكن انتو تعرفونها ما ادري بس انا البارحه عرفتها وبكتني... تدرون من اللي يستغفر لنا..... لما نصلي او نستغفر ربي!!!
آآآآآآه يا بنات ما أرحم ربنا بنا.....
اللي يستغفر لنا عند ربي ويطلب ربنا لنا بالمغفرة.....هم :

حمــلــة العـــرش ...
بنات وربي الرجفه من الدهشه قامت تنفضني.... نسي اجيب الكتاب معاي.... كنت ابي اجيبه واحط لكم دعواتهم لنا.... بالقرآن بس ما اذكرها .. بكرة من الصبح بحطها لكم....
وربي وربي وربي لن نخذل وه وربنا ولن نفتقر وهو حسبنا...

ارجع لبارتي:
ونزلت وتعشيت مع امه وخواته وانا مالي نفس ومو حابه ابيــّن لهم من كثر حزني مالي نفس آكل... مو حلو كل شي يشوفونه او يحسون فيه الناس حتى لو كانوا هلج او هله وهذي نصيحة تنكتب بماااي الذهب نصحتني فيها امي فديتها وما طعتها للأسف وشوفوا بعيونكم ش صار لي(لأني بينت حبي له وحبه لي وشو يسوي لي و وشو يهديني حق يا بلفيت اقرب ثنتين يعني بس ثنتين.. غير النشبه صح ماكنت اسولف لها ش كان يسوي لي بس كانت تشوف بعينها بما اني معاهم ب نفس البيت وهذي احدى سلبيات السكن مع اهل الزوج..)...!!.... يعني ع بلاطه خلي حبج بينكم انتي وإياه و لاتبينه الا لحد يحبج امج مثلا اختج.... يعني يكون الحال قدام الناس طبيعي مب مبالغ فيه لاتفهموني غلط يعني قصدي بعد بالمقابل الناس لازم يشوفون ان زوجج محترمج و مو مقصر معاج وحاطج ع راسه... هذي المعامله اللي لازم تتعامل فيها الزوجه من قبل زوجها بجميع الاحوال حتى لو انه ما يحبها .. هذا الحق... وهذا اللي لازم يصير... لان فيه ازواج الله المستعان ربي يسخرهم لزوجاتهم تسخير العبيد ياااارب معاملتهم مع حريمهم ما يرضاها اي شخص لعدوه..
والرسول صلى الله عليه وسلم ماقال حديثه عن حسن الخلق من عبث...... لأنه مو كل واحد يقدر يوصل لمرتبة الانبياء بحسن خلقه..اللهم ارزقنا مرتبة الانبياء بحسن خُلُقـُنا آآآمين..
أسأل الله جل في علاه ان يحـسـّن أخلاقنا كما حســّن صورنا.... آمين..

ارجع لما قلت لكم نزلت اتعشى وانا مالي نفس بس مابي ابيـّن لهم من كثر حزني ما اق\ر ابلع لقمتي... بنات وربي وربي كانت اللقمة مثل المووووس ب حلقي وكل ما بلعت تخنقني عبرتي وتجيني الصيحه... دوم تجيني افكار شينه وهالشي فيني من زمان بس ماحسيت فيه الا مع 2 ناصر و أمي .. امي بعد لما كانت تسافر نفس الشعووور وكنت اكره الليل ما احبه من يجي المغرب تضربني ضيقة بصدري وابكي من شوقي لها وهي ما كانت تعرف هالشي الين اليوم.. لأني ما كنت اقوله لها... ( يعني اول مره بتعرف هالشي اليوم ) كانت تسافر وترجع والضيق مايفارق صدري ونفس الشي مع ناصر..
المهم تعشيت وكنت بطلع غرفتي قالت لي أم ناصر يمه هند خلج معانا شوي ريلج محد من غير شر.. الحين بيجيبون شاي اخضر بالنعناع قلت لها ان شاء الله.. وانتظرته وشربنا الشاي وقعدت معاهم شوي و استأذنت اروح غرفتي ورحت وصليت ودعيت ربي ودخلت فراشي ونمت... وقعدت الفجر وتوضيت وصليت وقلبي احسه بيموت من الحزن وانا اتعوذ من بليس وقريت اللي ربي كتب لي من القران وسويت لي كرك وجلست اقرى كتاب الإعجاز العلمي في القرآن الكريم ( الحيوان) لزغلول النجار .. روعه يابنات هالكتاب... جلست اقرى وعقب على الساعه 8 نزلت لأن امه تكون هالحزة قاعده ونزلت لها وتقهويت معاها وسويت فطور سويت مفروك المفروك عندنا بقطر وهو موجود بأغلب دول الخليج بس مسمياته تختلف من دولة لغيرها احنا ب قطر نسميه مفروك وبالشرقيه بعد اتوقع نفس المسمى لأن الشرقية أقرب مناطق المملكة ف الطبع والجو بعد واللكنة والاكل وكل شي...
طريقته :
طحين رقم 2 ( ويصير تستخدمين البر.. أحلى ب واجد) انا استخدمت البر..
وذرة ملح
وشوي زيت ذرة يعني مو اكثر من 3 ملاعق اكل
وتعجنينها ماتكون لينه بزياده يعني للقسى اقرب شوي لاتسووينها قاسيه وناشفه..اتمنمى عرفت اوصل لكم قصدى وتتركينها نص ساعه ترتاح
وعقب تكورينها كور وترشين على لوح الفرد طحين وتفردينها بس ما تخلينها مفروده حيل ولا متينه بزياده وسط ( دوم خير الامور الوسط)..
وعقب تحمرينها بزيت الذرة ( مو الثلاث ملاعق .. لا تحطين زيت الذريه بمقلاة القلي ويفضل مقلاه تستوعب حجم الخبز اللي فردتيه يعني ماتاخذين مقلاه صغيره والخبز يادوب يدخل..) وعقب ماتحمرينها تكونين مجهزة حبات تمر منزوعه النوى من 15 لين 20 حبه (حسب الرغبه انتي شلون حابه حلاوتها تكون ف تزيدين او تنقصين بكيفج)
تعرفون البروسيسر ( آلة التقطيع اللي داخلها شفرتين مممممم بشوف لها صورة عند الشيخ غوغل ثواني :) )
لقيتها :)
roboty-kuchenne-moulinex-ovatio-2-p8553.jpg


وعقب احط الخبز فيها عقب ما اقطعه بيدي انصاف او ارباع واضيف معاه التمر منزوع النوى فيه ناس يحطون معاه سمن ( الدهن الحيواني) بس ما استحدمه كللللش لانه مب زين مع الوقت وام ناصر فيها سكر وحتى حق الشيبان ما احطه لهم ابد مضر بالصحه حتى لنا..
تقول جدتي ليه تمنعونا منه من اول و احنا عليه .. صادقه من اول و من دهور وهم عليه بس اول غير والحين غير... اول محد يوقوم ويقعد الا هم ماعندهم خدم ويرعون الغنم والابل... يعني يحرقون اي شي ياكلونه ف اكيد مايضرهم..... عكسنا تماما...
المهم وعقب ماتفرمه الالة تحطينه بصحن وتقدمينه....

وسويته لعمتي وفطرت معاها وقعدت معاها شوي وقلت لها يمه بروح بيت هلي... قالت لي الي تشوفينه
دخلت عليهم وطلعت من عندهم ما منعتني من هلي الا ب فتره مامنعتني بس كانت تحرض ناصر علي ما يخليني عند هلي وكان هالشي يجرحني ويبكيني لاني عمري ماضايقتها ف كنت اتضايق واستغرب واقول ليه عمتي قست علي وهي عمرها ماجاها شي يضرها مني... ما كنت اعرف ان النشبه ناشبه لي وملخبطه علي اشياء واجد ومغيره علي ناس واجد و انا خبر خير...
انا يا بنات والعياذ بالله من كلمة انا ما اصدق اي كلام اسمعه وامي عارفه هالشي فيني تدرون ليه!! لاني عشت هالشي بنفسي... يعني النشبه والثنتين اللي خانوني.... كانوا يتكلمون فيني ب ظهري عند الناس والناس يصدقونهم واللي يقهرني ويحزنني اقول الناس ليه يصدقون شي ماشافوه ولا سمعووووه والله انه حرااااام..
سقراط كان يوصي احد طلابه انه مايصدق اي شي يسمعه ما اذكره حرفيها بس كان قول له لو حد جا ونقل لك كلام اسال نفسك 3 اساله واحد منها هل انت متأكد من صحة هالكلام... يجاوب الطالب طبعا لا؟؟ السؤالين الباقي ما اذكرهم بحاول اشوفهم لكم.... بس بالاخير سقراط اللي مب ملة ابينا ابراهيم عليه وسلم ولا من امة محمد صلى الله عليه وسلم يوصي احد طلابه بشي ربي قبله اوصانا فيه ف كتابه يعني مو بس حديث من الرسول صلى الله عليه وسلم.. كلام ربي ربي يوجه كلامه لنا.. في قوله جل و علا: يا (أيها الذين آمنوا إن جاءكم فاسق بنبأ فتبينوا أن تصيبوا قوما بجهالة...)..
والله ان احنا في ضلال واحنا مو دارين عن نفوسنا..
اسأل ربي ان ينور بصائرنا وقلوبنا...
كم وحده اختربت علاقتها بزوجها او بهله او بصديقاتها او بحد من اهلها بسبب كلام نقل اليها وعلى طول صدقته كأنها كانت حاضرة عليه!!
فلنتقي الله ف انفسنا وفي اعمالنا وصلواتنا لا نضيعها مع بليس وسفراءه بالارض..

بنات فديتكم راجعه .... بريك ولازم اشوف بناتي​
 
صباح الخير بنوتات وستات

صباح العود هنوده -------------آه اش كثر أحب ريحة العود (اللي يجي بدون إضافات طبعا)

شخبارك الغالية
 
هلا ضياء ... بخير فديتج دامكم بخير....

حاسه بحزن ف صدري ما ادري ليه .... اعوذ بالله من الشيطان الرجيم....
بصراحه امس شي صاير لي.... اشوف الظلم بعيني و ما اقدر ارع الظلم عني وماعندي احد..... قهر... وربي القهر بعينه قاعده اتجرع مرارته بكاس غصبن عني.... ربي يفرجها علي وعلى كل مكروب......
دعواتكم بالفـــــــرج العاجل لي و كل مكروب.....

قاعده اسمع انشودة للمنشد ابوعبدالملك ....
http://www.youtube.com/watch?v=6gZOr_i3KKw

​
 
الله يهون عليك ويبدل ضيقتك بسعادة تدوم للابد
 
دلووعتنا.... وياااج يارب.... نورتيني....​
 
الله يعينج ويساعدج حبيبتي هنوده
والله حاسه فيج
ربج معج ويشوف كل شي
وان شاء الله وباذن الله الفرج قريب حبيبتي
 
الله يفرج همك يا معلمة انت كثير تعبتي في حياتك اسئل الله ان يعجل لك بالفرج امين
 
الحالة
مغلق و غير مفتوح للمزيد من الردود.
عودة
أعلى أسفل