صفحات لـم تـقـرأ بـعـد...>>معلمة متألـمـة...

الحالة
مغلق و غير مفتوح للمزيد من الردود.
ؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ
 
ماشاء الله ربي يثبتك
استفدت كثير من هالكلام ربي يسعدك
ويجعل ماتقدمين بميزان حسناتك
​
 
الله يعينك ويقويك يااااختي اسال الله ان يرجع لك نااااصر عاااجلا غير ااااااااجل ويرزقك منحيث لا تحتسبي


 
النشبة سلفتها بس انت لازم تقرين قصتها من اول عشان تفهمينها
وتدعين لهنوده ربي يشفيها وترجع لناصر
 
كيفك ياهند ان شاء الله مبسوطه
الله يسعدك دنيا واخره وربي يوفقك في حياتك ويعطيك من فضله
وجمعه مباركه للجميع
 
مرحبا هنوده حبيبتي ممكن تحطين رابط قصتك من البدايه حبيتك من كلام البنات عنك في المنتدى ودخلت ادور على قصتك من البداية بس فشلت فشل شنيع لأني مش متمكنه في النت والله يعوض صبرك كل خير وسعاده حبيبتي.
 




هُنَالِكَ أَرْوَاحٌ ..
نَتَمَنّى لَو أَنَّنا نَسْتَطِيعُ أَنْ نُهْدِيَهُمْ [ رَ اْ حَ ةَ ] الكَوْنِ ! ​
 
صباح الورد هنوده
كيفك وكيف الماما


الله يردلك ناصر يارب عاجلا غير آجلا

والله يكفيك شر الحاسدين
 
صباح الخير بنات اصبح دخولنا يوميات معلمتنا زي الادمان لازم يوميا ندخل حتى لوهي مو مداومه ( اللهم اكفها شر الاشرار وحقق لها ماتريد)
 
السلام عليكم كيفك اخيتي هند
توني دخلت لليوميات وشفتك لاحرمك الله الاجر
وقبول دعواتنا لك
 
الله يحفظك يا معلمة وكل من يحب المعلمة الطيبة وربي يفرح قلوبنا برجوعها لناصر عاجلاً غير آجل اللهم آمين ..
 
مرحبااا..أنا متابعة لك من البداية لكن بصمت ...لكني انقهرت جدا من الظالم اللي تكلمتي عنه وش دخله بك ما دام ابوكي على قيدالحياة..كان الله في عونك.
 
صباحكـــــــــم جوري!!

راجعه لكم مع بارت الحج.... بعد ساعة وشوي...

>>>>تكتب لكم البارت وتشرب كـــرك يمي... :)

احبكم​
 
صباح الورد لاحلى معلمة ولجميع البلقيسيات
نحن في انتظارك
 
صبحكم الله بالخيير
كيفك معلمتنا
ومنتظرين بارت الحج
 
كان وقتها يجهز للحج حجز ومن هالسوالف... وما خذني معاه.. ما ادري وشو كان السبب... اصلا ما كان فيه سبب.... لانه رايح مع رجاجيل... ابوه و عيال عمه.... وقال لي بوديج السنه الجايه انا و انتي.... الحين بروح الحج معاهم وبعد عشان تكون خبره لي والسنه الجايه يكون اسهل عشانج... قلت له اللي تشوفه حياتي.... وجهزت له اغراضه... وحطيت مع اغراضه قلـــــبــي وأحاسيسي كلها..... ودموعي..... !!
وقلت له بروح لهلي.... قال لي ما فيه داعي مكانج احسن وكل شي عندج و موصي هلي عليج...
(الشمالي هذا طبعه و اغلبهم نفس الشي ... مايحب شي يقصر ع زوجته وعياله... يعني ع بلاطه ما يحبها وهو مسافر تروح لاهلها ولو راحت مايقصر عليهم... ما يخلي نسابته يصرفون ع زوجته وعياله.... )
المهم مو بس عشان ناصر... فيه سبب ثاني..... أمه!! قالت لي هند بتروحين حق هلج ومب شايفينج!! قلت لها لا يمه باجيكم ماراح اخليكم..... ( هي عادي عندها اروح لهلي كل يوم الا النووم انام ف مكاني....) وهالشي بعد كان ف تفكيري.... لانه هلي اقصد وضعي معاهم مب نفس اي وحده عاشت بين امها و ابوها... طبعا ترعرفون انهم منفصلين وذكرت لكم هالشي قبل...
يعني رايي و راي ناصر و راي امه نفس الشي تقريبا....​

راح ناصر وقبل لا يروح ضمني وانا ابكي..... مثل الصغير اللي ماخذينه عن أمه قدام عينه.... وأبــكـي وصوت النشيج طلع وهو يتقطع قلبه علي... ويقول تعوذي من بليس يا هند وين بروح!! بروح أأدي فريضتي وانا ميته من الحزن وربي كني بودعه وماراح اشوفه بسم الله عليه.... وقلت له خايفه عليك... وبشتاق لك...( ماتعودت نبتعد عن بعض انا و هو الا بالحج ... اول مره اجرب فراقه ربي لايعيد هالشعور علي و لا على اي متزوجه ياااارب) وقال لي يالله لا تأخريني ينطروني تحت واسمع صوت هرن السياره وجواله كل ما رن سكـّر الخط.. وكننا متفقين انام ف بيته وبالويكند انام بيت هلي..( مب من زين البيت ولا من زين اللي فيه باستثناء ابوي) بس مهما كان يبقون ف نظر ناصر وهله والناس كلهم >>هلي!! ومابي اي احد يتكلم عليهم...​

بنات كل وحده وظروفها غير عني...وظروف زوجها غير عن ظروف زوجي.. واهلها غير عن اهلي واهل زوجها اكيد غير ومجتمعها اكيد غير ف هالموقف مو مقياس للكل...
بس قلت لكم اياه عشان تشوفون شلون تصرفت شنو كان موقفي من ناصر يوم قال لي لا لا تنامين عندهم....
وعلى فكرةترى اني رضيت بكلامه مب بس عشان وضع هلي... حتى لو امي و ابوي مع بعض بعد كنت بارضى بكلامه يعني كنت بنام ف بيته وبالويكند بنام عند امي و ابوي.... لاسباب كثير .. اهمها اني مرتاحه مع زوجي واحبه ويحبني.... ف اكيد وجودي في مكاننا انا وياه بيخفف من حزني ف سفرته..
طلع ناصر و سكر الباب وراه هالكلام كان الساعه 10 الصبح.... وانا رحت للسرير وبكيت لين ما نمت ولا صحيت الا على صوت الجوال الساعه 3 العصر كان هو المتصل... ورديت قال لي اخباارج قلت له تمام بس مصدعه قال لي قومي صحصحي وصلي وانزلي مع امي وخواتي سولفي وغيري جو.. وقلت له ان شاء الله...​

بنات بقولكم... فيه حريم حتى لو انها تموت ع وزوجها وهو يموت عليها لو انحطت ب مكاني بتعــّنـد وبتقول له لا بروح لهلي.... وبتسوي مشكله بينها وبين زوزجها من ولا شي..... ليه لان واجد حريم تقارن روحها بخواتها او اهلها او بنات عمها او صديقاتها.. مو معنى ان زوج فلانه كل ماسافر خلاها عند اهلها لازم انا نفسها..... قلت لكم كل واحد ظروفه عن الثاني غير.. والحب اذا انوجد هذا اهم شي لانه نعمه كثير ناس محرومين منها.. ف لا تخربين ع عمرج وعلى زوجج وعلى حياتكم وحبكم عشان مقارنات ما لها اساس وما انزل الله بها من سلطان.... وغير المقارنات بعض الامهات او الاباء يلزمون بناتهم ان لازم كل ماسافر زوجج لازم تجين عندنا...!! منين جابوا هالحكم !!
يعني غير المقارنات الاهل وتحكمهم... اوكي بنتكم بس خلاص حكم زوجها عليها اولى... ماله داعي يسببون بينها وبين زوجها مشاكل بنتهم في غنى عنها..... ترى كثر المشاكل تسبب فتور عاطفي يتحول الى طلاق عاطفي.... الله المستعان..​

المهم... وسكرت عنه ونزلت عند امه وعيوني منفخه وحمرا .... والنشبه كانت مب موجوده ف هالشي بعد كان حلو لي اني ما اشوفها وانا نفسي ب راس خشمي...
نزلت وتقهويت العصر مع امه وخوانه وقالت لي اخته اللي قبل روووضه قبل الاخيره من البنات هند خاطري بالباميه اللي سويتيها وقلت لها من عنوني.... ماطلبتي غالي.... هالكلام قبل المغرب... وقلت لأمه يمه العشا انا بسويه.... قالت لي اللي تشوفينه... وسويت لهم باميه باللحم ( يقدمونها عادة مع رز بالشعيريه بعد مع خبز )​

طريقتها : باميه الحجم الصغير..
2 فص ثوم مهروس
ملعقه زبدة + ملعقة زيت ذرة
مكعبات لحم خروف من دون شحم
عصير ليمونتين
2 قرن فلفل حار
ملح حسب الرغبه
فلفل اسود حسب الرغبه
بابريكا ( بودرة فلفل احمر حلو مب الحار)
ملعقة واحده بهار ( بهاركم اللي تحطونه بالأكل..)
مكعب ماجي
بصلتين كبار مفرومه
5 ملاعق كبيرة صلصه طماطم مذابه في كوب ماء حار
الطريقه:
يوضع الزبده مع الزيت في حله ع النار وعليها البصل ويشوّح حتى يشقر لونه ثم الثوم مكعبات اللحم ويقلب على النار مع البصل وتترك 5 دقائق ثم يوضع عليها مكعب الماجي ثم البهار والملح والفلفل الاسود ثم يصب عليها صلصة الطماطم المذابه وتترك حتى يقترب اللحم من النضوج.. تقريبا لمده نصف ساعة.. وبعدها تضيفين الباميا بعد غسلها وازاله الجزء الاخضر بأعلاها (خلكم معاي مو تقصونها مثل ماتقصون الجزر او الكوسا) لا بشكل دائري عشان مايطلع اللي داخل وتطلع اللزوجة.. بعد ازالة اللي فوق اغسليها ونشفيها بكلينكس القلي او فوطة نظيفة وعقب تضيفينها على اللحم... وتضيفين قرنين الفلفل وقبل لاتضيفينهم تسوين فتحات ب راس السكين ف الفلفل عشان النكه تطلع.. وتزيدين الماي وتتركينها عشرين دقيقه ولين ماتنضج... وقبل التقديم تصبين عليها عصير اليمون وتقديمينها مع الرز بالشعيرية او الرز لحاله او الخبز.... رووعه
راجعه لكم مشغوله ينادوني :)​
 
الحالة
مغلق و غير مفتوح للمزيد من الردود.
عودة
أعلى أسفل