صديقتي صدمتني

اكيد قاعدين تقولون.. كيف ملكه بدون مهر؟ باقولكم انو من كثر ماحنا واثقين في مي اجلنا موضوع المهر الي الاسبوع اللي بعد الملكه...على حسب كلام المعرس وسكتنا لين قعد يماطل فيها وطلع روحها وبالاخير...حول بحسابها بس 10 الاف والمصيبه اختي ماقالتلنا ..مادري وش سوالها ووشلون تعلقت فيه..واللي سمعته عنه انو عليه كلام يذوب الصخر...بس انا متاكده لو ابوي عايش ماتزوجت بهالطريقه ..لانو يعرف الرجال زين ..بس لما مات ...تفرقوا اخواني وصار كل واحد ماهو طايق الثاني خصوصا بعد مشاكل الميراث ..وكمان اخوي الكبيرالى الحين زعلان عليها ولا يكلمها من بعد طردتها له من بيتها...وصايرين اخواني من ابوي معاه ومن صفه وزياده على هذا ليلى رافعه قضيه على وكيلنا الشرعي بالمحكمه اللي هو اخوي الثاني تطالبه بحقها من الورث وهي الوحيده اللي واقفه بوجيههم فعلشان كذا اخذوا موقف..ولا باركولها ولا عبروها........نرجع الحين لطير شلوى يمكن ماتصدقوني لو اقولكم كل الزيارات اللي يجي فيها عبدالله لمنطقتنا ماكان يجي بسيارته ...كان يجي مع واحد من عيال عمه اتضح بعدين انه خريج سجون ومدمن مخدرات وماهو بعيد انه ساحر...لا ولو تشوفونه تعرفون على طول انه مجرم ولايدخل مع عبدالله ويسلم ,ينزله من سيارته وبس ويتلفت كانه هربان من شي ويروح ... ولما نسال عبدالله وين سيارتك؟ ...يقول بعد العرس باجي فيها..وانا اجي مع ولد عمي علشان يسليني بالطريق ...مشيناها ..الموهم جت ليلة العرس ويعلم الله انها اشد ليله مرت علي في حياتي ..لاني اشوف ليلى تصنع الفرحه وهي من داخلها هموم كبر الجبال ..والادهي انها هي اللي حاجزه القاعه والفندق عليها وباقي اغراض العرس هي اللي وفرتها ..بس هالشي ماعرفناه الا بعدين...وكانت تسكتنا انه هو اللي جاب وهو اللي دفع ...ايه بس....يوم دخل القاعه يقول اخوي دخل لحاله مامعه ولا واحد من جماعته ولاحتى اخوه اللي هو زوج مي مع انهم عايله كبيره..بس الرخمه ماعزم احد منهم والغبي موزع كروت على جماعتنا والله مادري لو اختي هي اللي طابعتهن , تخيلوا الموقف الناس بيشكون انو فيه بلاء ..وين اهله؟......اخوي انصدم وراح لاختي في كوشتها وقالها الرجال وضعه كذا وكذا ....تونا على البر خلينا نخلص منه ..بس ليلى قعدت تبكي وقالت لا ياخوي تمم الموضوع لاتاقف بوجهي ...قلنا خلاص بكيفها..والله ودخل عليها وشاف شي ..عمره ماشافه ..زفه وتصوير وضيافه ...اللي ماكلف عمره يجيب حتى المويه والعصير ... والله لو تشوفونه باين عليه سنكوح وموشايف خير ...لحضتها بس حسيت انه نصاب وناوي يضحك عليها ....وكل القوه والذكاء اللي بليلى ماادري وين تبخر؟؟!!!​
 
صراحه احس اني اقرا روايه مو معقول في نااااااس زي كذاااااااااااااااا

الله يعيينكم

كمللييييييييييييييييي

بنات اللي ماتقدر تصبر مو لازم تستنى بس لاتغلط على البنت يمكن عندها ظرووف تخليها تكتب بين فتره وفتره
 
يااختي اكتبيها عالوورد اذا خلصتي نزليها كامله هنا

افضل من هالطريقه
 
صديقتك انسااان ه ما تخاف من ربها
وعسى يجي من يزوج زوجها
 
وتفاجات بمي وهي داخله القاعه ومعاها ام عبدالله واختها الكبيره....والله وسيعت وجه ..لا ويتطلبون..وين القهوه؟..عطونا حلى ..ماعندكم ببسي؟؟الحين مين اللي يضيف الثاني حنا ولا انتم؟؟.....طبعا ماطلعتلهم انا اللي ازين خواتي بالعرس يحبوون مكياجي واعرف له زين ...مالي خلق اشوفهم,ولما خلصت تزينت بدون نفس وطلعت,وياحرااام امي على وجهها مليون علامة استفهام ...استغربت مي علشاني تاخرت.. وينك؟ ليش ماطلعتي تعالي نفرح ونرقص....ناظرتها نظره واخذتها على جنب ...وشديت عليها بالكلام حتى انو الناس سمعونا ..وقلتلها وش هالرجال ؟؟؟؟؟...وين سيارته ؟وين اهله واخوانه..انتم فشلتونا...ماتقوليلي وين بيته؟..ضحكتوا على اختى ولعبتوا بعقلها...والله يابنات ماهي قادره وش تقووول وماحطت عينها بعيني ...وبكل براءه وحنيه ونبرة صوت حلوه وهاديه قالت...انا مادري عنهم !!هما وش اتفقوا عليه ...يمكن ليلى وعبدالله متفاهمين ومعجبهم كذا....حسيت ان مرارتي بتنفقع..مسكت نفسي وخليتها.....والى هاليووم وموضوع اختي ياكل ويشرب معي وماني عارفه ارتاح وودي انقذها ...بس خلاص طاح الفاس بالراس ...وكل يوم عن يوم تتضح لنا اشياء ماكنا عارفينها ....اضطرت اختي تسكنه معها بالبيت وياكل ويشرب على حسابها....وكانو زواجها منه زواج مسيار ..واحس انها الحين صحت وندمانه....ولما اقولها انتي ليش حاربتينا حتى تزوجتيه ...تقولي ....انتي وش عرفك غرقني بحنان عمري ماحسيت فيه ,,وكلام عمري ماسمعته ...ولا يمكن يمر علي يوم بدوون ماسمع صوته واشوفه ...في هاللحظه تذكرت مي وشلون تصر على انهم لازم يكلموون بعض بالجوال فترة الملكه,لانها عارفه نقطة القوه اللي معاه.....الحين ترك اختى ولا يجيها الا بطلوووع الروح ...مادري وش قصده؟يمكن يبي فلوس ودايم يشتكي لها سيارتي ماتتحمل طريق ولا عندي بانزين ...فيه شي اتذكرته اخينا يحب يتابع مسلسل القعقاع ..قال ايش هالشخصيه معجبته فيه كرم ومرؤه ...طيب علم نفسك,والمصيبه اختي مبسوطه ومصدقته ...معقوله الحب يسوي كذا ​
 
لاحول ولا قوه الا بالله جد قصتها غريبه

طيب حاولي تفهمي اكتر عن الرجال او توصلي لزوجته الاولى وتفهمي هو اش وضعه

الله يكفي اختك الشر
 
بالنسبه للقعقاع يمكن يبى يلمح لاختك انه يحب الكرم عشان تديه زياده
 
بصراااااااااااحة الردود في البداية تمووت ضحك الله يعطيها العافية انها كملت
وبعدين زوجته الاولى لازم يوصل لها خبر لو توصلية بنفسك عشان لايتسلى باختك وخليها بس مصرف مو زوجة
اتحدى لو انها مبسوطة معاه
اتـــــــــــــــــــــــــــــــــــــــــــــــــــــــــــــــــــــــــــحدى
بس حاولي تحتوينها حاولي
والله يفرج همها وينور بصيرتها
 
حالتك اختك دعاء مظلوم ومغلوب طليقهاالاول
الله لايبلانا يااارب
 
الحين صرت مقاطعه مي 4 شهور وهذا الموضوع مر علي بصعوبه ...لانو كنا متعودين على بعض ...ومايمر الاسبوع الا وحنا مجتمعين....لاني ماني قادره اتخيلها بعد اللي صار وموبس مي اضطريت اقاطع كل الشله لانها لازم تكووون موجوده ....وكل هالفتره وهي تحاول تشوفني وترجع المياه لمجاريها بس انا موعلشان شي مابي اشوفها انا ياناااس مصدومه وباي نفسيه اقابلها وهي ولا عليها ...كل اللي قدرت عليه تعزم اختي وزيارات هي وياها وروحات على المدينه ...واحسها مفهمه اختي اني مابيلها الخير...وانا موقصدي والله ,بس ضايق صدري عليها...اذا طنشها عبدالله قعدت تبكي عندي ..وتقطع قلبي ,واذا جاء الاغبر ..كشتت فينا وياحليله ولا كنه سوى شي ....السؤال الحين هل تصرفي سليم؟؟؟؟ اقاطعها ولا نرجع زي ماكنا خصوصا ان اختي هي اللي راضيه وتبيه..بس قلبي يقول لا لاترجعين لها ..طيب وشلون اواجه رسايلها وترجيها لي ...يابنات تكفوون دلوني انا مصدووومه بصديقتي ومحتاره ​
 
شوفي اختي مدام راعي الحلال راضي وش دخل القاضي مدام اختك مبسوطه عليه بسلامتها تتهنى وصديقتك لاتقاطعينها بس احذري منها ولاتصدقينها مره ثانيه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل