وبعدين ....عزمتني مي لبيتها . وقبل لاجيها اختي اللي اصغر مني دقت علي وسالتني بتروحين مكان؟ قلت ابد ..مي عازمتني تجين نروحلها ..قالت زين .المهم اجتمعنا ذيك الليله في بيت مي ...بس بتكلم عن اختي شوي ...اختي مطلقه وعندها ثلاث اطفال , وجميله بشكل ماتتخيلون ماشاء الله عليها وشخصيتها شماليه ولها حضور قوي وراعية فزعات وكريمه جدا وسبب طلاقها انها تبي تسيطر على زوجها الجنوبي والظاهر انه اختنق وهج سبحان الله الجمال موكل شي ..ولو تسالوني ايش سبب الطلاق اقول مافيه شي ظاهر الا ان اختي تبي تكون هي الكل بالكل وتسيطر عليه حتى في طلعاته ومصروفه ولو اقولكم يمكن ماتصدقون انه من كثر مايطيعها الجوال والبطاقات اقصد الصرافات كلها بيدها وفي جيبها ...يعني اختي هاذي فيها صفات شينه وحلوه بنفس الوقت ,,,واسمها ليلى , بس بعد طلاقها حسيت انها ندمانه ووعدتني لما تتزوج تغير من نفسها وتحاول تتثقف لانها ماتقراء ابد كل وقتها ضايع تفزع لخوي او تساعد واحده من صديقاتها او تتوسط لحد علشان موضوع ...يعني امراءه بشخصية رجل .....ولما تمشي مافيها اي معالم انثويه ...وصوتها خشن وعندها قدره قويه ان تخلص اي موضوع اذا هي تبي حتى اخواني وهم رجال يلجاون لها وانا اعتمد عليها كثير في اموري يمكن لاني جنوبيه ولا عليها من الناس وكلامهم اهم شي تسوي اللي ببالها...لما تطلقت سكنت ببيت بروحها..وكثير من اخواني اعترض عليها لانها توها صغيره ويخافون من كلام الناس..بس ماقدروا عليها , بس فيه واحد من اخواني عصبي ومايتفاهم راحت جابتله الشرطه وطلعته من بيتها والى اليوم هذا وهو مختلف معاها....تتقولون لي هي جلفه ماحد يلتفت لها اقولكم اوكيه بس هالكلام مايمشي عندنا وخصوصا انو احنا من قبيله معروفه وابوي شخص معروف على مستوى اهله وناسه ومن الناحيه الماديه ماعلينا ماشاء الله....قامت جابتلها سواق , ورايحه جايه لصديقاتها ومن سوق لسوق ..والاطفال قصرت فيهم والله ارحمهم, وننصحها بس ماتاخذ بكلام احد ............راجعه انشاء الله
