شو الحل مع طليقة زوجي؟؟

[ام صقر8]

السلام عليكم ورحمة الله وبركاته
حبيباتي ملكات واميرات مملكة المراة مملكة بلقيس اترددت واايد قبل ما اكتب مشكلتي كنت دايما اقرا مشاكل بعض العضوات واقول الحمدالله انا اهون منهن واكتب مشكلتي وارجع امسحها لاني احس انها تافهه بالنسبه لمشاكل بعض الاخوات بس انا تعبانه من مشكلتي واعاني حالة اكتئاب منها خاصه اني اعيش في امارة بعيدة عن امارتي وبعيده عن اهلي ماعندي علاقات مع الجارات اوصديقات في هاي الامارة رغم اني عندي صديقات وايدات في امارتي واتواصل وياهم عن طريق الهاتف لكني في امارة زوجي انا محبوسه في البيت ما اسير مكان الا نادر اذا زرنا امه او اذا طلعنا احيانا
حبيباتي سامحوني على الاطاله بدخل في المشكله خواتي منوه مثلي يعيش في هم وحياتها متنكده بسبب طليقة زوجها؟ منوه طليقة زوجها تتصل في زوجها في اليوم الواحد اربع مرات او اكثر؟
منوه زوجها يسوي لطليقته حساب ويصرف عليها وعلى سفراتها وكشتاتها بحجة عياله؟ واذا انتي زوجته طلبتي شي منه قالج ماعندي فلوس؟ وشو سويتي في هاي الحالة؟
انا زوجي مطلق زوجته بالثلاث قبل ما يتزوجني ولكن بعد ماتزوجني يلست تتصل فيه كل يوم وحتى احيانا في اوقات متاخره من الليل واتذكره انها تزوجته عن حب وانها ام عياله ومن هذا الكلام حصلت مشاكل كثيره بيني وبينه
في بداية زواجنا لدرجة اني فكرت في الطلاق اكثر من مرة ولكن كبرت عقلي وجاهدت نفسي الين ما قدرت
اضغط على عمري واحاول اني استمر في حياتي معاه
انا كملت معاه ست سنين لكن مازالت تتصل فيه يوميا مش اقل عن اربع مرات وانا اذا اتصل فيه يقولي شو غدانا اليوم مايكمل دقيقه ويسكر
انا تعبانه وايد حاولت اتجاهل لكن ماقدرت.. افكر في الطلاق عشان اشتري راحتي خاصه اني ماعندي عيال منه لاني كل ما احمل اسقط او يموت الجنين في بطني انا حاليا اتعالج من اعراض السحر وما اعرف من لي عمل لي السحر ووالله مااتهم حد وماقدر اظلم حد بس الرقاة قالولي اني عندي اعراض السحر اعاني من حالة اكتئاب شديده بسبب مشكلتي ووحدتي وبعدي عن اهلي وهذا كله يخليني افكر في الطلاق وبشكل كبير اتمنى اني الاقي النصيحه من صاحبات الراي والعقول الراجحه سامحوني على الاطاله
ولكم مني كل الحب والتقدير وجزاكم الله الف خير وجعل الله ردودكم في ميزان حسناتكم
​

 

[um_noora]

يالغالية استخيري

 

[هزي يانواعم]

لا تاخذين الامور بي حساسيه يمكن تكلمه بخصوص الاولاد بعدين هوجالس يصرف على عياله يعني عادي حقهم هذا بعدين هذي طليقته يعني خلاص مهما كان بينهم مهب زوجته لا بعد من غير رجعه انسي وطلبي حقك غيري اسلوبك معها في الطلب يمكن بكره يجيك ويصرف غصب عنه بطلي غيره وشغلي حالك بشي وترتاحين

 

[ام صقر8]

ام نور شكرا على الرد هزي يانواعم بعطيج مثال على الصرف عليها مثلا صرف على عملية سوتها لشفط كرشتها وكان يقول انا ماعندي حق اجار البيت وانا اخذت من اهلي ودفعت حق الاجار واكتشفت بعدين امر العمليه اظن شفط الكرشه مايخصه في مصاريف عياله وانا ما اعترض على الصرف على عياله بالعكس انا اللي قتله حط ولدك في مدرسه خاصه لكن لما اتصير الامور علاقه من خلف الكواليس هذا لي يعذب الوحده وشكرا على مرورج

 

[حياتى بلا حنانك]

بالعكس انا اشوف موضوعك مافيه اى مشاكل ......هذه كانت زوجته وطلقها يعنى مستحييييييييييييييل ترجع له تانى ومطفشته بالبزورة وكشختها وطلعتها وانتى خليك الرايقه اللى يرتاح عندك وينبسط عندك وقدمى اى شى له اعطيه كل الحب والحنان هذيك خليها والله لو مهما سوت ماهو راجع لها ابدا خليك واثقه من حالك كونى قويه واطلبى حقوقك ولا تسرفى خليه عندك يرتاااااااااااااااح

 

[همس25]

بلعكس اناااااا اقول ليه تسمحين لها تكلمه مايجوز وهي ليه ماااتخلي عيالها يكلمونها صااااااااريحه قولي لها لا تكلمهااا الموضوع بالنسبه لي قوي

 

[ظل إمرآه]

حبيبتي اقرأي على نفسك اية وجعلناه في قرار مكين
ردديها كثير وقرئيها على ماء وشربيها
بس امانه أدعيلي كثير إن الله يعوضني ويهب لي من رحمته ​

 

[ممددة بالصالة]

والله من رائي انه هو الآن يعرف كم يحتاجون اعياله بالشهر بمعنى انه يمشي لهم شهريا مبلغ محدد وهم بكيفهم يصرفونه بيوم بأسبوع بشهر ولا عليه الا من شوفه اعياله وبكذا قوليله خلاص مافيه لازم انها كل شوي تكلم وتطلب وقوليله انه يكون مع أعياله جوال لو بغو شي اوعندهم مشكله هم اللي يكلمونه مباشرة خلاص هي ماعاد تحل له وياقلبي بالنسبه للأكتئاب اولا حاولي أكثري من الأستغفار والحي بالدعاء فإن الله الشافي المعافي ثم تتداوي بالأدويه كأخذ بالأسباب لأن هناك ادويه تصرف لمثل هالحاله واسأل الله ان يشفيك ويرزقك الذريه الصالحه يارب العالمين

 

[حبيبة ميرو]

اسمحي لي هذي مرة ما تستحي على وجهها وشاعلة فيها النارا خصوصا لما تزوجتي زوجها
خليها تولي ولا تهمين نفسج فيها وقولي للزوجك اذا بتكلمها موب جدامي

 

[غزالة_ماتصاد]

عليج بالدعاااء و الاستغفاااااار

 

[أحلى مدام]

الاستغفاااار والصدقه ,,جربي خيتو

 

[اليوم وبكرة]

باي صفة تكلمه انها ام عياله حبيبتي لاتسكتين اذا عندها طلبات ولا شيء يخص الاطفال تكلم امه او اختة اوخالته اهم شيء حرمة من اهلة لاتسمحين باي يوضع مايريحك انه يستمر .

 

[عطر العشق]

اختي عليكي بالاستغفار والدعاء

والله يفرج همك

بس ممكن اعرف شو اعراض السحر اللي عندك؟

 

[ام صقر8]

عزيزاتي حياتي بلاحنانك. همس25 ,حبيبة ميرو, ممدده بالصاله, غزاله ماتنصاد شكرا على ردودكم ريحتوا قلبي ردودكم ريحتني لان مجرد احساسي اني على حق في مطالبة زوجي انه يقطع علاقته بمطلقته واللي ايدتوني فيها اعطتني راحه نفسيه لان زوجي دايما ايحسسني اني غلطانه في الموضوع وان مطلقته تتصل يوميا عشان اتخبره عن اخر اخبار عياله اللي وحده عمرها 16 سنه والثاني 10 سنين واللي اعتقد انه يقدر يعرف اخبارهم بنفسه
​

عزيزتي ظل امراة الله يعوض عليكي ويرزقك من حيث لاتحتسبين اللهم امين ادعيلي

 

[ام صقر8]

عزيزاتي احلى مدام, اليوم وبكره, شكرا على ردودكم
​

اختي عطر العشق الرد على الخاص

 

[سلى الطارش]

عليك بالدعاء عزيزتي وتجتهلي الامر عل زوجك يحس على دمه وياريج ولاتهملي نفسج واقري على عمرج وانشاللع ربي يرزقج بالذريه الصالحه ياعزيزتي
اما بالنسبه لطليقته فهو احتمال يتواصل معاها عشان عياله ونشالله ربي يرزقج ويهتم في عيالج بعد

 

[~أغلى الغاليات~]

حبيبتي ..هي ما تقدر تاخذه منج الا باسلوب التشويق..واعرفي ان كل ممنوع مرغوب..انا زوجي مطلق 3 مرات وصارت مشاكل على موضوع ارسال مسجات هاهاهاهاي مب اتصالات(لانها كانت تحاول تتدلع هاهاهااي وطبعا ما يجي مسج منها الا زوجي يراويني اياه ما يحب يخش علي شي) قلت له لو هي تحل لك ما راح اقول ولا كلمه لكن دام علاقتك فيها انقطعت وما تحل لك خل مسؤوليه المسجات لوالدتك..في النهايه اقتنع لانه ما يبي مشاكل..حبيبتي هي قدرت تجذبه بمكالماتها له..لكن انتي اللي معاه ما قدرتي تجذبينه..لييييش اكيد في خلل..حبيبتي انتي لازم تعرفين هو ليش منجذب لها غير سالفه ان كل ممنوع مرغوب..وبالنسبه للسحر دوم اقري على نفسج وواخذي ماي واقري فيه وتسبحي فيه ورشيه في بيتج كامل وخلي ايمانج بالله قوي واعرفي ان احس رقيه هي ان انتي بنفسج ترقين نفسج..لانه الله اللي بيده كل شي..وحطي في بالج ان يمكن نفسيتج بعد تاثر على حملج انا عندي اخت تسقط بس اذا نفسيتها تعبت يمكن انتي من هالنوع..حبيبتي انتي كفتج الارجح وحطي في بالج شي ان انتي اللي في حياته احرقيها في مكانها..خليها تعرف قدرها.,.لما يكلمها ناديه باسم الدلع عشان تعصب وتسكر..اذا جو عياله دلعيهم ودلعيه قدامهم وخليج كااااشخه حدج ..خل يوصل لطليقته ان ما عليج قصور ..حبيبتي في شي هو مو محصله عندج لازم تعرفينه..انا اقولج هذي معركتج لاتخلين بيتج لها ..وخلها تتحسف على كل حرقه قلب حرقتها لج في هالست سنين ..انتي قويه انتي حلاله انتي مرته مو هي..واي شي تحتاجينه واي مساعده انا حاضره..

 

[بنوته lzoooza]

ابداءي بعالج نفسك والزم ماعليك حالتك اصحيه لاتدهور
وهي وعيالها مااااااااااااالك شغل فيهم انتي حقوقك خذيها كامله ومصروفك يجيك
وعلاقتك معاه لازم تكون قويه وكلها حب وحنان
وادعي دايم الله يجعل ندبيرها بتدميرها
والله يسخره لك ويشفيك ويعافيم يارب

 

[dream.live]

الله يشفيكِ ويعافيكِ

حافظى على بيتك وزوجك لا تضيعيهم من بيى يديك هى أصبحت فى (كان فعل ماضى) لكن أنتى الحاضر

وإن شاء الله تكونى المستقبل ....

الله يسخره لك ويحنن قلبه عليك ويجعلك قرة عينه ويرزقك بالذرية الصالحة اللهم امييييييييين

 

[ميوسه]

عزيزتي


مو من حقها بس كيف راح تقنعين زوجك اذا الكلام مافاد معاه


جربي الافعال



غيري من نفسك ونصيحه وسعي معارفك وسوي لك صداقات

وسوي واطلعي متى ماتحبين اتسوقي حتى لو تزوري اهلك حتى مايجيك اكتئاب


بيني له انو انتي انسانه شغوفه بالحياه

حبي نفسك لابعد حد وخليه يلاحظ

ولاتسكتي على حقك ابدا بس باسلوب حلو من بعد ماتطوري ذاتك وطريقة تعاملك معاه


خليه جزء من حياتك مو هو كل الحياة


موفقه