شو الحل مع طليقة زوجي؟؟

  • بادئ الموضوع بادئ الموضوع ام صقر8
  • تاريخ البدء تاريخ البدء
يمكن حالتك النفسية مأثرة عليج لازم تعالجيها بأي طريقة
لأنه الرجل يحب الفرفوشة والمرحة والمقبلة على الحياة هي الي تقدر تجذبه
فأول خطوة لازم تعالجين الكآبة إذا كانت درجتها سيئة ما في مانع تشوفين استشارية نفسية ليش لا
ولا تقولين ما عندي علاقات وصداقات ترى الشعور بالوحدة يزيّد الضيق
اشتغلي على تغيير حياتج صدقيني بتستحوذين على قلب زوجك تماما لأن من الواضح أنه لا زال يحمل لها إعجاب أو مشاعر خاصة وهذي السالفة لازم تواجهينها أمام نفسك أولا
تحبين نفسج
تعالجين الضيق والهم لأنه المشاعر الحزينة تأثر على الصحة
والله يوفقج
 
طليقته فاضيه ماعندها شي تشغل نفسها فيه الله يكفينا شر الفاضي
شغلي سورة البقره يوميا في بيتك
وهي الله يرزقها على نيتها والدنيا دواره
 
حبيبتي تعودي من الشيطان لا تخلينه يلعب فيكي. إتكلمي مع زوجك قولي له بالدين ما يجوز يكلم وحدة ما تصير له أو كلميها إنك ما تقبلين هدا الشي. خليها تكلج يوم تبي شي أو تكلم حد من أهله. ولا تحاتين ولا تشغلين بالج بشي. و أقري قران دوم في البيت.هدا حلي بس ما أدري إدا كان صح ولا غلط بس شاوري حد تثقين فيه مثل الأستا>ة موزه وهي ما تقصر
 
حبيباتي شكرا على نصايحكم المفيده اما من ناحية الاهتمام بنفسي انا والله اكشخ والبس واتابع الموضه وهو دايما يمدح هذا الشي وانا جامعيه وهي اول اعدادي واستغفر الله من ان اكون من المتكبرين وما اقول اني احسن منها لكن في اشياء وايده انا غير فيها عنها وهو عايبتنه مابا امدح عمري ولا ازكي نفسي في شي لكن هذا الشي اللي محيرني اذا انا مثلما يقول ليش متعلق بمطلقته ومستمر اوياها انا حاولت اعرف يا اختي اغلى الغاليات شو السبب بس مالقيت سبب انا قلت في بالي اكيد مسالة العيال هي السبب لانه دايما يقول انا ابا عيال وانا اقوله هذا الشي مب بيدي واذا الله مب كاتب ماقدر اسوي شي انا انشاءالله ببتدي اقرا سورة البقرة كل يوم لاني انقطعت عنها بسبب الاجهاض والراقي قالي لازم تقرينها يوميا واتحطين الاذان واية الكرسي وقت النوم وقالي اتسبح بماي فيه سدر ومقراي عليه وانشاءالله خير ربي يسعدكم ويبعد الشر عنكم حبيباتي ماتتخيلون الراحه اللي احس بها
او ايحس بها اي انسان وحيد ومقطوع من شيره وهو بعيد عن اهله وعزوته لي هم مصدر قوته وعن المكان اللي عاش فيه لدرجة اني قمت انصح كل وحده ماتاخذ غير من امارتها او بالا صح من منطقتها
شكرا حبيباتي مره اخري
​
 
حسيت اني فوت اخر الكلام انا اقصد ماتتصورون الراحه اللي حسيت بها لما قريت ردودكم وحسيت انه حد واقف في صفي في مشكلتي نفس الراحه اللي يحس بها انسان مقطوع من شجره وبعيد عن اهله ولقى اللي يحتضنه ويطبطب عليه
انا دايما انصح صديقاتي انهم مايتزوجون من منطقه بعيده عن اهلهم لان الاهل عزوه ومصدر قوه للوحده وطبعا كل وحده ضروفها تختلف عن الثانيه الله يوفقكم ويسعدكم في الدنيا والاخره
خاصة انتي اختي اغلى الغاليات ربي يسعدج ويوفقج​
 
يا اختي الله يعينك والسحر هو سبب مشاكلك أكيد إلي مسحور دائما يكون مكتئب بسب تأثير السحر وأكيد بكون مشاكل مع الزوج اول حاجة تسوينها تعالجين السحر حتى ينفك منك بعد كذا فكري في زوجك على العموم إذا فك معك السحر راح يرجعلك زوجك بإذن واحد أحد
 
انا بقولج طريقة ويارب تريحج ... بما انها طليقة ريلج رضت ع نفسها انها اتكلم ريال محرم عليها خليها تولي وحسابها عند رب العالمين ..
انتي الحمدلله مب ناقصج شي .. انسي موضوع السحر وموضوع الاكتئاب وشيلي كل هالسوالف من راسج .. فكري بس كيف تستانسين مع ريلج.. اكشخي .. سوي حركات رومانسية .. العبي وياه .. اطبخي .. يعني اشغلي وقتج
بالنسبة للمكالمات اقعدي مع ريلج قعدة رايقة وادلعي ع قد ماتقدرين وغرقيه حب وحنان وقوليله انا ماعنديه مشكلة انك اتكلمها وتسألها عن عيالك وامورهم بس بعيد عنيه وعن بيتنا يعني اتكلمها قبل لاتدخل البيت وداخل البيت ماترد عليها إلأ للضرورة القصوى .. لاني انا احبك واغار عليك ودمعتين مع حضن من القلب وبهالطريقة مشي امورج معاه
بعدين لاتطلبين من هلج فلوس ولاتعودينه انج تعطينه .. ايجار البيت هو المسؤؤل عنه
وكلنا معرسين بعيد عن هلنا .. انا ف إمارة وهليه ف إمارة ثانية بس الحمدلله عند ريلي وعياليه ووظيفتيه وعالميه الخاص
 
حبيبت ياقري على روحج


وونسي نفسك
اكسبي صداقات جديده
التغيير راح يغير من نفسيتك

على الاقل الاكتاب الي حاسه فيه راح يروح بس تونسين نفسك

روحي لمركز او اشتركي في دورات

او تطوعي في احدى الدوائر منها تكسبين خبره ومنها تتعرفين على ناس جدد تغيرين معهم جو وتونسين حالج

حبيبتي الاكتاب الي حاسه فيه هو بعد يحس فيه علشان شيه يبعد عنك
حبيبتي اكسبيه
وصيري حبيبته الجديده

طلعي عيوبها
وارفعي من نفسك

وابد لا تاخذين من عند اهلك فلوس عشانه

خليه يحكم عقله

وقوليله المحكمه امره بمبلغ حق العيال والباقي خلنا نسوي جدول ونعرف نصرفه بحكمه
ونحط مبلغ للتوفير
و بعد ما تحسين انه تطمنلج
قوليله يفتحلج حساب
ويحطلج مبلغ كل شهر

وعاونيه
وبعدين اقطعي عليهم مكالماتهم
مو بالصراخ
بس بالسياسه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل