معلومات غزال الشمال
- إنضم
- 11 مارس 2011
- المشاركات
- 65
- مستوى التفاعل
- 0
- النقاط
- 0
شوفوا وش سويت فيه يوم كشفته يخووووني
السلام عليكم يابلقيسيات انا اكتب لكم ولاول مره اكتب في منتدى واشكي بشي يخصني بحياتي ولا تعودت ان اشكي لااحد الا لله ثم لأمي بس لما دخلت هذا المنتدى وربي وبدون مجامله حسيت فيكم مثل الاخوات واتمنى تضموني معاكم انا الحين محتاجه لاخوات اشكي لهم همومي وابي منهم المساعده والنصيحه بحكمه وانا اكتب لكم موضوعي وقلبي يتألم من الم الخيانه والحين حسيت بكل زوجه زوجها خانها مااقول الا حسبي الله ونعم الوكيل عليهم اخواتي انا زوجي مو من القبيله الي انا منها بس حبني مدة 8سنوات وكان يكتب فيني قصيد وكان مدة هالسنوات يخطبني من اهلي وكانو اهلي رافضين لابعد الحدود بس بعد الجاهات الي جابها وافقوا اهلي وكان هو ميت من الفرحه وعشنا ايام الملكه كانت احلى ايام لنا بس بعدها حياتي انقلبت من ثاني يوم من ازواج تخيلوا عروس زوجها مايقدر يجيها وهو انمرض نفسين بسبت هالشي ولا كنت ابين له اني ادري باانه عاجز ينام معاي بالعكس كنت احاول اساعده بس المشكله هو يصد عني وصار لما يحاول ينام معاي ينافخ علي ويضربني وكنت اسكت لانه مريض وكل يوم كنت اصيح قبل لانام ولما يطلع من البيت كنت اصيح من هالعيشه الي كنت عايشتها وكان يقول لي انامسحور واحس اني مو طايقك ولا احب اسمع صوتك وكنت اصبر ومع الايام والمحاولات حملت منه وصار يتعالج ماطول كنت نفاس والله اعلم على كلامه ولما رجعت له كان متلهف علي لدرجة هو الي قال خلاص ارجعي البيت جلس معاي يوم واحد بس وبعدها جلس سنه مالمسني لدرجة يقولي اعتبريني اخ لكي وكنت اطلب منه الطلاق وكان يرفض قلت خلاص تتعالج وبعدها ماخلينا شيخ ودكتور الا ورحنا له وكانو يقولوا مافيه شي وبعدها صار يقولي السبب منك على كل مكان وانتي رايحه معاي خلاص انا بروح اتعالج الحالي قلت له اوكي وتركته 3 شهور ورحت بيت اهلي ولما رجعت له قال الحين انا سليم ومافيني شي وصار كل مايجيني ابين له انه فحل وانه اعجبني وسوي قدامه اني مستانسه منه بس لابد حاس هو ان لسى فيه نقص ويجلس اشهور مايجيني ويحس هو بنفسه ويعرف اني ابي الشي هذا منه بس ساكته عشان ماجرحه وبعدها قلت شد حيلك لاني بحمل وفعلن حملت من يوم حملت واحنا مشاكل واحنا من بداية ازواج واحنا نتهاوش على اتفه حاجه بذات هو بزياده بس مع حملي هذا صار يجرحني بالكلام مايخلي كلمه الا وقالها حتى يقول الباب ياسع جمل ويااخذ مخدته من عندي ويقول انا بهجرك 3 شهور لاني زعلان عليكي وحضرته فاهم الدين غلط وهي الهجران 3ايام بس قلت له حبيبي اذا انت تبي تهجرني 3شهور فاانا ابيك تهجرني العمر كله واذا تقول الباب ياسع جمل كاانك تقول طالق فاقلت له طيب راح اطلع من هالباب بعد ماخلص حملي وكانت نفسيتي تعبانه مع الوحام ولا صرت اطيق اتكلم معاه ولما جا الشهر الخامس رجعت المياه المجاريها لحد الشهر التاسع وتخيلوا متى كشفت خيانته نفس اليوم الي جاني فيه طلق الولاده صحيت من النوم اتالم وقلت له ابيك توديني المستشفى وطلعنا وصلى عالطريق وقف وراح المسجد وانا بالسياره رحت وفتحت شنطة السياره ولقيت جوالين كلها مكالمات ورسايل مع بنات وبعد ماطلع من الصلاه قلت له لاتوديني المستشفى ابغى نتمشا شوي بالسياره بتكلم معاك وكلمته بهداوه وسئلته وش انا بحياتك وسئلته وش رايك بالخيانه ترضى اني انا اخونك قال لا قلت ترضاها علي قال لا قلت له زين بس ابي اعرف والكلام الي عندي خلص والحين ودني بيت اهلي وانا اكلمه وجهه منقلب الوان قال مااوديك الا لما اعرف السبب قلت له عند اهلي عند ابوي واخواني اقولك وش السبب قال لا مااوديك الا لما اعرف قلت له حبيبي انت تكذب على نفسك وانا عايشه معاك بس كذا صابره عليك وانت انسان مو صادق مع نفسك ولا معاي انا يوم واحد معاك ماارتحت دمعة كل يوم في خدي مانشفت وقلت له انك خاين خنتني قعد يحلف ان هذي الجوالات مو له الواحد من اخوياه قلت له حبيبي هذي ماتمشي علي اكاذيبك قلت له الحين بسئلك سؤال واحد قال وش هو قلت انا امقصره معاك قال لا والله وقعد يتصل على واحد من اصحابه حتى يثبتلي وقعد يصيح ويبي يحلف عالقران انا الجوال مو له ورجع عالبيت قلت لا ترجعني البيت ودني بيت اهلي وكنت اتالم من الم الولاده قال لا بروح ارتاح اشوي احس اني تعبان وكنت تعبانه ويادوب نزلت من السياره ودخلت البيت ورحت سيدا عالغرفه وقفلت الباب علي خفت يااخذ الجوالات مني رحت دسيتها في صدري ويدق الباب علي وكنت وش تبي يا...........اناديه بااسمه الي يكلم فيه بنات الحرام وكان يقول تفتحي الباب ولا اكسره وبعدها جاني مااقص ولما حسيت انه مو عند الباب طلعت ورحت لدورة المياه وانتم بكرامه ولما طلعت لقيته ماخذ مفتاح الغرفه وجاي ركض علي وقال هاتي الجوالات وياخذ الشنطه مني ويبي يفتشها ويسحبها مني لحد ماصقعني على بطني خفت على بطني رحت دفيته على التسريحه وهرب على دورات المياه وقفلت على نفسي وقلت يامسكين الجوالات مو بالشنطه وبعدها قام يدف الباب بقوه حتى يكسره رحت دقيت على واحد من اخواني وقعدت اصيح قلت انا محشوره بدورة المياه وتعال بسرعه لي ولما سمعني اكلم اخوي خاف قال خلاص ارجع للغرفه واطلعي ماراح المسك وبعدها جا اخوي وهو كلم اخوي برى البيت وراح ولما دخل اخوي وسئلني عن السالفه قلت له اني صابره معاه 3سنوات مايجيني كانه اخوي واخرتها الاقيه يخوني قال اخوي البسي عباتك الحين وامشي ولماوصلت البيت اهلي جتني الولاده راح على طول وداني المستشفى وجاءوا اخواني كلهم لما درو اني بالمستشفى وراحو دقو عليه وقالوله اني بغرفة الولاده راح وسئل اخوي الي جاني وقله كلمتها ناظر فيه اخوي وقال جرحته جايتكلم معاه سكته اخوي قال الحين مو وقته نتكلم عن السالفه وسكت وبعد ماطلعت واحد من اخواني قال خليه يدخل يتحمد لك عالسلامه ويسلم على الطفل قلت له طيب ودخل ووجهه عالارض وقالي حمد الله على السلامه وطلع والحين انا بمرحلة انفاااس وحالتي النفسيه جدا تعبااانه ولاني قادره افكر حتى امي داريه اني زعلانه بس مو عارفه السالفه وش هي وانا الحين ابي اعرف رايكم اطلق منه ولا لا بلييييييزز ردو علي بحكمه لاني انا مو عارفه افكر افكاري مشتته والله كل يوم استغفر عشان يخف الهم والالم الي في قلبي تكفووون وتكفى تهز الرجاجيل انا الحين بحاجه الى نصايحكم وابي اعرف لو تأيدون اني ارجع له كيف اواجه لان احس مالي خلق اطالع في وجهه وكيف اتعامل معاه مااتوقع ارجع له مثل اول اضحك وامزح معاه ماني عارفه لو ارجع له كيف اكمل حياتي معاه وآآآآسفه طولت عليكم وماني مرتبه الكلامات زين
اسم الموضوع : شوفوا وش سويت فيه يوم كشفته يخووووني
|
المصدر : الأستشارات الزوجية العامة