شوفوا مصيبتي اللي ما تدخل العقل وادعو لزوجي بالهداية

[الهنوف الحلوة]

مساء الخير للجميع.
أرجوكم لا تهمشوني ترى مشكلتي ما صارت ولا استوت مع زوجي اللي ما أدري بأيش أوصفه!!!
هل أقول عنه جن وقعد ؟؟!!!
واللا تخبل؟؟؟!!!
واللا عقله صغير؟؟!!

سمعوا سالفتي...
تزوجت من سنتين والله ما رزقنا عيال... وسلالمات ان شالله كلها سنتين مو عشرين سنة..
بعد سنة من زواجي اختي تزوجت وحملت من أول شهر.
اللي صار أن زوجي تبدلت ألوانه لما سمع ان اختي تزوجت وحتى لما خبرته كتم كثير تقولون كان الأمر بيدي. المهم ولدت أختي وجابت ولد مثل القمر وأحلى بعد من القمر. لكن اللي صار شي ما يدخل العقل والله ولا يقبله دين ولا مذهب. عمركم شفتوا رجال عمره 31 سنة يحط دوبه ودوب طفل ما تجاوز الـ4 شهور؟؟
يا جماعة المفروض الزوج إذا حب زوجته يحب أهلها بعد الصغير والكبير عشان الحفاظ على العشرة. أنا بموت على عيال اخته الأربعة وأعاملهم والله يشهد كانهم عيالي ويوم عيد يوم اللي يدخلون علي بالشقة.
لكن زوجي على الرغم من طيبة قلبه الا أنه صارحني وقال... ولد اختك الصغير ما أشتهيه وإذا كنتي تحبيني لا عاد تدخلينه شقتي لأني مش محلل ولا مبري لك ذمة !!!!!! تخيلوا!!!:surrender:
والله نزل علي الكلام مثل الصاعقة. مش بس كذا .. إذا جابته أختي لي يطلع من الشقة ما يشتهي رقعة وجهه. ويقول لي هاذي آخر مرة أشوفه في شقتي.
ويوم كان صغير في المهد حتى اختي ما بعد تطلع من الأربعين جاي ياخذني من بيت أهلي يوم رحت لها زيارة وطلعت له الطفل لكنه والله أحرجني قدام أخوي وصرخ في وجهي وقال ما ابي أشوفه!!
وإذا سافرت معاه وحبيت أشتري هدية حتى لو كان سعرها ريال نتشاجر ويقول لي هو مش ولدي وأنا مش ملزوم أشتري له.
والله رحت مرة بيت أهلي وشفته وحظنته من قلبي وأنا أبكي بحرقة وأقول اش ذنبك عشان يكرهك كل هالكره . لا ويقولها في وجهي أنا حاقد على ولد اختك ولا تجيبين لي سيرته. وإذا قلت له ودني شقة أختي عشان أشوفه يرفض و يقول لي خلي أبوك يجي يوديك له.
والله يا خواتي إني كتبت لكم باختصار شديد عشان ما أطول عليكم وبعدين تملون من القرآة.
واللحين هو مهددني ما أدخله بيتي...
بالله عليكم شوفوا لي حل قبل ما أجن..

 

[شهرزاد70]

لاحول ولا قوة الابااللة

 

[الملكه نور]

الله يعينك على مااصابك بس اسمعي كلامه ولا تخالفينه ولااااااااااااااااتبينين لاختك شي يمكن له ظروفه

 

[الهنوف الحلوة]

مشكورين حبيباتي على المرور. الله يجزاكم الجنة.
البارحة صارت بيني و بينه معركة حامية الوطيس بسبب هذا الموضوع.
وأنا قلت له ما عندي مانع بس انت بعد عيال اختك ما أبغى أشوفهم في شقتي ولا عاد تفكر تدخلهم عشان ما حد أحسن من الثاني.
يا ترى أنا غلطت بكلامي هذا؟؟

 

[غلبني بغلاه]

لو انا بمكاانك يمكن سوت اكثر من كذا

يحط عقله بطفل صغيررر ماايعرف شي فالدنياا

اجلسي معه وسااليه ليش تكرررهه

وبيني له وش كثر تحبين عياال اخته

يمكن يجيب نتيجه

اختك ام غلا

 

[جراده شياكه]

اكيييييد يغار شافك مهتمه فيه زياده عن اللزوم

 

[ح ـزن]

بهداوة انصحيه
قولي له هالشئ حسد
والحسد ياكل الحسنات
احتمال مشتهي طفل
ياحرام والله صعب عدم الانجاب
جربي طريقه طلع النخيل بتلاقينها بالمنتديات
والرازق الله
تعاملي معاه علي اساس ان الرجال مايقبلون بعدم الانجاب
وانه وقت يشوف البيبي يتذكر عجزه عن الانجاب
يعتبرونه نقص رجوله مب مثلنا
وانتبهي لنفسج وحاولي تعالجين هالمشكله مالت الانجاب
لاجل لايتزوج عليك بهالهدف

 

[خوااااطر]

اول شي مشاءالله تبارك الله على ولد اختك المملوح يالبى قلبه
ثاني شي اتوقع زوجك اذا شافه يحس بالنقص ويتذكر ان ماعندكم عيال وانك اذا شفتيه
تتحسرين من جوا ان ماعندك عيال واتوقع بعد هو مقهور لانك تحبين الصغير كثيرررر
ويتمنى ان هالحب فقط له ولعياله لانه مبين عليه ولا تزعلين اناني حبتين
انتي هالفتره اسمعي كلامه ولاتناقشينه بس باذن الله بعد مايجيكم عيال اكيد بيتغير
ودمتي ​

 

[الفراشه الورديه]

عادي هو يغار مو من الولد من ابو الولد

لانو جاه عيال يمكن هذا يعتبر هذا نقص في رجولته،،

المهم الموضوع طبيعي

 

[كارهه الظلم]

الهنوف حبيبتي ابي اقولك هالكلمات ياعمري ,,,, واتمنى تقبليها مني كأخت.........
1-خلي نفسك مكان زوجك ,,,, لو هو متعلق ببنت أخته أو أخوه الصغير وطاير فيه بالأمانه وش حيكون ردة فعلك؟
2- راعي شعوره كزوج غيور عليكي { الرجال مهما كبر يظل طفل صغير }تقدرين بأسلوبك تتفاهمين معاه
ويمكن لان لسى ما الله رزقكم بالذريه شايل بنفسه......؟
3-مهما حبيتي أحد لاتقولين هالشيء قدام زوجك بالمبالغه بالكلام حيل أنتي اكيد فاهمتني....
انتي لو يجيك في يوم ويقولك أنا أموت ببنت أخوي حيل وكل ماشافها مايخليها تمشي على الارض,,, والله يجن جنونك أقل شيء بتقوليله وانا {قد ايش تحبني} وليش تدلعها ومن هالكلام....{الغيره موجوده عند الكل }
4- ومن الخطأ أنك تقوليله عيال اختك ماعاد ابي اشوفهم { الرجال جبل بالعناد صدقيني } مالهم شغل بالموضوع وبينيله محبتك لهم ماتغيرت.......

5- جهزي نفسك وشكلك وقولي لزوجك خلينا نطلع نتمشى بره المنطقه يعني يعيد عن اللجه وحركة الناس وقبل كل شيء تعوذي من ابليس واقريء المعوذات وتوكلي على الله ,,,, وناقشيه بهالموضوع وقوليله من هالكلام الحلو بينيله انه هو الاهم بحياتك وبعمرك كله ماتشوفين غيره قوليله انا عارفه انك تغار علي وتحبني ولا ماتسوي كذا انت اكبر واعقل من انك تحط راسك براس طفل ومن هالكلام ,,,,,,{ ولو تجيبن له هديه يكون أحلى }
وقدامه قللي من كلامك ومحبتك لولد اختك....... لاتخربي حياتك على حسااب الغير.....

{ يارب أكون قدرت أساعدك ولو بالشيء البسيط وأعذريني على طول الكلام }
دعواتك لي الله يفرّج همي....وربي يريح بالكم ياارب

 

[ياربي انصرني]

اول شي مشاءالله تبارك الله على ولد اختك المملوح يالبى قلبه

ثاني شي اتوقع زوجك اذا شافه يحس بالنقص ويتذكر ان ماعندكم عيال وانك اذا شفتيه
تتحسرين من جوا ان ماعندك عيال واتوقع بعد هو مقهور لانك تحبين الصغير كثيرررر
ويتمنى ان هالحب فقط له ولعياله لانه مبين عليه ولا تزعلين اناني حبتين
انتي هالفتره اسمعي كلامه ولاتناقشينه بس باذن الله بعد مايجيكم عيال اكيد بيتغير

ودمتي ​

كلام الاخت صحيح يمكن يشعره هالطفل بالنقص ويمكن يتغير اذا حملتي وحاولي انك ماتبينين اهتمامك بالطفل انسيه تماما قدام زوجك000

 

[رووووم]

لايكون مايحب زوج اختك لكذا يكره الولد اللي منه
والله يعينك على مصيبتك

 

[روكا]

ما شاء الله على ولد أختك الله يحفظه يارب
حبيبتى لا تثرينه حاولى وحاولى تقللى اهتمامك وكلامك عن الولد قدامه شوى
هو يغار معلش بس لا تهاوديه فى انك لا تروحى وتشوفيه يعنى لا تقطعى اهلك وحاولى بالمعروف كدة معاه من غير ما تستفزيه
الله يهديه يارب ويرزقكم بالذرية الصالحة عن قريب عاجلا غير اجل باذن الله وانتى ان شاء الله تلاقى المشكلة دى اتحلت
الله يهديهولك يارب

 

[روز العراق]

عادي كلش
الطفل ابن اختك مو ابنك لذلك ماكو داعي لهالالم والحزن اللي ما اله داعي
وان شاء الله تنرزقون اطفال

 

[برميتي]

الهنوف حبيبتي ابي اقولك هالكلمات ياعمري ,,,, واتمنى تقبليها مني كأخت.........
1-خلي نفسك مكان زوجك ,,,, لو هو متعلق ببنت أخته أو أخوه الصغير وطاير فيه بالأمانه وش حيكون ردة فعلك؟
2- راعي شعوره كزوج غيور عليكي { الرجال مهما كبر يظل طفل صغير }تقدرين بأسلوبك تتفاهمين معاه
ويمكن لان لسى ما الله رزقكم بالذريه شايل بنفسه......؟
3-مهما حبيتي أحد لاتقولين هالشيء قدام زوجك بالمبالغه بالكلام حيل أنتي اكيد فاهمتني....
انتي لو يجيك في يوم ويقولك أنا أموت ببنت أخوي حيل وكل ماشافها مايخليها تمشي على الارض,,, والله يجن جنونك أقل شيء بتقوليله وانا {قد ايش تحبني} وليش تدلعها ومن هالكلام....{الغيره موجوده عند الكل }
4- ومن الخطأ أنك تقوليله عيال اختك ماعاد ابي اشوفهم { الرجال جبل بالعناد صدقيني } مالهم شغل بالموضوع وبينيله محبتك لهم ماتغيرت.......

5- جهزي نفسك وشكلك وقولي لزوجك خلينا نطلع نتمشى بره المنطقه يعني يعيد عن اللجه وحركة الناس وقبل كل شيء تعوذي من ابليس واقريء المعوذات وتوكلي على الله ,,,, وناقشيه بهالموضوع وقوليله من هالكلام الحلو بينيله انه هو الاهم بحياتك وبعمرك كله ماتشوفين غيره قوليله انا عارفه انك تغار علي وتحبني ولا ماتسوي كذا انت اكبر واعقل من انك تحط راسك براس طفل ومن هالكلام ,,,,,,{ ولو تجيبن له هديه يكون أحلى }
وقدامه قللي من كلامك ومحبتك لولد اختك....... لاتخربي حياتك على حسااب الغير.....

{ يارب أكون قدرت أساعدك ولو بالشيء البسيط وأعذريني على طول الكلام }
دعواتك لي الله يفرّج همي....وربي يريح بالكم ياارب

;;كلام الاخت كارهه الظلم حلوووووووووووو ومفيد
جزاه الله خيررر
والله يرزقكم الذريه الصالحه ويهدي زوجك

 

[عسل الحياه]

الله يعينك بس انا اتوقع انه مقهور انه للحين ماجاب عيال واختك جابت ويشوفك حابه الولد يحس انه فيه نقص فهو حاط حرته في الطفل حاولي تتكلمين معاه بالهدوء واعرفي الاسباب اللي مخليته مو حاب هالطفل وقوليله ان انتي تتضايقن وتنقهرين اذا ماقدر اهلك او كرهم وانشااالله الله يرزقكم بالذريه الصالحه وانتو توكم سنتين استمتعو بحياتكم لاحقين على العيال وشقاهم​

 

[سو000سو]

اقوووول انتبهي من اختك وشوفي بينها وبين زوجك شئ ترى ياما سمعنا قصص تشيب الراس من الاخوات انتبهي وادا اختك عاقلة ومش حقت شباب اجل المسألة غيرة

 

[الأزديه]

سايريه وخذيه على قد عقله

هذا عقله صغير

 

[ام صوبي]

"اللي صار أن زوجي تبدلت ألوانه لما سمع ان اختي تزوجت وحتى لما خبرته كتم كثير تقولون كان الأمر بيدي"
ليه يزعل من زواج اختك ؟؟؟؟

 

[حرب الأحساس]

فعلا غيرة عشان عديلة خلف وهو لا كثير ناس عقولهم صغيرة
وماترضى بالمكتوب
حبي الولد براحتك بس بعيد عنه لا يحس حتى ولا تخانقين عشانه وعاملي عيال اخته زي أول خليك أحسن منه!!!!
وبيحس وبيخجل لما يعرف انك طعتيه
وخذيه وابحثوا عن السبب في تأخر الحمل لا تتأخرون عشان تسعدينه
وربنا يرزقك