شوفوا زوجي العزيز شو سوا بي اليوم

الله يكون في عونك خيتوو والله الحين لا تنصدمين من احد والله يردلك زوجك ردا جميلا ياكريم
 
الله يكون في عونك ويقومك بالسلامه ياارب وطمنينا عليكي وسعي صدرك يالغاليه الدنيا ماتسوى بالهون والتفكير صح تاخذين الي تبينه وبالتوفيق
 
حبيتي المواعيد ضروريه مافيها رضى حرمه والا لا لاتعودينه ان سكتي الحين بيتمادى واحسهيكذب مب الحرمه السبب هو متكاسل
 
بخبركم شو استوى بعد ما اتصل

ريلي اتصل على الساعه 10 الصبح وقالي اتجهزي فأنا قتله خلاص ما ينفع انروح لانه التحليل يكون من الساعه 8 لين الساعه 10 فهو الحبيب ما صدقني واتصل من وراي وياريته هو إلي متصل .. خلا زوجته الثانيه هي إلي تتصل (حركة مب حلوه بس الله يسامحه ) المهم اتصلت وريلي اتأكد من كلامي .. بعدها بشوي وصل البيت عندي وهو المفروض اليوم يكون عندها ما قتله شي وخليته على راحته وسويت نفس ما قالولي البنات ابتسمت ولا كأنه صار شي بس هو فتح الموضوع ومن قالي انتي ليش سويتي جي انا ما قدرت ايود عمري وصحت لاني إذا اتضايقت لازم اصيح وهو يعرف هالشي .. المهم تكلمنا وااايد وكل وااحد عاتب الثاني ويلس عندي لين قريب المغرب والشي إلي دوم يزعله انه كل ما يقولي بودي العيال عند حرمته الثانيه انا ازعل وما ارضى ما ادري هل هالشي عادي انه يوديهم لانه يبغي يوديهم عند حرمته واهلها ؟؟ انا هالشي واايد يضايقني واخاف على عيالي انصحوني هل ارضى بهالشي ولا لأ؟؟

انا الصراحه بعد هاليلسه الطويله قتله عادي ودهم عندها بس عند اهلها لا .. طبعا هو ما رضى وقالي مثل ما هم عيالج وتخافين عليهم تراهم عيالي وانا بعد اخاف عليهم وانا اعرف عيالي من النوع إلي ما يندمجون ويا الناس إلا إذا كانوا يعرفونهم .. يعني إذا وداهم بيتمون لازقين في ابوهم ولدي مستحيل يسير عند حد بس بنتي إذا قالولها روج ومكياج عادي تسير عند اي حد ..

الله يحفظهم ان شاء الله ..

وثاني شي انا بعد عندي موعد يوم الخميس وهو بيكون في الدوام وبما اني ما اسوق (على فكره انا عندي الليسن بس استوت مشكله بيني وبينه وهو قالي خلاص ما تسوقين وبعدين قالي سوقي فأنا قتله خلاص ما ابغي اسوق واي مكان انته اتوديني ) قالي بخلي حرمتي الثانيه اتوصلج المستشفى ؟؟ وقالي بيشوف إذا هي ما عندها دوام بتوصلني .. قتله اوكي انا عادي عندي .. هل هالشي إلي سويته صح ولا غلط ؟؟ ( انا شفتها مره وحده بالعيد وكلمتها يمكن مرتين يوم ريلي يكون ويايه يعني ما في بينا اي اتصال)

المهم ما خليته يطلع من البيت وهو معصب علي وزعلان مني .. راضيته مع انه هو المفروض يراضيني بس يبتنازل عسب عيالي وراحتي .. اهم شي انه كان مرتاح مني وراضي عني ..

الله يسخره لي ويرده لي ردا جميلا ويبعده عن كل سوء .. احبه بس تصرفاته إلي مالها داعي تخليني اكرهه..

اسمحولي طولت عليكم واتمنى ردكم على اسألتي إلي فوق لاني محتاره ما اعرف شو اسوي
 
مشكورين حبيباتي على الرد

والله يسعدكم ويهنيكم في حياتكم .. وانا وياكم

الحينه هو اسبوع في الدوام وان شاء الله بحاول إني اتغير لاني واايد تعبت وابا ارتاح واتمنى انكم تساعدوني
 
عورتي قلبي حبيبتي الله يفرج همج يااارب واذاشريجتج انسانه مؤمنه وتخاف ربها تقدرين تأمنينها على عيالج بس خليهم يباتون عندج وبعدين حبيبتي ليش ما تسوقين ترى أحسن لج علشان ما تحتاجين حق شريتج في مشاويرج وبعد علشان تقدرين اتطلعين عيالج وتونسينهم لمن ابوهم مو موجود معاكم
والله يوفقج ويفرح قلبج
 
غدير الكويت قال:
عورتي قلبي حبيبتي الله يفرج همج يااارب واذاشريجتج انسانه مؤمنه وتخاف ربها تقدرين تأمنينها على عيالج بس خليهم يباتون عندج وبعدين حبيبتي ليش ما تسوقين ترى أحسن لج علشان ما تحتاجين حق شريتج في مشاويرج وبعد علشان تقدرين اتطلعين عيالج وتونسينهم لمن ابوهم مو موجود معاكم
والله يوفقج ويفرح قلبج
أنقر للتوسيع...

الصراحه ما اعرف عنها واايد .. وعيالي مستحيل يباتون من دوني حتى عند الوالده بعد ما يباتون مع انهم متعلقين فيها .. يعني هو بس بيوديهم كم من ساعه وبيرجعهم ..

وعن السواقه الصراحه انا كرهت هالشي ما ادري ليش والحينه صار لي تقريبا 6 شهور ما اسوق

ان شاء الله حبيبتي ويوفق الجميع
 
الله يعينج حبيبتي ... اخذيها نصيحة مني صدقيني لو سقتي السيارة ريلج راح يغسل ايده منج وبيخليج انتي تعتمدي على نفسج في طلعاتج وروحاتج ومشاويرج انتي والعيال اللي المفروض هو يسويها وبتريحيه بالمرة عالاقل هالحين تشوفينه على قد المسؤولية ... بعدين لا قلتيله وداني ولا تعالي ... بيتكاسل حتى بيت اهلج ما بيوديج .. خليج بعيدة عن السواقة ودلعي عليه ولزميه هو اللي يلبي طلبات البيت والعيال ومشاويرج ولا ليش قدر يفتح بيت الثاني لانه شاف حريمه سادات عمارهن.

ام بالنسبة لعيالج شو الهدف انه يوديهم عند حرمته واهلها .. يعني هو يبي يعودهم على بعدج الله لاسمح
حبيبتي انت من شكلج طيوبة وعلى نياتج ما حد بيهتم في عيالج مثل ما انت مهتمة فيهم من اكل او روحة الحمام وحتى الاب يمكن يغفل عنهم ... لا تفتحي لنفسج ابواب ماتقدري سكريها وبعدين تقولي ياليت .
واسمحيلي ان طولت عليج..
 
زهور قصري قال:
الله يعينج حبيبتي ... اخذيها نصيحة مني صدقيني لو سقتي السيارة ريلج راح يغسل ايده منج وبيخليج انتي تعتمدي على نفسج في طلعاتج وروحاتج ومشاويرج انتي والعيال اللي المفروض هو يسويها وبتريحيه بالمرة عالاقل هالحين تشوفينه على قد المسؤولية ... بعدين لا قلتيله وداني ولا تعالي ... بيتكاسل حتى بيت اهلج ما بيوديج .. خليج بعيدة عن السواقة ودلعي عليه ولزميه هو اللي يلبي طلبات البيت والعيال ومشاويرج ولا ليش قدر يفتح بيت الثاني لانه شاف حريمه سادات عمارهن.

بالنسبه للسواقه انا شاله هالفكره من راسي ومالي خاطر اسوق لاني جربت هالشي ولين مواعيد المستشفى يوم كنت حامل على الثاني كنت اسير بروحي ولو منه حتى يوم بولد بعد بيخليني اسير بروحي .. بس هذا كان درس لي ومستحيل اسوق مره ثانيه

ام بالنسبة لعيالج شو الهدف انه يوديهم عند حرمته واهلها .. يعني هو يبي يعودهم على بعدج الله لاسمح
حبيبتي انت من شكلج طيوبة وعلى نياتج ما حد بيهتم في عيالج مثل ما انت مهتمة فيهم من اكل او روحة الحمام وحتى الاب يمكن يغفل عنهم ... لا تفتحي لنفسج ابواب ماتقدري سكريها وبعدين تقولي ياليت .
واسمحيلي ان طولت عليج..

وعن العيال والله هم واايد متعلقين فيني لاني قبل كنت اداوم بس الحينه يالسه في البيت يعني من حجره لحجره هم ورايه وان شاء الله ما يتغيرون علي .. بس شو هدفه ما ادري على قولته بيوديهم عسب يتعودون عليها بس ليش ما ادري وعمته دايما اتقوله ليش ما اتييب عيالك والله اني خايفه اتسوي بهم شي من كثر ما اسمع عن السحر والعمل وهالسوالف والعياذ بالله لانها واايد مصره انها اتشوف اليهال .. الله يحفظهم ويبعدهم عن كل شر .. بس شو رايج اتم على رفضي ولا اخليه يوديهم واتوكل على ربي ؟؟
أنقر للتوسيع...

مسموحه فديتج ومشكوره على مرورج الصراحه انا ابغي استفيد يعني كثر ما تقدرون عطوني حل لاني ابغي ارتاح
 
بصراحة قهرتيني .. اول شئ مثل ماقالت الاخت لا تسوقين >> خليك معتمدة علية
وثاني شئ زوجتة لا تدخلينها في حياتك .. لاتوصلك ولا تاخذ عيالك .. هو ملزوم فيهم
وقوليلة انا زوجتك وحبيبتك وام عيالك ليش تصير انت وزوجتك ضدي وتتامرون علي وتخليها تتصل تتاكد من كلامي
وتمنعني من المستشفى عشان خاطرها .. اذا ماهميتك انا الي في بطني يهمك
خليك قوية وينحسب لك الف حساب .... شكلهم مستهينين فيك .. وشكل زوجك يحب المرأة صاحبة شخصية قوية
أسال الله ان ينصرك عليهم وياخذ حقك ويرجعلك زوجك ويقر عينك بة
عاجل غير اجل آآآمين
 
مرحبا
اول مره ارد اتابع بدون رد يمكن ما عندي وقت بس لي وجهه نظر يمكن يخالفوني عليها كثير بس حبيت اكتبها يعني انا لو رجال اتزوج اربع على ذا الحال الجديده تدلعني وتتمنى رضاي والقديمه حليت في عينها وصارت احسن من اول ولا بعد ازعلها وتراضيني
انا حرمه بس استغرب تصرف الحريم لما يتزوج زوجها عليها اذا انا رضيت فيها بس ما اخليه يستانس يعني ارد به ولا اسال عنه واعيش حياتي بدون رجل يعني على قولتهم ضل رجل ولا ضل حيطه يعني الحيطه والرجل شي واحد اروح واتمشي وخلي حياتي متعه لنفسي بس صديقات و وناسه وعزايم وسهر وهو برا برا من حياتي يصرف ويجيب اغراض البيت وبس اخليه ما يتمتع بزوجتين وحده وتخب عليه يا انا يا هي وعععع اجل من بعدها يجي عندي انا الله يلوع كبده وجه نظرر خاصه والله يخلي كل وحده لرجلها ويبعد عنها شبح الزوجه الثانيه ويارب يرجع كل زوج لزوجته ام عياله واعذروني اذا خالفت وجهه نظركم
 
عبقرية منسية قال:
بصراحة قهرتيني .. اول شئ مثل ماقالت الاخت لا تسوقين >> خليك معتمدة علية
وثاني شئ زوجتة لا تدخلينها في حياتك .. لاتوصلك ولا تاخذ عيالك .. هو ملزوم فيهم
وقوليلة انا زوجتك وحبيبتك وام عيالك ليش تصير انت وزوجتك ضدي وتتامرون علي وتخليها تتصل تتاكد من كلامي
وتمنعني من المستشفى عشان خاطرها .. اذا ماهميتك انا الي في بطني يهمك
خليك قوية وينحسب لك الف حساب .... شكلهم مستهينين فيك .. وشكل زوجك يحب المرأة صاحبة شخصية قوية
أسال الله ان ينصرك عليهم وياخذ حقك ويرجعلك زوجك ويقر عينك بة
عاجل غير اجل آآآمين
أنقر للتوسيع...

مشكوره فديتج على الرد .. الصراحه انا ما ابغي ادخلها في حياتي بس زوجي مصر على هالشي وهو من النوع إذا قال كلمه لازم ما ارده واقوله لا هالشي إلي كل يوم نضارب عليه .. وعن زوجته احس انه هو يعاملها نفس الشي لانه يوم العيد يوم شفتها كل ما يقول ريلي شي هي تقول ان شاء الله وما تقوله لا ..

وثاني شي على كلامه انه هي ما رفضت بس هو إلي تأخر علي لانه هو بغى يوصلني بس الموعد خلاص انتهى وقته .. انا ما ادافع عنها بس بعد ما ابغي اظلم حد .. وزوجته بتوديني لانه ريلي هالاسبوع عنده دواام يعني ما يقدر وهو اقترح علي هالاقتراح وانا ما قتله لا لاني ما ابغي اكبر المشكله زياده وزوجته الثانيه رضت بهالشي بس انا لين الحينه مب مرتاحه لهالسالفه .. الله بس يتمم الروحه على خير ويكون الرفض منها مب مني ..

آمين يارب العالمين .. مشكوره عزيزتي على الدعوه الحلوه ويارب يستجيب دعوتج..:icon26:
 
الله بيكون في عونك حبيبتي .. انت على نياتج وطيبة ومن خلال خبرتج في الحياة الزوجية (خمس سنوات )
تعتبرين في اول الطريق .... أولا انا بسالج ليش تركتي وظيفتج .. ليش من البداية ما وضحتي حقوقج لريلج اذا كنت رضيتي بالزوجة الثانية.. ما علينا اللي فات مات .. المهم خلال هالاسبوع جمعي افكارج.. حضريلج ورقة وعودي نفسج تقوليها .... انا قوية .. انا ما بصيح .. شخصيتي وحقوقي ما بتنازل عنها ... انت في البداية رافضة سيرة العيال اثبتي على رايج ولا تخليهم ياثرون عليج مهما كان وبطريقة حلوة ( يخلوج على راحتج )
المواعيد الضرورية مثل المستشفيات (هالمرة سماح) بس بعدين حتى لو كان عالقمر لازم ما تتاجل ولا يستاذن حد امورج بيده مو بيد حرمته يوديج او يدبرلج سيارة . مش عناد فيه... قوليله بدلع ومسخرة عشان توصله الرسالة ... احس انه حرمته الثانية عندها خبرة وقوية وكانها تبي تمشيج وزوجج على كيفها يمكن تكون على نياتها بس هذا ما يمنع ان تكون لج خصوصياتج و شخصيتج المستقلة ...
هالحين لفي المنتدى بتلاقين الحلول ان شاء الله في مواضيع اخواتنا عن كيفية التعامل مع الزوج والضرة ..
ها... بس لا تسوينها حرب ... حاولي تكسبي ريلج وانه ان شاء الله ما بيقصر وياج مرة ثانية ..( كوني له امة يكن لك عبدا)
 
سحابه قال:
مرحبا
اول مره ارد اتابع بدون رد يمكن ما عندي وقت بس لي وجهه نظر يمكن يخالفوني عليها كثير بس حبيت اكتبها يعني انا لو رجال اتزوج اربع على ذا الحال الجديده تدلعني وتتمنى رضاي والقديمه حليت في عينها وصارت احسن من اول ولا بعد ازعلها وتراضيني
انا حرمه بس استغرب تصرف الحريم لما يتزوج زوجها عليها اذا انا رضيت فيها بس ما اخليه يستانس يعني ارد به ولا اسال عنه واعيش حياتي بدون رجل يعني على قولتهم ضل رجل ولا ضل حيطه يعني الحيطه والرجل شي واحد اروح واتمشي وخلي حياتي متعه لنفسي بس صديقات و وناسه وعزايم وسهر وهو برا برا من حياتي يصرف ويجيب اغراض البيت وبس اخليه ما يتمتع بزوجتين وحده وتخب عليه يا انا يا هي وعععع اجل من بعدها يجي عندي انا الله يلوع كبده وجه نظرر خاصه والله يخلي كل وحده لرجلها ويبعد عنها شبح الزوجه الثانيه ويارب يرجع كل زوج لزوجته ام عياله واعذروني اذا خالفت وجهه نظركم
أنقر للتوسيع...

صح كلامج بس مب كل الرياييل نفس الشي

وانا عن ريلي إذا سويت فيه جي عادي ما يسويلي سالفه وما ايي البيت بعد يسأل عني

بس الصراحه اليوم شفت نتيجة الدلع إلي دلعته يعني ما خليته إلا وهو راضي عني .. تعرفين شو سوى وهو في الطريق ساير الدوام كل ساعه يطرش لي مسج احبج ومن ارد عليه بعد يطرشلي احبج ومن هالسوالف وهو من فتره ما قالي هالكلمه وانتوا تعرفون الشماليين ما يعبرون عن مشاعرهم إلا بطلعت الروح..


ابغي دعواتكم انه الله يرده لي ردا جميلا عاجل غير اجل ويسخره لي
 
زهور قصري قال:
الله بيكون في عونك حبيبتي .. انت على نياتج وطيبة ومن خلال خبرتج في الحياة الزوجية (خمس سنوات )
تعتبرين في اول الطريق .... أولا انا بسالج ليش تركتي وظيفتج .. ليش من البداية ما وضحتي حقوقج لريلج اذا كنت رضيتي بالزوجة الثانية.. ما علينا اللي فات مات .. المهم خلال هالاسبوع جمعي افكارج.. حضريلج ورقة وعودي نفسج تقوليها .... انا قوية .. انا ما بصيح .. شخصيتي وحقوقي ما بتنازل عنها ... انت في البداية رافضة سيرة العيال اثبتي على رايج ولا تخليهم ياثرون عليج مهما كان وبطريقة حلوة ( يخلوج على راحتج )
المواعيد الضرورية مثل المستشفيات (هالمرة سماح) بس بعدين حتى لو كان عالقمر لازم ما تتاجل ولا يستاذن حد امورج بيده مو بيد حرمته يوديج او يدبرلج سيارة . مش عناد فيه... قوليله بدلع ومسخرة عشان توصله الرسالة ... احس انه حرمته الثانية عندها خبرة وقوية وكانها تبي تمشيج وزوجج على كيفها يمكن تكون على نياتها بس هذا ما يمنع ان تكون لج خصوصياتج و شخصيتج المستقلة ...
هالحين لفي المنتدى بتلاقين الحلول ان شاء الله في مواضيع اخواتنا عن كيفية التعامل مع الزوج والضرة ..
ها... بس لا تسوينها حرب ... حاولي تكسبي ريلج وانه ان شاء الله ما بيقصر وياج مرة ثانية ..( كوني له امة يكن لك عبدا)
أنقر للتوسيع...

الصراحه حرمته مطلقه اكيد عندها خبره .. وانا فديتني اتعلمت على ايد ريلي والحينه مب عايبتنه .. الله يسامحه مرات يسويلي اشيا يخليني اكره وبما اني طيبه وعلى نياتي بس يقولي كلمه حلوه انسى انه زعلني وادلعه زياده .. يالله متى بستوي قويه ؟؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل