شوفوا زوجي العزيز شو سوا بي اليوم

الله يكون بعونك ويربط على قلبك ويسخره لك ويرجعه لك مثل اول واحسن
 
حبيبتي الغاليه الله يرد لك زوجك بصراحه تضايقت غلشانك كثيييير لكن تضايقت أكثر علشان أولادك أكثر ليه ترضين أنه يوديهم عندها ولا عند أهلها هم أمانه عندك مافكرتي أيش ممكن يصير لهم هناك أولا أنتي ماتعرفين عن أخلاقها ولا أخلاقهم شي أن كانو سيئين أو صالحين أعني أهل المدام كثير نسمع عن الأعتداءات الجنسيه والجسديه فحفظي عيالك عندك وإذا أم زوجته تسأل عنهم كثير ودها تشوفهم خليها تشوفهم عندك ورد إحدى الأخوات اللي الله يوفقها وينور بصيرتها قالته لك وكانت تحسب نفسها قاسيه عليك ماأزيد عليه غير هذا لأنهم بالفعل طبنتك وأهلها يرسمون على زوجك من خلالك أنتي وعيالك الله يحفظلك عيالك وويوفقهم يارب
 
بنت_الحزن قال:
السلام عليكم
أنقر للتوسيع...
بنت_الحزن قال:

الصراحه هذا اول موضوع لي في المنتدى واتمنى مساعدتكم لي لاني تعبت وما اعرف كيف اتصرف

بدايه بتكلم اشوي عن نفسي وزوجي انا متزوجه من خمس سنوات وعندي بنت وولد والحينه حامل في شهري السادس .. وريلي الله يسامحه من شهرين تقريبا تزوج علي قهرني وااايد واتضايقت وااايد واتمنيت انه الياهل إلي في بطني ما يتم .. بس الحمد لله قدرت اتحكم في نفسي واتوكلت على ربي .. واحاول اني ما اخلي لها وجود في حياتي .. المهم هاي قصه طويله بكتبلكم ان شاء الله بعدين..

اليوم يا بلقيسيات كان عندي موعد في المستشفى وانتوا تعرفون مواعيد الحوامل وهذا اول موعد لي صح انه متأخر بس الظروف هي إلي خلتني اتأخر اني اسير المستشفى .. وانا لاني ما اسوق فلازم ريلي يوديني العياده وهو اليوم مب عندي عندها .. فأمس يوم قتله انه عندي موعد عصب علي وقالي انتي تعرفين اني ما بكون في البيت قتله انا ما يخصني هذا موعد .. قالي المفروض اقوله من قبل او كان المفروض اني اتنازل عن يومي إلي هو يوم اليمعه ويكون يوم السبت عندي .. وانا الصراحه كنت ناسيه سالفة الموعد ومن اتذكرت قتله .. المهم قالي انه لازم يقول لزوجته الثانيه انه بيوديني فإذا وافقت اوكي وإذا لا يعني ما شي موعد .. والله مت من القهر بس ما قلت شي .. واليوم الصبح يوم اتصل به قالي ما بوديج .. بكل هدوء صكيت التليفون وطرشتله مسج شكرا حبيبي:tears: ..

ما اعرف هل إلي سويته صح ولا كان المفروض اني اصارخ وازعل .. والله اكتبلكم وانا مضايجه ويالسه اصيح .. يعني هو ما اهتم فيني ولا في الياهل إلي في بطني واذا هو مب د المسؤوليه ليش يتزوج وليش يخليني احمل .. والله تعبت كل ما احاول اني انسى زواجه يرد ذكرني بتصرفاته إلي ما لها داعي ..

حسبي الله ونعم الوكيل على إلي خذت رريلي مني المشكله انه كان يكلمها يعني خاني وعقب اتزوجها .. الله يسامحه ويسامحها ..


انا واااااايد مضايقه وان شاء الله تكونون فهمتوني لاني ما اعرف شو يالسه اكتب بس ابغي اظهر إلي في خاطري لانه ما عندي حد اشكيله همومي والدموع تارسه عيني..والصراحه بعد إلي سواه اليوم كرهته اكثر ..


يارب تسخر لي زوجي وترد لي ردا جميلا عاجلا غير آجل وزوج جميع البلقيسيات

ادعولي يابنات انه الله يفرج همي ويفك ضيقتي ورجع لي زوجي مثل ما كان واحسن

ونسيت اقولكم ريلي اليوم بيسير الدوام يعني اسبوع ما بشوفه بس هو بيي البيت ياخذ اغراضه وبيطلع .. فبغيت اعرف كيف اتعامل وياه ؟؟ هل ابين له اني متضايقه وزعلانه ولا اسوي عمري عاديه جنه ما استوى شي ؟؟

على فكره زوجي شمالي بس مب متأكده إذا شرقي ولا غربي

والسموحه منكم
أنقر للتوسيع...



المشكله مو فيه المشكله فيك انتي


ليش انتي ضعيفة ؟؟؟؟


تنتظرينه يوافق وتنتظرينها توافق من هو ومن هي عشان يتحكمون في مصيرك ولا مصير طفلك




الموضوع اكبر من كذااااا بكثير



سوقي ولا جيبي لك سواق خاص يوديك مشاويرك الخاصه والعامه


انتي يوم لك زوج ويوم مو موجود والتعدد مو حرام بس تحتاجين خصوصيه

تحتاجين قوة شخصيه


تحتاجين ترسمين حدود حمرا للناس واولهم زوجك


تحتاجين تنسين الحزن افتحي لك عالم اخر وخلي زوجك اخر واحد بهالدنيا راح تشوفينه يركض وراك وناسي الدنيا


على قد مايعطيك اعطيه على قد مايحبك حبيه


قومي بواجباته يوم يكون عندك وباقي الساعات استمتعي فيها لنفسك

الطيبه انسيها ماتنفع بالزمن هذا

مع الرجال كل ماكنتي قويه كل مااحترمك اكثر


طالبي بحقوقك وزياده

موفقك حبيبتي



بس تالمت لوضعك والمفروض مايكون كذا من بعد زواجه



كلامي من القلب لك


موفقه
 
قصة ام الوليد تلاقينها بقوقل سوي بحث لها هي للاستاذه ناعمه الهاشمي


اقري كل سطر فيها وطبقي المناسب لك



ارجعي ادرسي ولا ادخلي دورات

او سوي لك بزنس خاص فيك


وخليك كتاب مسكر مايقدر زوجك يقرا ايش الموجود فيه

خليك غامضه


واقطعي اي صله بينك وبينها



ولاتدورين رضاه الا بما يناسبك


الشمالي يحب القويه



والمنشغله عنه حتى ينقهر ويسال عنك


 
[FONT=Times New Roman (Arabic) قال:
دمعة ورووود;4092643][/FONT]
[FONT=Times New Roman (Arabic)][/FONT]
[FONT=Times New Roman (Arabic)][/FONT][FONT=Times New Roman (Arabic)][FONT=Times New Roman (Arabic)]العناد مع الرجال الشمالين ماينفع تماما وحطيها حلقه باذونك المفروض عليك انك اتقربين منك مو تنفرينه منك بلعكس المفروض تقربينه من عندك بشرط عدم التنازل عن حقوقش لاتنقهرين ابد وقري قصة اماني الهاشم وراح تستفدين وايد من قصتها اشلون خلت ريلها ما يقدر يستغنى عنها
[/FONT][/FONT]
أنقر للتوسيع...
[FONT=Arial (Arabic)][FONT=Arial (Arabic)]

　​
http://www.niswh.com/vb/showthread.php?t=200132

هاذا رابط قصتي حبيبتي

وفعلا الشمالي لا يريدك ابداااا ضعيفه بالعكس كل ما قويتي شخصيتك اضافه انك تمتدحينه وتدلعينه وتقومين بكل حقوقه كل ما حطك على راسه

اقراي حبيبتي قصتي لعل الله ينفعك بي :icon31:

.. موضوع ان زوجته توصلك ارفضي رفض قاااااطع يا قلبي

وان جادل وصرخ - انا زوجي شمالي فاهمه وضعك تمااام - ما عليك منه بيرجع يرد ويعرف انك معاك حق ،
لا تخلينهم يستهينون فيك بكره راح يقول لك خليه توصلك لبيت اهلك ويقولك مع السلامه .. انتبهي يا عمري ترى الشمالي ولو هو عصبي يموووت يحس انك واثقه من رايك وشخصيتك بس اهم اهم اهم شي انك ما تقولين رايك بصوت عالي ولا بدموع ولا بعناد .. لا قولي معليش حبيبي انا ما ودي اروح مع ضرتي احترم مشاعري في هالناحية ، انت معودني اني ما احتاج احد غيرك زوجي وعزوتي وتاج راسي - كثري مدح :icon30:- وانا اعتذر ما راح اروح معها وبالمره اللي فاتت انا ما ناقشتك واحترمت انك معصب بس الان ضروري تعرف ردي ..
بس واخرجي من الغرفه وانتي مبتسمه وعاااادي وخليكي على موقفك ..
والشمالي يا عمري ما يحب اللي تلصق فيه وتسال باستمرار عنه .. حسيسيه انو ما كسر ثقتك في نفسك بزواجه عليك ، اذا ماكان عندك اخرجي انبسطي او انتي في بيتك لا اتصل عليك لا تردي بوقتها طنشيه شوي وارجعي دقي وقوليه معليش ما سمعت الجوال كنت مسترخيه بمغطس ورد !! حتى لو كلام - بس الافضل انك فعلا تدلعين عمرك - حسسيه انو من غيره تقدرين تستانسين بيجري وراك خليك غامضه لا تقولين له كل اللي بخاطرك ،، يفكر بينه وبين نفسه اش فيها ذي وبيتم يكتشفك من جديد ،
عجبتيني لمن ارسلتي له رساله (شكرا حبيبي ) لمن قال ما بوديك .. كبري دماغك ولااا كانه شي ولا تناقشيه في الثانيه ابد ابد والافضل انكم ما تتقابلون ولمن يجيب سيرتها عندك حطي ايدك على شفايفه وبدلع وبنظرة عين ناااعسه قولي : حياتي قلبي انا انت الان عند زوجتك حبيبتك بليزززز لا تجيب طاري احد ثاني الليلة انت لي انا وبس ولا ودي نكدر فرحتنا ببعض..
تفنني في اغراءه من بعيد لبعيد لا تورينه ملامح الحزن على وجهك .. انا حاسه باحساسك يا عمري وذايقه من نفس الكاس- بس صدقيني زوجك لو حس بضعفك راح يعاملك بشفقه مو بحب وتكونين لحظتها انتي الجانيه على نفسك ثقفي نفسك خلي الكتب جنب اباجورة سريرك
لا تشكين له الرجال ما يحب التشكي ولو انك حاسه بمغص وللا تعب قوليها بتعب وخليه يدلك لك المكان بايده وتأوهي بنعومه - يعني خليك انثى بمعنى الكلمه في وجوده عشان يحس برجولته اكثر.. الان اشتدت المنافسه اعقدي العزم على ان تتفوقي اخيتي .. احبك في الله وانتظر ردك على قصتي :icon26:
[/FONT][/FONT][FONT=Arial (Arabic)][FONT=Arial (Arabic)]
​
[/FONT][/FONT]
 
عيشي حيااتك وحاولي تنسين


خلييك مبسووطه ومفرفشه ومووو مهتمه


واهتمي بنفسك وبعيالك


والله يوفقك
 
الله يعيينج حبيبتي...
لاتضايجين ف روحج ولا شي.. اهم شي انتي والبيبي..^^
اكيييد صعب عليج بس حاولي تتغلين عليه.! لين متى بتمين جي وهو حضرته ولا على باااااااله...
الله يسخره لج يارب ويهديه...
 
الله يصبرك يا أخيتي ويطلعك بالسلامة أنتي والبيبي
وبعد رد أماني الغالية ما في رد​
 
والله ياقلبي ادعيلك من كل قلبي ان الله يساعدك وينصركي
عليه وعليها ويعينك ربي على الحمل وعلى الولاده انتبهي على نفسك
ولا تكوني ضعيفه الحين في دخيله في حياتك راح تشاكك في كل شي في زوجك وفي مالك
اتخذي موقف ولازم تهتمي في نفسك وترجعي زوجك لحضنك
 
اهم شي انج ارتحتي وتعالي كل يوم فضفضي هني

الله معاج واحنا بنساعدج باذن الله

اقري رد سنين مرو علي ..واماني الهاشم ...اقري ردهم الف مرة


صدقيني اذا حس انج قوية وقد كلمتج ..راح يحترمج

وهاي الثانية اللي متزوجها ..مسوية فيها ذكية ..وتبي تخاويج ..جدامه كله تمثيلية ... صدقيني تمثل عشان تقول له عقب ترى انا احبها بس هي ماتحبني ...ترى انا احب اعيالك بس هي ماتحبهم ووو

لاتعطينها الفرصة ..انتي ذكية واذكى منها بعد
خلج قوية وفكري بكل عقلج وتعلمي وتثقفي وددلي نفسج وربي يوفقج يااارب

الله يسعدج ويسخره لج
 
والله غريب ما يوديج عشان زوجته الثانية مش موافقه؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!وبعدين هل يمكن ان يتغير الجنوبي الى شمالي مع مرور القت ؟؟؟؟؟؟؟؟؟
 
مشكورين حبيباتي على مروركم ووقفنكم ويايه

وان شاء الله هالمره بحاول بكل جهد اني اكون اقوى وواثقه من نفسي اكثر واطبق الكلام والردود إلي تنفعني ..

ونويت اليوم اني اقرا الردود كلها من اول ويديد واكتب كل إلي يفيدني ..

اشكركم من كل قلبي..

واليوم ما استوى اي شي يديد بيني وبينه غير المكالمات العاديه ولا يابلي طاري العيال ولا حتى طاري الموعد إلي زوجته بتوديني .. والصراحه انا اليوم عرفت انه اختي عندها موعد في نفس اليوم وبسير وياها بس مب عارفه كيف اقول لريلي .. لانه اكيد بيقولي انتي شايفه نفسج وانتي انانيه وخقاقه وزوجتي طيبه وبغت اتساعدتج واتوصلج ومن هالكلام إلي ماله معنى .. ما اعرف شو اسوي ؟؟ بحاول معاه وبطبق كلام اماني الهاشم احس انه بينفع معاه بس قبل هذا بصلي استخاره .. انتوا بشو تنصحوني ؟؟
 
استغفر الله العظيم واتوب إليه

والله ريلي وااايد غريب ما اعرف كيف اتعامل وياه .. تعبت ما اعرف شو إلي يرضيه وشو إلي يزعله ..


الله يهديه ويصلح حاله

ويرده لي ردا جميلا عاجلا غير اجل
 
الله المستعان يابعد عمري الله يسخره لك ويهديه والله تألمت كثثثثثثثثثثثثثثثثثثثير عزيزتي لكن اكثري الاستغفار والدعاء
 
سنتين مروا علي قال:
انا الصراحه بعد هاليلسه الطويله قتله عادي ودهم عندها بس عند اهلها لا .. طبعا هو ما رضى وقالي مثل ما هم عيالج وتخافين عليهم تراهم عيالي وانا بعد اخاف عليهم وانا اعرف عيالي من النوع إلي ما يندمجون ويا الناس إلا إذا كانوا يعرفونهم .. يعني إذا وداهم بيتمون لازقين في ابوهم ولدي مستحيل يسير عند حد بس بنتي إذا قالولها روج ومكياج عادي تسير عند اي حد ..

الله يحفظهم ان شاء الله ..

وثاني شي انا بعد عندي موعد يوم الخميس وهو بيكون في الدوام وبما اني ما اسوق (على فكره انا عندي الليسن بس استوت مشكله بيني وبينه وهو قالي خلاص ما تسوقين وبعدين قالي سوقي فأنا قتله خلاص ما ابغي اسوق واي مكان انته اتوديني ) قالي بخلي حرمتي الثانيه اتوصلج المستشفى ؟؟ وقالي بيشوف إذا هي ما عندها دوام بتوصلني .. قتله اوكي انا عادي عندي .. هل هالشي إلي سويته صح ولا غلط ؟؟ ( انا شفتها مره وحده بالعيد وكلمتها يمكن مرتين يوم ريلي يكون ويايه يعني ما في بينا اي اتصال)

المهم ما خليته يطلع من البيت وهو معصب علي وزعلان مني .. راضيته مع انه هو المفروض يراضيني بس يبتنازل عسب عيالي وراحتي .. اهم شي انه كان مرتاح مني وراضي عني ..

الله يسخره لي ويرده لي ردا جميلا ويبعده عن كل سوء .. احبه بس تصرفاته إلي مالها داعي تخليني اكرهه..

اسمحولي طولت عليكم واتمنى ردكم على اسألتي إلي فوق لاني محتاره ما اعرف شو اسوي


اختي ايش هذا الهباب اللي تقولينه؟؟
ايش اللي لا مارح اودي عيالي وبعدين يخدرك بكم كلمة وتقولين طيب خلاص يروحون معاك عادي؟؟؟؟
ماني فاهمة؟؟؟
هي ايش دخلها في اولادك؟؟
تدرين ليش علشان تكسب محبته عن طريق اولادك
علشان يقول الله ياحبيبتي كيف انتي تحبين اولادي انتي واهلك وزوجتي ظالمتك ..علشان تقول شوف ياحبيبي اني احبها هي وعيالها وهي اللي ماتبيني

وبعدين ايش اللي هي بتوديك المستشفى؟؟
خير ان شاء الله وليش اصلا
واذا حملت ياروحي مين بيوديها؟؟ ياترى انتي اللي حالفة يمين ماتسوقين والا زوجك الطيب الحنون لأنه ياقلبي مستحيل تسوق هي بنفسها بعدين البيبي حقها يخاف من السياقة
وهي ياعمري بتوديك مو علشان سواد عيونك لا ياروحي علشان تشوف انتي ايش ..انتي كيف جاية.. وتبعد عن الاشياء السيئة اللي تسوينها وتكسب خبرة في تعاملك مع زوجك اللي هو زوجها واللي يصير زوجكم
بقولك شيء زوجك يثق فيها تدرين ليش؟؟ لأنها في نظره امرأة قوية والشمالي يحب المرأة القوية واكبر دليل على ثقته انه خلاها تتصل بالمستشفى وطلب منها توديك للمستشفى..
بينما انتي في نظره المرأة الضعيفة اللي بس ماتبي الا الحب ولا منها فايده يعني ماتفيدينه في الانجاز وتحقيق اهدافه كشمالي
على فكرة زوجك شمالي غربي
انتبهي
لاتخلينها تدخل حياتك
مو يرفع صوته عليك وتخقين وتقولين حاضر وعلى امرك
خلي لك شخصية مثل مافرضت رأيها ورفضت انك تروحين موعدك افرضي رأيك استفيدي من قوة شخصيتها لصالحك
خليه يصارخ ويسوي حركات ترى بيرجع بس لا تصارخين
تدرين ليش رجع لك وطلب منك تروحين معاه الموعد؟
علشان ردة فعلك كانت باردة جدا
((شكرا حبيبي))روعة الرد بل قمة في الروعة ..تدرين انك صفعتيه حسستيه انه مايهمك وغير كذا الشمالي حنون
بس الاهم انك تكوني هادئة في ردة فعلك ارفضي بهدوء
افرضي رأيك ولايغيره ولايغسل دماغك
نصيحة لاتدخل حياتك..لأن المستفيد الاكبر من هذا الشيء هو وهي فقط اما انتي ما اتوقع لك فائدة كبيرة
قولي له الولد ياحياتي ولدك وانت لازم توديني المستشفى بنفسك وما ارضى اي احد يوديني غيرك ..وابتسمي له واسفهيها
ولاتقبلي لي محاولة للتقرب منك
تحياتي لك
واسفة اذا كلامي ضايقك
بس انتي بنت حلال وطيبة وشخصيتك ناعمة وتحبين زوجك وتبينين حبك له لدرجة انه وثق انك مارح تتركينه وضمن ذلك علشان كذا لعبها صح وتزوج
من الان ورايح خلي لك خصوصية ياقلبي
تحياتي لك
أنقر للتوسيع...
نفس الرأي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل