السلام عليكم
الصراحه هذا اول موضوع لي في المنتدى واتمنى مساعدتكم لي لاني تعبت وما اعرف كيف اتصرف
بدايه بتكلم اشوي عن نفسي وزوجي انا متزوجه من خمس سنوات وعندي بنت وولد والحينه حامل في شهري السادس .. وريلي الله يسامحه من شهرين تقريبا تزوج علي قهرني وااايد واتضايقت وااايد واتمنيت انه الياهل إلي في بطني ما يتم .. بس الحمد لله قدرت اتحكم في نفسي واتوكلت على ربي .. واحاول اني ما اخلي لها وجود في حياتي .. المهم هاي قصه طويله بكتبلكم ان شاء الله بعدين..
:icon30:حلو أنج تجاوزتي هالمرحلة
اليوم يا بلقيسيات كان عندي موعد في المستشفى وانتوا تعرفون مواعيد الحوامل وهذا اول موعد لي صح انه متأخر بس الظروف هي إلي خلتني اتأخر اني اسير المستشفى .. وانا لاني ما اسوق فلازم ريلي يوديني العياده وهو اليوم مب عندي عندها .. فأمس يوم قتله انه عندي موعد عصب علي وقالي انتي تعرفين اني ما بكون في البيت قتله انا ما يخصني هذا موعد .. قالي المفروض اقوله من قبل او كان المفروض اني اتنازل عن يومي إلي هو يوم اليمعه ويكون يوم السبت عندي .. وانا الصراحه كنت ناسيه سالفة الموعد ومن اتذكرت قتله ..
أختي بكل صدق وصراحه ما بجاملج أنتي غلطتي تدرين به ما بيكون عندج وريلج مرتب نفسه على أساس انه مب عندكم وبيكون عند الزوجه الثانية ومعاه حق المفروض تعطينه خبر قبل كم يوم علشان يرتب يكون عندج على اساس موعد العياده بكل بساطه تقولين نسيت هالنسيان يمكن عادي عندج ومهم عند غيرج مثال انتي مرتبه لنفسج طلعه وتجي وحده من خواتج تقول ترى بروح معاج هالمكان وخبرت الناس انج بتين ما بتتضايقين اكيد بتضايقين فاللي يجري عليج نفس اللي يصير مع ريلج .
المهم قالي انه لازم يقول لزوجته الثانيه انه بيوديني فإذا وافقت اوكي وإذا لا يعني ما شي موعد .. والله مت من القهر بس ما قلت شي .. واليوم الصبح يوم اتصل به قالي ما بوديج .. بكل هدوء صكيت التليفون وطرشتله مسج شكرا حبيبي:tears: ..
ماعليج منه مجرد كلام
ما اعرف هل إلي سويته صح ولا كان المفروض اني اصارخ وازعل .. والله اكتبلكم وانا مضايجه ويالسه اصيح .. يعني هو ما اهتم فيني ولا في الياهل إلي في بطني واذا هو مب د المسؤوليه ليش يتزوج وليش يخليني احمل .. والله تعبت كل ما احاول اني انسى زواجه يرد ذكرني بتصرفاته إلي ما لها داعي ..
لالا تصارخين ولا غيره ما يسوى الموعد بداله موعد وسالفة ليش يتزوجون وليش نحمل هذا مكتوب علينا المهم تتأقلمين وتنسين انه فيه زوجه ثانيه وابعدي عن المقارنه في المعامله بتتعبين.
حسبي الله ونعم الوكيل على إلي خذت رريلي مني المشكله انه كان يكلمها يعني خاني وعقب اتزوجها .. الله يسامحه ويسامحها ..
شوفي الريال محد يفر راسه اذا يبا يسوي شي بيسويه ولانه بغى الزواج تزوج وممكن ما تكون عنده حجه بس عنده المقدره.
انا واااااايد مضايقه وان شاء الله تكونون فهمتوني لاني ما اعرف شو يالسه اكتب بس ابغي اظهر إلي في خاطري لانه ما عندي حد اشكيله همومي والدموع تارسه عيني..والصراحه بعد إلي سواه اليوم كرهته اكثر ..
يارب تسخر لي زوجي وترد لي ردا جميلا عاجلا غير آجل وزوج جميع البلقيسيات
ادعولي يابنات انه الله يفرج همي ويفك ضيقتي ورجع لي زوجي مثل ما كان واحسن
ونسيت اقولكم ريلي اليوم بيسير الدوام يعني اسبوع ما بشوفه بس هو بيي البيت ياخذ اغراضه وبيطلع .. فبغيت اعرف كيف اتعامل وياه ؟؟ هل ابين له اني متضايقه وزعلانه ولا اسوي عمري عاديه جنه ما استوى شي ؟؟
على فكره زوجي شمالي بس مب متأكده إذا شرقي ولا غربي
والسموحه منكم
