شورو علي اتطلق قبل ما اتوهق لاني خلاص ماعدت اتحمل

  • بادئ الموضوع بادئ الموضوع رمآدآ
  • تاريخ البدء تاريخ البدء
حياة القلب الله يجزاك الف خير
والله المستعان
 
قبل ما اعلق على ردود باقي العضوات
انا اليوم رحت لاهلي زياره وقلت لهم ما ابي اطلع معاه
ابي ارتاح هنا لو يومين اهلي قالو لا روحي له وما ادري وشو
وصبري حتى اهلي موب حاسين فيني كل شي برضاه الا انه يمد ادينه
احس ان ما احد معاي وموب عارف وش اسوي معاه
والله موب عارفه انا تعبت من حياتي معاه جلف لدرجه ماتتصورونها
رجعت البيت معه ويسب ويلعن ويقول لي غصبن عليك وعلى اهلك بترجعين لي
واهلك موب كفو يمنعوني من شي وماخلى كلام ماقاله
وش هالحياه هاذي ما احد حاس فيني
ولا حتى يكلفون نفسهم ويسالون وش صاير لك
 
رمآدآ قال:
السلام عليكم ..


بنات انا حالتي لله والله موب عارفه وش اسوي والله موب عارفه
احس كل شي ماينفع معه
زعلت قبل شهر ورحت بيت اهلي ست شهور ورجعت تغير اسبوع بعدين رجع زي ماعليه

من تزوجنا واحنا في مشاكل مشااااكل في مشاكل والله تعبت
ماعرفت معاه شهر عسل وماعرفت معاه حب وحنين
شفت الجفاء منه سوء المعامله ليه ما ادري

احيان احس انه يحبني احيان احسه يبي زوجه وبس انا غيري اهم شي زوجه
كل ما اطلع معاه نتمشى لازم تصير مشكله لازم تصير مشكله ونرجع البيت على طول
ويلومني انتي الغلطانه وانتي اللي فيك لدرجه والله العظيم يسبني ويسب اهلي
تخيلو يقول كلام يجرحني والله انتي حشره انتي نجسه انتي ملعونه
وكلبه وبنت الكلب تخيلو والله ما املك الا اقول له هذب لسانك لاكن مافيه
يسب وماهمه شي ولو رديت عليه مد ادينه علي
يهيني بكل شي والله بكل شي لو تهاوشت معاه يمسك الجوال ويقول انا اللي جبته لك
يتصرف تصرفات ما ادري كيف والله
احيان اشوفه يحبني وبحنون ومستعد يسوي كل شي علشاني
بس فجاءه يتغير وماعمري ماعمري طلعت معاه الا وتصير مشكله
يطالع البنات قدامي ويتكلم ويقط كلام على البنات وانا قدامه
واما اهمه اقول له بتغازل كيفك غازل بس موب قدامي

واهله يقولون لي عين اكيد اللي فيكم عين هو يحبك
وحاسدينكم وما ادري وشو وانا احسه كذا ماهمه انا همه مره وبس

اعذروني على الاطاله او اذا فيه شي موب مفهوم
والله من القهر اللي فيني بكيت بكي اليوم لما رجعنا من تمشيه
كنا مبسوطين فجاءه ما ادري وش صار ورجعني البيت على طول ولا حتى كلمه تكلمها

قولو لي وش الحل


كتبت الموضوع من قبل والحين ارد واكتبه
والله موب عارفه وش السالفه لليوم لبكره
والحين صاير يتمادى اكثر واكثر
صار يمد ادينه علي على اتفه شي ويصفعني على راسي وربي
حتى احيان احس راشي فيه وجع غير طبيعي

خايفه يجيني شي براسي من كثر مايصفعني عليه
يسب ويلعن وقدامي والله اني انقهر يقول لي الله ياخذك وكلام اكبر واكبر
ولاصار يبي حاجته يجيني يتسحب ويعتذر واول مايطلع النهار
والله يرجع لتعامله احيان يروق واحيان لا وحتى لو روق ماعنده سالفه الا البنات
وهالخرابيط كل يوم ادعي ان الله يهديه لي
لاقام يسب ويلعن ويقول ويقول اسكت ولا سكت يجي يمد ادينه علي يصفعني
او يضرب اديني يعني تكلمي بالقوه ولا سكت ورحت غرفتي لحقني للغرفه
ويتحرش فيني ليما ماتقوم هوشه والله تعبت معاه والله

افكر اني انفصل منه مع العلم ان ماصار لنا مده متزوجين والله مارزقنا با اطفال
اقول يمكن خيره من ربي ما ابي استمر واتوهق بعدين
والله حياتي معاه يوم نعيم ويوم جحيم شورو علي

جعل من ترد علي الجنه هي وكل غالي وعزيز عليها
ويناولها كل ماتتمناه يارب
أنقر للتوسيع...


مساءكـ مطعم بالجمال والعطر ..

بعض الاحساس لا يخرج مبكرا ... ...

والبعض يحتاج إلى لحظات صفاء لا تكونـ بسرعه ...

كذلك الحياة الزوجية متقلبة .. فالزوج مزاجه غير مستقر .. وبحاجه لأكثر من لحظه صبر ..

اختي العزيزه اسمحي لي ان اخذ مقتطفات من عذب رسالتك المليئه بالجراح .. واجعل من اجوبتي .. عطرا .. ربما يكون متنفس .. لك ..

للأسف في ما سلف من رسالتك ذكرتيـ كل شيء واهتممتي جدا بشئون ( الطلعات) .. وادرجتي تعليقا بأنه ينعتك بعبارات .. ( سيئه* * ) لا اود التطرق لها ..

ولاكن اختي .. لكي نصل إلى لحظة رضا .. يجب ان نعي شيئا واحدا وهو المهم جدا ..

حاولي ان تصلي إلى لحظه يجد فيها زوجكـ انك مميزه ولو بشيء واحد .. لانه ربما يرى فيك مثل غيرك من الفتيات وهذا ابرز الاسباب .. بأنه لم يفرق بينكـ وبينـ الاخريات ..


الشيء الآخر ... مسألت السب والغلط .. حاولي ان تجلسي بقربة جلسه مصارحه لأسلوبة والغلط .. وربما الشيء الذي ساهم في تماديه في الغلط هو انتي .. لانه يجد منكلك مبالاة في اللحظه الاولى التي تحدث لك بأشياء نابية .. فالاولى اختي ان تكون ردة فعلك بكلمة جزاك الله خير ... وهذه الاشياء تجعله لا يستطيع التكلم اكثر.

وكذلك اختي تطرقتي لأنه اهله يعلمون بما يحدث وتعليقهم بأنه سحر وعين وربما يكون واقع فعلي لاكن لانجعله نصب اعيننا لانه في بعض الاحيان تكون هذه وسيلة للتبرير لا اكثر
اختي اجعلي اسرار بيتك في جعبتك فقط وانتي فقط انتي من يستطيع حلها لا اهله ولا اهلك .. انتي من يختار النجاح او الفشل في هذه العلاقة


والاهم اختي ان تلجئي لخالق السماوات اختي .. عليك بقيام الليل والدعاء .. ودليلي على هذه العبارة القرآن .. ( وجعل بينكم مودة ورحمة ) فلننظر إلى هذه الآية اختي من الذي جعل بين الزوج وزوجته المودة والرحمه هل التعامل الحسن هل الاسلوب او الجمال فقط الله من جعل المودة والرحمه فأجعلي همك الاول هي ارضاء رب العالمين والدعاء وقيام الليل واجعلي اهتمامك ينصب بخالقك ستجدينه وربي هو من يتقرب لك فقط ارضي رب العالمين وسيرضا عنك .. اذا احبك الله سيحبك كل خلقة ..وهناك القصص كثيره على ذلك وربما سأعود قريبا كتبته على عجالة
 
تسواهم اذا هو مايخاف من ربه يصلي بس احسه مايخاف من ربه
لو يخاف من ربه ماسوى اللي سواه كان خاف من الله يوم اقول حسبي الله ونعم الوكيل
على اللي ظالمني الله مايخلي حق مظلوم ولا يهز فيه شي
ولا حتى يقول لاتدعين احسه موب خايف من ربه


الزمان البعيد والله اني قايله هالكلام الف مره لاهلي
لاكن لاحياة لمن تنادي يقولون بكره لاجبتي عيال بيتعدل
ولاجبت عيال بتزيد الحاله وبيقولون لي اصبري علشان العيال وهاذي حياتي
الشكوى لله
 
زمن التحدي

الله يجزاك الف خير على النصايح الحلوه

اقسم لك بالله العلي العظيم ان اهله يعرفون عن تعامله معي
ويعرفون كيف يعاملني ومامره اسالتني امه وش اخبارك معاه الا واقول مايقصر في كل شي
يغلط علي قدام اهله ويستصغرني قدامهم انزل راسي واسكت او اصد
لان اشوف شي داخلي انكسر واقول في نفسي يم حمواتي وحريم اخواته يسمعني هالكلام
هم يشوفون اللي يسويه فيني من دون ما اتكلم لهم والله ماعمري شكيته لاخواته او امه
الا لما تجي امه الشقه على صوت بكائي لما يضربني
الله يجزاك الف خير كلامك بلسم
 
محبه كلام الرحمن

الحال اعلم به الرحمن
استوقفني كلامك وعبارات فيه

ذكرتيـ كل شيء واهتممتي جدا بشئون ( الطلعات) ..

ذكرت الطلعات لانها من جد محيرتني مامره طلعنا الا ولازم خناق شي ضروري
والله اني مستغربه من هالجاله لاتقولين همني الطلعات تظلميني والله همي الطلعات
ومرات قلت له ما ابي شي منك ابي بس الاحترام بس الاحترام
وعلى فكره هو مانعني من زيارة اهلي ماعدا بيت ابوي خال عم بنت عم بنت خال يمنعني من الروحه لهم
زواجات اصدقائي ملكاتهم كلهم ممنوع ممنوووع لو بطلع بطلع معاه تمشيه مره كل شهر او كل شهرين
الحمد الله على كل حال وانا موب معترضه على الطلعات معترضه على المشاكل اللي تكون فيه


حاولي ان تصلي إلى لحظه يجد فيها زوجكـ انك مميزه ولو بشيء واحد .. لانه ربما يرى فيك مثل غيرك من الفتيات وهذا ابرز الاسباب .. بأنه لم يفرق بينكـ وبينـ الاخريات ..
أنقر للتوسيع...

زوجي يشوفني اني غير عن الكل با اشياء ما احب اذكرها واشياء يحبها هو
منها الاهتمام باللبس باانواع العطورات ومعرفتي لهم مثل اهلي حتى احيان يسميني اجمل لانه يحب عطوراتهم والطبخ وكثير كثير
والسالفه هنا موب لان زوجي يناظر غيري بسبب انه يجد فيهم الكمال او غيره
هو يناظرهم علشان يغضيني وفعلا انا اغتاض لانه يجيد كيف يغضيني
لانه في لحضات يقول ما ابدلك ولا ابي غيرك وانا اعرف انه يحبني
بس اللي ما اعرفه ليه يسوي كل هذا يسوي الغلط ويجي ولا كانه مسوي شي يبي حياته تصير اوك
وانسي اني غلطت عليك ولو افتح له الموضوع واتكلم معاه بهدوء عن اللي يصير
يسكتني ويقول خلاص السالفه انتهت اقول له ما انتهت لانها بتتكرر يقول لي انتي تدورين النكد
اقول له احنا نتناقش يقول لي النقاش بهالمواضيع ما ابيه اليي قاهرني مايبي يسمع مني
لو يسمع مني ويحس فيني كان ماصار هاللي صار يسوي نفسه عارف كل شي وهو جاهل كل شي


اختي اجعلي اسرار بيتك في جعبتك فقط وانتي فقط انتي من يستطيع حلها لا اهله ولا اهلك
أنقر للتوسيع...

والله العظيم ماعمري شكيت حالي لاخته او لامه او لغيره
لاكت اشياء كثيره تبين لهم اللي يسويه من دون ما اتكلم انا ماتكلمت عن كل شي
لاكن بقول لك كيف اهله يعرفون تعامله معي
احيان لما اكون جالسه معهم ومه حريم اخوانه يدخل علي انتي وش تنتظرين للحين مارحتي غرفتك
يلا خمس دقايق واشوفك بغرفتك بتقولين زوجك ويبيك معه لا اهله يشوفونه يدخلني غرفتي ويطلع
ويخليني وياويلي لو رحت يمهم يبوني اجلس معهم بس اتعذر ويعرفون ان اخوهم مانعني

كم وكم وكم مره احرجني قدامهم وهو والله مايرضونها علي ويقول له عيب لاتسوي كذا
لاكن مافي فايده والله اني ارد عليهم واقول لهم ماعليكم منه قدامكم يسوي كذا
اصلا ما ابي احد يتشمت فيني ولا ابي احد يدري عني

الله يقربني من ربي اكثر واكثر ويحبب فيني خلقه ياكريم
وانا مع زوجي ماشفت رحمه شفت موده احيان لا كن رحمه ماشفت
لو فيه رحمه رحم ضعفي ومامد يده علي وهو يعرف اني ما اقدر ابعده عني لو استعملت كل قوتي
الله يجزاك خير والله يعيني في مصيبتي وياجرني عليها يارب
 
جربي الاستغفار لمدة شهر وشوفي النتجيه معاك والله يكون فى عونك
 
ترى الزوج ينقهر لمن يسبك طنشيه واخرجي من الغرفة فورا
 
حبيبي يمكن عين لآتطلبي منه طلآق
آلآ لمن تسؤي كل اللي عليك شغلي سؤرة بقره بيتك
وهو نآيم حطي يدك على ـآ رآسوآ وآقري عليه ولمن تخلصي
آدعي ربك آن يحنن قلبه عليك آقري سورة يس وبعدها ادعي آي دعآآء
ولمن يتهآوش معآك ولآ يسبك ويسب اهلك لآتردين عليه آجلسي استغفري وبس
آحقريه..واذا مد يده عليك حآولي تروحي غرفه لحآلك غير غرفة نومك
آجلسي فيها طول يوم صلي وادعي ربك واذا استمر هالوضع ومآنفع
قولي لآآحد من آخوآنك أو آبوك والله كاتبه الله بيصير..~
بس بسآلك مخلفه منه ..؟
.
.
تقديري..~
 
السـلام عليكم خيتو رمادا
بعض الردود غااااايه في الروعه اللي تنصحك بالصبر وكثرة الصلاة
صدقيني انا مثلك متزوجه من مده وجتني كم مشكله بيني انا وزوجي والشيطان مايخليني على طوووول ملازمني.. وكان سببها بعدي عن ربي فـــ قررت أقوم الليل وأكثـــر من الدعاء في السجود لإن مراح يعدله الا اللي خلقه لو اجتمعوا امة محمد علشان يعدلونه مرااااح يغيروا فيه ولا ذره اذا ربك ماأراد
توكلي على ربك وأكثري من الإستغفار وقيام الليل والدعـــاء ...بعد ماتداومي عليها وررربي راح تحسي برااااحه عمرك ماحسيتي فيها وحبيت اقولك اذا صليتي ودعيتي واستغفرتي كم يوم وما تعدل لا تقولي مافدوني بشي لا دااااومي عليها وربي راح يفرجها عليك وتذكري :ربك اذا حب عبده ابتلاه
فالصبر ثم الصبر ثم الصبر..انا متفاااائله انك راح تبدئي فيها وراح تحصلي ماتبغينه إن شاء الله.. وعلى ماسمعت ان اصعب الفترات اول ســــنه بين الزوجين ..
الله يوفقك ويسخره لك ويحنن قلبه عليك وعساه مايشوف غيرك وعساه يفررررح قلبك باللي تبغين عاجلا غير آجل..
وياليت تلغينا بالنتائج..
 
تدرين ليه يمد ايده..ويكرر هالتصرفات..
لانك معطيته مؤشر أخضر لهالافعال يعني من اول مره يسويها المفروض تكون لك رده فعل قويه تخليه يتوب يكررها ثاني..
مجرد الكلام المسيء اللي يقوله عنك وعن اهلك (الاساءه اللفظيه)يعتبر من التعنيف الاسري ويمكنك مقاضاته..فمابالك بالتعنيف الجسدي..
لازم تكون لك رده فعل مو يمد ايده وباكر يجي ينام معك سلامات؟فين احنا عايشين؟المسأله خبط لزق خلي عندك رده فعل وردي اعتبارك..وحددي هدفك من الان تبين تكملين معاه او لا..
ومن رأيي واحد يسوي كدا ماينعاش معه حتى لو بينكم محبه..
 
أسمعي حبيبتي مافي وحده مرتاحه مع زوجها
الكل عنده مشاكل
والزواج مصلحه .. يمكن ربي يجيب لك منه اطفال يعوضونك ويسعدونك .. يمكن يكون باب اجر وحسنات لك عشان ترفع درجاتك بالجنه

انتي عامليه بما يرضي الله واتركيه هو يعاملك على كيفه لانه اذا اخطأ له رب يحاسبه

واوصيك بالصبر ثم الصبر ثم الصبر
والدعاء وكثرة الاستغفار

أنا مطلقة ومو سعيدة مع ان اهلي طيبين لكن لابد ماتسمعين كلمة تضيق خلقك
واذا تطلقتي ماراح يتقدم لك غير شيبان ومتزوجين مثل حالتي والله الطلاق دمااااااار


ربي يوفقك .
 
نيد يوو الله يجزاك الف خير على هالنصايح
وقلت لاهلي قبل وظليت في بيت اهلي مده بعدين رجعت له لاكنه ماتغير
الله يهديه يارب ويعقله والله لي اليوم والاجواء موب شي وموب طايقه اطالع فيه
 
داانو راح اسوي اللي قلتي عليه من اليوم
بصلي اخر الليل وبدعي ربي يهديه لي وبستمر لين تكتمل هالسنه لان كثير نصحوني
اصبري سنه والله يهديه يارب يارب ادعو لي ان الله يغيره عن اللي هو فيه
حياتي هنا عذاااب حتى الطلعه لاهله مانعني عنها الله كريم


انا كدا
اول مره مد يدينه علي جبت اهلي لي شقتي ورحت عندهم
ورجعوني كلموه ورجعت معاه في نفس اليوم وانا اعرف ان خذا غلط بس اهلي همهم كلام الناس
لاحد يتشمت ولا احد يعرف مايدرون ان هو ينشر الشي بين الناس وماهمه
تصرفهم هذا خلاه يتجراء علي الف مره وزعلت ثاني مره ونمت يوم ورجعوني واخر مره جلست عندهم كم شهر ونفس الشي ماتغير وش الحل معاه ما ادري
 
استخيري اختي واذا بغيتي رايي اتركيه هذا ما يستحقك
الرجال اذا تمادى صعب يتراجع او يرجع
الا من رحم ربي
اسأل الله لك التوفيق
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل