شورو علي اتطلق قبل ما اتوهق لاني خلاص ماعدت اتحمل

[رمآدآ]

السلام عليكم ..


بنات انا حالتي لله والله موب عارفه وش اسوي والله موب عارفه
احس كل شي ماينفع معه
زعلت قبل شهر ورحت بيت اهلي ست شهور ورجعت تغير اسبوع بعدين رجع زي ماعليه

من تزوجنا واحنا في مشاكل مشااااكل في مشاكل والله تعبت
ماعرفت معاه شهر عسل وماعرفت معاه حب وحنين
شفت الجفاء منه سوء المعامله ليه ما ادري

احيان احس انه يحبني احيان احسه يبي زوجه وبس انا غيري اهم شي زوجه
كل ما اطلع معاه نتمشى لازم تصير مشكله لازم تصير مشكله ونرجع البيت على طول
ويلومني انتي الغلطانه وانتي اللي فيك لدرجه والله العظيم يسبني ويسب اهلي
تخيلو يقول كلام يجرحني والله انتي حشره انتي نجسه انتي ملعونه
وكلبه وبنت الكلب تخيلو والله ما املك الا اقول له هذب لسانك لاكن مافيه
يسب وماهمه شي ولو رديت عليه مد ادينه علي
يهيني بكل شي والله بكل شي لو تهاوشت معاه يمسك الجوال ويقول انا اللي جبته لك
يتصرف تصرفات ما ادري كيف والله
احيان اشوفه يحبني وبحنون ومستعد يسوي كل شي علشاني
بس فجاءه يتغير وماعمري ماعمري طلعت معاه الا وتصير مشكله
يطالع البنات قدامي ويتكلم ويقط كلام على البنات وانا قدامه
واما اهمه اقول له بتغازل كيفك غازل بس موب قدامي

واهله يقولون لي عين اكيد اللي فيكم عين هو يحبك
وحاسدينكم وما ادري وشو وانا احسه كذا ماهمه انا همه مره وبس

اعذروني على الاطاله او اذا فيه شي موب مفهوم
والله من القهر اللي فيني بكيت بكي اليوم لما رجعنا من تمشيه
كنا مبسوطين فجاءه ما ادري وش صار ورجعني البيت على طول ولا حتى كلمه تكلمها

قولو لي وش الحل


كتبت الموضوع من قبل والحين ارد واكتبه
والله موب عارفه وش السالفه لليوم لبكره
والحين صاير يتمادى اكثر واكثر
صار يمد ادينه علي على اتفه شي ويصفعني على راسي وربي
حتى احيان احس راشي فيه وجع غير طبيعي

خايفه يجيني شي براسي من كثر مايصفعني عليه
يسب ويلعن وقدامي والله اني انقهر يقول لي الله ياخذك وكلام اكبر واكبر
ولاصار يبي حاجته يجيني يتسحب ويعتذر واول مايطلع النهار
والله يرجع لتعامله احيان يروق واحيان لا وحتى لو روق ماعنده سالفه الا البنات
وهالخرابيط كل يوم ادعي ان الله يهديه لي
لاقام يسب ويلعن ويقول ويقول اسكت ولا سكت يجي يمد ادينه علي يصفعني
او يضرب اديني يعني تكلمي بالقوه ولا سكت ورحت غرفتي لحقني للغرفه
ويتحرش فيني ليما ماتقوم هوشه والله تعبت معاه والله

افكر اني انفصل منه مع العلم ان ماصار لنا مده متزوجين والله مارزقنا با اطفال
اقول يمكن خيره من ربي ما ابي استمر واتوهق بعدين
والله حياتي معاه يوم نعيم ويوم جحيم شورو علي

جعل من ترد علي الجنه هي وكل غالي وعزيز عليها
ويناولها كل ماتتمناه يارب

 

[رمآدآ]

وش دعوه ولا وحده

 

[أحاسيس وطنية]

شوفي حبيبتي استخيري مرارا

وادعي ربي يسدد رأيك وقرارك

وتخيلي حياتك بعد الانفصال هل بتكون اريح؟

لان مدة اليد شئ مؤلم واهانة بليغة.............لازم تضعين حد

خاصة عدم وجود اطفال

والله يرزقك باللي يسعدك

 

[مدنفة أوصالي]

ياحبيبتي زوجك شكله شكله والله اعلم شمالي شرقي

وهالشخصية نكدية بشكل مو طبيعي واذا صارت مشكلة

يكبرها ومستحيييييييييييل يكون هو غلطان بأي شكل من الاشكال

قبل كل شي استخيري رب العالمين واقرأي قد ما تقدرين في المنتدى

عن هالشخصية وكيفية التعامل معها لان احيان يكون الحل اسهل منه

مافي وهو بين ايدينا ولكن لقلة اطلاعنا نكون قمنا باللي يخلينا نتحسف

انا تقريبا حالتي مثلك ويمكن تكون حالتك اقرب الحالات لي ( من غير الصفع ومد يد )

ولكن السب خذي وكثري ، عموما دايم اقول هو يحبني لانه احيان كثيرة تصير

المضرابة عشان مصلحتي انا لكنه مايعرف كيف يجيبها وكيف يفهمني اياها

لا تستعجلين اقرأي وطبقي وعليك بالدعاء والاستغفار كثييير ،حاولي تقربين

من ربك وتستعينين فيه قبل اي أحد واذا وصلتي لمرحلة ماقدرتي فيها تتحملين

وما فاد التطبيق فتوكلي على الله وسوي اللي يرضاه ضميرك

الله يفرج همك ويسخر لك زوجك ويجعله من اقرب الناس لقلبك ويجعلك من اقرب

الناس لقلبه ويزرع المودة بينكما

 

[رمآدآ]

احاسيس والله اني طلبت الطلاق منه
يقول لي ماني بمطلق ومره يقول جيبي مهري
قلت له مهرك بيجيك بس طلقني ابي ارتاح
ماهمه شي قلت لاهلي ابي اتطلق قالو لي اصبري يمكن بكره احسن
الطلاق موب شي هين بس تعبت والله تعبت
ومثل ماقلتي الا مدة اليد وقلت له الق مره لو بتسب سب بس ادينك ماتمدها
مافيه فايده والله مستحقرني اذا عصب يسب ويلعن ولا روق جاني ولا كانه مسوي شي
ويتامر علي واحيان لاطلبت منه شي قال لي روحي لاهلك يعطونك
والله ما دري وش اسوي

 

[aalll]

اهلين رمادا انا اقول مدامك اول الطريق وكذا يسوي فيك وشلون بعدين لاصرت بينكم عشرة طويله واطفال ايش بيسوي انا اقول الانفصال ازين للك واريح وان شاء الله ربي يعوضك بالي ازين منه واذا كنتي مو قدرة تنفصلين عنه ماللك الاادعاء له

 

[رمآدآ]

مدنفه الله يسر امورك يارب ويسخر زوجك لك ويحنن قلبه عليك ويهدي بينكم يارب

كيف اعرف زوجي اي نمط
وما اكذب عليك انا موب صبوره يعني مسالة تطبيق ما اضنها بتنفع معي
لاني ملوله لو طبقتها يوم ماراح اطبقها كثير وهو يقهرني فيه عناده ولسانه
لما يسب ويلعن ويمد ادينه شي ينكسر داخلي والله شي ينكسر داخلي
والمشكله ان اهله يعرفون عن هالمشكله وتنتشر بالعايله
ويجيني بعدها بيوم او يومين ولاكانه سوى شي ولو مايرد لها اقول معليه ما ابي عذر ولا شي
المشكله انه يرجع لها ومافي فايده معه

 

[ام شوووشه]

اختي الله يصبرك ويعينك حاسين فيك
بس بسالك سؤال انتي استختري قبل تاخذينه

 

[رمآدآ]

aall
والله احيان اشوف الانفصال احسن لي وله
وخاصه ان كلمه بتزوج على لسانه دايم
واحيان اشوفه انه يحبني بس وش اللي يجيه والله ما ادري
الله يوفقني يارب للي افضل لي

 

[رمآدآ]

ام شوشه اي والله استخرت وماحسيت بشي ابد
وصليت اكثر من مره راضيه نفسياء بس ماجاني حلم زي مايقولون البعض ولا شي
انا ما اقول هو انسان موب زين زين بس احيان يصير بهالشكل واسوى
ليه والله ما ادري احيان اقول ما ابي الا الاحترام بس مايهمني شي غيره

 

[حياة القلب]

الله يعينك والله مدة اليد شي فضيع والله يعطيك الخيره في امرك

 

[تسواهم]

لاحول ولاقوه الابالله

حاولي تصلين قدامه كثير وتدعين وتصيحين بيخاف من الله وخل يشوفك متمسكه بربك حيل

واقري قران قدامه صدقيني مهما كان بيتغير وصيري هديه


وحاولي لامد يده قولي حسبي الله ونعم الوكيل لاتقولينها بعناد لا


خلي دمعتك بعينك وابكي ونزلي راسك وقولي حسبي الله ونعم الوكيل وانتي مكسوفه


وياااااااااارب يهدي زوجك​

 

[الزمان البعيد]

الله يعينج ويصبرج
اخيتي اهم شيء في الزواج والعلاقة بين زوجين
الاحترام والألفة والثقة والأمان
فاذا لا لاتوجد بحياتك كل هذه الضروريات في الزواج
فلماذا تسمينها حياة زوجية
استخيري الله واتخذي قرارك والله يوفقك
ودمت بخير
​

 

[فوفو القمر]

الله يفرج همك

 

[تسواهم]

زوجها ابد مافيه من الشرقي

يمكن يكون غربي او شمالي بس الشرقي ماتوقع ابدا​

 

[نجوم نص اليل]

الله يسخره لك زوجك شكله مزاجي وطبعه حار يعني يبي كل شي على كيفه حتى السكوك والكلام على كيفه مثل ماقالت اختي شوفي كتاب بوصلة الشخصيه واعرفي هو من اي نمط وتعاملي معاه
بس انصحك خوذي فتره يهني اذا مد يده مره ثانيه خوذي موقف ولا تسامحينه وخوذيلك كم يوم تريحين اعصابك عند اهله وقرائى زين عن شخصيته وعطيه فرصه يصلح اخطائه وبعدين حاولي معه وشوفي عسى ربي يسهل دربك

 

[زمن التحدي]

غاليتي اعتبريني اختك الكبيرة التي مر عليها الزمن وتعلمت منه مالم تتعلمين انت ولا انا في المدارس فلحياة والتجارب هي التي تصقل الانسان سأعطيك شيء من خبرتي في الحياة لك ولكل فتاة في بداية زواجها واعذرني ان قسوت عليك فمن يحب يقسو وصدقيني اني اعتبرك اختي الصغيرة
أولاً ليس هناك طلاق مهما كلف الأمر لا تطلبي الطلاق ولا تفكري فيه انت ولاغيرك ممن تظن الحياة الزوجية فرح ولبس شرعة ووناسة ومطاعم ووووو... ثم تفاجء بالمسؤلية وتبدأ بتذمر.
ثانياً انت وزوجك الان في دوامة انت لم تفهميه وهو لم يفهمك ولكن مع العشرة الطيبة منك سوف تتقربون لبعظكما ومع الأيام ستعرفين ماالذي يغضبه حتى تتجنبينه وماالذي يسعده فتقدمينه..
اما كيف تعرفين ذلك بكثرة الصمت منك واتبسم في نظراتك فعندما تخرجان مع بعض كوني حريصه لمعرفة مايثير غظبه حتى تتجنيه في المرات القادمة
وإذا كنت في المنزل راقبي حركاته مالذي يعجبه فيك مالذي يعجبه في البيت ظعي له مكان في البيت يرتاح فيه وظعي له القهوة هناك والجريدة وإن كان يحب التلفزيون فظعيه في نفس المكان..
ثالثاً عودي نفسك عندما تخاطبينه خاطبيه بأنوثه يعني بتغنج وبصوة منخفظ حتى ولو أغظبك أو أثارك لاترفعين صوتك مهما كلف الأمر واظبطي أعصابك اعرف انك ستتعبين ولكن تذكري والكاظمين الغيظ كلما أغظبك رددي والكاظمين الغيظ ثم كبري ورددي في نفسك الله أكبر ستلاحظين عليه أنها نار وبدت تنطفي ( عن تجربة التكبير يطفي الغظب).
رابعاً لاتسمحي له مهما كلف الأمر أن يمد يده عليك بل أبعدي يده عنك وانظري له بقوة شخصية وبغظب من غير أن تنطقي بكلمة واخرجي من المكان الذي هو فيه ولكن لاتذهبي لغرفتك حتى تبكي فيستظعفك بأخذ حقك بل إذهبي الى أي مكان أخر ومارسي أي عمل.. وكذلك عندما يتلفظ عليك بألفاظ بديئة افعل كذلك..
خامساً وأن اطلت ... بنسبة لمشاكلك أنت وزوجك يجب أن لايطلع عليها أحد من أهلك أو أهله مهما كلف الأمرحتى ولو كانت أمك ولاتذهبي إلى بيت أهلك عندما تغظبين منه ولاتجلسين عندهم فهذا يصتصغرك عنده ويحتقر أهلك وأيظاً أهلك يحتقرونه ..
ولن يحترموه حتى وأن صلح حالك معه وهو سينظر لهم أنهم لايحترمونه لأنكي تطلعينهم على مشاكلكم وسيستحقر نفسه أمامهم وسيكرههم وسيزيد من تحقيرك...
لذا عزيزتي من اليوم ابدائي بمدح زوجك أمام أهلك وأمام أهله وأكثري من إحنرامه أمامهم وتقديره وعندما يطلب شيء عند أهله إذهبي أنت واجلبه وعندما يقولون لك كيف أنت تقولين وتقولين قولي لهم كنت لاأفهمه وكلما ؟أكثرت من مدحه أمام أهله وأهلك سيزيد هو بحترامك وتقديرك..
غاليتي الحياة ليست مثل ماتتصورين فهي تحتاج لصبر وجهاد كان الله في عونك ...
غاليتي ارجو تطبيق ماقلته لك والصبر على ذلك وسترين بأذن الله النتائج ولكن لاتستعجلين كل شيء يأتي بالصبر..
ارجو ان تطمئنينني على حالتك بالخاص​

 

[lyna14]

آختـــي زمن التحدي

كلامك صحيح اللهم بارك كله حكمة ووعي
فعلا أختي خذي بالكلام واصبري واحتسبي الاجر
واستعيذي من الشيطان

لان الطلاق مش هين ابدآ
وعمر حياتك قبل الزواج وبعد الطلاق ماراح تكون نفسها
حتى لو مااحد حسسك بشئ انت نفسيا ماراح تكونين مرتاحة
لو استسلمتي بهالسهولة لازم تصبرين وتسوين اللي عليك وتوكلين امرك لله وحده
وهو القادر المقتدر سبحانـــه

 

[فراولة بالكاكاو]

الله المستعان
اسال الله ان يفرج همك ويصلح زوجك ويسخرره لك

 

[كاتياباسل]

والله ياعمري يــا رمآدآ
أذا هذي حياتك معاه
يوم حلو ويوم مـــر،،،،وضرب مبرح،،،وأهانه
وسب

فتركه خيـــــــــر
خاصه أنو مابينكم أطفال