شلون أرد على وقاحتها

[عطر الأماكن]

السلام عليكم ورحمة الله وبركته
شخباركم خواتي البلقيسيات ..الله يجعل كل ايامكم سعاده خير

مااطول عليككم ادخل بمشكلتي ع طول..

فيه وحده كانت ع علاقه بخطيبي سابقا واخوها رفيج خطيبي الموهم يوم خطبني هيا قامت كل مايتصل اخوها ع خطيبي تسحب السماعه وتكلمه وانا كنت اسكت في الاخير طفح الكيل وقلت لخطيبي مااسمح لك انك تكلمها ومن هالكلام وقالي اوكي وخبرهاا وصارت سالفه يازعم هيا تكلمه بكل برائه وماتبي اتسبب مشاكل ومن هالنوع وماقامت تكلمه >>>>افتكيييييت

عاد امس الله يسلمكم كان عقد اخوها وكنت انا حاضره وكنت قاعده يت اهيا يمي ورفستني مرتين متعمده وطالعتني بحقاره انا سكت عنها مابي اسوي مشاكل بس في بالي ارد لها الصاع صاعين في الحفله ..

نصحوني شلون اتعامل مع وقاحتهاا .؟؟؟

 

[مهجوله]

والله يااختي المشكله بخطيبك الي ملقي لها وجه

 

[عطر الأماكن]

هو الحين خلاص وقفها عند حدها بس الحركه اللي سوتها قهرتني

 

[عنووود]

الله يعينك

 

[ابحث عن السعادة]

دايما ادعي وقولي اللهم من اراد بي الكيد والسوء رد كيده في نحره واشغله في نفسه
صدقيني الله بيلهمج بفكرة تردين لها الصاع صاعين ودايما طنشيها ولا تعبرينها ولا كنها موجوده

 

[&اموله&]

لو منك ادفها واطيحها واسوي نفسي بدون قصصصد برضوو حتى قومي واسحبيها لي طاحت وقولي بسم الله عليك هههههههه وانتي تبتسمين

 

[ليل الشتا]

اسمحيلي بصراحة ضحكت على الرفستين ههههه
يااااه على الجرأة

أقولك عقلها صغــــــــــــــــــــــير واااااااايد هذا إستنتاجي من الرفسه >> ماحد بنت عاقل تسوي اللي سوته

لكن أحقريها وأضحكي في ويهها ..

بتمووووت غم

 

[بقلاوة]

اختي اموله والله تخوفين هههههههههه حبيبتي بماانك مارديتي عليها بلحظتها تركيها عنك بس خطيبك خبريه وقوليله المره هذي فوتها عشانك وبمزاجي بس لوتتعرض لي مره ثانيه راح تشوف الي مايسرها واكيد اهوا راح يخبر اخوها لوبشكل غير مباشر والله يوفقك ويبعد عنك الحاسدين

 

[كلي احزان]

الغلطه غلطن خطيبج مسوي صداقات مالها داعي
ولو انا مكانج لما رفستني والله لا أكسر وجهها المنحطه

 

[مارشميلو]

ترفعي عن الدنايا

 

[um_noora]

الله يكون بعونك

بس المشكلة بخطبيك الي معطيها وش

 

[عطر الأماكن]

والله انا قلت اول مره باحترم نفسي مو عشانها
بس لو تسويها مره ثانيه لازم اعلمها اني مو اي وحده عشان تستعرض عضلاتها علي..

 

[الاسكادا]

والله الشرهه على خطيبج اللى معطيها وجه ويكلمها الله يستر اذا تزوجتوا باجر ولقيتيه يكلمها اكيد بيقولج عندنا استشاره خاصه انتى لا زم تاخذين قرار فورى وحازم مع خطيبج وتوقفين الاثنين عند حدهم سوري يمكن انفعلت شوي بس حرتنى هالوقحه

 

[رقم1]

لاتروحين الحفله اختي الغاليه شو يوديش مناسبه تخص اخوها

 

[@سجايا@]

طنشيها تموت قهر وهي اكيد تغار منج
وانتي زخي خطيبج باسنانج وحطي عينج عليه عدل
ترا هذي ناس ماتستحي بالمرة وخطيبج شكله يميل لهذي السوالف
ومافي ريال مايستانس لما يشوف اثنين يتهاوشون عليه
وانتي خليه يحطهم عند حدهم ويبين لها انه يباج وماله داعي هالحركات
وخلج بعيده عنها وعن شرها

 

[الفواطم2007]

السلام عليكم
اختي العزيزة اللوم مو بس على خطيبج اللوم على اخوها شنو مافيه غيره على شرفه اشلون تاخذ السماعه من اذنه وتكلم خطيبج ومثل ماذكرت الاخت الاسكادا انها يوم تتزوجين تتصل وتكون مثل اخت براي خطيبج وقفيها عند حدها ويوم بحفلة كانت على الرفستين جااان تدلعتي بصووت عالي وقلتي آآآآآآي شينو هالدفاشة وراح تصك هوووشة وكسرها عاد ونظراتها خليها تموت من القهر ولا تردين عليها وان سوت اي شي كله خلي نفسج مايعه رقيقة بكلامج وتحجي بدلع خصوصا جدامها راح تنبط منج وان تحجت سوي نفسج مو مهتمه وكانج ماتسمعينها

والسلام والحقراان ترا يقطع المصران

ومع السلامة
الفواطم2007

 

[وفية زمن]

عادي روحي الحفله عشان ماتظن انك متضايقه من حركتها وتستانس سوي نفسك ماتشوفينها واذا سوت لك حركات طالعيها من فوق لتحت بنظرات احتقار والنظره تادي بالغرض وامشي كانك ملكه فارده جسمك وظهرك وامشي بكل ثقه وبكل نعومه خليها ماعليك منها صدقيني هي تبيك تنقهرين والمثل يقول الحقران يقطع المصران
الحين تشوفينها منقهره عشان كذا تسوي هالحركات وانتي اذا شفتيها قولي في نفسك اللهم ان اعوذ بك من شرها ورد كيدها في نحرها وربك مايهمل .

 

[عطر الأماكن]

ياناس ياعالم ياللي فاهمين غلط خطيبي ماله علاقه هو وقفها عند حدها لانه اهم شي رضاي عنده حتى اخوها مثل اخوه ماافتكر فيه راح قال لها لانه مايبيني ازعل عليه والله يمكن هو غلط في البدايه بس يوم طلبته يقولها قالهاا وهيا اكيد اتغهرت الحين اللي يهمني هو ابي ارد لها الحركه بخباثه لانها مخها فاصل وماتعرف تتصرف وعبالها الكل بالكل ..

ساعات اقول خله احقرهاا واكبر عقلي ..
وساعات اقول باعلمها من اناا عشان تعرف الناس مقامات ولا تظن اني ضعيفه

 

[وفية زمن]

عاااااااااااااادي ردي لها الحركه نفسها وبقوه واضحكي وقولي يووووووووووووه سوووووووووووووري
وبكذا بترتاحين بس لاتحرمين نفسك الروحه للعرس عشانها ردي لها نفسك الحركه بس بشوي ذكاء ونفس ماقلت لك وانا فهمتك صح انا عارفه العله فيها والله يعينك على نقص على نقص عقلها انتي لاتشغلين بالك عشانها بس لاشفتيها سوي نفس الحركه ويقول يووووووووووووووووووه سووووووووووووووووري

 

[طيف الحزن]

سيبهههههههههههههههههههههههههههههههها