شلون أرد على وقاحتها

( واذا خاطبهم الجاهلون قالوا سلاما)
 
الله يهداها
ليش تروحيلهم

الا اربيعه

حبيبتي اضحكي في وجها
وقوليلها جزاكي الله خير
خليها تنقهر
انها تبي تنرفزج بس انتي مستانسه وما تعبرينها
 
هذا اللي سوته اكبر دليل انها مغتاظة ومحترة بعد

وهذا ابلغ رد عليها

حصني نفسك بالورد اليومي وطنشيها ماكانها موجودة والله يحفظك
 
افضل شي قولي الحركه الوقحه حق خطيبج وخلي هو يتصرف

هي محتره منج وميته قهر

اقري على عمرج المعوذات لا يسير فيج شي من عيونها وحقدها وحسدها

وافضل شي انج تتجاهلينها يعني اذا جت ووقفت مجابلج وتطلع حركات لا تطالعينها طالالعي يمين اويسار اهم شي لا تحطين عينج بعينها

شتبين في المشاكل وعوار الراس من هالاشكال

وقولي لخطيبج ان مايقول شي لصديقه لان راح ينقل كل شي بالتفصيل الممل لاخته السوسه

وبتحقد عليج اكثر

ودعي ان حد يخطبها عشان تفتكين منها

وبالتوفيق
 
واضح انها شعرت بغيرتك
بس لو انا منك كنت عطيتها طقه فى قلبها
بس طبعا انتى ماتبى فضايح فى الحفل
 
اي والله عقلها صغير مره...حمدالله والشكر وش تبي ذي...حتى انها مااعتذرت عن الرفستين^_^يعني شي واضح وضوح الشمس...
عندي لك حركه بتخليها تفطس..في الحفله ...جيبي قلاص عصير ..عطيه واحد من البزران وخليه يطشه عليها وعلى فستانها...وعلى شعرها اهم شي ^_^..
طبعاً انتي مالك دخل والطفل هو اللي طشه عليها وهي يمكن تنهار وتعصب على الطفل وتضربه ..وفي هالحاله الناس بينقدون عليها ويفضحونهالانها حطت عقلها بعقل بزر ..وبالمره رح تخرب تسريحتها وفستانها ومارح تقدر تتحرك من مكانها عشان محد يشوفها بهالمنظر ..وانتي خليك رايحه جايه من عندها وناظريها بحقرااااااان وشمااااااااااااااااااااته وضحكت استهزآآآآء ..خليها تفطس وتعض اصابع الندم على رفساتها..
ههههههههههه ياحلاااااااوه لو سويتيها وضبطت ...
وبعدين العين بالعين والسن بالسن والباااااااااااااااااادي اظلللللللللللللللللللم..وهي اللي بدأت وخليها تتحمل مسؤلية تخلفها العقلي..
هالاشكال ماتنفع تسكتين لها خوفي تتمادى ..وقفيها عند حدها وخليها تحسب حساب كل شي بتسويه انو مردود عليها بالصاع صاعين...
من جد تقهررررررررررررررررر...حاطه عينها على خطيبك ومشتغله أذى عليك...
 
عزيزتي يجب أن توقفي هذه المهزلة الآن وفورا حتى لا تمتد آثارها إلى ما بعد الزواج

إذهبي إلى غرفتك وابكي بكل ما أعطاك الله من قدرة على التمثيل

وإذا شاهدك أحد من عائلتك مثلا أمك أخوك أبوك استمري في البكاء بحرقة حتى يجتمع عليك جميع أفراد العائلة واخبريهم انك لم تعودي راغبة في خطيبك

وانه جرحك واهان كرامتك وانت بنت فلان لا تهان كرامتك

وان صديقته تحرشت بك في المناسبة مرتين ورفستك مرتين وانك سكت عنها لأنك لم تعودي راغبة بخطيبك بسببها لأنه لم يحسن إيقافها عند حدها

أتركي الأمر يكبر قليلا اليوم قبل أن تقعي في دائرة علاقات زوجك الغرامية التي لا تنتهي

إطلبي من أهلك ان يتصلو بأهلها رجالا لرجال حتى يوقفوها عند حدها وإلا فلا مناص عن الطلاق وفسخ العقد

دعي الأمر يصل إلى والدها واخوانها واعمامها واخوالها

هكذا ستعمل لك ألف حساب في المرة القادمة وستخاف منك بشدة

والمحروس زوجك سيعمل لك ألف حساب قبل أن يكلمها أو يكلم أي فتاة غيرها حاضرا ومستقبلا
 
ناظريها انتي بعد بحقاره

ومفروض تنبسطين لان انتي الي فزتي بخطيبك واهي ميته قهر منك

ههههههه
 
اذا انتي واثقه من خطيبك طنشيه ولاتعبرينه ولا كانك تشوفيه احسن لك وهي بجذي بتموت حره لان مثل مايقول المثل عندنا الحقران يقطع المصران
 
خليها تولي مادام مارديتي في ذيك اللحظة
اتركيها احسها تافهه هاذي حركات ياهل
 
ستووووووووووووووووووووب !!!!!!!

هاذي تكلم خطيبج واخوها حذاها؟؟؟؟؟؟؟ صج قلة حيا وقلة أدب
الشرهه مب عليها .. الشرهه على اهلها اللي ماعرفوا يربونها

وبعد ترفس؟؟؟؟؟؟؟؟؟!!!!!!!!!!!!

والله لو منج اني افضحها واقول هاذي قليله الحيا تتصل في خطيبي وتكلمه واخلي اللي مايشتري يتفرج !!

صج وقاحه وربي انبطت جبدي !!!!

اختي خلج قويه ولاتسمحين حق هالاشياء تصير جدامج وانتي ساكته الله يهديج
 
اللي ترفس لازم تنرفس
رفسيها مرة مرتين مثل ماتحبين
 

طنشيها ولا تردين عليها لأنك لو رديتي لها حركتها بتنبسط لسبب واحد
تدرين وش هو ؟
بتقول اكيد من هذاك اليوم وهي منقهره مني وتفكر باللي سويته
طنشيها وحسسيها انها مالها اي اهتمام عندك وهذا اللي بيقهرها
هي راح تتوقع من خطيبك اتصال يهزئها فيه وهذا اللي تبيه
 
عاادي ابتسمي ولايهمك

احقريها شكل عقلها صغير مره

وادعي اللهم ر د كيدهم في نحورهم

والله يصلح الجميع
 
والله طنشيها بتمووووووووت صدقيني ..انا مريت بنفس هالمواقف تقريبا من بنت عم ريلي
 
ممكن إذا صارت لك فرصة حلوة تقولي لها : لو كنتي وحدة عاقلة ومتربية كان خطبك خطيبي
<<<< بإحتقار
 
سمعي كل الي عليط تسويه تحقرينها وتعرفين هي ماسوت كذا اله غيرانه منك يعني انتي كل من شفتيها ولا كأنك تشوفينها ولاتنسين الحقران يقطع المصران وانتبهي كل من سوت لك حركه روحي وقولي لزوجك وقولي جمبه الله يسمحهاااا وبس ...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل