شات اللي ولادتها ونفاسها برمضان خلونا نستفيد ونرفع معنويات بعض..........

[صافي الحب]

والله انكم رايقين

 

[reem26]

الحمدلله
بس ليه قلتي كذا انتي مو رايقه

 

[جهيرررر]

انا فرحت يوم شفت ناس بزي همي اول مره اولد برمضان راح اكون عند اهلي اكيد راح يكون ضغط عليهم بس كذا اريح من لو الوالده تجي عندي بدينانفرزن سنبوسه وفطائر من الحين وربكم يسهل............طبعاً اشتريت سرير ومفرش وللمولود بعد وجهزت شنطة المستشفىوملابس لي وللمولود وما كثرت لاني قبل اشتريت ملابس ومجرد مايخلص الاربعين ماستفدت منهم وشتريت اغراض وصواني للتقديم للضيوف والله يعين ويفرج لنا جميعاً

 

[المهاجره]

يا الله اشتقت لكم كلكم بدون تحديد اسماء
بس متى الاقي وقت فراغ
ودي اكتب هنا بخاطري كلام وملاحظات
***********
ترتيباتي الاخيره
قبل 3 ايام اتصلت على وحده طباخه وتبي تجيب لي الاطباق اللي قابله للتجميد لرمضان
في بداية شعبان

وكلمت وحده تأجر شغالات بالشهر تجين برمضان وشوال وارخص وحده لقيتها 1200 الله يعين رافعين الاسعار اعوذ بالله ب3000 و3500 بالشهر حشى استقدام

ولسه مارحت السوق وماشريت لي شئ ولا للمولود ولادواء النفاس:thumbdown:تأخرت لاني مابي اطلع اذا دخل التاسع اتعب من عمليات قبل القيصريه

 

[خ ل و د]

السلام عليكم اشكركي اختي يقيني بالله على هذا الموضوع:icon30: حبيت افيدكم ببعض المعلومات واتمنى انكم تدعون لي ان الله يرزقني بالبنت الصالحة
*انا ولدت مولودي الثالث في رمضان تخيلوا اول يوم, الناس كانت تتسحروانا حالتي حاله*
كان موعد ولادتي 10رمضان ومن يوم دخلت التاسع وانا امشي يوميا تقريبا نصف ساعه خايفه من الطلق الصناعي لاني مجربته في ولاداتي السابقة, اخر يوم من شعبان وبعد ان اعلنوا عن دخول رمضان, كعادتي اليوميه رحت انا وزوجي وعيالي للحديقه امشي فيها ثم رجعنا للبيت,بعد مانومت عيالي اخذت شور ونمت وانتبهت الساعه 1الفجر على مويات تنزل مني صراحه خفت ولاعرفت وش اسوي بعدين حطيت فوطه صحيه لانها كانت كثيره وصحيت زوجي علشان يوديني للمستشفى بسرعه صراحه ماتوقعت اني راح اولد,طبعا الدكتورة لمى كشفت علي قالت لازم تنويم ولان مافيه طلق حطوا لي طلق صناعي:no: واستمرت الالام حتى ولدت العصر ما ابغى اطول عليكم ادري الموضوع عن النفاس مو الولادة:dunno: بس حبيت اسولف معكم وان شاءالله راح انزل قصص ولادتي في موضوع الاخت اريدالرومانسيه باقرب وقت لاني قريته كله وعجبني واشكرها على هالموضوع:icon26: ,الحين باقول لكم عن الجدول اليومي في نفاسي في رمضان

 

[خ ل و د]

بسم الله الرحمن الرحيم
كان نفاسي عند اهلي وكانت اختي قايله للشغاله ايش تسوي لي لوكان هم نايمين اما اذاكانوا صاحين امي او اختي كانوا يطبخون لي الاكل ويساعدوني على البيبي:
الصبح او متى ماصحيت من النوم احيان قبل الظهراهم شيء على الريق مصباب او مراصيع مع حليب بعدين بوقت قهوة مع تمر الظهر عادي الغداء وكنت اكله جهارا ولا كاننا برمضان حتى ولدي الصغير كان يقول لي ليه ماصمتي ياماما عاد انا اقول له انا تعبانه وطول اليوم كان اكلي عادي زي نفاسي في غير رمضان بس الفرق اني مليت لان امي وخواتي يكونون يا اما نايمين او في المطبخ او يصلون ويقرءون قران يعني بالعربي محد فاضي لي حتى الضيوف كانوا قليلون لان برمضان فيه ناس يقللون طلعاتهم ويخلون كل الوقت للعباده فقط ولما جاء العيد حسيت صدق بالوناسه,بالنسبه لاكل عيالي كانوا ياكلون في النهار من اكلي لاني ما احط فيه حلب او اي نوع من الاعشاب ,اما في الليل فياكلون معي اومع اهلي عادي واي سؤال ياخواتي انا جاهزه وسامحوني اذا تاخرت عليكم بالرد الله يبلغنا رمضان ويهون عليكم الولاده ويقومكم بالسلامه آآآآآآآآآآآآمين يارب

 

[المهاجره]

اهلين اختنا خلود
الله يجزاك خير على هالاضافات المفيده
والله يرزقك بالبنت الصالحه الباره الطيبه واحنا معاك
وفعلا رمضان اجواءه حلوه وكله عباده وراحه نفسيه
وعلشان كذا ربي ياجرنا ع صبرنا وربي يستجيب الدعاء في رمضان
وهذي فرصه لنا لاننا في كرب وصيام والابواب مفتوحه لاستجابة الدعاء
فاستغلوا هالاوقات الربانيه في ماهو نافع:icon30:

 

[أميرة ريلي..]

هلا حبوبات ..

شخباركم ؟؟

اتولهت عليكم .. ما فضيت من فتره ما طليت عليكم ..

 

[يقيني بالله]

خلود:icon26::icon26: حياك الله وجزاك الله خيرا على المشاركة والله يخليلك أهلك وأحبابك ولا تنسينا من دعائك

المهاجرة:icon26::icon26:
يعني شلون بتمي نقطينا الكلام بالقطارة ما تكملي تجهيزاتك وشلون جدولك في رمضان وتخلصي:sly:

أميرة ريلي :icon26::icon26:أهلين حبيبتي

على فكرة كلمت اللي يجيبوا شغالات ولسه ما لقيوا أدعولي بنات:no:

 

[المهاجره]

يقيني بالله
والله ودي اكتب بس وقتي ضيق

وبالنسبه للخدم انا اعلنت باحد المنتديات عن حاجتي لخادمه مؤقته والا ماكنت حصلت
اعلني بكذا منتدى المشهوره باهتمامهم بالمشاريع التجاريه
وحددي مدينتك وعسى ربي يوفقك حبيبتي استعجلي

 

[*خزامى*]

بصراحة انا بكرية - - - وكثير تفكيري بالولادة والخياطة
ومن كثرما ااسمع احس راسي بينفجررررررررر وأكيد نفاسي عند ماما الله يخليها
الله يهون علي وعلى جميع المسلمات

 

[يقيني بالله]

وين البنات مافي ولاوحدة بتكسب أجر

المهاجرة ترى ما كملت المهم

 

[اريد الرومانسيه]

الله يعينكم النفاس برمضان كريهه جربته بس كنت في بيت اهلي ولاتاكلين شي لانك تاكلين لحاالك ولاتشتهين كانك صايمه انا بطلت بوقت نفسي يكون ولادتي قبل رمضان وحملي بعد رمضان لان وحامي كله ارجع

 

[انشودتي الكويت]

اللة يتمم علييييكم ياااااااااااااارب ويهون ولاداتكم ويرزقنا

 

[حواء ثقيف]

انا بعد ولدت بنتين في شهر رمضان وحده عمرها 12 سنه والثانيه 8 سنوات والحمدلله كانت ولادتهم في اخر الشهر يعني مافطرت كثير ويارب يسهل عليكم ولاداتكم وتقومون بالسلامه

 

[ام ريناد الحلوة]

انا بكر و شهري رمضان
بس الكل يقولون ماراح تولدين الابلعيد لانك بكر والبكر تاخذ شهرها كله
وبولد عند اهلي
والله يعين حتى اهلي سافرو شغالاتهم
مادري وش نسوي

 

[يقيني بالله]

مرحبا بنات

شو إستعداداتكم النفسية ووو

بإنتظاركم

 

[المهاجره]

السلام عليكم
هلا يقيني
شفتي يالله لقيت شغاله مؤقته مابقى غير شهر الله يعين
في رمضان ماتحصلون شغالات مؤقتات
رحت السوق واشتريت لي بس قمصان رضاعه
والبيبي ماعندي طاري اجيب له شئ
بصراحه يوم رحت السوق تعبت وبغى يغمى علي من التعب
اهم شئ الادويه وللحين ماشريتها

وانت خلصتي والا زيي؟؟

 

[يقيني بالله]

مرحبا المهاجرة

الحمد لله أنا بعد يالله لقيت شغالة مؤقته والله يا يدلعون دلع ويتشرطون شروط بس الله يعطينا خيرهم ويكفينا شرهم

قميص الرضاعة الرسمي رحت كم مرة وما حبيت استعجل وبعدين من التعب خليت زوجي الله يعطيه العافية يجيبه
البيبي شريت له فوق 3 شهور لأنه ملابس اول 3 شهور عندي كتيرة ولسه جديدة

وبالنسبة للأدوية ياليت توضحين إنت شو بتاخدي في نفاسك

أما عن نفسي ( زنجبيل وقرفة- قشر قهوة -شمر نعناع -زعتر-عسل -زيت حبة سوادء- رشاد بعد عشرين يوم) تقريبا
ما أحب اللغوصة

تحياتي

 

[نوسه علي]

السلام عليكم لوسمحتوا توضحون شنو الادويه لانى بالغربه وما اعرفها وقشر القهوة لشنو مفيد واما عنى بدات اجهز بعض الماكولات اللي تنحط بالفريزر وشريت تجهيزات البيبي بس انا لسه ما شريت اى شى لانى مو عارفه وش اشترى الله يسهل علينا كلنا يارب ومشكوره اختي يقينى على الموضوع المهم جزاك الله خير