سر سعادتي الزوجيه

الحالة
مغلق و غير مفتوح للمزيد من الردود.
الله يحميك..انا مقبله ع زوآج واستفدت من كلآمك..لاتحرمينآ من خبرتك لاحرمك الله جنآن الفردوس
 
ماشاء الله عليك صراحة تعجبني الزوجة اللي مثلك يعني أنتي مو بس تحصلين نتائج بالدنيا وبس لا ترضين الله لان جهاد المرأة في بيتها لكن من يفهم

ممكن اعرف نمطك اذا ماعليك امر ؟
 
ما شاء الله لا قوة الا بالله ...

الله يديم عليكم المحبه ويسخره لك ..

ولكن ممكن مساعده انا بعيده عن زوجي بسبب مشاكل والحين الامور شكلها انحلت تقريبا بس يبيلها

مده لتجهيز البيت لارد ...سؤالي شلون الطريقه لاجذبه بالتلفون كيف يكون الاسلوب ...جربت مسجات

يوميا ...ارسل مره وطنش عشر ...طنشت عشره ايام اتصل وقالا لا تسوي في كذا ...

لااعلم كيف اكسبه ...

افيديني ​
 
ماشاء الله عليج يا عسل....كنت متضايقه من عيالي مهمله زوجي شوي وبس معصبه منهم والحين برجع اهتم فيه .....الله يسخر لج زوجج ياالغاليه
 
تقول لي صديقة من المقربات من يوم تزوجت وهي سعيدة مع زوجها طبعا الفضول عندي جعلني اسألها عن هذا السر قالت







الطاعة الزوجية في كل الأمور


اعرف شو يحب ريلي واسويه والي مايحبه اتجنبه
وان كانت بعض الامور عاديه بس ماتعيبه مثل (صبغ الشعر)اصبر عليه وبسياسه والكلام الحلو صدقوني اوامركم تتنفذ مثلن بعد فتره تقول لزوجج(حبيبي ادري انك خايف على شعري يخترب بس هاي فيها مواد طبيعيه وبهتم فيه صدقني وتقولين ادري انك ماشبعت من لون شعري بصبر شوي وادري انك مابتردني عقب



والسر الثاني هو في حالة عصبية الزوج استخدمي سلاحين الهدوء وكلمة ان شاءالله





والسر الثالث هو اهتمامج في نفسج ونظافتج الشخصيه

عن عمري بخبركم شسوي انا لانه دوام ريلي شهر موجود وشهر لا كل شهر احاول اغير لوك ولو ببساطه
مثال
اغير طريقة حنايه مره احني ايدي وريولي ومره نقش تراثي ومره على الظهر والتاتو


حتى الميكب اغيره والعطور والدخون كله يلعب دور كل ماايي زوجي لازم ولدي نظيف ودهن عود وكله يتفدا نظافته ويشكرني على اهتمامي بولدنا وان مالاحظ ريلج قوليله شو رايك بترتيبي شو رايك بنظافة ولدك وقوليله اي مدح يقولونه اهله لج خبريه بيفهم وبيقدر





وللمتزوجات السر الليلي هو انج تكونين سلسه ورقيقه وجدا هاديه في الفراش وتنتقين كلمات الحب القويه ولا تستحين هذا زوجج ولج كل الحق وغيري اجواء الغرفه مثال


اخر مره يوم يا اشتريت ليتات كريسمس وحطيتهن على الشبريه تغيير بسيط بس عجبه


وطبعت لحافي دوم مدخن



واسوي ليله مساج بين فتره وفتره واجهزلها طش فيه ماي دافي عدال التلفزيون واسويله مساج حق ريوله




وفي الاخر الدعاء والاستغفار وصدقيني انتي لج الف سر لسعادتج الزوجيه





الدلع و الهدوء وتقدير اهله جدا هالسبب مفيد وجربو وادعولي
 
الله يهنيكم يارب ويدوم عليك الهنا والسعاده، سؤال، شو كريم بولي للعرق؟ هو منتج من منتجات الفلبينيات؟ او ينباع فالصيدلية؟ الي يعرف يخبرني بلييييييييييزز
 
كريم بولي معروف تلقينه عند الحواج وهواصلا حق الكلف بس نستعمله حق ازالة العرق لانه فعلا يبيض ويمنع الريحه
 
والله موضوعج روووعه
وماشاء الله عليج
الله يهنييج معاه ويسعدج وتبقون جذي على طول والله لا يغير عليكم

بس شنو هذا كريم بولي ؟؟؟هو مزيل عرق ولا شنو؟؟ووين احصله؟؟
 
ماشاء الله عليك والله يبارك لك في زوجك ويبارك لنا في أزواجنا ويديم السعاده علينا وعليك اللهم امين
 
مساكِ سعادة و حب,,
ماشاءالله,لا قوة إلا بالله,,
بقصتك الكثير من النقاط الهامة لسعادة الملكة بذاتها مع زوجها الغالي,,
وأهمها القناعة,وإنو الملكة تعامل زوجها بإستقلال عاطفي,
الله يسخره لكِ دوماً,وتكوني حوريته بالدنيا والآخرة,ويزيدكي ربي جمالاً ودلالاً وأنوثةً,,
اللهم آمين,,
 

الله يهنيكم يارب ويدوم عليك الهنا والسعاده، ويبعد عنك كل عين حاسده يااااارب
 
الحالة
مغلق و غير مفتوح للمزيد من الردود.
عودة
أعلى أسفل