سر سعادتي الزوجيه

الحالة
مغلق و غير مفتوح للمزيد من الردود.
ننتظر التكملة:)
 
بنات لا تعتبرون انه طافكم شي في الحياه
حتى لو انتم متزوجين من زمان احس الحياة الزوجيه تقدرين تغيرين
فكرة زوجك عنك بفتره قصيره يعني ابدئي في التغير
لا تقولين طافني شي ابدئي حبه حبه من غير ما تنصدمين بشي
كوني واثقه من نفسك ولا تهتمين لاحد كملي اختي موضوعك مره حلو ويفيد كثير ان شاء الله ولك الاجر
ان شاء الله
 
الله يسعد كل زوجين

اختي الغاليه اخبريني هل كريم بولي هذا صحي؟ لانه سمعت كلام غير :(

استفدت من وضوعك الهدوء والرقه/ لان النرفزه عمرها ما جابت بنتيجة ابدا..

ويا بنات ركزوا على موضوع حمل الشنط والاشياء الثقيله(او حتى العاديه)/ لان الزوج بيتعود من البدايه اذا كان هو اللي بيشيل اغراض البقاله او انتي / واذا هو بيسحب شنطة السفر او انتي..

ربي يجزاكِ الخير

متابعين
 
انا من تزوجت ماتركت صديقاتي ولا اعتزلت العالم بالعكس كان لي عالمي الخاص
ماتركت هواياتي
انا احب اقرا الروايات واستمريت عليها حتى بعد الزواج
حتى كان زوجي احيانا يتضايق
بس انا ماكنت اعصب واقول بكيفي
بالعكس اقوله حبيبي الروايات تعلم للحب الطاهر والشريف ولو بالكذب
وكان ينبسط ويتركني اقرا في راحتي
عمري ماركضت وراه انا لي شخصيتي المستقله
يعني مثلا لاطلع مع اصحابه مااتصل عليه ولااضايقه بالمكالمات اخليه براحته واذا ابي شي ارسله مسج واكتب قبل كل شي ابيه ((ماعليك امر))

اذا طلع برا البيت ماالاحقه بمكالماتي بالعكس انشغل بنفسي واهتماماتي بيرجعلي مشتاااااق وملهوف
واستقبله بابتسامه والبيت على طول معطر
انا حاطه فواحه كبيره بالصاله قبل لايجي شغلتها

دايم يقول ماالقى نفسك والله اني اشم الريحه الحلوه وانا في الباب التحتي
والبيت دايم هدووووء
مااقول اني دايم في نفسيه حلوه تمر علي احيانا اوقات اتضايق نفسيتي تتعب مثل وقت الدوره او صارت مشكله في بيت اهلي
يحس فيني والقاه قدامي لانو انا كنت قدامه لاتضايق اضمه لصدري اخليه ينسى الهموم كله


ولاتضايق مااذكر اني قتله شفيك لا اخليه يهدا ومن نفسه يسولفلي
بعض الرجال مايحبون يسولفون مانجبرهم قوليله متى ماودك تتكلم انا موجوده

اقوله انا امك اذا تبي حنان
انا اختك اللي انت عز وسند له
انا اخوك اذا تبي فزعه
وانا عشيقتك اذا تبي عشق
وانا زوجتك اذا تبي حب وتقدير واحترام
وانا صديقك صندوق لاسرارك

يبسط حيل ويرتاح


دايم امارس مع زوجي دور العشيقه مثلا اذا انا عند اهلي اتصل عليه في وقت متاخر
واقوله

انا: مرحبا (((بصوت أنثوي))
هو: اهلين
انا: ممكن نتعرف ((عاد هو يفهمها))
وابدا اعرف عن نفسي وهو كذا ونتبادل مكالمه كامله كلها غزل بعيد عن الحياة الزوجيه والاولاد والمشاكل




واذا ودي انتقده بشي مااوجه له مباشرة
افتحها بايجابي بعدين سلبي بعدين ايجابي
يعني كيف؟؟
اقوله انت طيب وحبوب وكريم ومافي مثلك بالدنيا ((وأذكر الشئ اللي ابي انتقده )) وبعدين اختمها في مدح
ويتقبل في صدر رحب

اذا طلبت منه شي وقال لا ماالح عليه عشان مايعاند
بعدين من نفسه يجي ويلبي طلبي


راح نتكلم بعدها في العلاقه الجنسيه






​
 
ماشاء الله تبارك الله ​

الله يتم عليكي يااارب .. حصني نفسك وحصني زوجك ترى عيون الناس ماترحم ​

متابعين معاكي :22:​
 
حلووو كملي ..
انا نفسك احب اقرأ روايات .. ومن انخطبت صار هو شغلي الشاغل خخ
خلاص برجع لهواياتي وحياتي ..^^
 
فيك مني شوي بس على سالفة اني ماارفع صوتي اشك في نفسي اني اغيرها لاني عفويه بردودي وبنفس الوقت جريئه و ماعندي خوف <<< طيب روحي نامي

الله يخليكم البعض

وان شاء الله اشوف التكمله اليله
 
ماشالله عليج ذكية .. نتريا يديدج احر من الجمر !!!
انا مشكلتي اني عصبية و افقد السيطرة على نفسي و ابدأ اصارخ يليت لو احصل حل ..
​
 
بقولكم بعض المعلومات قبل لاندخل في العلاقه الجنسيه

شوفوا ياصبايا اناجميله حيل مااقول كذا عشان اتفاخر بنفسي لااا وربي
بنبهكم على شغله
الجمال جمال الروح
انا ماخليت زوجي يحبني عشان شكلي لاوربي الجمال بيروح المراه تتعرض لحمل وولاده يتغير شكلها
خلي زوجك يحب فيك جمال الروح الطاهر النقي لان الزوج لو حب المراه عشان شكلها من تكبر بيتزوج عليها

ليش دايم نقول فلانه الله يستر عليها وزوجها يموت فيها
اكيد لقى عندها الروح الطاهره لان اللي بالقلب وبالنفس يطلع على الوجه ويشوفها احسن نساء الكون

على فكره عمرها ماكانت الليالي الرومانسيه والكشخات كانت سبب رئيسي لحب الزوج لزوجته

صدقيني اذا حباك لنفسك ماتهمه كل هذي الامور ويصير يحبك مثل ماانتي ويحب كل شي فيك

خليت زوجي يحب اخلاقي حتى هو دايم يقولي انا احب اخلاقك طيبتك رقتك روحك الصافيه
عمره ماقالي احب جمالك ولاابيه يقولي


احتويه بطيبك ولاتطنشيه ولاتسمعين لاحد يقول اذا طنشتي زوجك بيركض وراك لاااا اذا طنشتيه بيدور لغيرك



اهتمي فيه بس بحدود المعقول ولاتبالغين بعد نفسك لها عليك حق اللي ماتقدرين عليه قولي مااقدر ((لايكلف الله نفسا الا وسعها ))

اذا كنتي تعبانه لاتضغطين على نفسك خليه يحس انك مهتمه بنفسك


لاتحملين مسئولية الاطفال لوحدك عشان مايتعود خليه يساعدك بتربيتهم مو كل شي عليك
اذا شفتيه ماسك طفلك الصغير ويبكي في حضنه مثلا لاتقولي عطنياه عنك خليه معاه
اب وملزوم بطفله


وكل ماتذكرت شي راح اكتبه
​
 
أحس إمــــــــا أن عندك شغاله أو انك ماتشتغلين أو تدرسين مو لأنك سعيده الحمد لله أنـــــــا مبسوطه في حياتي وسعيده جدآ بس وقتك مو محتاج تنظيم يعني هو منظم نفسه بنفسه .. مثلآ أنا في العطله مثلك بالضبط وأكثر بس إذا جا الدوام أشيل هم وافكر في بكره والالتزامات واحسب لكل شيء حساب
صحيح الاخلاق دوم زينه الحمد لله بس شغل البيت وضغط الدراسه لها دووووور
 
اختي انا كنت ادرس بالجامعه ومتفوقه وتقديري ممتاز وحملت بولدي وانا رابع جامعه وتخرجت ولله الحمد وقريب بتوظف ان شاءالله وماعندي خدامه بس الله مساعدني
 
ماشاء الله لاقوة الا بالله .. زوجي شمالي ومروضته بذي التصرفات..ضحكت لما قلتي هو يفتح العلب والمويه نفس الشيْ واقوله ما اقدر..هاديه صوتي هادي وحنون لما اتكلم وما احب الصراااخ حتى اذا عصب وانتقد اروح لما عنده واحضنه امتص غضبه.. وصار هو هادي كمان ... اذكر مرره كنت مضايقه وطفشني ولدي وعصبت وصرخت هو طالع فيه مفجووع ولما جلست ماااات ضحك ما قدر يمسك نفسه ما ادري من الصدمه..كمان لما انتقده اكتب رساله ولما اكتبها امدحهبعدين انتقده وامدحه مرره ثانيه في الاخير..اخليه يهتم في اولادي من باب ان هم يحبوك ويبغونك انت تسويلهم..الله يديم النعمه يارب .. ويسخر ازواجنا ويهديهم..
شاكره لك على ماخطته اناملك..
ReEmA
 
الله لا يغير عليك ويديمها من نعمه عليك وعلي
انا نفسك مع بعض الاختلافات تتفوقين بها على مثل لاتعبتى ماتشغلين انا ماتعطينى نفسى واشيل اشياء ثقيله نفسى اغير ذى العاده وكلامى كثير مو مره بس اكثر منه
والباقى مثلك ولله الحمد
لكن ادعولى بالعيال عندى ولد ولى 8سنوات وابغى الحمل
عموما شكرا على موضوعك يفتح النفس
 
والله كلامك حلو بس انتي توك ببداية زواجك لما تزيد العشره سبحان الله تزيد معها المشاكل انا كنت زيك بالضبط بس الحين بعد 20 سنه من الزواج صار زوجي اصعب من اول ومتطلباته اكثر من اول يمكن عشانه دخل الاربعين العمر المتعب ما ني عارفه وبنفس الوقت انا تغيرت شخصيتي حتى من ناحيته فيه اشياء كثيره ما تعرفينها حتى تكملين 10 سنوات وما فوق
الله يصخرلي ويصخرلك
 
الحالة
مغلق و غير مفتوح للمزيد من الردود.
عودة
أعلى أسفل