هذه هي المشكله اللي اعاني منها الحين
زوجي متغرب عن ديرته ومقيم في دوله من دول مجلس التعاون وموضف في القوات المسلحه و كل ثلاث سنوات يجدد العقد وياهم بس تعرفون يمكن اي لحضه يفنشونه من وضيفته لانه مو مواطن يارب تكونوا فهمتوا علي وحنى ساكنين بأجار ويمشى علينا الكهرباء بفواتير باهضه الثمن يعني دبل عشان احنى مقيمين وكل مره ننتقل من بيت في بيت بسبب غلااء الاجارات وزوجي عليه دين وحالته حاله وفي يوم من الايام قالي ياام فلان هنا اسكان تبع الجيش اجارها رخيص وش راايج تشوفينها واذا تصلح لج ننقل فيها قلت يله وداني لها شفتها بس ما عجبتني لانها ضيقه وقتها كانو اولادي خمسه وحامل والبيت ما فيه الا ثلاث غرف بس قلت مو مشكله برااعي زوجي لانه مزنوووق الله يعيين نقلنا لها وبعد فتره اكتشفنا ان احوالنا ما تغيرت ما وفرنا وكانت بعيد عن محيل دواام زوجي وبعد عن المستشفى يعني بعيد كثيرررر جلسنا فيها سنه كأنها عشر سنين وبعدها قلت لابو عيالي لازم ندور على بيت يكون اجاره رخيص شوي وما ياخذ علينا كهرباء
لان القواتير احس ان فيه نصب المهم رحت ولفيت كل المكاتب وما لقيت الا بيوت الله لا يوريكم خرااابات واختي في نفس البلد اللي انا فيها وزوجها يقرب لي وهم موااطنين وسألني زوج اختي هاه لقيتوا بيت قلت لا والله ما لقينا بيت صار لي شهر وانا الف وما لقيت بيت مناسب
ياما كبير واجاره غالي اوصغير وخرابه قال طيب وش راايج انا عندي لج حل بس اذا انتي بتواافقين عليه قلت هات اشوف وش عندك من حل قال هنا بيت سبيل للشيوخ بس يبي له ترميم والله يااخوت كأنه معطيني فله لان احنى مزنوقين لابعد الحدود الحمد لله يارب .
وسبحان الله هالبيت هو كان ساكن فيه من حوالي 12 المهم قال العصر تعالي انتي وابو العيال وشوفي البيت قلت طيب وسكرت ولما وصل زوجي بشرته قلت ابشرك لقيت فله ببلاش خخخخخ قال وين قلت في امحل الفلاني وابيك العصر توديني لها جى العصرورحنا وشفت الفيلاا بغى يغمى علي والله يااخوات اني تفاجئت بيت راايح في خراايطها لا بيبان ولا نوافذ ولا كهرباء ولا انابيب ماء ولا مغاسل ولا مجاري اعزكم الله قلت لزوج اختي هو ببلاش قال ايوه قلت مب مشكله لازم نتنازل عشان خاطر زوجي اللي ياما صبر علي وجلسنا شهر نرمم ونعدل فيه وسوينا معظم الاشياء وزوج اختي الله يرحمه ما قصرر جعله فالجنه يارب قولوو امين ودخلنا وانا مستانسه وفرحانها وكأنه بيت ملك لي لان زوج اختي قال ما بيطلعونكم منه ابد لو تجلسون فيه مدى الحياااه جلسانا قرررابه نصف سنه الا اخو زوجي جااي لزوجي ويقوله بما انك في بيت وما عليك اجار ابيك تشتري لي ( VXR ) قلت على جثتي تشتري له والله انا ما رضيت بهالبيت الا عشان يتحسن مستوانا المادي وما نقصر على عالنا في شئ ول ما عرفوااهله اني ورى السالفه قالوو ا كذاا يله يا تشتري لنا سياره يا ما نعرفك ولا تعرفنا والله يااخوات انهم نقصوا علينا في معاشنا يعني لا جى منهم خير وكفوا شرهم منا واهله بدو وعندهم ابل قالو لازم تشتري للابل سياره جيب شاصي قلت لزوجي لا تقرب الدين يعلم ربي مو حسد لاهله بس انا نقصت على عمري اشياء وااجد عشان ما نحتااج للناس بس هم اصروا وحملوه دين والله بغيت امووت من القهررر حقدت عليهم وزاااد كررررهي لهم فكررت اهجرررهم بس فكررت في اولادي الحين انا ابي حل ابي اشيلهم من راااسي وابيهم يشلووني من تفكيرهم نهائي وماابي زووجي يغلط ثاني مرررره وسؤالي هل انا غلطت لما قلت لا تشتري لهم سياره لاني اعرف ضروووفه عدل والله ما قصدي اقطع وصله لاهله امانه لا تخلووني عطوني حل ما يتدخلون في حياتي وما ينقصوووون علي عيشتي مع ابو عيالي وما ابي مشاكل زووجي ينقص عليه لانهم يقارنونه باخوانه او بأحد من الناس اللي مرتاحين في حياتهم يقولون شوف فلان مسوي كذا وكذا وحاط له بيت بروحه وما يروح لاهله وما يشتري لهم ومن هالكلام وحاط له بيت ولاهله بيت وش هالتصرف والله يا خساره التربيه وزوجي يتأثر من هالكلام وما يبي يزعلهم في شئ حتى ولو كان على حساب نفسه انقذووووني انا الحين عمري 34 سنه وما لي بيت مثل الناس وش اقووول بس تعبت وربي تعب من الكلااام امانه لا تنسوووني فكروا في حل لامشكلتي وحلووووها الله يخليكم
على فكررره ترى القصه انتهت واشكر كل من ردت علي وامانه ادعوا لي ان الله يسخر لي زوووجي