زوجي و غيرته محطمة نقسيتي

الحالة
مغلق و غير مفتوح للمزيد من الردود.
ليش عايشة بقلق؟؟ من اللي قريته واللي فهمته انه ماعصب ولا شي !!!!!!

اعتقد انه اذا دخل عليج البيت تقعدين اطالعينه بعين الخوف كأنج تقولين له يالله زف وعصب ... وهذا اللي يشجعه على انه يزف ... واسمحي لي اختي أحس انج تخافين عالفاضي والملياان .. انتي ما ارتكبتي كبيره ولا اثم علشان تخافين !!! سأل ليش ما ارسلتي لي مسج .. بكل ثقة تردين والله انشغلت أو حبيتها مفآجأة او غيره من الكلام الطيب الهين اللين .. قال انا اراقب البيت واعرف كل شي صاير فيه .. تردين بكل ثقة وان شاءالله ماصار الا كل خير ادري انك تراقب بيتك ومن حقك تتطمن علينا .. الموقف مال السيارة ماقدر يدخل سيارته فيه تخافيين وماتنامين طول الليل !! عصب قال الموقف اخوج سافط فيه .. بكل ثقة ردي ضيفك وداخل بيتك والمفروض حتى لقمتك تبديه على نفسك فيها مع ابتسامه وهدوء ...
بس لا تقعدين تمدحيييييين اخوووووووج قدامه .. ترى الازواج يغيروون من الاخوان لان الزوجات كل ما مرت سيرة اخوها او ابوها قامت تتفداه .. ندري انج تحبين اخوج وابوج احتفظي بهالحب بقلبج وخلي زوجج اهو حبج الوحيد بعينه علشاان مايغاار ويكره اهلج بعدين ......

اتمنى اني فدتج ولو بالقليل

دمتي بود
 
اهلين اختي انصحك تقرئين كتاب اسمه من يشد خيوطي رائع جدا يساعد في كيفية التعامل مع الشخص المتسلط وفيه استراتيجيات وخطط للتعامل مع الشخص المتسلط راح يفيدك وايد وعلى فكره المؤلف في هالكتاب ذكر ان الشخص المتسلط يخاف ولايستحي انصحك انك تشترين هالكتاب راح يفيدك كثير ولاتنسين تدعين لي طبعا اذا استفدتي من الكتاب والله يعينك انصحك دامك في بداية حياتك حاولي تغيرين طبع زوجك والمثل يقول ولك على ماتربينه وزوجك على ماتعودينه
 
بس لا تقعدين تمدحيييييين اخوووووووج قدامه .. ترى الازواج يغيروون من الاخوان لان الزوجات كل ما مرت سيرة اخوها او ابوها قامت تتفداه .. ندري انج تحبين اخوج وابوج احتفظي بهالحب بقلبج وخلي زوجج اهو حبج الوحيد بعينه علشاان مايغاار ويكره اهلج بعدين ......

اتمنى اني فدتج ولو بالقليل

دمتي بود[/quote]


اختي الاثير العطر جزاك الله كل الخير و اشكرك من كل قلبي على هالكلام الطيب لكن المشكله انه يسكت و ما يتكلم و بعدين يجي يحاسبني على كل صغيرة و كبيرة و في النهاية يطلعني انا غلطانه بكل شي و بعد ما يخلص يبي يرجع و كأنه ما بي شي ولا زعلانه ولا متضايقة الاحساس قليل عنده ..
 
ريموني
أبرار سالم
محمد انته عمري
بريق الألماسه
حبيبت رشيد1

جزاكم الله كل الخير على تواصلكم معاي و ردودكم اللي تطيب الخاطر و فعلا انتم نبهتوني الى شخصيتي الضعيفة اللي مو عارفة اتصرف وياها ولا عارفة ارجع ثقتي الى نفسي ..
 
اهلين اختي على فكره كان في وحده من الاخوات طرحت مشكلتها وهي انها تعاني من تسلط اهل زوجها عليها وكانوا بحرضون زوجها عليها وبخلونه يتسلط عليها المسكينه تعبت مع هالزوج المتسلط مع اهله وشرت الكتاب الي قلت لك عليه وفعلا استفادة منه كثير ولما حكيت لها على مشكلتك قالت لي انك لازم تقرائين الكتاب والله هي استفادة منه جدا وقالت لي انك اذا قريتي هالكتاب راح تحسين بشعورين متناقضين الاول راح تحسين بالامل وبالفرحه بانك فعلا ممكن تلاقين حل وتتعلمين فن التعامل مع الزوج المتسلط اما الشعور الثاني راح تحسين بان الكتاب قاعد يوصف وضعك تماما كانك انتي الي كاتبته وراح تحسين بالم وحزن لما تحسين انك زوجة رجل متسلط سمحتي له بان يتسلط علييك واتحتي له المجال لذلك اتمنى اننا نسمع عنك اخبار حلوه عسى الله يسعدك اتمنى اكون افدتك
 
على فكره الكتاب تحصلينه بمكتبة جرير اسمه من يشد خيوطك
 
يارونه قال:
على فكره الكتاب تحصلينه بمكتبة جرير اسمه من يشد خيوطك
أنقر للتوسيع...


اختي بارونه جزاك الله كل الخير و ان شاء الله في ميزان حسناتك و راح اشتري الكتاب و اول ما اقرأه راح ابلغك ..​
 
انا اقول انج ما شالله عليج مو مقصرة لا مع اهلج ولا معاه ،،، يعطيج العافيه

والصراحه اذا فيه تقصير منه اهوا شلون اهلج ضيوف عندج وما يجابلهم ويروح عند اهله!

عموما انتي ما منج قصور انشالله وانتي الصح انشالله وهذي اشياء المفروض ما تضيق خلقج ولا

تفكرين فيها وايد لانها اتقصر العمر وبيني وبينج (ما تستاهل) ، اهم شي انج وعيالج وريلج واهلج

بصحه وعافيه وحواليج ولا فيه (خيانه ولا خرابيط) نامي قريرت العين ولا اتحطين بالج واخذيه على

(قد عقله وخليكي انتي الكبييرة :sly:)

والله ايوفقج مع ريلج وايخليلج اياه وانشالله ايحبج وايموت عليج بالدنيا والآخره ولا ايشوف غيرج )
 
ربنا معانا

والله ياأختى أنا حاسة فيكى لأن الرجال يغيرون فى طباعنا للأسف للأسوء وأحنا بنستحمل لكن هما بيفتكروا أن ده ضعف .لكن الصبر وربنا يجعله فى ميزان حسناتك:surrender:
 
ماشاء الله الاخوات قامو بالواجب انا مااقول الا الله يفرج همك وهمي وهم كل مسلم
تقبلي مروري
 
الحالة
مغلق و غير مفتوح للمزيد من الردود.
عودة
أعلى أسفل