زوجي واهله جنوبيين وانا شماليه

الحالة
مغلق و غير مفتوح للمزيد من الردود.
الله يجزاك خيريا ملكه بجناتي

بجد تعبت
الله ييسر الامور ويكتب لي الخيره
اللهم امين
 
. هذه هي قصة غلام صغير آمن برسالة السيد المسيح...في وقت كان أتباع المسيح يقتلون....فأراد الملك أن يقتل هذا الغلام...
فقال له الغلام: إنك لن تقتلني حتى تجمع الناس.. فأمر الملك بعض أتباعه أن يلقوه من أعلى الجبل...فيقول الغلام الدعاء التالي: "اللهم اكفنيهم بما شئت و كيف شئت..إنك على كل شيء قدير.."فيسقطون جميعاً من فوق الجبل ويعود للملك...لأنه لا يريد الهرب..فهو صاحب هدف ورسالة..أن يجعل نفسه فداء..لإيمان الناس...فحاول الملك ثانية بإغراقه في البحر..ولكنه لم يفلح أيضاً...
فيقول له الغلام : إنك لن تقتلني حتى تجمع الناس..ثم تأخذ سهماً من كنانتي وتقول: باسم الله رب الغلام....فنفذ الملك ما قاله له الغلام..واستشهد الغلام..فقالت الناس: آمنا برب الغلام..آمنا برب الغلام.. هذا الغلام...كانت ولادته الحقيقية يوم استشهاده...لأنه كان سبباً في هداية أهل المدينة كلهم...


اسمحيلي تأخرت خذيها مني نصيحية ترا هذا الدعاء مدمر والله يعينك على اللي فيه خير


والسلام عليكم​
 
عموما يا اخت سوسو حصل خير واللي فيه خير يكتبه رب العالمين
واضح الرجال بايعها ومنتهيه واعتقد اني عشت بدايه حياتي مثلك بس الفرق اني عشت عند اهل زوجي يعني المسدح والمردح عند راسي وانا تضايقت من اشياء كثيره بشخصيه زوجي الجنوبي واهله ولما وصلت حدي طلبت الطلاق لحظتها ضرب ثمي واسكتني قال لي الا هذي لا تنطقينها
تدرين انه ابغض الحلال
وتدرين ان المرة من كثر ما تكررها تسهل على الزوج نطقها
ابعديها قد ما تقدرين
ولان الله كاتب لي الحيياة معه استمرينا وصبرت وطولت بالي وهو ما قصر لا تنسين اننا يالشماليين علينا طلعات جامحه
وصدقيني الى الان كل ما مرت علي مشكله اقول يمكن لو كنت مع غيره كان احسن بس كتبة الله وقدره اللي امتحني فيه وامتحنه فيني
لحد ما بديت بعد هالسنين اني اتأقلم مع الإبتسامه اللي يبيها
وحب اهله
ما اقول الا لو يبيك الجنوبي ما قصر واشتراك بس الظاهر الرجال عايف فلا تجبرين نفسك على العيش مع شخص كاره او عايف ويدور عليك الحجه من ليله العرس
واطلبي الله يخلف لك فيه ويكتب لك الخيره ويغسل مودته من قلبك​
 
انا ارسلت ايميل
امس وقلت له عن شعوري تجاهه
وقالي انه بيكلمني
وكلمني

وقالي عن شعوره وانه هو لسى شاريني ويبيني

بس اني لازم امشي على نظام حياته
قلت له ما اقدر من حقي يكون لي بيت
من حقي اعيش براحتي وبخصوصيتي معك
انا تزوجتك انت ما تزوجت اهلك
اهلك عالعين وعالراس بس ضيوف يجون مثل الضيوف ويمشون مثل الضيوف مو يجون ويفكرون االبيت بيتهم ويحسوون ويخربون ونهاية اليوم فرشو فرشهم ونامو
هذي حياه فوضويه وما عاد احد يسوي هالحركات ..........اللي كانو يسوونها ماتو وشبعو موت
قالي انتي تحطيني بموقف صعب ما اقدر اكلمهم ولا اقدر اقولهم ولا اقدر احط لهم حدود
انا في احسن الحالات ممكن احط بيت كبير احطه قسمين واحد لي انا وياك وواحد لهم
قلت طيب ما عندي مانع بدايه حلوه

بس شروطي مار اح اتنازل عنها واذا كنت شاريني مثل ما تقول انا شاريتك وما راح اتنازل عنك بس الا بيتي والا كراميت وخصوصيتي معك هذا بالمقام الاول عندي
سكت شوي ما يدري وش يقول وقالي خلاص انا بستخير وبشوف وش ربي يامرني عليه وببلغك

يعني يا انه يرجعني بشروطي او انه يطلقني
والى الان ما رد علي ولا بلغ احد من اهلي باي شي
انا قاعده استنى
الله بيكتب لي اللي فيه خيره
 
بدايه حلوه وتبشر بالاخير ان شا الله
الله يهدي سركم ويسخرلك زوجك
 
سوسو كبيرا ....

حبيبتي .. انا قريت كل الصفحات بتمعن .. وفصفصت الردور فصفصة ..

وفاهمة جدا اش تحسين واش ناقصك واش اللي لقيتية ....!!!

ركزي مضبووووووووط فـ كلامي :


هذا الرجل ماراح يتغير ... ولا أهلة بيكفون شرهم

لأن هذي طريقتهم في الحياة ..

هم عايشيين كذا طول عمرهم .. وولدهم تربى على هذا الأساس

وأي محاولة منك او من غيرك لتغيير هذي الحياة

راح يعتبرونها ((( حــــــــــرب ))

فكري زين زين قبل ما تتخذين اي قرار بالعودة ..

بما ان تغييرهم مستحيل ...

هل تقدرين انك تعيشين معاهم كذا طول عمرك ؟؟؟؟؟؟؟

انا مو سلبية .. بس هذي الحقيقة

هل تقبلين انو اي احد حتى لو كان زوجك ... انو يغيرك ويغير طباعك وعاداتك وطريقتك في الحياة ؟؟؟

لأ طبعا ... ولو كنتي انتي تقبلتي التغيير ماكان هناك مشكلة ...!!

هم نفس الشي الرجال واهله ..... مســــــــــــــتحيل يتغيرون ..

الخلاصة :

اما تتأقلمين وتصبرين وترضخين بدون تشكي او زعل ..

او تتخلصين من هذي الحياة اللي باينة تباشيرها من يوم الزواج ..

الطلاق مو عيب ولا حرام ..

الطلاق حل ,, شرعه رب العزة والجلال لتفادي الخلل ,, وللتسهيل على الناس ..

الكارثة الحقيقية هي :

انك تجيبين أطفال وتوهمين نفسك بالصبر ...

وفي الأخير >>>>>>>>>>>>>

تطلبين الطلاق ..!!!!!!!!!

لا تغلطين غلطتي .. وغلطة غيري كثير ..

قناعاتة وكلامة معك مايبشر بالخير ..

وموقفة منك وانحيازة لأهله ماراح يـــــتـــــــغــــــــير ...

فكري .. كثير

الحياة ماتنتهي عند حد معين ..

أخيرا :

أسأل الله الكريم الحليم رب العزة والجلال .. ان يهبك صبرا و بصيرة نافذة ..

وان يدلك سواء السبيل وان يبدل حزنك سرورا ,, وان يملأ قلبك رضا يكفيك ماحييت ...
 
شكرا اصيله هانم
وربي يجزاك خير على هالدعوه

انا بقولكم وش اخر المستجدات
زوجي منططططططش ولا على باله
وتاركني وساكت
قررت اني اتحركش فيه واشوف وش عنده وش يفكر فيه وارسلت له ايميل وقلت له اني شاريته واحبه وابيه ووووبس بيتي ابيه يكون لي لوحدي
ارسل لي نفس الكلام وقالي انه يبيني بس انه مو مستعد يجي يكلم ابوي ويراضيني
تخيلوووووووو
وش يبي مني

يبيني انا اروح لابوي بعد ما اشتكيت له وفهمته الوضع واقوله يبه
انا غلطت بحق الرجال وهو ما غلط علي وانا بشرح لك وجهة نظره وهو يبي كذا وكذا وكذا

يعني يبيني ادافع عنه قدام ابوي بدل ما هو يجي يكلم ابوي ويعلمه وش صار من وجهة نظره يعني يعلمه القصه من جهته ...يبيني انا احامي عنه بد ما اشتكيت عليه ؟؟؟؟؟؟؟يعني تناقض اكثر من كذا ما شفت

ما يبي يكلمه في اي موضوع ولا يبي يشرح له اي شي يبيني انا اكلمه بالنيابه عنه ؟؟؟
يعني يبيني اوقف معه ضد نفسي قدام ابوي وابرر تصرافاته
وقالي بنهايه الايميل انه اذا سويت كذا ترا ه هو يستناني بالبيت ...ويبيني افهم ابوي اني اشتكيت عليه من غير وجه حق...........
يعني يبيني اكلم ابوي واغلط نفسي واقول خلاص مصا ر شي وارجع للبيت من الباب للطاقه

احيانا احس ان زوجي خبل؟؟؟
يعني هو قاعد يلف ويدور عشان ما يجي يكلم ابوي لانه عااااااااارف انه غلطان وانه ابوي بيمسك عليه هالغلط وبيلزمه يحفظ خصوصية بيتي ؟

عشان كذا انحاش ويبيني انا اكلم ابوي واحل السالفه وارجع للبيت ..........وهو رجل كرسي بالسالفه لايكلم لاحد ولا بيي احد يكلمه ....قلت له رجعه للبيت ماني راجعه الا انك مكلم ابوي ومستئذن منه هو مو وكاله من غير بواب ترميني عند اهلي وتتركني كل هالمده ويوم اشتكيت لهم تقول لا يتدخلون بينا تعالي نحل السالفه من غير تدخلات ؟؟..
لو يبي اصلا يحلها بدون تدخلات المفروض انه ما تركني كل هالمده المفروض انه عالاقل وصاني انه محد يدري باللي بيني وبينه مو يتركني ماني عارفه راسي من رجولي ويم دخلت ابوي قالي انتي الللي شكيتي له روحي قدامه وتراجعي عن كلامك وبمر اخذك ؟؟؟؟؟حمداله والشكر بس
انا طفح الكيل معي وقلت له تدري شلون انا غلطانه لاني كلمتك بالموضع انت ساكت وعاجبتك حياك كذا وعاجبك بعد شكلك قدام الناس وانت رامي زوجتك شهر وما سئلت عنها ...
انا ما توقعتك سلبي لهالدرجه

عشان كذا انا قررت اصير مثلك واسكت ولو سمحت
من اليوم وطالع ما ابي اسمع منك شي ولا ترسل لي شي ولا يهمني شي من جهتك ان شاء الله نقعد عشر سنين على هالحاله ما عاد اقدر اقدم لك اكثر من كذا ؟؟؟؟يكفي اني انا اللي كلمتك واني انا اللي فتحت الموضوع واني انا اللي ادور طرق للتفاهم بينك وبين ابوي اللي يستناك بس تدق عليه عشان يشوف وش السالفه ...

انا ما عاد يهمني شي

وارسلت الايمل
دق عليه بعده مرتين

ومار ديت ولا راح ارد ثاني بجد تعبت منه

يارب اني اشكو اليك ضعف قوتي وقلة حيلتي وهواني على االناس
ياارحم الراحمين ...
بنات تفاعلو معي قولو لي انا غلطت لمن قررت انسحب وخربت كل شي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
أختي العزيزة
اسمحيلي أقولك اخوات زوجك يغارون منك
وهذا حال كثير من أهل الزوج

فلابد من وضع خطة ما تخرش المية..
وأولها حاولي انك تطلعين في الاوقات الي يجون فيها..ولو كانوا يجون بعد الدوام ..
اطلعي انت وزوجك من الدواد على مطعم مثلا ..أو ليه ما تردينها لهم وتروحون تتغدون عندهم شبه يومي وتردون بيتكم بعد كذا ..

ثانيا اذا تقدرين تقولين لهم بالتليفون انك اليوم مشغولة أو بيجونك ضيوف ..واذا ما قدروا نادي أهلك وخليهم عندك علشان ما ياخذون راحتهم ..
ثالثا : زي ما قالت وحدة من الاخوات بيني له انكم تنبسطون أكثر وتاخذين راحتك باللبس اذا ما كانوا فيه..


بعدين ما فكرتي ان زوجك ايضا متضايق ..ترى الرجال ما يقدرون يردون يخافون من تعليقاتهم ..
انت ردي رد على قولتهم مزحة برزحة ..ولا تدخلين زوجك بالموضوع لانه اكيد بيكون معهم ..

​
 
أسمحيلي اييييه انت الغلطانة من الاساس ..
لانك طلعتي من البيت وتركتيه لهم وهذا اللي بيونه وجاهم ..
انا ضد اللي تقولك تطلقي ..
يابنات حرام عليكم
ليه كذا من اول مشكلة على طول طلاق ..

وليس هو الحل يعني لو تطلقتي وتزوجتي مرة ثانية وصادفتك مشكلة تطلقين مرة ثانية وهكذا ..
​
 
طيب ليش ما تقولين له اني فهمت ابوي اني كنت فاهمتك غلط وما فسرت كثير ..
وإذا جا يتفاهم مع ابوك وتاكدي ان ابوك ما راح يتدخل الا لصالحك

هذة الطريقة الوحيدة اللي بيخليه يجي وهذا هو المطلوب
ردي
​
 
احب الحياه
اشكرك على نصيحتك بس انا طلعت من البيت بعد ما استخرت وحسيت ان الكيل طفح من كثر الاستفزاز والطبات اللي مالها داعي ...وكنت بشوف غلاتي عند زوجي بشوف يحبني بجد يفقدني مستعد يسوي ايش عشان ارجع له
واعترف انه هذا الاسلوب ما ينفع معه ولا جاب نتيجه حصلت صفرررررر وبس


انا مو مع اني اتطلق بس زوجي سلبيييييييي
مرررررررررره
وما يقدر يرفع عينه بخواته
وانا حاولت اقوله بلبس براحتي بالبيت وحاولت اقوله برتاح معك وبدلع عليك من غير ما يراقبنااحد
قالي وش اسوي هذي حالتي وما اقدر امنع اهلي...قلت له لا تمنعهم انا بفهمهم بذوق وادب انه الزياره لها مواعيد على الاقل يعطوني خبر قبل لا يجون مو يجون يدقون الجرس ويدفون الباب ما يردهم الا اخر البيت وهات يا لعب ورقص ومسخره وحوسه ...قالي اذا كلمتيهم لا تلومين الا نفسك خليييييهم على راحتهم وعلى اسولبهم وهم عايشين كذا مو من حقك تغيرينهم
....
انا سكت وقلت بسوي اللي براس يوم كلمت اخته وقلت لها اللي بخاطري وزعل مني وقالي اعتذري ليها وقلت تم ما يصير خاطرك الا طيب
بس لفيت السالفه وما اعتذرت لها لانه هذااللي ناقص اعتذر عن حقي؟؟؟؟؟؟؟؟؟؟؟؟


اما سالفة المطعم واني اتغدا براااا انسييييييييي ما اقدر اروح للمطعم اذا جيت من الدوام لانه
اصلا هو لما يجيبني من الدوام يكون طاااااااااااير وبسرعه وما يبي يمر اي مكان استغرب اقوله وش فيك هدي يقولي لا
ماقدر خواتي بالبيت يستنونا ؟؟؟؟؟؟؟؟؟؟؟؟؟؟وعشان تلحقين تسوين الغدا اختي على لحم بطنها من الصبح ؟؟؟؟؟؟؟؟؟؟؟؟؟؟
وين تبيني امر مطعم واتغدا فيه وخواته محرصينه ما يتئخر ويرجع بدري
ووبعدين بيتهم انا ما اطيق اروح له صراحه ...وانا ليش اروح لبيتهم وانا عندي بيت ومستقره فيه وبعدين اسلوبهم اذا جيتهم
انواع التمثيل قدام اخوهم وانا انخدمها بعيونا ونحبها موت وما نبي شي ينقصها
واذا طلع حتى فنجال القهوه ما يمدونه علي...
وانا حاولت برضو اجذب اهلي لبيتي عشان يجون يزروني بطريقه يوميه
بس اهلي ناس مشغولين بانفسهم ومو فاضين للمناكد
وفوق كذا يقولن مستحيييييييل نجي نزورك ببيتك اصلا عيب توك عروسه
نبي نستنى لما تتمين سنه
بعدين نزورك
حتى امي ما قد زارتني ببيتي مستحيه من زوجي
وهذولي لا حيا ولا مقدريه
تخيلي .........
ما اقول الا حسبي الله ونعم الوكيل

يعني بصراحه اكتشفت انه الناس بيئئات متبااااااااااينه

وزوجي انا عطيته خيارين يا يرجعني بشروطي ويئدب خواته ويصيرون يجون ضيوف ويروحون ضيوف ولا يطلقني
انا عارفه الطلاق مو حل
بس السكوت على المسخره هذي بر ضو موحل ....
المشكله ان الناس مفكرين اني ابي اعزله عن اهله وابييه يطردهم ومتخانقه معهم وحتى مرة اخوهم تخانقت معها ....
شي يضحك بجد
والله ما جا شي في بالي من هالتفكير وكل الي ابيه بيت ارتاح فيه ويكون مبني عالهدوء والاستقرار والتفاهم...مو استراحه ولا فندق خمس نجوم ...
بيت يعني بيييييييييييت

حسبي الله وكفى
 
الله يكون في عونك كلنا في الهواء سوا ولا لقيت حل يريحني الله يوفقنا ان شاء الله
 
الله يعينك بصراحة مادري شو اقولك انا اخوي بداية زواجه من كثر ما هو اجتماعي كان دايما ياخنه لبيته بس احنا الحمدلله كنا نحب حرمته ونستانس بوجودنا معاهم وكنا ننظف البيت ونمسح تقولي خدامات الهانم واخوي هذا من ابوي شخصيته فعلا فعلا غريبة يحب الالعاب الالكترونية وما يهتم بمشاعر زوجته بس بالمقابل سهل انه واحد يحشي راسه ويتغير علينا فجاة ويسويلنا مشاكل لاي سبب اتغير مررة بعد الزواج واحنا الصراحة مانحب ندخل ومو راعيين مشاكل ونطنش هالشياء التافهة لانو ما اذيناهم بالعكس كنا نحبهم بس مع مرور الايام اكتشفنا ان حرمته هيا الي غيرته وجننت اخوي صار انسان متناقض واخرتها شوفي المفاجاة -------حبت اخوي الثاني وزوجها لما كشفهم طلقها واستغفر الله العظييييييييييم من كل ذنب عظيييييييم وهي يقولون الحين مريضة بالمرض الخبيث والعياذ بالله وتتعالج في الرياض كيماوي والله الدنيا عجيبة ولا زالو هي واخوي يكلمون بعض اله يهديهم ويشفيها -------المغزى من هاذي القصة انه الرجال ضعيف الشخصية والكسول ما منه فايدة واذا كان فيه حب فسوف يتلاشى مع الايام لانه الزوجة ما تحس بالاستقرار معاه والواحد يتحكم بعقله مو بعواطفه ومشكلة لما الزوج يوكل حتى الامور المصيرية للزوجة اين دورك كرجل اين المسؤولية------بس نصيحتي لك يا سوسو لا تفكري ولا تهتمي وتغتمي بس عليكي بقراءة سورة البقرة باخلاص وصلاة الحاجة بخشوع انه الله يفرج همك وبعدها الاستخارة في اي امر واستغفري الله الغفور الرحيم-------------
 
احب الحياة قال:
طيب ليش ما تقولين له اني فهمت ابوي اني كنت فاهمتك غلط وما فسرت كثير ..

وإذا جا يتفاهم مع ابوك وتاكدي ان ابوك ما راح يتدخل الا لصالحك ​

هذة الطريقة الوحيدة اللي بيخليه يجي وهذا هو المطلوب
ردي ​
أنقر للتوسيع...

احب الحياه
بس انا فاهمته صح
ما فهمته غلط انا فاهمته اكثر من نفسه
هو يبيني اتنازل عن كرامتي عشان اهله يستانسون ويعيشون بالطول والعرض
وما ني مغلطه نفسي قدام ابوي عشان يفقد ثقته فيني
يكفي اني تزوجته وقفت بوجه العالم كله عشانه بعد تبيني اروح اناقض نفسي وش بيقوولن عني الناس انجنت ؟؟؟؟؟؟؟؟
انا قلت له ابوي قالي مو من حقك تمنعين اهله من زيارته ومو من حقك تقولين له كذا ومن من حقك تتركين بيتك بهالطريقه ...
وضحت لهان ابوي واقف ضدي مو معي كل ذا عشان اشجعه انه يجي ويكلمه
وبالنهايه قالي ماني مكلم احد ولاني شارح شي لاحد انتي تكلمين وتشرحين وتتعذرين بالنيابه عني وبيتك وزوجك يستنونك ... ولاترا بخلص ورقتك يوم السبت وانا مكره على هالشي ....
وش رايك بهالكلام ....

انا قررت اسلم وارتك الموضوع كلللللللللللله لله
عليه توكلت واليه انيب
 
ام الريم12 قال:
الله يعينك بصراحة مادري شو اقولك انا اخوي بداية زواجه من كثر ما هو اجتماعي كان دايما ياخنه لبيته بس احنا الحمدلله كنا نحب حرمته ونستانس بوجودنا معاهم وكنا ننظف البيت ونمسح تقولي خدامات الهانم واخوي هذا من ابوي شخصيته فعلا فعلا غريبة يحب الالعاب الالكترونية وما يهتم بمشاعر زوجته بس بالمقابل سهل انه واحد يحشي راسه ويتغير علينا فجاة ويسويلنا مشاكل لاي سبب اتغير مررة بعد الزواج واحنا الصراحة مانحب ندخل ومو راعيين مشاكل ونطنش هالشياء التافهة لانو ما اذيناهم بالعكس كنا نحبهم بس مع مرور الايام اكتشفنا ان حرمته هيا الي غيرته وجننت اخوي صار انسان متناقض واخرتها شوفي المفاجاة -------حبت اخوي الثاني وزوجها لما كشفهم طلقها واستغفر الله العظييييييييييم من كل ذنب عظيييييييم وهي يقولون الحين مريضة بالمرض الخبيث والعياذ بالله وتتعالج في الرياض كيماوي والله الدنيا عجيبة ولا زالو هي واخوي يكلمون بعض اله يهديهم ويشفيها -------المغزى من هاذي القصة انه الرجال ضعيف الشخصية والكسول ما منه فايدة واذا كان فيه حب فسوف يتلاشى مع الايام لانه الزوجة ما تحس بالاستقرار معاه والواحد يتحكم بعقله مو بعواطفه ومشكلة لما الزوج يوكل حتى الامور المصيرية للزوجة اين دورك كرجل اين المسؤولية------بس نصيحتي لك يا سوسو لا تفكري ولا تهتمي وتغتمي بس عليكي بقراءة سورة البقرة باخلاص وصلاة الحاجة بخشوع انه الله يفرج همك وبعدها الاستخارة في اي امر واستغفري الله الغفور الرحيم-------------
أنقر للتوسيع...


اختي ام الريم
الله يجزاكي خير
ويفرج لك
من كل هم االلهم امين

بس يا اختي انتي قلتي لي صلي صلاة الحاجه
انا رحت اطلعت على صلاة الحاجه في احد المواقع وتفاجئت انها غير نشورعه
والاحاديت اللي تطلمت عنها كلها موضوعه او ضعيفه جدا
وقريت فتوى للشيخ ابن عثيمين انه صلاة الحاجه غير مشروعه لانه ما في حديث يدل عليها

حبيت انبهك الله يجزاكي خير
 
يالله والله شايله همك ماودي تتطلقين وخاصة انو انتي وزوجك تحبو بعض
لكن المشاكل من اهله
محتاره ايش اكتب الله يوفقك وييسر امرك
 
زوجك جبااان وعارف نفسه غلطان
وبما انه جنوبي ,, الجنوبي ما يحب المواجهه عشان كذا يقول ما رح اجي اتكلم مع ابوك

عموما اناا اشوف انك تتمسكين بحقك والله يعينك

بس ما انصحك يطول الموضوع اعطيه مهلة محددة يتخذ فيها القرار اسبووع كافي لان الموضوع مر عليه شهر
قوليله اسبوع واحد قرر يا بيتي لي لوحدي واهلك ضيوف على العين والراس
والا كل واحد يشوف حياته ,, والله يفرج همك يارب
 
اشكرك اختي رد روز

طيب اذاالله قدر لي اتزوج واحد جبان وش لي انا وش اقدر اسوي
غير اني ارضى واحاول احفزه لكل شي
وهذا اللي اناقاعده اسويه
حتى اني احفزه انه يكلم ابوي ويرجعني


بس بكيفه انا راضيه فيه وهو كذا
بس وش اسوي رضيت بالغلب والغلب مو راضي فيني

اشكرك لك مررورك
وما اقول الا اشهد ان لا اله الا انت اني كنت من الظالمين
واكيد انه هذا اللي يصير لي تكفير ذنب
والحمدالله على كل حال
 
الحالة
مغلق و غير مفتوح للمزيد من الردود.
عودة
أعلى أسفل