ياحياتي ياسوسو اليوم بس طحت على موضوعك اه ياقلبي عليك وش ذا الحموله الي عندك وجيهم مغسوله بمرق انا عانيت من الحموله وكانت خالتي ام زوجي كل يوم تجيني الساعه 11 الضحى او 10 من غير احم ولا دستور وشعارها بيت ولدي متى مابغيت ارفس الباب وادخل هذا وانا توني عروس وغيره وغيره بس الفرق بيني وبينك انا زوجي ماعنده الا اختين وصغار بالمتوسط والثانوي يعني بزارين بس الحمد لله وقفتهم عند حدهم وما صارو يجون الا اذا انا عزمتهم بس طبعا بعد معاناة انتي ياحبيبتي غلطتي يوم انك عبرتي لزوجك انزعاجك منهم بهالاسلوب كان المفروض تكونين اذكى منهم وقدام اخوهم حطيهم على راسك وبيني له باسلوب حلو ودلع انك انتي المسكينه وانتي الي محرومه من خصوصيتك وحاولي تعلقينه فيك شوي اسحريه السحر الحلال الي مايقدر يستغني عنك وقدامهم استخدمي نفس الاسلوب الي يستخدمونه اياكي اعني واسمعي ياجاره خلي الحرب ينك وبينهم من تحت لتحت ولا تدخلين زوجك وعلى فكره لوتطلقتي هم الي بينتصرون مو انتي تدرين ليه لان انتي المتضرر الوحيد بالمسئله اخوهم بيتزوج ولا على باله وانتي الي بتنقهرين وتتعبين من كلمة مطلقه مع الاسف هذي نظرة المجتمع وان كنت اخالف هذه النظره وترى زوجك ميت من شوقه له بس تلقينهم صاكين عليه صكه وشغالين عليه دروس ومواعظ وحشي بمخه انا اقترح انك ترسلين له رساله تطلبين منه فيها انه يجي عند اهلك علشان تحلون الموضوع وخليك صارمه معه واذا مارد اتصلي عليه وقولي له لو سمحت تعال بيت اهلي واذا قام ينافخ ورفض يجي قولي له خلاص اذا انت ماتبيني ومصر على موقفك تعال بيت اهلي ابي اقولك كلمتين وبعدها طلقني ابيك تسمع مني هالكلمتين من باب العشره الي بينا اذا كان على الاقل لي قيمه اومكانه عندك وحاولي بالكلام تشدين شوي وتلينين شوي وانا متاكده انه قاعد يتظرك على جمر وتلقينه متعذب من الشوق بس الي عنده ماسكي فوق راسه اسلحه والتاخير بحل الموضوع ابدا موب فصالحك لانه كل ماقعد عندهم اكثر بيحشون مخه عليك اكثر وبيزيد تعلقه فيهم اكثر وياليت لو ترسلين له القصه الي ارسلتها لك ام شذى علشان يقراها اتوقع انها بتاثر فيه اللهم سخر لها زوجها ورده لها ردا جميلا اللهم اجعلها احب الناس الى قلبه وصب محبتها في قلبه صبا واجعله احب الناس الى قلبها اللهم اجعله قرة عينن لها اللهم كل من اراد بها سوءا اشغله بنفسه ورد كيده بنحره وسلط عليه اللهم انصرها على عاداها وفرج همها وكربتها اللهم ارزقها ماتحب وتتمنى اللهم اسعدها ياارحم الراحمين اللهم امين
الله يجزاك خير
والله العظيم اني اكبي وانا اكتب لك
اسمعيني يا اختي
انتي تقولين خلي حياتك معهم حرب من تحت لتحت وهو برا الموضوع ؟
لين متى بتصير حياتي حرب؟
انا تزوجت عشان استقر وارتاح واشعر بالامان ؟
مو علشان اروح احارب؟
انا ابي بيتي لي ووجي لي واذا يحب اهله اله يقويه بس موب يهيني عشانهم
واهله المفروض ما يخافون عليه مني انا مو وحش انا زوجته وام عياله ومستقبله وهم يشووفون بعيونهم كيف كنت اعامله
بكل رقي وادب واحترام
هم كان يستغربون مني ليش اعامله كذا
لدرجة انهم صارو يقوولن له انتبه منها تسمع كلامك وتمشي عاللي تبيه لانها تبي تمشيك وراها وتطيحك بالهداوه ؟
حسبي الله وعم الوكيل وربي انا ما بغيت الا اني ادخل الجنه من وراه واكسب فيه اجر الجهاد
وربي اني ما كذبت
وصارويفسرون تصرفاتي معه بهالتفسير
هم بكيفهم بس هو ليش يصدقهم ؟؟؟؟ يعني هو كيف يتوجس مني شر وهو يعرف نفسيتي والله اني ما ااذي نمله ... موب عاد ناس مامنيني على ولدهم ومنا وفينا ...وهو معاشرني وعارفني اكثر منهم
ليش يسمع منهم
انا ما سمعت كلام امي ضده ولا كلام اختي ولا كلام مخلوق فيه
ليش انا قويه يعني وهو ضعيف؟
انا بعت كل الناس اللي يحترموني ويقدروني عشان اتزوجه وقفت له ناس كثير كانو يسبونه ودافعت عنه ....وقطعت صلتي بالمجتمع كله لانهم كانو ينظرون لي نظره دونيه لاني تزوجته... هوما فيه شي بس الكل يكره امه وخواته ويحقد عليهم ...........والكل عارفهم على حقيقتهم حتى انا كنت عارفتهم بس قلت بتزوج الولد مالي خص بالام وبناتها ما دريت انهم بيقلطون بحياتي بكل وساعة وجه وهو بيوقف معهم ............
يعني يبيني اقدم ايش اكثر من كذا وهو عارف هالسوالف كلها ؟؟؟
يجي الحين يسمع فيني من اهله اللي باين انهم حاقدين وغايرين من ليلة زواجي اللي قلبوها علي جحيم وخربو فيها كل معنا حلو وتدخلو بكل شي واستولو على كل شي حتى الكوشه خربها وقلبوها فوق تحت وحتى السويت حقي اللي هو حاجزه لي اخذوه وطلعوني منه
بليلة عرسي تخيلي ؟؟.
راحت اختي الله يجزاها خير حجزت لي سويت يضفني بدل الدوران باسياب الفندق كني مسكنيه
وسكت ومشيت الموضوع وقلت انا اكبر من هالسوالف ....
الحين برضو بيستولون على زوجي وقلت اخوهم ويحبونه
واخذو بيتي ...وسكنو فيه وهم الى الان فيه ..
وبالطريق ايش بياخذون بعد ؟؟؟؟؟
عيالي ؟؟؟
ايه بياخذونهم قالته لي اخته على بلاطه اذا جبتي بنت بناخذها نربيها عندنا ؟؟؟وهم قاعد وساكت ومبسوط على كلامها
انتي قلتي لو تتركينه بينتصرون
خليهم ينتصرون
انا اصلا تركت لهم الجمل بما حمل
انا اعرف ان الحياة الزوجيه فيها مشاكل بس المشاكل وتكون بين الزوجين
مو ندخل فيها الاخت والام والخاله والعمه
حتى خدامتهم
يحسب لها حساب اكثر مني
هوشتيها
زعلتيها
ناديتيها
انتي تحبينها ولا لاء؟
لو بيني وبينه انا اقدر اتصرف واحنن قلبه علي بس هو مغمض ما يشوف الا اخته وامه وكل شي من ريحة بيت اهله ... وانا متى بيجي دوري بعد ما ينتهي من اهله
وعلى فكره ما راح ينتهب لانهم شغالين عليه بالدور ويحاولون بقدر الامكان يجذبون انتباهه حتى لاتفه شي وهذا الشي انا فهمته على طول اذا كلمني واذا بغا يطلع معي او يبي يسوي معي اي شي
راحو دخلو انفسهم بينا باسلوب كنهم يبون شي او محتاجين شي عشان يجذبون انتباهه اكثر مني ....
والله العظيم اني احبه وابيه ومشتاقة له
وقابله فيه وفي حبه لاهله وتعلقه فيهم بس انا بعد اهله وزوجته وام عياله وانا بعد لي حق عليه
وانا قايمه بواجبه اكثر من امه وخواته اللي فازع لهم وش يبي يخرب بيت ابليسه اكثر من كذا ............
يعني انا بفهم الام وبناتها الحين عاجبهم حال اخوهم وهو وحيد وهو توه معرس
حاسدينه يصير عنده حرمه تخدمه وتحبه وتحترمه ... هو فاهم الموضوع بالعكس فاهم اني انا حاسدته وما ابي اهله يجونه وما ابيهم ياخذون منه شي لا والله وبالله هم اللي غلطو علي وهو بعد غلط يوم يغصبني عليهم ويسسحبني انام عندهم ببيتهم وانا عندي بيت ....
حسبي الله وكفا
الله يرد كيد امه وبناتها لنحورهم وياللي حرمتني منه تنحرم منه هي وبناتها اللهم امين بهالجمعه المباركه ... الله يوريهم ذنبي بين عيونهم ويجعلهم يعرفون انه ذنبي ودعوتي عليهم
الله يوريهم ما يكرهون في انفسهم وعيالهم وبيتهم وجعلهم ياربي يعرفون انه سواتهم فيني
والله يوريه هو بعد طاعته لهم وين ودته وش سوت فيه
وحسبي الله وكفا
ياربي تكتب لي الخيره والعوض منك يارب
