زوجي قرر الزواج ثانية ... اطمع ان تجدو لي الحل الصحيح ليوافق على شرطي

اللهم رده اليك وسخره لك
اجلسي مع ابناءك واجرك على الله والبيت اشرطي عليه يكتبه بأسمك
 
هلا فيك اختي انا توي سجلت وهذا اول كتابه لي انا انصحك اهم شي عيالكه هم اعز ماتملكين الحين وزواج زوجك اذا مكتوب راح يصير وكلامك انه ملتزم وابوه ملتزم كيف ملتزم وين العدل اللي هو اهم شروط التعدد انا مجربه الضره طبعا انا الاولى نصيحتي لك لاتدخلين نفسك بزواجه تقولين رضيت بس بشرط لانه بعدين اي شي يحصل بيقولك انك كنت موافقه قوليله انه بالعقل ماراح اوافق اذا كنت بتاخذ برايي قولي اذا بتزوج ابي حقوقي كامله وماله داعي البيت لانه اكيد بيرفض بس لاتقصرين على نفسك بشي ولاعيالك اذ احتجتي اطلبي وانسي انه متزوج وقولي اذا بتعدل هذا اهم شي واذا جا عندك عامليه ىانه ماتزوج واذا راح لها انسيه واطلعي وتمشي ولا عمرك تجيبي سيرتها عنده واهتمي فيه ومهما صار ماراح ينساك لان كل اللي يتزوج يندم بس بعض الرجال عنده كبرياء وما يعترف بهذا الشي واللي ماله اول ماله تالي والدعاء عجيب والله يكون بعوننا جميعا والدنيا فانيه ليش انكد على نفسي بشي مايسوى
 
الله يكون بعونك اختي والله يفرج همك وهم كل مسلم يارب المهم انتي حاولي بأي طريقه انك تخليه يرجع عن قرار الزواج واذا شفتي انه مافي فايده من محاولاتك وصار زواجه امر واقع فتمسكي بالبيت بما انه قادر وعنده حلال وقادر يتزوج بثانيه ويفتح بيت ثاني بس انتي المهم انتي حاولي اولا تخليه يتراجع يعني اجلسي معاه جلسه وديه هادئه وأسأليه ايش اللي تغير عليه وليش ناوي يتزوج عليكي يعني حاولي تعرفي ايش متطلباته واحتياجاته اللي انتي ممكن تكوني انشغلت عنها ونسيتيها مع السنين والعيال والفتره هذي حاولي كمان تكسبي اهله بصفك تقربي لهم اكثر خليهم يحبوكي خلي كمان عيالك يتقربوا منهم اكثر والله يكون بعونك ويهل لك امين
 
حبيبتي ضلك على رايك انه يجبلك بيت ويكتبه باسمك
وبالنسبة للطلاق شيلي من راسك عشان اولادك اوعي حبيبتي تغلطي وتطلقي لانك راح تندمي
عيشي لاولادك وبس عسى انه ربك يعوضك فيهم
 
الله يفرج همك اتوقع زوجك خايف انه يكتب بيت وتتخلي عنه بااي وقت مااعرف هل هذا صح او لا بس وجهة نظري وبالنسبه انه يتزوج فالله يعين ويثبتك ولاتسوي مشاكل عشان لايبعد عنك نهائي ولاتضعفي عشان نفسك وعشان عيالك
 


خلاص بنات
طلاقي قريب وماني مستوعبة للحين فكرة ان بيتزوج ثانية

بسكن بغرفتي وماني عارفة وش مصيري للآن بهالدنيا

يارب فرجا من عندك عاجلا

صرت ادعي على روحي بالموت وعلى عيالي بعد
اضحك شوي واقول بنبسط وماشوف نفسي الاّ ابكي وبقوة

يارب ارحمني وارحم عيالي من شر الدنيا ومافيها
 
حبيبتي الله يسخرك زوجك أنا من رأي انك تفضلي معاه ويعطيك حقك وحق عيالك كامل احسن من انك تتطلقين ويتشتتون اولادك وهذي تجربة صديقتي بعد ماتزوج زوجها خلعته واليوم ندمانه اشد الندم مانفعها اخوانها كل واحد ف همه خليه يتزوج وانت معززه مكرمه ف بيتك والله يسخره لك وبما انه يخاف الله انشاء الله يعدل بينكم وأدعي دوم بهذا الدعاء
" اللهم يامالك الملك ملكني قلب من ملكته امري.اللهم أصلحه لي واجعله قرة عيني ولا يرى احد غيري. اللهم أصلح بينناولا تجعل بأسنا فيما بيننا واجعل بأسك على عدوك وعدونا اللهم استر عنه عيوبي واستر عني عيوبه واظهر له محاسني واظهر لي محاسنه ورضني بما قسمت لي ورضني به وبارك لي فيه اللهم ارزقني حبه ورضاه وصدق حديثه وان غضب فألجم فاه بكلمة لا إله إلا الله وأسكن غضبه بلا حول ولا قوة إلا بالله اللهم ارزقني حنان الزوج والولد ومالا حلالا بلا عدد وقراءة القران الى الابد"
حبيبتي الله يجعلك من ضيقك مخرج ويرد زوجك لك ولا تنسي الاستغفار وقومي الليل وصلي ان الله ما يجعل امراه ف قلبه غيرك ...........
 
ياليت اقدر اتحمل واصبر
ماعندي الطاقة والقوة اني اشوفه مع غيري وانا على ذمته ببقى طول الوقت بتفكير وحزن

العيال معي والله حامينا

ورجلي لو كان فيه ذرة خير مايفرط فيني وبعيالنا علشان زوجة ثانية
اللي ينسة عشرة 14 سنة ماهو كفؤ ابدا ان يعدل وماشفت لااخوه ولاابوه عدلو
واخوه طلق وتزوج مع ان زوجته الاولى تبغاه وماتبي الطلاق

والزمن يخوف الظلم صار هو اللي منتصر والله مع المظلومين بس يأخر عقاب الظلام ليوم هو اعلم به سبحانه


ــــــــــــــــ

ماتوقعت بجي يوم واكون بكبر هالهم
 
طيب اخرجي من حياته بدون طلاق اسكني في غرفتك انتي واطفالك

بس لاتستعجلي بالطلاق متى ماطاح الي براسه من سكرت الزواج بيرد من نفسه

كله الشغله عناد وضغوط مصيره بيشتاق لعياله ولك وبيرضخ لشروطك

هذه في حاله ماسحب عياله وتركهم لك اما لو سحب عياله لاتشددين بشروط

الغي فكرة كتابه البيت باسمك اطلبي رضوه وتغير فرش البيت والعدل ووووو

اهم شي لاتخسرين اطفالك

 
تنازلي عن البيت واطلي ( شقة )


ومصؤوف شهري ما يقل عن 2000 ريال ..

اما عن الزواج .. فعندي رساله لكل وحده زوجها ناوي يتزوج عليها


" زوجك اذا تزوج عليكي مو معناته نهاية الدنيا


تراا الزم ما على الوحده صحتها .. يعني يبي يشتري

غيرك . . قولي له مع السلامة .. .ولا تنزلين دمعه وحده

عشانه .. اللي يبيعك برخيص بيعيه بترررررررررررراب

.. الله يصبركي .. واتمنى تكونين قويه ولا تنزل ول ادمعه

وحده منك .. وعامليه زي العاده بدون زياده او نقصان


لا تزيدين بدلعه .. عشان ما تحسسينه انه ربح الصفقة

ويجيب على راسك الثالثه عشان تدلعكي .. اقعدي

وسط عيالك .. وانتبهي تقولين لزوجك اي شئ عن

اخوانك ولو كانوا اخس من اليهود ..طيريهم بالسماء ..


خليه يحس انك وااااثقة ما تنهزين ..

خلي الجدار ينطق ولا تقولين انا ايش سويت ومدري وشوو

من ذا الكلام ....


(( انا لم اخلق من اجل شخص واحد .. ورحيله لا يعني

نهاية الدنيا .. ))


تحياتي*


بالتوفيق~
 
الله يفرج همك حبيبتي
بس حبيبتي الطلاق شيلي من راسك عشان اولادك
وضلك عذمته لانه هيك بكون مجبور انه يصرف عليكم
 
عزيزتي الطلاق شيله من راسك. زوجك معاملته كويسه معك

فلا تخربيها بعنادك بشراء بيت وكتابته باسمك. ترى اعرف حريم عاندو. وفي الخير. ماحصلو. حتى شقه

قولي. اشترى بيت وانقلنا فيه ويكون باسمك. لان الشقه ضيقه علينا. ومنها يصير عندك شي. ياعزيزي ملك

انصحك اطلبي شي معقول ويقدر ينفذه لك. .. ولا تبالغي. لان المثل يقول من تغلا تخلا عنه احبابه

فكري. في كسب زوجك هذي الفتره. وادعي الله يسخره لك.
 
الله يعينج ويفرج همج حبيبتي تبين يتحقق لج كل الي تتمنينه عليج بدعاء ثم الدعاء ثم الدعاء والاستمرار على الاستخاره وصدقيني راح ترتاحين وراح تتيسر امورج
 
تعوذي من الشيطان و فكري صج ..

زوجك ما طرأ عليه العرس الا من الحاح اهله .. يعني هو مرتاح معك لكن هم اللي دخل الفكره براسه ..
نصيحه لك لا تعاسرينه كثير و تكبرين قلبه عليك انتي ما غلطتي لكن انتي حطيتيه في تحدي قدام اهله هم يبونه يكسر راسك و يعرس عليك و تصيرين راسك براسهم ..
و انتي ضغطتي عليه على البيت مادامه وافق بعدين رفض هذا دليل انهم ضغطو عليه بكلامهم انك متحكمه فيه و انك مستقويه و اقنعوه انه لازم يكسر راسك ..

و انتي كملتيها و قاطعتيه و تركتي غرفتك ..

الفراش طريقه الرجال في الاعتذار . و بعدين لا تصيرين حاده معه يا ابيض يا اسود لا الموضوع ما دامه بتدخل الاهل خليك دبلوماسيه و خذي حقك بهوء ..

ارجعي غرفتك و طنشيه و قومي في بيتكك و فيه .. و بدال ما تناشبينه عشان البيت اللي مستحيل يجطه لك لانه عارف انه اذا حطه لك بتستغنين عنه و بتصيرين في امان بعيد عنه !!

انتي نشبيه في موضوع العرس و ارفضي انه يعرس قولي انا قايمه بك و ما قصرت عنك و ل لك حق تعرس علي حتى لو بيتزوج لازم يكون فيه سبب انه موب مرتاح معك او انك مقصره معه او ان طاقته عاليه يحتاج ثنتين ..

موب بس يعرس من راسه !!

انتي تعالي له من باب العيال قولي بيضيعون بينا و قولي هم فرحة عمرك و هم عيالك اللي باسمك ..
اذا ابوه صدق ما عنده عدل تعالي له من هالباب قولي تبي عيالك يعيشون في ضيم تجيهم مرت ابو و تقلبك عليهم و يصيرن مثل اخوانك يوم ابوك عز عيال الثانيه عليهم ..

تعالي له من نقاط ضعفه قولي ترضى عيالك يتشمتون فيهم الناس و الا يصيرون ضعفه عند اخواني ؟
و يشفو عيال عمهم و عيال خوالهم مع ابوانهم عازينهم و رازينهم و هم مالهم كرت ..

و عليك بالصدقه و الاستغفار و دعاء الليل ..
 
صباح الخير عزيزتي
انا من رايي انك تصرين على رايك علشان تعيشي ب استقرار انتي واولاددك
وبعد كدا حاولي تثبتي نفسك حاولي تتوظفين ادا معك شهاده وادا مامعك حاولي تكملين دراستك وترفعين نفسك وتعيشين بعز وراسك مرفوع ووقتها الكل راح يحترمك
وادا رافض فكرت البيت قولي له انه مشرطتكون ب اسمك انتي خليها ب اسمه وين المشكله اهم شي يكون بيت ملك وخاص فيك انتي واولادك
والله يكون بعونك ويصبرك يارب
زحمه احاسيس
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل