زوجي قرر الزواج ثانية ... اطمع ان تجدو لي الحل الصحيح ليوافق على شرطي

د

دنيا ألم

New member
إنضم
2011/03/28
المشاركات
47

بسم الله الرحمن الرحيم


خواتي تقريبا قرأت أغلب المشاكل هنا وخصوصا مايخص زواج الرجل من الثانية ومشاكل الطلاق
حاولت ان أستفيد من تجارب الآخريات واحل مشاكلي بعون الله سبحانه

ــــــــــــــــــــــــــــــــــــ

بنات مشاكلي ماشفت لها حل ومابيدي غير الدعاء ان ربي ينصرني والله هو خير معين وناصر
حبيت استشيركم بمشكلتي واتمنى اي زوجة عاقلة ومرت بتجربة مرة وعقيمة انها تعطيني لو القليل من تجربتها وايش سوت


زوجي بعد رجوعه من سفره تقريبا شهرين بحجة العمل والله العالم صحيح ام كذب
يريد الآن الزواج من جديد

حاولت ان اغير من تفكيره وقراره لكن الرجال عامة ان حط فكرة الزواج براسه استحالة يغيرها البشر الا اذا شاء الله سبحانه وتعالى

انا وافقت غصب عني علشان احافظ على عيالي من الشتات لأن لو تطلقت اولا ماعندي لامكان ولااهل
اخوان اسم يربطني فيهم وبس واللي املكه من ورثي هي غرفة ودورة مياة اعزكم الله
واولادي بالمكان اللي فيه الحين معززين ومكرمين وان رحت لغرفتي اولادي ماراح يكونو سعدا
بحسو بالنقص بشوف بعينهم الحزن
علشانهم وافقت بشرط واحد ان يشتري بيت حتى لو صغير اهم شئ يكتبه بأسمي
وافق على هالشئ
لكن تكلم مع اهله ورجع بعد ساعات ورايه مختلف
تبين تضلين بالشقة او الطلاق بحجة ان مايملك مبلغ يشتري البيت لي
اصريت على رايي وللآن مصرة على رايي لأني متأكدة ان بأمكانه يشتري بيت ويكتبه بأسمي

لكن وش اللي دار بينه وبين اهله الله العالم



ــــــــــــــــــــــ

متزوجة لي 14 سنة وعندي 3 أولاد " ولدين وبنت " اعمارهم 13 و11 و3 سنوات
زوجي ملتزم بدينه
ويحب عياله كثير
كان يحبني كثير
كريم جدا وللآن اللي اتمناه احصله


عمري 32 سنة وعمره 36 سنة

ـــــــــــــــــــ

سؤالي لكم وابي مشورتكم وردكم

هل أصر على رايي بطلب البيت لأني اكيده ان يملك المال

الأمر الأهم لو تزوج سواء طلقني او ظليت على ذمته كيف احتوي عيالي ومابي نفسيتهم تتأثر
ابيهم اقوياء وثقتهم قوية

طبعا لو صار طلاق العيال بيكونو معي لأن ماراح يتحمل مسؤولية عيال ولو خليتهم عنده اللي بسويه ان بجيب لهم شغالة ومايشوفهم غير ساعة وانا مابي عيالي يضيعو وحضرته ينبسط وآخر همه العيال


كيف اقوي نفسي لو كان رايكم اني اصر على رايي بطلب البيت

اكرر واعيد متأكدة ان يملك المال علشان يشتري لي البيت
فوق هذا كله ابوه الحمدلله عنده خير كثير الله يزيده ودائما يساعد الناس بمبالغ كبيرة وحتى بيوت يبني للفقراء




.....

مشكلتي عندكم ورايكم اثق فيه كثير واتمنى منكم ماتبخلو علي لابالرد ولا الاهم منه الدعاء لي ولأولادي
 
الله يفرج همك وهمنا يااارب اذا زوجك مصمم عالزواج راح يتزوج واذا ملتزم انشاء الله مابيقصر عليكي ليش مصرة يشتري لك بيت انتي الحين ببيت ولو اجار انا انصحك اذا انتي ترفضين زواجه فهو لحبك له وانه ماتشاركك فيه وحده ثانيه لا تحسسينه ان الماده اهم منه وتبغين بيت باسمك وخلاص اي رجال ما يوافق على هالشي والرجل بطبيعته يحب انه زوجته تسكن ببيته مو هو يسكن ببيتها وبعدين ما بيضمن انك ما بتتمردين عليه اختي انتي ضمانك اولادك وما بيرميك في الشارع تأكدي من هالشي والله يهدي بالك
 
اهلا اختي قلوب منسية
الله يفرج عنا جميعا يارب

اني مصرة لأسباب
اولها اني ماأملك لابيت ولاوظيفة ولااهل وهالبيت بيكون لي أمان لي ولعيالي
الرجال لما يتزوج اغلبهم يكونو طايرين بالثانية ولو جابت لهم الولد او البنت ينسون اولادهم من الأولى وهذا الشئ ابوه قبله سبقه فيه
حياته مع الثانية والأولى على الهامش لهم فوق 15 سنة عالحال هذا
السفر والخير والطلعات والنوم كله مع الثانية فمااستبعد ان الولد يطلع لأبوه " وابو زوجي اكثر التزام من زوجي "


السبب الثاني
كرامة لي قدام كل متشمت فيني
اهله يقولو له قدامي متى نشوفك متزوج مثل ابوك
زوجة ابوه تقولي بجي يوم ويكسر راسش ويذلش

فهالبيت بيكون عز وكرامة لي


السبب الثالث
زوجي كثير سهر وللفجر وقته كله بره بيته
النوم معي قليل جدا جدا ومع ان سافر شهرين ورجع بدل مايكون متلهف علينا ومشتاق يوجع قلبي بقراره بالزواج



فليه انتظر شئ ماراح احصله
الحب بهالزمن مافيه
 
لا تطلقيــن انتبهي..
ترى وربي بااجر رب العبااد يحاااسبج.. ريلج ما طلع عن شرع رب العالمين
وما لج حق بطلب الطلاق..
وهذا شي شرعه الدين له..

هذي ظاهره منتشره بالمجتمع الخليجي و طبيعيه جداً
و صار الوقت اللي تستوعبون هـ السالفهـ


لا تربين بعياالج عقد.. وتبعدينهم عن الاب..
أنا و ربي اقدر مشااعرج.. وربي شي يعور القلب..
..
أصر على طلبج.. خصوصاً إذا انتي متأكده أنه مقتدر مادياً
لا أعلم ما مشروعيه طلبج هذا.. وهل لكي حق فيه اصلا
بس أعتقد أنه مأمن لج بالمستقبل
..
.
تعوذي من ابليــس.. وانتبهي تطلبين الطلاق
يمكن هذي نزهـ من نزوااته
لا تخربين بيتج..
موفقهـ
 
اهلا اختي تفاصيل

معاش حق هذا شرع ربي
بس الحمدلله لي الحق بطلب الطلاق
كما حلل الزواج للرجل حلل الطلاق حتى وان كان ابغض الحلال


بالنسبة لأولادي ابي اربيهم صح واخليهم احسن الناس بأذن الله
وعلى القدرة متأكدة ان عنده
اصلا حاطة بمخي حتى لو ماعنده مثل مايقول فليه الزواج من الثانية


عندي قاعدة اللي يملك للزواج الثاني يملك ان يحط بيت للأولى
ماراح انتظر عمري يمشي والسنين تجري علي بشقة آجار وبأي لحظة يطلقني لو طالبت بحقي


وزواجه من الثانية سببه مطالبتي بحقي
 
الله يكون بعونك يارب ياكريم فرج همها وارزقها وانت خير الرازقين
طيب ليه ماتحاولي تتوظفي وربي عيالك وانسيه
او يمكن يعدل بيناتكم ويكون احسن من ابوه
انا من رايي لاتتطلقي خصوصا انك ماعندك اهل اصبري
وان شاءالله ربي يعوضك بعيالك ويقهرو كل من تشمت فيك
وربي ودي اساعدك بس ماني عارفه كيف
لكن فكري بكل شي قبل الطلاق
اعرف وحده تطلقت بعد22سنه لان زوجها تزوج عليها
والله عيالهم جاتهم نفسيه وجاتهم امراض من الحاله النفسيه
وابوهم ناسيهم ولايصرف عليهم وامهم تحاول قد ماتقدر تلبي طلباتهم وهي
لامتوظفه ولاشي
وحتى عيالها صارو متمردين
وانت عندك ولد000والولد يحتاج لابوه وقت المراهقه
انصحك فكري اول شي ولا تتسرعي
وان شاءالله اني بادعيلك وماني ناسيتك
 
ماشاءالله عنك باين انك حكيمة وصابرة لانك بتفكري بعدم الطلاق وبمستقبل اولادك الله يفرج همك ويوفقك لكل خير ,,

انا انصحك بالاستخارة ,,

استخيري بأمر زواج زوجك ,, واستخيري بأمر شرطك ,,

وتيقني بأن الله سوف ييسر لك مافيه خير ويصرف عنك مافيه شر ..

والزمي الدعاااء والاستغفاار ..
 
فقط اكثري من الاستغفااااااار
وابقي مع زوجك وانسي انه راح يتزوج
عامليه مثل ما كنتي تعامليه اول زواجك دللية دلعيه وعطيه كل حقوقه
جددي حياتك سوي له ليالي رومانسية او اللي تقدرين عليه سمعيه كلمه احبك..كثير
هو راح يشوف انك تغيرتي وبيقولك ليش كل هذا
قولي عشان اذا تزوجت تذكرني بخير
والله راح ياثر فيه ويمكن ما يتزوج
انتي قلتي انه ملتزم ان شاء الله ماراح يقصر معك ولا مع عياله لو تزوج...
ولاتفتحي موضوع البيت لانه راح يحس انك تستغلينه او تبيني عدم قيمته..
 
:tears::tears::tears:قطعتي قلبي بقصتك مع اهله انا على باللي مايحس بمرارة الزوجه الثانيه الا من جربها وهذي ام زوجك تقول هالكلام الله يعينك ويسامحها ويصرف قلب زوجك عن الزواج الثاني وسيرته اللهم امين مادري وش انصحك به بس مالك الارب العالمين تدعينه وتستخيرينه والله يهديك للي فيه خير وسعاده لك
 
شكرا لكم أخواتي وحفظ الله لكم أحبابكم


لااستطيع أن اتعايش مع الوضع ولن اتعايش معه فأنا اعلم قدرتي على ذلك
على كل حال اللي كاتبه ربي يصير راح يصير

لكن ارجو أن اقرأ ردود أكثر بخصوص شرطي هل اصر عليه ام ماذا؟


بالنسبة لوالدة زوجي فهي لايهمها ان تزوج ولدها ام لا
لم اقل ان هي اللي كانت تتلفظ امامي بأن تريد زوجي متزوج ثانية مثل ابيه
اهله البقية وليست والدته حتى لاأظلمها




شكرا لكم اخوتي واتمنى اقرأ ردود اكثر بخصوص الشرط
 
لا يرد القضاء إلا الدعاء

تضرعي لله في قيام الليل أن لا يجعل له زوجه في الدنيا سواك

وأن يجعلك أحب الخلق له

مع التوكل على الله لا تنسي العمل وذلك بأن تقدمي له كل ماتعطي المرأة لزوجها

ولا عاد تناقشيه لا بموضوع زواجه ولا موضوع البيت لأنك ستكونين مع الله والله معك
 
والنعم بالله

ربي معي وانا ادعوه ليل نهار ان ينصرني ويرحمني



الله يحفظكم خواتي
 
الله يعينك ويصبرك يا اختي على هذه البلوة
اي والله بلوة بل مصيبه كبيرة
تخيلي انا زوجي قبل يومين قال ابغا اتزوج وكان مزح وشوي قالي يعني ايش تبغي تسوي لو تزوجت فعلا وحسيت بكلامه انه فيه شوية جد انا اتالمت وللصبح مانمت
و بعدها قالي بمزح وياعالم هل كان فعلا مزح ولا لا
عموما ادري بهالشي شكثر صعب عالمراة والله يعينا عالرجال هذولي حسبي الله ونعم الوكيل

انا اقول لو نتي فعلا زي ماتقولي معاه فلوس و قادر على ان يشتريلك بيت خلاص ظلي مصرة على موقفك
انتي تبغي تضمني حقك وخقك اولادك
كفايه الي بيسويه و انه يبغى يحرق قلبك الله يعينك يا عمري
وان شاء الله يوافق على الشرط
لكن برضه اسال الله تعالى ان يتراجع عن التفكير بهالموضوع ويرجع لعقله ويشوفج اجمل نساء الكون بنظره​
 
الله يفرج همك لكن يمكن رفضه ان البيت ينكتب باسمك قليله اذا على الاسم خليه باسم عيالي وشوفي اللي في صالحك
 
ياقلبي عليك ..

بدون لاتقوولين انك متاكده من انه قادر ع بيت ..واضح هالشي..اللي قادر يسافر حبيبتي وقاادر يتزوج ويفتح بيت ثاني قاادر يدبر لك سكن

صدقيني قريبتي كان لها مثل مشكلتك ,,واصرت ع طلب البيت وكان زوجها رافض لانه ماامعه بس مااتنازلت
كاافي تنازلتي وسمحتي له بزوجه ثانيه ..بعدد تتنازلين عن سكن وحياه كريمه

اختي اصري ع رايك ولاتخاافين الرجل لما يقدم ع زواج جديد يخاف من خراب بييته الاول مستحيل يتخلى عن 14 سنه وزوجه واولاد عشان زواج جديد ماايعرف بيفشل او ينجح

اتمنى لك التووفيق والسعاده​
 
أولاياحبيبتي نصيحه وحطيهاحلقه باذنك أنسي وشيليها فكرة الطلاق من راسك
لأنهذاالقرارفاشل وموحل
بدي وقدمي على نفسك أعيالك وأذاأنتي شايفه أن زوجك مصر على الزواج كيفه
لكن أحسني التعامل معه ولاتسيئنه في يوم لأن الرجال يزيد أعناده أذاشاف المرأه سائت أخلاقها
وأذاكان رجال دين ويخاف الله هذايرجى فيه خير ومن ناحية البيت صدقيني مو هذا ألي بيرفع راسك عند الناس ولاتفكرين أبدافي كلام الناس ماتدرين عن نواياهم
ولايكون البيت سبب للمشاكل بينك وبين زوجك بحكمتك وذكائك حلي أوتنازلي عن سالفة البيت
والله يدلك على فيه خير لكم​
 
مو شرط ياقلبي لو قال با اتزوج انو بيتزوج تقدرين بطريقتك تنسينوا شئ اسمو زوااج ثاني مو بالبس والا باالعناد لاياقلبي اشتغلي كييييد ودهاااء ومكر نسااااااء عليه وجيبي راسو ترى مو صعب وربي هذا اللي يقول بيتزوج عليك ينسى نفسوا اذا جبتي راسوا صح وعرفتي لو :)

الله يصرف قلبو عن الزواج بغيرك ويجعلك قرة عين ليه ويؤلف بين قلوبكم وانا افضل تكون علاقتك سطحيه واحترام با اهل زوجك لانو كثرة الميانه معاهم تجيبلك مشاكل وحزازيات انتي في غنى عنها وربي ييسر لك الخير يااارب
 
طالبي بحقك وبقوه اياكي أن تضعفي هذا حقك مثل ماله حق في الزواج فالحين لي بسنة التعدد السنن الثانيه التي في الشرع مايطبقونها

هذا البيت أعتبره أبسط حقوقك بيت يلمك أنت وعيالك .........وبعدين ليه يغير رايه ماهو راح يفتح بيت ياربي لك الحمد للثانيه أش معنى الحين يرفض ......عيب عليه يسوي كذا المفروض يقول تستاهلين يام عيالي أنتي اللي صبرتي علي ورضيتي بزواجي تستاهلين قصر مو بيت صغير ..

اطلبي وطلبي لحد مايلبي طلبك لا تستسلمي الفلوس هذي بدال مايبعزقها ويخربطها بعرس يصرفها عليك أنتي وعيالك يأختي يسنعكم أول وبعدين يسوي اللي يبيه مو ياخذ ثنتين >>> اربع ياخذ ويخم من هالحريم ياما يشبع ...........الرجل ماهمه غير يسعد نفسه والحريم المسكينات هن الضحايا

وأخيرا مالك غير الصبر لا تقتلين روحك عنده اعرف حريم من يتزوج زوجها عليها تموت وتسم روحها عنده تنحف وتذبل وتصير فزاعه تهرب الرجل كل مادخل البيت الوضع صعب والمشاعر تكون ألم وحزن لكن بيدك أنتي تكونين بهذا الوضع المحزن وبيدك تكونين بوضع أفضل من كذا والله العظيم ياأختي يابعد قلبي إذا طاح الجمل تكثر سكاكينه لا تطيحين تكثر سكاكينك قوي من نفسك وشدي حيلك . ...........

تألقي وزيدي من جمالك وجاذبيتك حتى عذالك يحتارو ويحترقوا لاتفرحينهم عليك يقولون هذي ماهمها عرس زوجها بدال مايتشمتوا فيك خليهم ينقهرون منك.


والله يوفقك ويرزقك من أوسع أبوابها والله سبحانه وتعالى يخبي على كل مصيبه وكل بلوه هديه عظيمه

حولي مصيبتك إلى منحه راح تتفائلي بحياتك وتنسعدي بالدنيا والاخره .​

 
يجب تسجيل الدخول أو التسجيل كي تتمكن من الرد هنا.
عودة
أعلى أسفل