زوجي صار يكرهني

[تعبت اهواه]

جزاكم الله خير يا خواتي
انا صرت اجامل زوجي اضحك معاه مجامله واتكلم معاه مجامله مابيه يحس بشي
واسمع له واقعد معاه مجامله ولا انا مب طايقته ابدا صحيح احبه بس الكلام اللي قاله مانسيته ولا نسيت انه مد يده ولا نسيت استغلاله لي وادور على حل لمشكلتنا لاني مب عارفه شلون اتصرف معاه
وان شاءالله اكمل معاكم بكرا وشكرا مره ثانيه

 

[الزنبقه السوداء]

تعبت اهواه
يبدو ان نمط زوجك شمالي غربي زي زوجي والله اني مريت بنفس الحاله ،وكنت مستغربه وصلت لحاله من الاكتاب الشديد
بس بعدين عرفت ان السبب الرئيسي تماديه في الخيانه وصلت خيانته لي بجميع اشكالها الى طريق عميق جعلته يراني سيئه غير مرتاح معايا ويسمعني الكلام اللي يسمعك زوجك وانت وانت وانت ............
في الاخير تعبت وقلت له :
انا تعبت معاك وانا عارفه خيانتك كلها وفتحت كل اوراقه اللي كان مفكر اني مادري عنها واخذت موقف وكنت من قبل قد مهدت لاهلي خصوصا امي اني ممكن اطلب الطلاق (وضروفي زي ضروفك ) لاني خايفه على نفسي من الامراض،
وقلت له انا مابي اكمل مشوار حياتي معاك وانت بهذا السلوك انا تعبت منك ياتتعدل وتتغير ياكل واحد يروح لحال سبيله
ورحت بيت اهلي وخليت القرار بيده مش بيدي
بعدها تغير مئه وثمانين درجه .
حبيت اقلك اللي صار معايا يمكن تستفيدي بس مش معنى هذا ان زوجك يخونك لا
بس حاولي تبحثي في اسباب التغيير ليش تغير
الله ييسر امرك ويسخرلك في قلبه

 

[النيروز]

الله يكون بعونك

 

[تعبت اهواه]

زوجي الحمدلله مايخونني
بس يشوف افلام اباحيه فالنت يعني يخون بالنظر
وكذا مره اهاوشه واقوله خاف من رب العالمين ومافيه فايده
واذكر مره اثناء الجماع قال بطلب منج طلب قلت اوكي قال خلينا نتخيل شوي
وانا بسألج انتي منو وقولي انا فلانه بنت فلان والاسم اللي طلب مني اقوله يطابق اسم وحده تقرب لي
وانا انصدمت بس قلت خل اقول اسمها واشوف رده فعله ولما قلت انا فلانه سوى شي ماعمره سواه وكان اول مره يجامعني كذا وانصدمت صدمه حياتي وبكيييت وانجرحت منه ماتوقعتها منه ولما هاوشته وقلتله ليش تطلب مني اكون وحده ثانيه وقت الجماع وليش فلانه بالذات قال هالاسم من كيفي قلت لا هالاسم اسم فلانه وفلانه هاذي هو دائما يسأل عنها ومن شكيت فيه ماعاد سأل عنها بس انا للحين مجروووووووحه من حركته هاذي ومصدووومه وماقدر انسى

 

[فرفوره9]

ربي معك والله ما ينسى احد الدعااااااء

 

[تعبت اهواه]

يسلمووووو فرفوره
بنات انا بروح بيت اختي اسبوع
محتاجه اغير جو وابي اسألكم شلون اتصرف مع زوجي يعني اذا اتصل فيني ارد عليه ولا لا؟
وادز له مسجات ولا لا؟
بلييييز ساعدوني

 

[AMR2]

لالالالالالالالالالالالالالالا اذا هو بايعيني والله ابيعة لاترسلي مسجات واذا اتصل انصحك ماتردي الا اذا طولها وكررها يعني بعد يومين ارد باسلوب محترم ولا كأني اعرفة بس اشوف وش يبي اذا قال ارجعي وتعالي اقولة اعتذر من اهلي وبعد شروط....

طبيعة الشمالي الشرقي احس يبغي هو يدور عالبنت مو هي تدور علية!

ونصيحة كثري كثري كثري استغفار بنية ان الله يغفر ذنوبك ويألف مابينك وبين زوجك وكثري دعاء ,
حبيبتي يمكن انا رحمتك وتعاطفت معاك وعطيتك نصيحتي بس عادي اخطئ وتكون مش مناسبة لزوجك , وربي سبحانة اعلم مني بحالك وبحال زوجك سبحانة!

وحدة تقول قصتها تقول وربي مرة البيت فاضية اكل وميتين جوع وتقول مليت من الحالة وذاك مرة خلاص تعبت مرة زاد الجوع وعندي اطفال , وتقول بدأت بعد كل صلاة فريضة لازم استغفر 100مرة ( استغفرالله واتوب الية ) واسبح 33مرة( سبحان الله وبحمدة) واقول لااله الا انت سبحانك اني كنت من الظالمين3مرات, وتقول بعدها بس باسبوع الثلاجة امتلئت وتقول بصراحة حصلي شي ماتوقعتة من البشر بس متوقعتة من رب البشر!

 

[AMR2]

هــــــــــــــــــــــــاه طمنيني عليك حبوبة؟

 

[القلب الحاني]

انتي حساسه ويكون تعاملك بحساسيه حاولي لاتبكي قدامه علشان يعرف ان دمعتك غاليه