زوجي صار يكرهني

[تعبت اهواه]

السلام عليكم
بنات انا نفسيتي تعباااااااااانه حيييل
صارلنا شهور وانا وزوجي من مشكله في مشكله وعلى اتفه الاسباب يعصب ويهاوش
وغير كذا انا لاحظت انه ماعاد يحبني والدليل انه اول مره يمد يده علي قبل 3اسابيع وكنت بروح لبيت اهلي بس هو اعتذر وقبلت اعتذاره وياليتني ماقبلته وامس تهاوشنا وقال لي انه مايحبني وانه من تزوجني وهو تعيس
انا خلاااااااااص تعبت وصابره عشان عيالي تعبت من الاحساس بالاهانه وانا من النوع الكتوم وماحب اطلع اسراري ومشاكلي برا وماحب حد يعرف باللي بيني وبين زوجي وهو مستغل هالشي يهيني ويجرحني لانه عارف اني ماقول لاهلي ومااشتكي لحد
انا ابي ابتعد عنه ابي ارتاح ابي ابتعد وانا احبه مابي اقعد معاه واكرهه
جرحنيييي حييييييل وصدمني لما مد يده علي وياليته لما مد يده علي جاب لي هديه ثاني يوم يتكلم معي عادي ولا كأنه سوى شي وهذا اللي جرحني
يمده يده ويطول لسانه ويشوف نفسه ماسوى شي واذا بكيت عصب واذا صارحته يصارخ علي واذا عاتبته يزعل علي وغير انه يجرحني ويفشلني قدام الناس ودوووم يحرجني قدام حريم اخوانه ويفشلني وماعمره قال كلمه حلوه
يبي يجرحني ومايبيني ازعل يبي يمد يده ومايبيني ابكي ليش يسوي فيني كذا
انا مليت منه ومن اسلوبه ومعاملته واللي مضايقني انه ماكان كذا متغير وااااايد
ماقول انه كان مثالي بس عالاقل ماكان يجرحني ويهيني بالكلام اول مره جرحني قبل سنه وكم شهر كنت حامل وتهاوشنا وقال لي يلا شيلي اغراضج وروحي لبيت هلج انا مابيج ولاتخافين ماراح اقول اني مابيج انتي سوي نفسج زعلانه واطلبي الطلاق وانا بطلقج آآآآآآآآآآه يابنات آآآآآآآآآه كم جرحني واهانني وصدمني وخذلني وصبرت عليه واخرتها يجي يقول لي انا من خذتج وانا تعيس آآآآآآآآه وانا اللي لحد الحين احبه وماارضا عليه خلاااااااص مابي احبه
ابي اكرهه ابي اكرهه ليش احب انسان يجرحني
هو صح كريم بس مايعرف يقول كلمه حلوه ابدااا وانا مب مقصره اهتم فيه وفي نفسي والبس له وكل شي ولله الحمد بس هو ليش يجرحني لييييش
انا ماعدت اتحمل اعيش معاه تعببببببت
بنات ابي رقم ناعمه الهاشمي وين الاقيه؟
ابيه ضروووووري بليييييز ياليت تساعدوني

 

[ورررردة]

حبيبتي

الله يكون في عونك

الله يسخره لج

يااااااارب

 

[اشرف قبايل]

الله يكون بعونك حبيبتي ,,,,
لا تتعبين دامك حاسه انك مو مقصره معاه ,,
لكن انا اتوقع انك مقصره مع نفسك ...
رضيتي لنفسك بالاهانه وتحملتي ,,, وسكتي ,,, في سبيل انك تحبينه !!!

لو ما حبيتي نفسك اكثر من اي احد \\ لا تتوقعين ان احد بيحبك اجل !!!

حبيبتي لازم تعرفين نمطه تلاقي الموضوع مثبت في قسم الزوج والزواج ... راح تفهمي زوجك وتعرفي تتعاملي معاه ,, واقري مواضيع رااائعه في القسم ,,,

والاهم انك لا ترضي ان اي احد يهينك او يذلك ...

اذا ما عرفتي قيمة نفسك لا تتوقعي من اي شخص انه يعرف قيمتتتك ,,,

اقرأي وتثقفي ,,, واهتمي بنفسسسسك واولادك ,, وزوجك ضمن ضعفك وحبك له .. عشان كذا ما حط لك قيمه....

غيري طريقتك وعيدي حساباتك ...
وكل امورك تمام ان شاء الله ,,,

كرري دااائما وفي كل وقت .. (( اللهم اني اسألك رضاك )) حترتااحي كثييير ,,​

 

[تعبت اهواه]

يسلموووو اختي عالمرور

 

[تعبت اهواه]

مشكووووره اختي اشرف قبايل
بس انا مالي غيره انا لو لي سند غيره كنت تركته من زمان لاني ماارضا الاهانه لنفسي
وينكم بنات شلون اقدر اوصل لناعمه الهاشمي؟
اختي انا للاسف مافهمت الانماط وماعرفت لها

 

[ام رمايل]

الله يسخره لك ويرده لك ردا جميلا

 

[صدمتيز]

عزيزتي انتي عندمشكله صح مع زوجك بس بقولك على شي بس بقولك على شي كلامه وقت الزعل
لا تاخذي عليه كلنااذا زعلنا نقول كلام ماله داعي و بعد كذا كثير يندمو على افعالهم
انتي تقولي ما كان كذا من الاول حاولي تعرفي اسبب و نصيحبه يوم يعصب او يزعل ابعدي عنه لين يهدى
علشان ما تغلطو على بعض
و بنسبه لسوالك عن رقم ناعمه لها كل تقديري و احترمي لكن وينك من رب ناعمه ملك الملوك من يقول لشي كون فايكون
غاليتى احنا احقر من انا نقدر نغير في وضعك شي بس الحل مره بسيط اطرقي باب الكريم والله ما يخيبك
ادعي لك و لزوجك عليك بقيام اليل و الاستغفار و شوفي كيف تتغير حياتك ترا كلنا مقصريي في حق الله
علينا ابحثي في النت عن قصص و تجارب مع الاستفغار و الدعاء
والله يفرج همك و هم جميع المسلمين

 

[كلي تفائل معاه]

مااااقوول غير الله يفرج لك

 

[طعوني كثيرة]

حبيبتي خذي كلامي وانا مااعرفك ولا اعرف حياتك اولا الرجال الخليجيين كلهم مثل بعض اذا عصب وزعل قال كلام غير الي بقلبه وبس يرضى يكون مثل الطفل لاتاخذين كلامه بجد عيشي حياتك ببيتك ولاتخربينه عشان لحظة غضب قومي بواجبه والزمي الصمت وكثري من الاستغفار والدعاء وصلي القيام وربي بيفرج همك (تجربة وحده يعلم ربي اني صادقة النيه لوجه الله) الله يفرج همك ويسخر لك يارب

 

[تعبت اهواه]

انا حاولت اقعد معه وسألته ليه متغير وقعد يصارخ ويهاوش ولما بكيت هزأني
يقولي لاتبكين ومره قعد يصارخ ويقول انا مليت من هالحياه والمشكله انه يجرحني بالكلام ومايعتذر مني
ولما يشوفني زعلانه يقولي ليش زعلانه وماكأنه سوى شي تعبت من انه يقط علي كلام وانا اسامحه لكل شي حدود وما يهتم مني اذا زعلت ولا بكيت
لو هو يحبني كان مسح دموعي مب يصارخ علي

 

[طموح..}]

ياعمري شكله عرف لك وعرف حبك له وعرف شخصيتك اجعليه اخر اهتماماتك لاتقصرين في حقه بس لاتبينين انك مرره تحبينه وانك تهتمين فيه واقرائي كثير في المنتدى والله بتستفيدين واهتمي برشاقتك احس الزوج اذا سمنت زوجته يتغير عليها مدري ليش واذا نحفت واهتمت بنفسها وقوة شخصيتها ووثقة من نفسه يحسب لها الف حساب


الله يسخره لك ويحنن قلبه عليك وعليك بسهام الليل والاستغفار والاذكار

 

[كنت زوجته]

الحل يجلب المحبة بعد الكره أن ترجوا المرأة قبل إرضاء الزوج إرضاء ربها
ويصبح طاعة الزوج جزءا من طاعة الله

 

[تعبت اهواه]

شكرا لكم يابنات
ماقصرتوا انا مب محتاجه نصايح انا خلاص مليت جربت معاه كل شي ومايعجبه شي
وربي معي وراح الجأ له بس انا محتاجه لحد افضفض له
هو واضح كرهه لي من بروده وعيونه مايسولف معي ومايقعد معي نفس قبل وطول اليوم ساكت وحتى احاول اسولف معه واضحك معه بس مافيه فايده
وياما جرحني ومحد يدري اطلع عند اهله وابتسم وامسك يده وماكأنه فيه شي بيننا لكن هو لو زعل الكل يدري من ويهه وتصرفاته ليش يسوي كذا والله حرام
وانا ابي رقم ناعمه عشان ابيها تفيدني وتساعدني
زوجي مايبيني ازور حد ومايبيني اهدي حد ومايبيني اشتغل يبيني محبوسه وينكد علي بس ويجرحني
انا ماستاهل هالمعامله وانا اللي ابتسامتي من قبل ماتفارق ويهي الحين نسيت شكل ابتسامتي
ودوووووم يقهرني اذا رحنا للسوق يقولي شوفي هالبنت غازلتني وجد كذا بنت غازلته وهو كأنه يبي يقهرني يضحك وانا اموووت قهر واحس كأنه شايف نفسه علي وغير انه فيه بنت تكلمه وهو يصك التلفون في ويهها ودزت له صورها وراوني صورها مادري من وين جابت رقمه بس هو ماعطاها ويه ابد لحد ما ملت وماعاد اتصلت بس على طول اكون خايفه وعلى اعصابي اخاف من بكره وبعد بكره ومب حاسه بالامان
اخاف يجي يوم ويتركني او يخونني آآآآآآآآآآآآآآه

 

[أصدق أحساس]

اكثري من الاستغفاااااااااار
فأنه يجعل لكي من كل هما فرجا ومن كل ضيق مخرجا

وتذكري دائما ان الله تعالى
ماحرمك الا ليعطيك ومااشقاك الا ليسعدك

دائما قولي
اللهم ملكني قلب من احوجتني اليه واكفني شر من قدر علي ولا اقدر عليه


همسه
اذا على صوته اسكتي
اذا تكلم انصتي
اذا امرك وهو غاضب قولي ابشر ان شاء الله
اذا خلص كل اوامره سلمي على راسه وقولي الله لايحرمني منك ماابي من الدنيا الا حسك


ان شاء الله يجيك ركض يرضيك واذا ماجا لاتزعلي لانه في قرارة نفسه مقهووووووووور

شكل زوجك شمالي غربي اقري عن الانماط وتثقفي اكثر

 

[أصدق أحساس]

كيف انتي مو محتاجه نصايح اجل ليش كاتبه قصتك ؟؟؟؟؟؟؟

 

[رجاء و أمل]

ليش تسمحيلو يهينك؟؟؟ انتي بنت ناس وادا هو رجال وراعي بيت يعرف كيف يكرمك حتى لو ما حبك لكن صدق الرسول الكريم لمن قال((لا يكرمها الا كريم ولا يهينها الا لئيم)) خليكي جديه معاه واعرفي حدودك معاه مو تسيريلو عبده تحت رجلو عشان تحبيه علميه يحترمك لا تتساهلي معاه في الاهانه لو هو مارضى ع نفسو قوي شخصيتك شويه لاتكوني ساذجه لدرجه دي احمي نفسك من تسلطو عليكي وقوليلو دا الكلام بالحرف الواحد((انا بنت ناس وليا كرامتي وسكوتي عنك ماهو ضعف مني ولا زيادة احترام لكن مجرد صبر وماراح يطول صبري ادا انت مو قادر تعيش معايا بالمعروف بيت اهلي يضمني)) وماعليكي منو ومن تهديداتو لمن يشوفك قويتي شخصيتك شويه وحبيتي نفسك راح يتغير ويعرف كيف يحترمك

 

[محبة مكة]

استعيذي بالله من الشيطان
قولي لا حول ولا قوة الا بالله
باين عليك الزعل من كلامك
روضي صلي ركتين لله
لا تقولي ماجاب لي هدية ما دامه كلمك اليوم التاني بالنسبة للرجل اعتذار
لا ترفعي صوتك عليه وقت زعلك ووقت مشاكلكم حاولي تكوني الماء اذا كان زوجك النار
تقربي منه اكثر بالكلام الحلو والدلع
اقرئي في قسم الزوج والزواج عن كيفية كسب الزوج
لاننا في حاجة للتطبيق
اذا زوجك ضربك اغلب النساء بينضربوا لاكن ما عليك الا الصبر والاحتساب
نصيحة اخيرة لا تذهبي الى بيت اهلك
واذا هو يقولك لمي عفشك روحي بيت اهلك
طنشيه
ولا تردي عليه
حافظي على بيتك

 

[انثى تعشق رجل]

واضح ان زوجك شمالي
بس مدري لو كان شمالي شرقي

وهذا يبيله اللي تعرف تمشيه صح وتجيب راسه
شوفي بقشم الزوج والزواج
ولا تخسري حبك له بالعكس خلي هو يحبك

 

[صدمتيز]

شوفي لوكان ما يحبك ما تركك في بيته بس فيه ناس كذا شخصيتهم و اذا على صمته والله يا اختى
ان زوجي كذا و زعلت كثير و عصبته و ما تغير شي في ناس كذا كلامهم قليل شوفي وش الشي
الي يحبه و ناقشيه فيه
و اذا عصب اسحبي نفسك بكل هدوء نصيحه و اذا حاول يطلب منك شي قولي حاضر و يصير خير بس ما يه داعي تزعل حبيبي
صدقيني غير يخجل من نفسه و تشوفي
و بعدين لا تفكري ان الرجال زي المراه اذا غلط يعتذر بطريقه مباشره لا بس ممكن يجيب شي انتى كنتي طالبته منه او يصير يلف و يدور معك يبغا ترجعي تتكلامي معاه
كلنا نبغاهم يمسحو دموعنا و يبكو اذا جرحون بس صعب ما بصير هذا مع الرجال الخليجي
لو جلستي تفكري بتتعبي بطلي الزعل انا كنت زيك كل شوي باكيه ما قال حساسه ولا غلطة عليه
صار يقول اني نكديه
فكري بعقل وعليك با الدعااااااااااااااااااااااااااااااااااااااااااااااااااااااااااااااااااااااااااااء
ركعتين في اخر اليل كفيله بحل كل مشاكلك واسعادك
صدقيني لو كان ما يبغاك كان تزوج ولا حتى خانك حاولي تطلعي من جوا الحزن الي انتي
فيه علشان تقدري تقودي حياتك لبر الامان

 

[تعبت اهواه]

اصدق احساس
انا قصدي هو ماعاد ينفع معاه شي حتى لو تنصحوني مليون نصيحه خلاص مستحيل يرجع مثل قبل
محبه مكه
اي مقهوووووره وحاسه بالاهانه وبنفوره مني انا انسان وعندي مشاعر واحساس
انثى تعشق رجل
اي زوجي شمالي شرقي تو اللي عرفت وانا شماليه غربيه
وراسه يابس وراسي ايبس من راسه