زوجي صارحني بخيانته لي شوفو ايش طلب مني ؟؟

  • بادئ الموضوع بادئ الموضوع golden flower
  • تاريخ البدء تاريخ البدء
الحالة
مغلق و غير مفتوح للمزيد من الردود.
والله يابنات ماني عارفة كيف اتصرف معاه اطنشه واثقل عليه واخليه لين يتركها من نفسه
والا اضغط عليه لحد مايتركها بس اخاف مع الضغط يقول لي انه تركها ويكلمها من وراي واذا حرص زين مارح اشم خبرهم هو وياها
انا ماحطيت هالموضوع الا ابي ارائكم الحكيمة كيف اتصرف
 
سؤال تنتظرينه يتزوجها ويحطك تحت الامر الواقع ويقولك انتي كنتي راضيه اتمنى تردين على سؤالي؟؟؟؟
 
تدرين من قهري عليك احس ابي ابكي منك
 
والله يا عمري افكر فيك من الصباح احاول الاقي حل يكره زوجك فيها
استغفري و ادعي بس اخاف يكون متفق معاها و جالس يضحك عليك بس انت لازم تتصرفي
اولا قوليله لازم تقطع علاقتك معاها نهائيا اذا فيه تغيير نتغير مع بعض و اذا قالك اهلها يذبحوها قولي لا تخاف تراها تخاف على نفسها اكثر منك خايف عليها و بعدين اذا خايف اهلها يذبوها فأنت بتذبحني كل يوم بكلامك معاها بس انتبهي لازم يتخلل كلامك بعض الدموع عشان قلبه يحن
ثانيا بعد مايوافق يتركها تماما لازم تتغيري سواء تركها فعليا و لا ما تركها وهو بالتدريج راح يرجعلك
ثالثا لا تتركي بيتك ابدااااااااااا
رابعا ذكريه بأول أيام الخطوبة و الزواج عشان يذكر مشاعره الي كانت لك مو لغيرك و حاولي كل ما سوى حاجة حلوة عشانك تقولي شايف كيف الحلال مافي احلى منه
خامسا خليه ياخذ اجازة و سافروا اسبوع او اسبوعين عشان تتفرغوا لبعض تماما و اذا عندك اطفال خليهم عند اهلك
ان شاء الله اكون افدتك و الله يعينك و يبعد عنك و عن زوجك اولاد و بنات الحرام
 
انتبهي خليك حكيمة لا تصرخي و لا تشتمي هذا اكبر غلط لا تعطيه مبرر للي قاعد يسويه بالعكس بيني انك مظلومة الله يعينك حبيبتي طمنينا عليك
 
حبيبتي الفعل يعادل رد الفعل

هذه المعادلة تعلمناها بالفيزياء وانها لتطبق في كثير منامور حياتنا ومنها الخيانة الزوجية.يعني زوجك اعترفلك وهذا الشي لازم كان يلقى ردة فعل قوية تساوي شين المصيبة الي سواها علشان يعرف مدى خطورة فعله لكنه راى تفهم شديد منك بس هذا التفهم حبيبتي للاسف مو في محله.لا تزعلي تصرفك كان خاطء يمكن لانك ما كنت متوقعة يخبرك والافضل انه ما خبرك.لان اهم شي ردة الفعل اكيد هو صار عنده خربطة في مخه وقال والله هالمراة هبلة وانا بسوي الي اباه وقدامها.ومو بعد ان الرقيقه عرفت بالكلام الي صار بينك وبين زوجك والحين طبعا بيزيد غنجها ودلعها وكله عشان تغيظك وتسرقه منك
نصيحتي كوني صارمة والمهم انت مو هي وخلي هذه كلمتك مو مهم احد غيري ولا تتركي بيتك عشان ما يخلى الجو .
اونى خايف على شعورها علها ان شاء العلى الي تاخذها وتاخذ مثيلاتها.
 
نهاية البداية
كانك قاعدة تتكلمين بلسانه ولساني وقت نقاشنا
فعلا لازم ينقل من القسم وعلى حسب كلامه انه حاول قبل كذا بس ماقدر عشان كذا غير دوامه صار شفت من العصر بس مازالو يتقابلون في العمل
ورقم جواله اكيد باخليه يغيره ان شا ءالله

الجدة كلامك في محلللللله
عصفورة تسلمين حبيبتي
المشكلة اني من يوم صار الموضوع صرت اغلط اكثر وصار يعصب علي اكثر لاني طول الوقت افكر وشايلة عليه

الله يجزاكم خير جميعا حسيت بتفاعلكم الصادق
اللي خفف عني كثير
وحلولكم بدات توجهني للخطة اللي قاعدة ارسم معالمها بمساعدتكم والله يعدي الموضوع على خير
 
الجميل انه اعترف بخطاه
وانتي اوقفي جنبه وقولي له حبيبي انت اللي بتعمله خطا
مادام انك اعترفت انك بتسيبها خلال الشهر
انا رضيت
بالعكس خليكي على سجادتك في الليل وادعي الله انه يهديه
ويثبته
وحاولي ما تغلطي عليه وكل ما تتذكري انه خانك
ارجعي وقولي اعوذ بالله السبب الاول الشيطان والتاني انتي
وما في احد ما يخطا كل بني ادم خطاء
والله يسخر لك زوجك
 
زوجك شكله متعلق فيها،ويمكن يتعلق فيها زياده،اذا استمرت علاقته فيها،ويميل صوبها// لدرجة مثل ماتقولين انتي، أنه خايف على مشاعرها وخايف عليها من الصدمه.
ياعزيزتي اذا كنت تحبي زوجك ومرتاحه معه،وعندك منه عيال،حافظي عليه، و ابحثي عن النواقص اللي ماحصلها زوجك فيك وحصلها فهالعلاقه، وصدقيني الريال مثل الطفل بحاجه للاحتواء للحب الحنان للاحترام،للمعامله الطيبه، بالاضافه الى الاهتمام بالنواحي الشكليه،اللي هي الاهتمام بجمالك وهيئتك ونظافتك.
حاولي عزيزتي ترتبي أمور حياتك ،حسب الاولويات،وحسب قدرتك وظروفك،نظمي وقتك ورتبي اعمالك.
لاتنسي الجانب الديني، واداء عباداتك تقربك لله سبحانه وتعالى، وكلما كان العبد قريب من الله،ومتيقن بقدرة الله ورحمته، كلما يسر الله أمور حياته،ورزقه من حيث لايحتسب، وحبب فيه خلقه.
 


الغلط منك من البدآية ؛ إنتي الي سمحتي له يدور عند غيرك أشياء فقدهآ منك

بسس

خذي بكلآم ~{ رازيا

فديت قلبهآ ما قصصرت

كفت و وفت


:(

​
 
..بصراحه أنتي حملتي نفسك فوق طاقتها ليش
تسمحيله يهينك ويذلك فوجهك ..يعني وش
فرقة أول من وراك والحين من قدامك ولا
تصدقين أبدا أنه بيتركها بها الطريقه .....
واذا هو على قولته خايف على مشاعرها فقولي
له لاتخاف عليها ابد هي متعوده تترك هذا و
تروح تكلم غيره طبعهن كذا ما يعرفون المشاعر
المههههههمممممم أنتي لاتحطمين نفسك على
حسابها وحاولي ترجع زوجك لك بالدعاء والاستغفار وصدقين بيرجع زي أول وأحسن
 
أسال بالله انت مو قاعده تمزحين معااانا

يويلي منكي قسم قسماااات شوي وابكي منك

عاادي كذا بكل بسااااطه

من القهر بروووووح أنظف البيت

الله يوفقك

ورجااااء اعشقي ذاااتك

الدنيا مو كلها زوووجك

نفسك ومشاعرك وصحتك أهم 10000000مره​
 
الله يصلح الحال بس قهر كيف يحافظ على مشاعرها وانتي هي تحس وانتي لا قهرررررر صراحه ماادري ايش اقول
اوقفي معاه بس لاترضين انه يكلم قدامك سوي نفسك مادريتي
واسأل الله ان يرده لك ردا جميلا ويسخره لك ولعيالك ويبعده عن الحرام وبنات الحرام
وصح لازم تنتهي هالعلاقه بسرعه هو خلاص مايبغاها اخاف ترجعه لها مره ثانيه ويحصل مالايحمد عقباه الله لايقوله
 
حبيبتي كا الله بعونك الله يقويكي

ويفرج عنك هذا الكرب

انتبهي على صحتك وصحة قلبك

انتي اجتهدي في جره لك بكل الوسائل وطنشي الموضوع بس خليكي مصحصحة

هي منافسة لك

لكن بامكانك انك تغلبينها

استعيني بالله يوقف جنبك لان هي واقف جنبها الشيطان ومساعدها تا تغري زوجك

اما انتي فحلاله فالله رب الكون ربك وربه وربها هي كمان هو اللي واقف جنبك انتي مو هي

مجرد انك تفكري بهالشي رح يعطيكي قوة وسلوى من الله

وقال الشيخ الشعراوي رحمه الله في اخر كلام له

يستحيل ان تكون معركة بين حقين فالحق واحد

ويستحيل ان تدوم معركة بين الحق والباطل لان الحق مهما علا الباطل ياتي الحق ويعلو عليه

بس شدي حيلك وطلعي مخالبك الانثوية

واحنا علينا ندعي لك بظهر الغيب اختي
 
المصيبة يا أختي أنك تثبتين لزوجك أنك غلطانة الغلط الكبير هو تقبلك للموقف وتصديقه

هو يمشي في الحرام وما يشوف أن هذا غلط كبير امامك وأمام ربه

الله يعينك ويقويك عليه​
 
احس بغثيان مو من خيانت زوجك وحقارته لا
من كلامك وردت فعلك
صدقيني اذا ماحبيتي نفسك ماراح احد يحبك
مختصر الكلام
 
انتم كذا تكرهوني بزوجي اكثررر واحس صعب اتقبله او اتعامل معاه لانه استغفلني

انا بعد ماصارحني ارسلت له ايميل قلت له اني حاولت معاك كثير وتعدلت بس انت ماكنت شايف وانا الحين افكر بالطلاق بس باعطيك فرصة اخيرة وفهمته انه مايستحقني وقلت له اكذب عليك لو اقول لك اني احبك مثل اول او انك مهم في حياتي مثل اول لانك اهملتني وجرحتني كثير بس مستعدة احاول واعطيك فرصة وافتح معك صفحة جديدة اذا قطعت علاقتك فيها
بس مادري اثر كلامي فيه او لا
 
مستحيل اصدق ان فية زوجة ترضى بهذا الشئ ابدا ابدا مستحيل ولو الف بلمئة ولو ممكن صار معاكي كيف تسكتين على كذا انتي ماعندك كرامة لا تقولين على شان عين تكرم مدينةحبيبتي لو انتي الي صار معاكي كذا كان سمحلكي تسوين الي هو يسوية معاكي اسئلية قوليلة ترضى ان انا اسوي كذا لا تقولين المراءة غير والرجال غير .لا الذنب واحد
 
اختي عليك بالصبر والدعاء وحسن الظن بالله والاستغفار
وافتخر ان لك رب والله ان هادنيا ماتسوي ان الانسان يحزن عشانها
والابتلاء نعمه من الله وصدقيني انها رااح تنفرج اذا اتكلتي على الله
خوذي بكلامي وشوفي النيجه باذن الله​
 
يارب يفرج همك

انا اشوف انك تجلسين في بيتك ---------------وتطلبين الصبر من الصبور سبحانه

الشمالي يحب المرة القويه----------------

السيناريو
واتمنى الاخوات يكونون معاي واذا فيه شي بيخرب عليها يوجهوني فيه

1-قومي الصبح وصلي وعلىقراءة القران

قومي البسي لبس حلو بناتي------------يغير من كابتك وقهرك

بييني ابتسامتك بوسي اولادك من قلبك-----------ودعيهم اذا هم يدرسون

ا1ا ماعندك وظيفه اوعمل ابحثي لك --واذا هو مقتدر --ناقشي معه فتح مشروع اواي شيء مثل مشغل وديريه وبيني ثقافتك وحبك لنفسك بغنج ودلع

وقبل هذا كله خليه يشوف اعصاب هاديه وابتسامه وغموض

ولاعاد تفتحييييييييييييين جواله ليه؟؟

عشانك ياقلبي ماتتألمين --ويروح كل اللي تسويه


عمري تعرفين كيف تحبين نفسك هذي انصح فيها نفسي----------

يعني لاتخلين الهم يسيطر عليك

عندك شي حلو لاتأخرينه لبعدين افرحي به الان ماحد يدري بالعمر

اولادك وهذا انا مقصرة فيه حبيهم من قلب وعطيهم حنااااانك

حبيبتي/انتي في محنه اذا طلع لسانك مايوقف استغفار


نوعي بالاكل بيتك حلو وريحته حلوه اولادك نظاف -------انتي مثل الفله

اذا جاك في الراش ابدعي معاه

واذا جا الصباح خليك الغامضه التي لم يفهمها


خليك شهر وان شاء الله دائما بش ليه شهر حسسيه ان موهذيك المظلومه
ترى مايحبون في المرة الخنوع والله كذابييييييييييييييين

بعد هذا ماشفتي تغير

انسحبي بهدوء عند اهلك وقفلي جوالك

والله بعد الي سويته في شهر ان ينجن عليك ويقول خسرت جوهرة ويسوي المستحيل

الشمالي مايضحي اعتقد بسهوله


بس تكفين سوي في بالك كل شي

واهم شي انك واثقه من نفسك

ا1ا فيه دورات لتعليم المكياج ادخليها اذا فيه جمعيات ادخلي فيها بعد---خليه يشوف انسانه لن تنكسر


اذا سالك عن موضوع خيانته باي جهه كانت
اختصري الكلام قولي انت حددت ا لمهله واناتقبلت حبالك وانا انتظر--روحي


اذكر وحده كان زوجه كذا بس بقوتها وحبه لنفسها غيرته

والان افضل بكثير


طمنيني عنك------------------دعواتك

 
الحالة
مغلق و غير مفتوح للمزيد من الردود.
عودة
أعلى أسفل