زوجي سبني عاااااااااااااااااااجل

[المــهــا]

لاحول ولاقوة الا بالله

مادري نلاقيها من إيش ولا إيش الله المستعان وربي ينصرنا ويسهل امورنا بالدنيا والأخره

 

[أمـيره]

انتي غلطتي لمن ارسلتي له

هو اللي طلق علشان سبب تافهه ومعاكم بنت حتى لو بينكم مشاكل متراكمه هذا مايعطيه الحق يطلق اجل وش خلى لبعدين

الزواج يمر بمشاكل مو من اول مره يتهاون بالطلاق ويقولها بدون تفكير

المهم حصل وانتهى الحين بتكلم بوضعك الحالي

الرجال طلق وحطك عند اهلك وجاء بعد فتره يبي يشوف بنته واللي فهمته من كلامك انه ماجاب ورقتك يعني ماثبت الطلاق

ابوك بهالحاله مالومه مقهور على بنته لا هو اللي صرف ولا جاب ورقتك فطبيعي يطلب من احد اعقل منه يجي يتفاهم مع ابوك

بس طليقك مانضج ومبين عقله صغير تارك كل شئ ومركز على انو ابوك طرده ماقال بنتي شتتها ولاقال مقصر عليها بمالصروف ولاقال حتى بنت الناس ظلمتها معي

المهم لمن ارسلتي له اكثر من مره على امل يرجعك وانتي تدرين انه الغلطان هالشئ زاده صغارة عقل وبدا يسبك ويسب ابوك

شوفي اختي جوالك يتقفل من اليوم وطلعي لك شريحه ثانيه

اذا بغى يشوف بنته او احد من اهله يبي يتفاهم معكم بيكلمون ابوك وبسسس احفظي كرامتك والرساله لاتحذفينها تقدرين لو احتجتيها تشكتين عليه لانه قذفك

ادري بتقولين نيتي ارجع له وانا احبه ومن هالكلام

صدقيني اذا ماخاف الله فيك ماله لزوم تعيشين حياتك لانه بيستمر يذلك

الحين قدامك خيارين يااما تزنين عليه لحد مايرجعك وبيذلك واحتمال يرجع يطلقك ثانيه



او تنشغلين بحياتك اذا دراسه تكلمين او وظيفه المهم تقوين شخصيتك تكونين مستقله ماديا مو زي الحين تستعطفينه واذا ندم يرجع لابوك ويظهر ندمه ويرجعك معززه مكرمه او الله لايهينه فيه غيره الف

صدقيني اختي لو الرجال ماعليه قصور قلت لك تأسفي وارجعي

اما ذا الاشكال خذي وخلي فراقهم عيد

 

[wa7da co0ol]

اتركيه وعيشي وحياتك وادعي اذا لك فيه خير ربي يرجعه واذا لا يصرفه عنك وبعدين اذا انت في بيت اهلك ليه ترسليله وتكلميه اتركيه لما يطيح اللي في راسه ويرجعلك

الرجال احيان في ساعة غضب يطلع كلام ويرجع يندم


اخر مشكلة الغسيل

انا عندي حل للي ماهي عارفة كيف ترتب وقتها

الصباح البكور

بعد الفجر لما يخرج زوجك قومي اكنسي ومسحي واطبخي واغسلي غسيلك واليوم التاني اكويه كله في الصباح خصصي ساعتين او 3 وبعدها تروشي وارجعي نامي الين يجي قبلها بربع ساعة اصحي عشان تتنشطي وتقعدي طول اليوم مرتاحة تجلسي مع زوك وعيالك وهواياتك ربنا يبارك في البكور كانه احد نظفلك بيتك وطبخلك

انا متبعة هالطريقة ومرتاحة وكل يوم امسك شي يوم المطبخ والدواليب يوم الصالون يوم الجدران وعادي اذا البيت نظيف تاني يوم نامي بعد الفجر اكيد مو كل يوم الشغل


اسفة خرجت عن الموضوع

الله يسعدك ويهدي زوجك ويسخره لك

 

[23semsemh]

أختي عليك بسهام الليل فإنها لاتخطىء
والله يسخره ويصلحه لك ويهديه
وإهتمي بنفسك وبنتك ترى هي حياتك والله يعنيك
وأكثري من قول لاحول ولاقوة إلابالله ولامنجي من الله إلا إليه
وشوفي نتايجها بإذن الله عاجلا غير أجلا

 

[سكر مالح]

اختي عذبني زوجي اسفهيه وطنشيه صدقيني بيجيك ركض وحاولي تشغلين نفسك عنه واذا جاك وتكلم معك عطيه موقف يكون رادع له خليه يحرم يتكلم عليك وقبل كل هذا عليك بالدعاء والاستغفار بان الله يسخره لك

 

[دلوعة عمرو]

يؤيؤيؤيؤيؤيؤيؤ اؤسلي له رساله قولي كلامك ما همني وطز فيك وفي بنتك لكن توصل انك تقول بنت كلب ........... عاد انتي هنا تفاهمي معاه بطريقتك وربي لو انا بدالك لاذبحه ​

 

[تؤام روحي وقلبي]

الله يسهل امورك

 

[الجده الصغيره]

والله كلامكم صح وان قررت باذن الله اني ارجع جامعتي واشوف نفسي والدنيا ماتوقف على رجاااااااااااااااااااااااااااااااااااااااال وربنا راح ينصرني

عيييييييييين العقل....موفقه يالغلااااااااااا

 

[أحببك ولكن؟]

بصرااااااااااااحة ابدا مو مع عمتك وش تبغين أكثر من كذا يسبك ويسب ابوك مو لها الدرجة ماعندك شخصية وكرامتك وين راحت ولو يبغى يرجع بيرجع لك من غير جمعية اصلاح وبعدين مالك الا بنت يعني الاحظ كثييييييييييييير منكم تنهان بدرجة قوووووووووية ومع ذلك تروح تكلمة وتسامح منه وكانها الغلطانة الحمد للة الدنيا مو توقف على الزوج وانتي ماخلقتي له

 

[حلا ماركه]

الله لا يلومه الرجال شافتس تركضين وراه وتذلين روحتس اثقلي ولاعاد ترسلين
واللي مثله بقريح الله لايرده لااخلاق ولادين ولله رجوعتس عليه فيه ذل لتس وراح تتعبين معه وصدقيني اذا بترجعين له وانتي تترجين ولله تشوفين ذل ماعشتيه ويضرب الحب اللي يذل ادعي ربي يمسح حبه من قلبتس ويرزقتس اخير منه ولله ماعليه حسوفه وشذ تترجينه ترجعين وهو يعذب فيتس ويهزء ويمسح بكرامتس ولا فيه شمالي ولا غربي هذا بايعها احفضي الباقي من كرامتس والرجال كلهم اسفهييهم يركضون وراتس بختلاف الشخصيه
وزوجتس خراط ماراح يتزوج بس يبي يذلتس ويقهر ابوتس عن طريقتس لانه طرده
وبصراحه انا لو مكانتس ارسلت له رساله اقول فيها طلقني عشرك صعبه وانا اخلاقي ماتسمح لي ارد عليك مثل كلامك وان شاءالله ربي يرزقني بمن احسن منك وانت مالك مني الا الدعاء لانك ابو بنتي
هذا اذا تسمعين الكلام اما انتس تذلين روحتس وتركضين وراه بتموتين قهر وبعدين وين اهلتس عنتس يدرون وش يسوي فتس وانتي ترسلين ترجينه
انا متاكده اذا سفهتي فيه بيدور عليتس

كفت ووفت

 

[روز..]

الله يعينك ​

ليش يلعنك انتي وابوك
انا ما ارضاها
حتى لو كان شمالي ايش يعني تتقبلين عشان شخصياتهم وكلامهم كذا
الرجال كلهم سوا في الاخلاق والتصرفات والمزاجات مافي شمالي ولا جنوبي ولا غربي ولا شرقاوي كلهم نفس الطينه
الله يصلح ما بينكم
ويصلح السنت ازواجنا ​

الله يسخر لي زوجي ويسخر لك زوجك
وكل وحده يارب يسخر لها زوجها​

هذا رايي واسفه اذا ازعجك في شي​

:icon30:

 

[هوآها شرقي]

الله يهديه ويسخره يارب
ويهديلي زوجي ويسخره يارب
يطنشيه لاترسلين ولاتدقين وحتى اذا دق لاتردين وخلي اخوانك اللي يردون واذا قال بيشوف بنته لاتخلينها تروح تشوفه

وانتي ريحي بالك دامك ماسويتي شي غلط

واهم شي بنتك اذا سئلت عنه قوليلها سافر بعيد وعيشي حياتك حبيبتي

 

[فجر123]

يختي خليه يولي يدعي على ابوي وبنت كلب


وش هالكلام


الرساله ماتنمسح واقرب محكمه توريها الشيخ


خلي الشرع ياخذ حقك منه

 

[كريستينا]

المثل يقول((طنش تعش تنكمش تنكفش ...))الباقي مو حافظته :c028::c028:

 

[عذبني زوجي]

جزاكم الخير يعني تنصحوني ما اكلم جمعية اصلاح ذات البين كان نفسي اكلمهم على الاقل لو ينصحوني وش اسوي وانا ابغى تدعولي ان الله يسخره ليا ولبنته والله واجعتني بنتي بقلبي بنتي عمرها بس 8 شهور وهو يموووووووووووووووووووووووت فيها بس ماتوقعته يدعي عليها الله يهديه

 

[عابرة في الحياة]

وريه شغله ارسلي له رساله سب اكبر من اللي قالها لكي


خيررررررر يسبك ويسب ابوكي .. لو اني منك ما اشكت له واخذ حقي بيدي ولا ادعيله

ولا شئ .. انتظره عند باب الشقه واوريه

الكلام اللي ما يسر لا عدوو ولا صديق ..

لا تسكتييييييييييييييين خليكي قوييييييييييييييييييييييييه

عشا ن يتأذب معاكي مرة ثانيه ويعرف مع مين

قاعد يتكلم ..

 

[shada hope]

الله يهديه وقولي له انه ضايقك بسبه لك يمكن كان في لحظه غضب

 

[شسوي فيكم]

الاستغفار يفتح الاقفال سبحان الله
وسورة البقرة فيها بركه والبركه تشمل كل شي
والله يفرج همك وييسر امرك ويفرج كربتك

 

[نســـرين]

يابنت الحلال اتجننا من الرجال
كثري الاستغفار واقري سورة البقرة وراح تحسي براحه عجيبه
ووكلي امرك لله​

 

[الشتاء الدافئ]

لاتتصلي عليه ابدااا... وكلمي جمعية اصلاح ذات البين وعليك بالدعاء ...الله يفرج لك ويحنن قلب زوجك عليك ..واعلمي ان التفاهم بين الزوجين لا يأتي في السنوات الاولى ..اصبري لو شهور وبتنفرج ان شاءالله ..لكن حاولي تتأكدين اذا زوجك يتعاطى حبوب مخدره قبل ماترجعين له ..