زوجي بيطلقني الاسبوع الياي!! ساعدوني..

[بدون جراح]

الله يعينك يا أختي ويفرج همك

بحكم ان زوجي جنوبي غربي بطرح عليك بعض الافكار بالرغم اني مقتنعه ان كل رجل له شخصيته

لا تسافرين ألحين أنتظري الى انتهاء شهر من عدتك

اذا ارسلتي له مسج تستاذنين منه (بعد شهر) خليها رساله لطيفه وتوضح لين كلماتك بدون تكلف

اذا وافق ابدئي بارسال الرسايل على فترات واذا تجاوب معك تعمقي فيها

في هالفتره لا تتواصلين مع زوجك باي شكل لا رسايل ولا اتصال ولا مرسول لا لمصروف او بنتك أو أي شي

اذا صار بينك أنتي وأهله اي اتصال خليك فرفووووشه زي اخوه مثلا اسألي عن حال امه وابوه واخواته
وعن ابو بنتك بعد بس بشكل عااادي

لازم تحسنين من طبايعك انا شماليه بس الحمدلله فرفوشه يعني لا تلزقون كثر الجديه فينا خرجي المدفون بنفسك

ونميه العبي ونطي واضحكي واستانسي خلي بينك وبين بنتك علاقه طفوله ووناسه الكلام كثير وانا طولت الحكي

وتأكدي اذا لكم نصيب ببعض راح ترجعون باذن الله فخلي املك بالله كبير وبما يكتبه لك ولا تحطين ببالك انه طلق

علشان يرجع يمكن لما تروح هيبة لحظة الطلاق مايرجع انا ماابغى احبطك بس ماابغاك تعلقين امال كثير

والله يكتب لك الخير

 

[نواره99]

سبحان الله
يالغاليه يمكن الي صار لج خير من رب العالمين عشان تتقربين اكثر واكثر لربج
الله مايبلي الا الي يحبهم
تقربي الي الله اكثر والله تحصلين الراحه واذا اهل زوجج غلطو عليج لاتردين عليهم فوضي امرج لله
لانج اذا رديتي ماراح ترتاحين ومابتحصلين غير الالم والقهر
وربي ان شاء الله ينصرج

 

[مشتاقه لريلي]

الله يوفقكم ويسخر لكم ازواجكم للمتزوجات ويرزق كل بنت بزوج صالح

أشكركم على الدعوات والله يسمع منكم.. والله استانست بردودكم وخففتوا عني..​

والجديد..
اليوم طلقني طلقة أولى يعني رجعيه..انا ما تفاجأت
لان الاستشاري قالي هو مطلق مطلق وما بيغير رايه..
بس يقول ان شاء الله عقب ما يطلق يغير راييه ففترة العدة..​

بس اللي مضايقني انه مو عاطيني مجال اتواصل معاه بالمره..
حتى خبر الطلاق اخوه اتصل فيني يقول ريلي يقوله يتصل فيني أمر أخذ ورقتي
انا طرشت له مسج.. كتبت فيه اني ما توقعت انه ينكر العشره ونسى اللي سويت له واللي تحملته..
من حرماني من الحمل والشغل وحبسة البيت وخيانته وسفراته لأوصخ البلدان.. وقلت له انه ما في داعي يشوه سمعتي لاني بنت وام بنت وسمعتي من سمعتها..وقلت لو ناوي تنهي اختم باحسان.. وقلت انا ما تكلمت عن حياتنا وما بتكلم لاني أحبك واباك وما ابي فيوم حد يشوه صورتك جدام بنتك..وقلت انا اعرف انك مب حقود وتسامح بس الشيطان عامي قلبك.. فالله يهديك.​

ما ادري اذا اللي سويته صح ولا غلط بس حسيت اني لازم اسوي شي..
والحين ما عندي غير الصبر والدعاء..​

فلا تنسوني من دعواتكم بظهر الغيب.​

رعبوبى الله يهداج شهالمسج أكدتيله إن قراره صح ليش تطرشين مسج أصلا لا وكلامج فيه ماأدري غنتي تمنين عليه ولاتسبينه وبعدين تقولين أحبك 000 ؟؟ إنتي شفيج مو من الأأأأأأأأأأأأأأأأأأأأأأول قات لج مسجات لا مابتفيد وشلون عاد وفيها هالملافظ000 تنكر عشره ---خيانتك ---أوصخ البلدان --- أشوه صورتك يعني بالعربي إنت زفت --- على فكره لو رجع وقرا الرساله مره ثانيه بتفاصيلها بيلقى الكام المدمر نسف كل شي ممكن يتصلح --- كلمة احبك بهالرساله مابتخليه يحس فيها معناتها بهالرساله إنك لازم ترجع علشان نرقع صورتنا قدام الناس ولا إنت شخصيتك ولا شي ---- ياريتني تابعتج لما طنشتي مارديتي قسم بس شقول قدر الله وماشاء فعل على فكره ولخبرتي إذا اهو رجال مايرجعج وأنا آسفه أقولج هالكلام 000 لاتعتمدين على كلام الاستشاري اهو قالج بيرجع وقت العده إيه بس علشان يعطيج امل بالله موعلشان تطينينها 0000 الحين عرفتي المشكله من شو؟؟؟؟ المشكله إسلوبج آآآآآآآآآه ياقلبي

 

[مشتاقه لريلي]

الله يسمع منكم ويرد لي ريلي ردا جميلا..

الله يهديه ويصلح بينا يارب​

لو اطرش له الحين مسجات اذكره باللي بينا؟

ولا تو الناس؟​

شوفي حبيبتي رعبوبى انا آفه على كلامي السابق بس حبيت اوريج صورتج قدام نفسج

اسمعي كلام الخوات الله يخلييييييييييييييييييييييج سمعي كلامهم مسج واجد ممكن تطرشينه لانه إذا مانفعج مابيضرج اهو خلاص 000اكتبي في المسج0000 أبو (تكتبين إسم بنتج )اللي مالها غير الله ثم امها وابوها 000 رديت قريت المسج اللي طرشته لك وندمت ندمت من كل قلبي 000على كل كلمه كتبتها لك مولشي 000 (ضروري تكتبين هالكلمه مو لشي)000 بس لإن تذكرت إن في أياااااااااااام حلوه قضيتها معاك 00 ولايمكن أنكرها 000 والمسج السابق طلعني جدام نفسي جااااااااااااحده 00 اتمنى بس ان بينك وبين نفسك إنك تسامحني 00 بس حبيت اقولك انا آآآآآآآآآآآآآآآآآآآآآآآآآسفه 00

 

[مشتاقه لريلي]

اللي ما قلته.. ان انا بديت استانس من اللي صار.. سواء رديت لريلي او لاء..

لاني الحمدلله تقربت لربي وااااااااااايد​

صح فالبدايه كنت أتقرب لربي عشان تنحل مشكلتي بس الحين الحمدلله صرت أصلي عشان نفسي وتقربا لربي طمعا فالاجر..
انا استغفر الله ما كنت أسوي شي لربي غير صلاة الفرض وأصليها كواجب ما تاخذ عني دقيقتين!!!​

حتى بديت احس ان اللي صار لهالسبب.. لاني قريت حديث بما معناه ان الله ممكن يفرق بين الزوجين بذنب أذنبناه!!
وانا ريلي الله يهديه ما يصلي الا الجمعة واذا كان طالع مع واحد بيصلي صلى معاه مجاملة!!
كيف الله بيوفقنا ونحن جيه!!!​

الحين الحمدلله..
صرت أصلي الفرض والسنن..
مداومة يوميا على قيام الليل..
وأصلي صلاة الحاجه كل ما حسيت ان ما عاد فيني صبر..
واستغفر ربي فكل وقت.. تقريبا 1000 مرة فاليوم..
بديت أقرى أذكار اليوم والدعاء الجامع..
يوميا اقرى قرآن تقريبا اخلص جزء ونص لجزئين فاليوم..
واتصدق قد ما اقدر..
احاول ما اقعد بدون وضوء..
وطبعا ادعي على طووول..
وانا الحين أصوم والحمدلله..​

تصدقون علي صيام من أول سنوات البلوغ ما صمت!!!
ولو احسبها بتطلع قريب الشهر!! علي دين عند ربي وانا غافله!! استغفرك يارب واتوب اليك..
وان شاء الله ما أوقف صيام الا وانا مخلصه ومكفرة عنها بعد..​

والقرآن سبحان الله صرت أشتاق لقرائته.. واليوم عقب صلاة قيام الليل..
قريت اللي قدرت عليه.. وعقب بديت أحسب تقريبا كم باقي لي واشوف متى ممكن اخلص..
يوم شفت ان ما باقي لي وااايد.. ما ادري شو ياني..
صياااااح عجيب ما قدرت أيود عمري ما ادري مستانسه ولا مستحيه من ربي..
معقوله عمري 24 سنه وعمري ما ختمت القرآن!!
اقول فوق كل هالتقصير الله كريم معاي.. وما يرد عباده خائبين..
سبحانك ربي اني كنت من الظالمين..​

صرت أدعي .. يارب أعني على شكرك وذكرك وحسن عبادتك..
وان شاء الله.. على هالحال وأحسن يارب.. قولوا آمين..
هذا اللي الواحد يخاف ينحسد عليه مو زوج ومال وجمال!!​

اللهم ثبتني على طاعتك..وأغفر لي ولجميع المسلمين والمسلمات

الاحياء منهم والاموات..​

وعلشان كل هالكلام الحلو اللي قلتيه وعلشان الله سبحانه وتعالى طرشي المسج اللي قلتلج عليه علشان الله يوفقج بحياتج 000 ادري عزيزتي ان الرجل ممكنتكون له غلطات كبيره وممكن يدفع الزوجه لتصرفات غصبن عليها بس هم احنا لازم نتعلم نتحكم باعصابنا احنا مسلمين ولنا منهج من ربنا نمشي عليه يريحنا 00أسأل الله ان يرزقج راحة البال ويكتب لج اللي فيه الخيره بس مثل ماقلتلج طرشي هالمسج واكتبي ابيك تسامحني لاني بروح عمره 0000 أوكي يالغاليه

 

[مشتاقه لريلي]

رعبوبي أنا قصدت بكلمة آفه يعني آسفه وايضا بقولج آسفه مره ثانيه 000 بس حبيت اخبرج على الكلام إللي قالته أم زوجج ممكن يكون منقول لج بشكل ثاني أوفي نمامه تحب تخرب بينكم 000 لا تقولين ليش النمام جذي يحب يخرب العلاقات الطيبه بين الناس من غير سبب عشان جذي الرسول قال انه من أشد الناس عذابا بالقبر والعياذ بالله 00 وحبيت أقولج انج عايشه حياة حلوه بقربج لله 00 فحافظي عليها 000 وذا عالمسج اللي قلتلج عليه صلي استخاره بعدين طرشيه مابتندمين

 

[مشتاقه لريلي]

سبحان الله
يالغاليه يمكن الي صار لج خير من رب العالمين عشان تتقربين اكثر واكثر لربج
الله مايبلي الا الي يحبهم
تقربي الي الله اكثر والله تحصلين الراحه واذا اهل زوجج غلطو عليج لاتردين عليهم فوضي امرج لله
لانج اذا رديتي ماراح ترتاحين ومابتحصلين غير الالم والقهر
وربي ان شاء الله ينصرج

الله يعطي نواره العافيه على هالكلام 000 خليه حلقه بودانك سلام ياقلبي

 

[أسيرة الولاء]

حسبي الله ونعم الو كيل عليك بكثرة الدعاء والاستغفار والدعاء آخر الليل وصلاة الليل حبيبتي وابكي كثيييييييير عسى ان الله يفك محنتك

 

[مشتاقه لريلي]

رعبوبي أرجو انك تكونين قريتي ردي

 

[°•البنفسجيـــه•]

مرحبـــا رعبوبي والله حاسه فيج الله يعينج ويسخرلج زوجج يارب ..
ويفرج همج يارب

 

[انثى مختلفة]

الله يكون بعونك

استخيري اذا لك فيه خير

بترجعون ان شاء الله

واذا مالك خير فيه ربي يصرفه عنك

ويعوضك خير

الله يحفظلك بنتك

ويهديلك نفسك ان شاء الله

اكرر ( اكثري من الاستخااااااارة )

الله يوفقك

نوارة 99

دخلت ملفك بغيت اكلمك بس مالقيت عليكي طريق

ليش منتي مفعلة رسايل الزوار

بغيتك بموضوع

ياليت تردين

انتظرررررك بفارغ الصبر​

 

[سـحـاب]

يارب اسعد أختي ويسر امرها
وردها لزوجها وبيتها رداً جميلاً
واهدي زوجها ورده لك رداً جميلاً يارب ياكريم ..​

 

[درة مصونة]

اكثري من الاستغفار​

 

[تــ زرقاءـــوته]

الله يصلح بينكم يارب

حبيبتي عليك بالصلاة في آخر الليل والدعاء بتذلل

انتي تبين شي مايقدر عليه الا ربي وربك -->لذا اشكي لرب العباد وتذللي وابكي ==> اذا نفسك يرجعلك


الله يعينك ويصبرك
والله يوفقك ويوفق بنات المسلمين

>>>>نصيحه لوجه الله 000

اذا تصالحتوا ورضيتوا على بعض ((( آآآآآآميييين ))) اوعي توأوليله <<طلأني>> اقص حلجج

مع خالص دعواتي لك

 

[فافى2]

قولى هذا الدعاء بعد كل صلاة نشاء لله بتنحل امورك وافوض امرى الى الله ان الله بصير با العباد حسبيى الله لااله الا هو علية توكلت وهو رب العرش العظيم كل واحد سبع مرات

 

[نواره99]

الله يكون بعونك​

استخيري اذا لك فيه خير ​

بترجعون ان شاء الله​

واذا مالك خير فيه ربي يصرفه عنك ​

ويعوضك خير​

الله يحفظلك بنتك​

ويهديلك نفسك ان شاء الله​

اكرر ( اكثري من الاستخااااااارة )​

الله يوفقك​

نوارة 99 ​

دخلت ملفك بغيت اكلمك بس مالقيت عليكي طريق​

ليش منتي مفعلة رسايل الزوار​

بغيتك بموضوع ​

ياليت تردين​

انتظرررررك بفارغ الصبر​

هلا حبيبتي
مفعله انا رسايل الزوار
غريبه مايصير حاولي مره ثانيه وان شاء الله خير:showoff:

 

[نواره99]

الله يعطي نواره العافيه على هالكلام 000 خليه حلقه بودانك سلام ياقلبي

وانتي فيج الخير يالغاليه وماقصرتي جزاج الله الف خير:icon30:
طمنينا يارعبوبي واخبا العمره ان شاء الله مانسيتينا بالدعاء:showoff:

 

[جراده شياكه]

الحمدلله رعبوبي ربما ضاره نافعه
عليك بالدعاء وراح تنور السعوديه بزيارتك

 

[نواره99]

طمنينا يالغاليه^_^

 

[مشتاااقه]

مشتاااقه
اللي ما خاف ربه وقال ان نحن مسوين له سحر.. انا ام بنته وعارفني عدل!!
بيقتنع بهالكلمتين..

تخيلي يوم كلمت امه.. تقول لي السالفه وكأنها شايفه كل شي
تقول رحتي انتي وامج عن طريق خالتك وحطيتي له فالاكل.. قلت لو مسويه كان خاتم فصبعي
تقول بس الله فوق وقلب السالفه عليكم!!!! قلت الله واكبر خافوا ربكم!!
والله من قلبي قلت حسبي الله ونعم الوكيل فيهم.. الله ينتقم منهم ويحرق قلوبهم بأعز ما عندهم..

حسبنا الله ونعم الوكيل
امه تقول هذا الكلااااام يعني امه مصدقه
لاحول ولاقوة الا بالله
ياويللهم من ربي هم مايعرفون قذف المحصن حراااااااااااااااام

الله يكون بعوووونك يا بنت الحلال
اكثري من الاستغفار يمكن ربي يفرجها عليك
والله قلبي معك