زوجي بهدلني وأنا تعبت أرجوكم الحل

أختي الدمعة بقرأ قصتها وإن شاء الله أستفيد...

ومشكووووره يا عمري
 
انا مع الاخت كاتيا باسل 100%

اختي واضح من كلامك انك من تزوجتي للحين ماقعدتي مع زوجك كثر مافعدتي زعلانه في بيت اهلك فشلون تبغي زوجك يحن لك ويلبي طلباتك وهو للحين ماحس بالاستقرار

وبعدين لاتقولين انا عندي كرامه وتاخذك العزه بالاثم خلصتي نفاس ارجعي بيتك وظبطي امورك اذا ماجاء يرجعك انتي روحي لانه مو بس هو غلطان انتي تتحملين الجزء الاكبر من الخطأ
 
فيه تهور منك من البدايه فيه أشياء تافهه ماتستاهل اللي عملتيه .. وروحتك لبيت آهلك ... وإنتي توك عروس من شان طبخ
!!!

إنتي عودتيه على بعدك ... وعدم إهتمامه ... وعودتيه ع التقصير ...
الواضح مراهنته بالبنت مقابل الطلاق
عارف إنك مابتتركيها ... يعني مابيطلق ....
أتوقع حاسبها بهالطريقه وهو إذا هذا تفكيره بيكون يبيييييييك ....

إستخيري الله وربي يسهلك أمورك
والحياه الزوجيه مو طلب ونفذ ..ومجبور تنفذ إذا ماسايرتيه مابتاخذي شي...
 
انا مع كلام الاخت اسماء
اذا انت شايفه انه صعبه تكلميه خلي الوالد يكلمه ويطلب منه التفاهم كان هذا التصرف من الوالد
غاليتي المروه وضعها زوجك في ملعبك هل مره وانت العبيها صح وبذكاء
لاتفرطين فيه وتسمعين كلام اللي يبون يهدمون حياتك


ترى زوجك شاريك بس انت اللي حديتيه على الامور هذا
لو اكلتي قلبه وعقله فيك وعلقتيه فيك عمره ما يفرط فيك ابد




أسماء زكي الدين قال:
انظري عزيزتي سأحاول أن أتخيل نفسي معكما في البيت - من خلال موضوعك أولا ثم لي إضافة - وتحملي كلامي على ثقله

بصراحة من أول أسبوعين عملتي له نكد .. يا ربي طلب طبخة طيب أنا بعد اسبوع من زوجي طلب مني زوجي أطبخ لصاحبه !!!​

وكل كم يوم تركتي البيت ورحتي بيت أهلك زعلانة
نفسي افهم كيف يستقبلك أهلك ويطاوعونك في أن تضيعي نفسك وزوجك وبيتك ... ​

اتصلتي به تخبريه إنك حامل ماذا كنتي تنتظرين منه أن يركض غليك ويقبل يديك ويأخذك على بيتكما؟!
أظنه قال ما شاء الله حامل كنت شفتهاعروس ولا شفت معها هنا العرسان علشان أتورط ببيبي الحين وحمل ووحام وهم؟!
لما اصبح على علاقة مع فتاة أو فتيات فهذا معذور واحد تزوج ومن بداية زواجه لم ير الدلع ولا السعادة فليبحث عنها بعيدا عنك أنت أعطيتيه فكرة إن الزواج هم وغم ونكد ... والحرام حلو ...................​

المهم بعد الولاده وبعد ما خلصت نفاس اتصل يبي يأخذني قلت اصبر أيام البنت (بنتي) تعبانه قال عادي رايحه لبيت أبوها
وأنا اصلا كنت اتعذر لأن كانت عندي حساسيه مفرطه بالبطن واستحيت ارجع ويشوفني بالمنظر هذا فتعذرت بالبنت
عصب وقفل السماعه وبعدها كلمته قلت البنت بخير قال وبعدين قلت ماراح تجي ؟ قال الحين بترجعين ..احتري ما راح أجيك ..إذا تبين ترجعين ارجعي بنفسك:19: ما راح أجي أخذك​


بصراحة ولا تزعلي مني كثر الله خيره إنه اتصل بك وظل منتظرا إياك حتى تخرجي من نفاسك ليس بعيدا أن يكون قد قال في نفسه احتمال تكون نفسيتها أفضل بعدما وضعت وعادت طبيعة جسمها له وأكيد ستكون أهدى وتراعي بيتها فما وجد منك إلا صدا وإبعاد وقد أخذ عذرك تكبرا منك عليه ومحاولة لإزلالة أو وصلتي إليه رسالة أخرى إن الإنجاب هم جديد يضاف إلى هم الزواج ولو نفر من البنت ستكونين أنت السبب فقد أمتل رأسه أن الأم وابنتها ليس من ورائهما إلا المعاناة فلماذا الزوج والانجاب؟؟؟
وكان أفضل أن تتصلي به قبل أن يهاتفك وتخبريه إن عندك حساسية وتريديه أن يصطحبك للطبيبة ووقتها لم يكن ليضغط عليك في العودة ​


أنظري عزيزتي من خلال موضوعك الذي طعمتيه بين كل كم جملة وجملة بوصفك لزوجك بالسيء​

والله لا أراه هكذا - من خلال موضوعك ...
ومن موضوعك فأنت قد أظهرتي نفسك مغرورة ومتكبرة ولكني أيقن أنك لا تعرفين كيف تسيرين حياتك ولا كيف تتعاملين مع زوجك​

وهذا يحتاج منك تثقيف نفسك من هذه الناحية وانسي لنا بيت أهلك فهو ما جعلك كل يوم والثانية تاركة بيت ززجك ولا تنتظري أن تعيشي في بيت زوجك كما كنت تعيشين في بيت أهلك ... ولا يعاملك نفس معاملتهم لك فبينكما ما لم يكن بينك وبين اي أحد من أفراد أسرتك مهما كان - وأكيد أنت تفهمينيي ولذا فعليك احترام ذلك ...​



لي عودة فموضوعك يحتاج لوقفة طويلة​
أنقر للتوسيع...
 
يووووهـ انتي من البداية خليتيه يطاول عليك ..شفيها لوطبختي عااااادي ..مأأدري يااختي احس الغلط من البداية منك ..واجهتيه بكل شي وصار مايحترمك وكل شي عاادي عنده ..لو وضحتي له من البداية انه رجل عاااقـل ويخاف الله ماكان صـار اللي صـار ..الله يفرج همـك يااارب اقري سورة البقره كل يووم
انا كنت خلآلآص بس باقي اطـلـق وقريت البقره كم يوم ورى بعض وسبحان الله رجعني زوجي ..
 
حساسه حيل ... قرأت سورة البقرة الجزء الأول ما قدرت أكمل
وبحاااول ...
وعلى فكره كل من عرف إني زوجته ...أنهبلوا أنتي زوجة فلان ... والله إنه محظوظ يوم إنه خذاك

وما يدرون إني ببيت أهلي ومعلقه !!!!

يا بنات تقولوا زوجك شاريك زوجك يبيك
وأنا ما أشوف هالشيء ... ليه يعلقني دام إنه يبيني
وليه يسبني ويشتمني ويدعي علي دام إنه شاريني
وليه يساومني على طفلتي دام إنه يعزني



وبعدين لسانه طويل وكلامه جدا قذر ..أقصد ألفاظه قذره جدا (طبعا لما نتزاعل ونتخانق )

وأنا ما أنكر إني كنت جافه جدا معاه لما شفت معاملته لي ..

وأنا بإنتظارك يا أختي أسماء ...
 
غيري حالك اول ...

انتي غلطـانه وطبيعي يفكر يتزوج ..!!

اجل عروس وشايله حيلك على ولد الناس !!


وين حسن التبعل ؟؟؟؟؟
 
وشرايك انتى الى تبدين في اصلح حيااتك مثل ترسلين
رساايل شوق وغرام ومثل تقولى حياتى مالها طعم دونك
وهو من نفسه بيحن ويحترمك ومو شرط اهلك يدرون انك ترسلين له اهم شي حياااتك والناس ماعليها والبنت وش ذنبها المفروض تعيش تحت سقف واحد بين امها وبوهاااا والله يوفقكم ويردكم لبعض وطمنينى............
 
علشان بنتك ارجعي
بلا عناد
والله انتي الخسرانه حرام بنتك
تربي بعيدة عن ابوها
قبل لايتزوج ارجعي
وشوفي هو ليش رومنسي مع البنات وانتي لا
انا شايفه كل مشاكلك بسبب عدم نضجك وخبرتك باالحياه الزوجيه خدي لك لفه بالمنتدي واقري قصه الاخت ضباب خالد وزوجاته مني وابتسام
اعتقد زوجك جنوبي شرقي
 
أختي مشتاقه

والله قويه إني أرسل له وأقول إني مشتاقه ... بيقول في نفسه هذي ما تقدر تعيش من دوني
وأنا عرفت كيف أذلها ... و ...و...و...

وأهلي بيزعلوا إذا عرفوا إني أرسلت له , لأن أهلي قادرين يتحملوني أنا و بنتي...

هذي الخطوه صعبه جدا
 
أختي ميانج

تعتقدين صغر سني هو السبب

فعلا ما عندي خبره بالحياه الزوجيه وأي شيء صغير كبير يحصل بيني وبين زوجي
أقوله لأهلي ولصحباتي ...على طوووول ....

وين موجوده قصة ضباب خالد بأي قسم؟
 
اختي في قسم الزوج والزواج القصه هي
وسوي اختبار الانماط واعرفي نمط زوجك راح تتضح لك امور كتيرة
واقل والله انتي زي اختي وانصحك زيها يعني انا ماني شايفه بزوجك عيوب كبيرة ارجع له وهو صدقيني قاللك تبغيني اطلقلك جيبي بنتي علشان هو يبغاك ترجعينه
وطمنينا عليك
 
اجل ليش طارحه مشكلتك؟؟ طرحنا حلول كثيره وانتى صعبه وصعبه اذل نفسى وين حنا على العموم اخواتى ماقصرو بس .... الشكوه الله ...
 
اختي مشتاقه ليه معصبه
انا بمشكلة وابي من يهون علي
وانا اقول الصراحه فعلا صعب اسويه
سامحيني ان ضايقتج
وانا ابي حل يحفظ صورتي امام زوجي ما ابيه يقول خليتها تلحق وراي
وشكرا لكل من دعى لي بالخييير
 
رجعت لك مره ثانيه >> هههه نشبه
لاوالله بس من جد ودي لك الخير،،،
شوفي حبوبه أنا أشوف مشكلتك تتلخص بقولك((أنـــــــــــا مدللـــه عند أهلي وجميع طلباتي مجابه،،وعمر حد ماكسر كلمتـــي))
شفتي كيف صرتي تبين زوجك طبق الأصل من الأهل،،،ماعرفتي أنو الزوج غير والحياة الزوجية مسؤولية وأخذ وعطاء مو بس العطاء والدلال والطاعة لك،> هذا ماصار زواج
ياعمري دلال أهلك أفسدك على زوجك،،،
أنتي من البداية رفضتي طلباته،،،!!!
ودخلتي أهلك بالسالفه!!!
وتركتي له البيت وجلستي عند أهلك فترة طويلة وهو بحاجتك أكثر من أهلك!!!
ويدق عليك يبي يأخذك بعد الأربعين وترفضين!!!
يتصل عليك ماتردين!!!
والحين تلقين كلللل اللوم عليه
لنفرض غلط عليك ،،،،بس أنتي كمان مشاركته الغلط،،،،ولو أني أشوف أكثر من غلط أنتي
زوجك بالبداية كان طيب معك،،،
والرجل ليش يدفع مهر ويفتح بيت ويتعب ويشقى الا علشان يلاقي وحده تريحه وتكون عون له،،،وبيته يصير جنه يلوذ بيها بعد الله
((وأنتي كل هالشي ما أعطيتيه أياه))
ولو قلتي زينت له وزينت،،،،متى بثلاااااااااااث شهووووور بسسسسسسس!!
حبيبتي أحنا نكتب لك ونعطيك من وقتنا وأحنا مانعرفك ولاتعرفينا بس لأننا أسرة وحده ونحب نشوف بعض مرتاحين ومبسوطين
ياملهمه أنتي مافهمتي الحياة زين
والله زوجك أشوفه ماشاء الله مو مثل بعض الرجال راعي خرابيط أو مخدرات لاسمح الله وأشياء مشبوهه،،،ولا الواحد اللي يصبح زوجته بكف ويمسيها بعقال ولابخيل مايعرفها بريال>> ولو تسمعين شكاوي الحريم بتصدقين
ترى أنتي مسؤوله عنه فهوجنتك ونارك،،أنظري أين أنتي منه؟؟
وكمان بنتك ماراح يهتم فيها مثل أبوها هو عزها وسندها بعد الله ولو أن أبوك ماراح يقصر،،، الله يعطيه طولت العمر
وترى مايدمر حياتنا غير الكرامه وعزة النفس صحيح شي حلو بس ببعض الأحيان مدمره،،،ليش ياعمري تطلقي وأنتي بعز شبابك
البيوت مليانه مشاكل والرجال مو كاملين أبد،،،
هالمره خليها تجي من طرفك وتنازلي
أرسلي له رسالة يجي لبيتكم
وأجلسي معاه لوحدكم وتناقشي معاه نقاش كله هدوء،،،وصدقيني الرجال مثل الطفل مايجي بالعناد يبي مسايسه،،،
وبعد لو تسافروا عمره ترى السفر يقرب النفوس والصلاة جنب الحرم راحة نفسيه لكليكما
لاااااااااتعاندي أكثر،،،هذا مو لصالحك
زوجك راح يخطب ويتزوج ويعيش حياته وأنتي اللي راح تندمي وتبلشي ببنتك،،،وأيش بيضمن لك تأخذي رجل وتنبسطي معاه،،،أمكن يجيك واحد عله،،،،أو رجل مايحب بنتك وينكد عليك

الله يهديك بس،،،،ويجمعكم على خير
 
قلت لك اخلعيه الله لا يرده .. يا امي

يبي يعلقكي كلللل مصالحك بتتوقف عليه

الله لا يرده من رجال ,, , لاتسمعي كلام



لا ترضيها على نفسك .. شكله عايفكي

والله الحين ولا مصلحه حكوميه بتمشي لك

كلللل شي بيتوقف علشان زوجك معلقك ..

لا تسكتين له .. انا جارتي زوجها علقها راحت

له مقر عمله وهددته انها تفصخ العبايه لو

ما طلقها قام طلقها ... الوحده تسوي ايي شئ

بسبيل حريتها ...... لا ترسلين له ولا شئ

وارمي بنتك بوجهه خليه يقدر قيمتك ..

7 شهور مي قليله والله كثييييييرة

انتي منتي سلعه يبيعك ويشتركي يوديكي

ويردك كللل وقت .. الله يخلف
 
التعديل الأخير بواسطة المشرف:
يجب تسجيل الدخول أو التسجيل كي تتمكن من الرد هنا.
عودة
أعلى أسفل