زوجي الحنون وزواجه علي

الحالة
مغلق و غير مفتوح للمزيد من الردود.
من قالك ان الرجال لهم امان حنون والا حليل والا طيب كلهم واحد
صديقت امي 30سنه هي وزوجها سمن على عسل بالاخير تزوج عليها وحده بعد مو سعوديه من صدمة الحرمه بزوجها تمشي بالشارع ماتدري وين تروووح جلسووو عيالها يلفلفووون بالسياره يالله لقوووها


مالت عليهم مالهم امان ابد معرسين معرسين
والصدمه اذا قالووو انا احبك ومادري ايش اي حب اي بطيخ
 
شوفي حياتي دامه للحين مادخل عليها عليج بهذا الدعاء ياصارف الفيل عن الكعبه اصرف قلب زوجي وتفكيره ورغبته عن الزواج بغيري ابدا مااحييتني اله يسخره لج ويسعدج
 
الحال من بعضه بس الفرق ان زوجي كذاب يبي يتزوج عشان نزواته لان عيونه زايغه كثيرررررررررررررررررررر
الله يسخرلي زوجي وزوجك لك يارب
 
السلام عليكم ورحمة الله وبركاته

اتعلمون لا ادري ما سيكون عذرنا لنبي الأمة عليه الصلاة والسلام
عندما يرى أحفاد خديجة وعائشة وهذه الاراء التي لا تمت للدين بصلة !

رجاءً اخواتي قبل اي دعوة تصدر منكن وقبل اي انتقاد لتلك الزوجة الثانية
ان تضعون حالكم في مكانها وفكروا هل سترضون على انفسكم هذه الدعوات !


وللعلم كل إمراة تتمنى ان تكون زوجة اولى وحيدة لكن لو كتب الله لها ذلك
فلا ردا لقضاء الله عزوجل فاحمدوا الله وقولوا قولاً سديداً​
 
الله يعينك اختي ويعيني معك لا تحسبي انك لحالك حتى انا زوجي يحبني ويشهد لي بالخير في كل مكان ويقول ما استغنى عنك ان تركتني اموت ومع كذا يبي يتزوج وخطب بعد لا واحيانا مشاكل مع حبه لي متمسك فيني جدا وهذا الي مسكتني انا ما ادري مرتاح وما نا قصه شي بشهادته ايش يبي الله يعينا انا موكله امري لله اكثري من قول حسبي الله عليه توكلت وهو رب العرش العظيم وادعي ان يكفيني زواجه علي بما شاء وادعيلك ان شاء الله ولا تأزمي نفسك والله اني مخليه كل شي على الله مادام واثق من نفسي سويت له الي ماراح تسويه له حرمه ثانيه الله يعوضني بس اكسبيه بالطيب اذ1ا ينفع معه واحتسبي اجركانا الان مستمره بسهام اليلفأنه لا تخطي بأذنه
 
يا ربي هذووولي الرجال ما عندهم حل وسط !!!!
حتى الحنان صار ينخاف منه !!


حبيبتي بالنسبة للحجة اللي قالها ردي عليه وقوولي أنا أرحم الرجال العزووبية اللي يتمنى ظل حرمة يعيش معها وودي أساعدهم ياليت نفزع لهم !!


وقولي له بدل ما تنقذ حرمة من العنوسة أنقذ رجال وحرمة ورجمع راسين بالحلال >> فيه من الأجر أكثر من كونك عددت فقط !!!
وتعالي له من باب رأفة العزوبي المسكين والشعور والقهر اللي عايشة !!!
والله يفرررج همك
 
الحل بسيط بما انه يتعاطف مع العوانس والمطلقات قولي اذا تزوجتها خذ العيال خلها تربيهم ومنها تصير انقذتها من العنوسه وحسستها بالامومه الله يجزاك خير يابو قلب حنين وانا طلقني باروح لاهلي يمكن الله يرزقني بواحد حنون زيك ينقذني من الم الطلاق ...رجال اخر زمن..
 
الله يعينك أختي ويصببببرك

فعلا هذا أكثر شي ممكن يؤلم الزوجة من زوجها خاصة إذا هم مستقرين

لكن لاتنسي قول الله نعالى : ( وعسى أن تكرهوا شيئا وهو خير لكم )

أنا وأنت مانعلم وجه الخيرة لنا في الموضوع ، لكن الله يعلمها ، فإن رضينا وسلمنا
رأينا الخيييير والفضل من الله ، لكن لابد من الصبر الجميل

وأنتِ عيشي مع زوجك كأنك الوحيدة في حياته ، واهتمي بنفسك مثل ما أنت عليه أو أكثر
وراح تسيييير حياتك إن شالله

اشغلي نفسك بأطفالك وتطوير نفسك وقوي علاقتك بربك والخير قداااامك بإذن الله

أما الأخوات اللي ردوا وأشاروا بآراء غير مسددة

فأقول :

اتقوا الله عزوجل ، هذا شرع ، ومن كره شرع الله فقد كفر ، طبعا النساء تكره هذا الأمر بالفطرة
لكن فرق بين الكراهة الفطرية وبين محاربة شعائر الله ، وإن أخطأ الرجل وجار فهذا الأمر بينه وبين الله ، ومحاربتك لن تقيم العدل

المرأة الآن بحاجة لمن يهدئها لامن يزييييييد ألمها ومصابها

مشورتك لزوجة المعدد بطلب الطلاق من زوجها لمجرد الزواج
أمر لايجوز لك شرعا لحديث ( أيما امرأة سألت زوجها الطلاق من غير ما بأس فحرام عليها رائحة الجنة ) !!!!
ولاتقولين هي يلحقها بأس وضرر ؛ لأنها إلى الآن ماعاشت مع زوجها وهو داخل بزوجته ولحقها ضرر غير محتمل

لو لم يكن الأمر حرام ، فحطي في بالك أن هذا الرأي مايناسب الجميع ممكن يناسب مايناسب غيرك إما قلبها ضعيف ع عيالها ، أو وضعها في بيت أهلها صعب أو غييييره


عشان كذا أي وحدة قبل ماتحط ردها ،، تتقي الله فيما تكتب وفي طالبة الاستشارة أن تضرها بدل أن تنفعها خاصة وأن كثير ممن يكتبن المشاكل تشعر أنها غريقة فتأخذ بأقوى الحلول بدون ماتنظر هو صحيح ؟ مناسب ؟ ولا لأ

أصلح الله حالك أختي طالبة الاستشارة
وربط على قلبك وقربك من زوجك

وأصلح بيوت المسلمين وجعل السعادة شعارا لها


 
جربي تهديده انج تتركينه مثلي عليه انج طالعه من البيت
 
السلام عليكم

أختي إن الله إذا أحب عبداً ابتلاه

لربما هو ابتلاء لك من الله ولربما زوجك على حق فما ذكرته عنه أنه رجل جيد المعاملة معك

وأن أخبرك ولم يمشي خلف الستار .

طبعا لست مؤيدة له أبداً ولكن بما أن الأمر وقع فعليك بالاستعانة بالله واللجوء له وأكثري من الدعاء لك ولزوجك واثقلي عليه من تكاليف الحياة لك وللاولاد لربما شعر أنه غير قادر على فتح بيتين
وزيدي عليه من مسؤوليات الأولاد أشغليه بنفسك وبهم علها طريقة ليعود
ولكن حذاري من اسلوب التطفيش ابقي لطيفة ودودة معه حتى يبقى محبا للعودة إليك ولا يجد في بيتها المهرب من بيتك

مع تحياتي ....
 
الله يفرج لك ويرد لك زوجك ردا جميلا وماتدرين يمكن خيره
 
دام انه تزوجها خلاص

ليش الدعوى؟؟؟

صار اللي صار

الله يعينج على ما ابتلاج
 
ياربي هذول الرجال يكرهوا الوحدة في الزواج
استغفر الله العظيم
يعني الوحدة تتعب وتجي على نفسها وتخدم بيتها وعيالها
عشان ما يتزوج عليها, يقوم يتزوج حتى وهي مو مقصرة؟؟؟
الله يكتب لك الخير اختي في كل خطوة
ويرجع لك زوجك لك لوحدك والله يكرهه في جميع النساء الا انتي
 
شوفي انا بانصحك نصيحة لوجه الله اذا زوجك فعلا يحبك رايح يرجع لك لان مافي رجال يقدر ينسى عشرة ثمان سنوات من عمره و مستحيل ينسى اول بنت في حياته وانا وانتي فاهمه شاقصد وانتي تقولين انه حنون والرجال عمره ماينسى المواقف اللي بينكم فحاولي انك تذكرينه بالمواقف هذي بس بطريقة حنونه او هادية وبيني انك محتاجة لوجودة معاك وهو وسط عياله ... واذا على العنوسة فهناك مليون حل لهم اولهم لهم رب اسمه كريم واعتقد ان يقدر يساعد اي شاب محتاج خاصة في الظروف الصعبة اللي يعشونها الشباب هذي للايام والله يسر لك امورك انشاء الله .
 
الحالة
مغلق و غير مفتوح للمزيد من الردود.
عودة
أعلى أسفل