معلومات بروتكول
زوجي الحنون وزواجه علي
يابنات ادعولي واسوني زوجي الحنون الطيب تزوج علي والله اني اكتب وانا ماني مصدقه والله احس اني بحلم زوجي اللي احبه وموت ويحبني والناس كلها تحسدني عليه ويحسدونا على حياتنا اه منك يازوجي الحبيب جرحتني جرح ميق لي اسبوع من قلي لاليلي ليل ولانهاري نهار دايما يلمح لي ان التعدد فيه خير وانه حل للعنوسه يابنات حامل هم اي وحده انس والا ارمله والا مطلقه في العالم يقولي احس بمسؤليه تجاه ذول البنات طيب وش دخلك لهم رب يتكفل فيهم صعقني ماني مصدقه بذكرى زواجنا الثامنه وانا بعز الحمل والوحام اه يازوجي الحنون شكرا قالي تراني ملكت على وحده اكبر منك باثنعش سنه واكبر مني بخمس سنوات انا من الفجعه مانزلت دمعه من عيني ليه ليييييه قولي ليه عشان انقذها من العونسه تنقذها وتسعدها وتشقيني وتجرحني والمشكله يقولي انه ماغلطت عليك ولا اهنتك لانك الاولى والاخيره وذيك بس رافه لها رحمه عليها اهلي دروا وقاموا يدعون عليه ويسبونه وانه ما يستاهلك والله يابنات بشاهدة الكل وبشهادته خصوصا اني ما قصرت بشي جايبه اطفال ورا بعض وجسمي ماتغي واهتم بنفسي وبعيالي وهو سعيد ومبسوط معاي طيب ليش يسوي فيني كذا اهلي يقولون تعالي مايستاهلك طيب وعيالي المساكين وش ذنبهم بنتي اول سنه تدرس ماابي نفسيتها تتعب والله يابنات ان الكل متفاجا معقوله يصير لنا كذا لكن الحمد الله على كل حال والمؤمن مبتلا لكن عزاي يابنات ان الزواج مايتم لانه ماعنده فلوس ياثث الشقه انا دعي وامي تدعي وامه تدعي وانتم لاتنسوني من الدعاء
اسم الموضوع : زوجي الحنون وزواجه علي
|
المصدر : الأستشارات الزوجية العامة