زوجي الحبيب يخونني ...انتظر ردودكم على احر من الجمر

ما فهمت وضحي اكثر
والله جالسه ادعيلك ويدي على قلبي
 
شالسالفه تراضيتو حسستيه بغلطه يالله بسرعه عشان ألووووووووووولش
 
اللي فهمتهـ من رسالتهـ

إنهـ يقول إنتي تددقي على كل شي ,, وتركتي حسناتي

كأنهـ يقول قاعدهـ تدوري الزلهـ

والله هذا اللي حسيت فيهـ يوم قريت الرسالهـ

الله يصلح حالكم ,, ويهدي زوجك

أنا أقول ليش ما تشتري بلاك بيري و تصيري 24 ساعهـ عليهـ لما يحس إنهـ غلطان

لأن قد ما شرحتي ليهـ ما راح يحس فيك,,

موفقهـ يا قلبي
 
اختى الله يعينك ويصبرك ادعى الله ان يوفقكى للخير وييحببه فى الحلام ويكره له الحرام والله الموفق
 
حبيبتي ام لمووويه
قريت موضوعك حبيتي وفهمت منك انها بدايه يعني الحل سهل الطناااااش مايفيد الرجل يحب المراءه تهتم فيه داااااايم ودلعه خلاص لامحااااال مكتوب علينا كذا يعني قد ما تعطينه هو يعطيك

المهم اعتبر المووضوع مو خيانه لالالا تقدرين انتي وبطرق سياسيه كثيره تخلينه يلتفت لك وينسى المووضوع بالمرره
ممكن انتي التفتي للبلاك ونسيتي الايميل حقه والمسجات هل اطلعتي عليهاا من قبل ولا بس مجرد طق طق على البلاك قلتي خاين

والرجل الخربان ينعرف من اول لييله
حبيبتي هدي وكل الامور راح تنحل وصدقيني فتره وبتعدي عليييييييه

ورجعي الحنان الي انتي قطعتيه منه يعني والمراء السياسيه هي المراء الناجحه بالحياه وانصحك لو جلستي تتدققين بكل صغيره وكبيره على زوجك بتموتييييين

واتمني اني افتك بشي
 
مدام فلمبان صادقة والله حلها جميييييييييييييييييييل جدا
ماقدرتي ترمينه من الشباك ارميه بالمرحاض الافرنجي وسكري علية وان شاء الله ما يكتشفه الاهو
اما لو ضمنتي انه ما بيخرب في الماي حاولي ترمينه بعييييييييييييييييد ينكسر ولا تجي له اي مصيبه


اه يالرجال

متى اشوف واحد صاحي متى
 
حلوة متى اشوف واحد صاحي هههههههههههههههههههه

انا قلت لكم لي عوده وراح اسوي اللي قالته لي ام خلودي يعطيكم الف عافيه كلكم وماقصرتوا
 
حبيبتي لاعاد تمسكين جواله نهائيا والله العظيم وعن تجربه الزوج اذا شاف زوجته اتغاضت عن الشي اللي يسويه غلط يستحي على نفسه






مع احترامي لرائيك لكن بنفس الوقت ممكن واحيان كثيره اكيد يتمادى ويتعمق اكثر ويعاند اكثر وبعدها ااذا قدرتي ترديه او يكون لك كلمة
 
فكريلك بطريقة تشيلي فيها البلاك بيري وتطيريه قبل لايتعمق اكثر في العلاقات وتحلو بعينة الشغلة
 
اشكر الجميع واخص ام خلودي بالذكر الف شكر على كلامك الجميل اللي فعلا انتج شي جميل انتي قلتي لي كلمه يمكن هي اللي خلتني اهدا كثير على زوجي والكلمه اللي قلتيها كان زوجي دائما يرددها علي بس سبحان الله ما تاثرت فيها قد ماتاثرت فيها منك الا وهي ( هذا زوجك مو عدوك ) زوجي كان يقول نفس الكلمه في اي خلاف صغير او كبير ( انا زوجك مو عدوك سترك وغطاك ) المهم استجمعت قواي البارح على اساس اسوي مثل ماقلتي طبعا انتظرته لين جاء من العمل ( الاستقبال هنا كان رسمي جدا بحكم ان امه واهله موجودين ) المهم طلع يسبح ويبدل انا هنا قمت ولحقته وطلعت وراه بنات ماتصدقون كيف استقبل دخلتي عليه بابتسامه عريضه جدا كلها فرح قال انتي جايه وراي ولاحقتني وعلشاني انا لا ماني مصدق كم لي من هالحركه 5 شهور ( انا فعلا من جاتني امه تخيلوا 5 شهور مالحقته ولا مره اولا انحرج ثانيا لان اهله مايرضون يتغدون الا لمن يجي وتخيلوا زوجي مايجي الا في حدود 5 يعني ينتظرونه على نار اكيد وجوعانين انا اثناء مايسبح ويبدل اكون جهزت السفره من والى بس تخيلوا اطلع وراه طبيعي جدا بنتاخر فوق) المهم قلت له انت تدري ليه قال ولو انا زوجك من حقي تطلعين وراي ومو عيب والله مو عيب واتحدى احد يقولك ليه طلعتي وراه قلت له طيب تعال ابيك مسكته من يدينه ( بالامس ماكان احد ينتظره غديتهم بدري بحجة ان زوجي بيطلع متاخر وفعلا طلع متاخر) وسحبته يم السرير وجلسته بس مارضى يجلس حط راسه على رجولي وقال يااااااااااااه كم لي منك ومن هالقعدات الحلوة 5 شهور يا ظالمه قلت له ويش تبيني اسوي انت تدري بالظروف ولا تبيني اسوي شي قدام امك تدري اني ما اقدر اسويها قال ادري ويالله هانت مابقى شي وتروح امي بس تدرين جيتك هذه وطلعتك وراي اثرت فيني كثير فعلا انا مبسوط تراني احبك واموت فيك .............. الخ الخ ......واخلاقك وتعاملك وطيبة قلبك كوم وتعاملك مع بناتي كوم ثاني يكفي انه بين انك انسانه رائعه يوم رحتي لاهلك كم يوم والله بناتي شالوا الدنيا وحطوها وين امي وين امي ( (طبعا هو مستغرب ليه لان بناته من جاوني والله يا بنات عمرهم ماقالوا وين امي اللي هي امهم اللي ولدت فيهم من جاوني الى اليوم هذا انا نفسي ما اتخيل بنتي بعمر 2 سنه او 4 سنين وما تسال عني طبيعي بتتعلق فيني لان في هالعمر مالها احد غيري كان مت والله المهم اللي صار انا قلتلهم ينادوني امهم قلت هذيك ماما وانا بعد ماما ماحبيتهم يقولون لي عمه او خاله الكلمه هذه ما احبها احس راعيتها شرسه بالذات اذا كانت مرت اب المهم تقبلوا الموضوع وماكان عندهم اي خلاف وفعلا مشت الايام وتعلقوا فيني وانا بصراحه تعلقت فيهم المهم رحت لاهلي وازعجوا ابوهم وين امي وين امي سكتهم بانه قال راحت المستشفى سنها يعورها) ) قلت لهم ماما في المستشفى بتجي بكره ...... انا هنا دوروا لي ماتلقوني تاثرت من كلامه كثير كنت اتمنى اسمع منه اي كلمه تريحني تحديدا من ناحية بناته ماكان يتكلم ابدا بس يوم قالها انا هنا انتهيت تاثرت بكيت من قلبي قام يسكت فيني ويش فيك خلاص حبيبتي قطعتي قلبي المهم هدا فيني الين هديت قال لاتظنين انك رخيصه عندي وحياتك غاليه جدا بشكل ماتتصورينه وهالدموع لا اشوفها مره ثانيه تراها تذبحني حاولت اهدي نفسي وهديت قلت له لا تضيع الموضوع انا جايبتك هنا ابي اتكلم معاك قال امري قلت ما دام اني غاليه عليك وتحبني لهالدرجه ليش الخيانه ليش تخوني قال خياااااااااااااااااااااااااااانه الله واكبر انا اخونك انتي مستحيل حبيبتي شنو هي معايير الخيانه عندك هل لاني رديت على وحده وقلت لها من انتي وويش تبين هذه خيانه هل اذا قطيت كلمه على وحده هذه خيانه ريحي نفسك انا انسان تراني اخاف على نفسي وعلى بيتي ولاتنسين انا عندي بنات واخاف عليهم من الهوى الطاير واللي انا مقتنع فيه انه من دق باب الناس دقوا بابه هل في بالك لو اشوف وحده مشخلعه ونادتني بركض لها مستحيل وريحي نفسك قبل لا انظر لك تراني انظر لرب العالمين قلت ماجاني الشك من فراغ اولا كنت تطقطق وكانك مراهق وانت ماكنت كذا طبيعي جدا بشك كل ما دخلت عليك الا وانت ماسك هالجوال يا تضحك يا تطقطق قال ما انكر انا انشديت له في البدايه شي جديد وحبيت استكشفه وسمي اللي كنت فيه حب استطلاع مو خيانه ولالن مليت والله والله الان انا مجرد متفرج وعلشان اريحك وتخلين الوسوسه منك والشك بفتح الجوال وكوني مثلي متفرجه فقط والله ما ارد على بشر ويش تبين اكثر من كذا اذا في خاطرك شي قوليه باقي شي في خاطرك قلت له لا ( بيني وبينكم الجوال فيه لسته ضمنهم 3 حريم الله ياخذهم والاكيد ان كلامهم يكلمون قروب يعني جماعه يعني ماخصوا زوجي بس لكن الصورة مو صورة قروب صورة حرمه ونك حرمه بس الكلام جماعي واشوف الدردشه من والى مافيها اي رد لزوجي بس مقهوره لوجود هالصور وفي نفس الوقت احترمت الحوار والنقاش اللي صار والثقه اللي عطاني اياها بفتحه الجوال وهذه قاهرتني مادري ويش اسوي وكان ضمن كلامه انتي يا تهتمين فيني لابعد درجه لدرجة اني ما اقدر افر يمين ولا يسار او انك تسحبين نفسك وتقولين ماعدت تهمني خليك وسط ومعتدله ) قال اوكي حبيبتي لاعاد تضايقين نفسك ولا تخلين الشك يلعب فيك قلت له ماجاني الشك من فراغ كان نتيجه لتغيرك وافعالك وغير كذا اللي قريته قال المهم حنا الان تناقشنا ووضحنا الصورة باقي شي في خاطرك قلت لا قال اوكي كلها كم يوم وامي بتروح جهزي نفسك عندي لك مفاجاه قلت شنو هي المفاجاه قال اذا قلت ماراح تكون مفاجاه قلت لا لا بجد شنو هي المفاجاه قال ابد انا لي كم يوم ارتب على سفره نقضي فيها ايام حلوة وتكون لنا سفره استجماميه محتاجه انتي فتره نقاهه ضميته من كل قلبي وكأن لي سنين ماضميته ...............الخ الخ الخ الخ بعدها نزلت احط له اكل وحطيته واكل راح يغسل في المطبخ اللاب توب حقي في المطبخ ونسيته على الصفحه المذكورة سابقا وقراها زوجي طبعا بيني وبينكم رغم ان زوجي مهندس الا انه ماعنده خلفيه كثير عن النت المهم جيته واطير له قلت له قريت قال ايه قريت قمت اضحك اضحك اضحك قلت ليه تقرا هذه فيها نوعا ما من الخصوصيه قال شكلي بشيل الكمبيوتر انتي قاعده مع حريم بيخربونك تقولك اهلكيه بالروحه وبالجيه والثانيه تقول تفوا ضحكت عليه قلت انا مو بزر يبقى تبقى لي شخصيتي الطبيعي باخذ الافكار الايجابيه والسلبيه بخليها وهذا منتدى نسائي بحت جميل جدا وكم من وحده لقت لها حلول لمشاكلها وبيوت ياما انسترت من ورى هالمنتدى مو علشان شي بس لانه فيه ناس كثير عقلاء وكلامهم جميل جدا يميل للايجابي اكثر من السلبي ويبقى لكل شخص شخصيته وكيف يتعامل مع اي شي في النت قال الله يستر ضحك وعطاني ظهره وراح


هذا تفصيل شبه ممل للي صار كتبته لاني وعدتكم باني راح اكتب شنو راح يصير بالتفصيل اشكركم من جديد واخص من جديد ام خلودي

تصدقون من خلاه مفتوح ماجاني الفضول اروح لجواله واشيك سبحان الله ياالبني ادم عجيب غريب

ولكم ودي ومحبتي وشكرا الف لكل من تفاعل اتمنى تجربتي هذه تفيد احد او تساعد على حل مشكلة احد تراني ماكنت والله متوقعه اي شي من اللي صار بالعكس طلعت وراه وانا فيني حره وتوقعت النقاش بينتهي للا شي
 
رغم كل اللي دار بيني وبين زوجي الحبيب وووو لا تستبعدون احرق ام ام جابته هالجوال
ولامن شاف ولامن دري
 
الف شكر يا اخت احترت وياك ويخليك لزوجك ويخليه لك ان كنتي متزوجه
 
[والله مدري حبيبتي وش نهايتنا مع هالرجاجيل نسأل الله العافيه شكل نهايتنا مستشفى الامراض النفسيه مافيهم واحد الا وفيه عيب لكن اسأل الله انه يكتب لك الاجر في تربتك لبناته COLOR="Red"][/COLOR]
 
حلوة الامراض النفسيه من جد ماعرفنالهم تعبنا نبي نرضيهم
 
ياحياتي ماتصدقين شكثر استانست لج
خفت يوم طولتي علينا قعدت اوسوس
فديتج الله يفرحكم ولا يخرب عليكم انتي زيي متهوره هههههههههههههه
اذا عصبتي ماتعرفين احد
بس دايم اذا صار لك مشاكل انتي بادري وبتشوفين اثرها بعدين
ماادري مب قادره اعبر من كثر الفرحه بوزي بينشق هههههههه
الله يسعدك ويجمعكم بالجنه مثل ما جمعكم بالدنيا
مع خالص حبي (ام خللودي)





















دقيقه ما لولشت للللللللللللللللللللللللللللللللللللووووووووووووووووووووووووووش
ألف مبرووووووووووووك
 
الله يسعد قلبك ويحفظك
انا ضحكت لمن قرا زوجي اللي كتبتيه اللسته اللي فيها الكلام الحلو اللي ارسلتيه لزوجك قال زوجي شكل ذي لازقه لزوجها بشكل رهيب ومدهره رسايل الله كل هذه رسايل ولا تبيك ترسلينها لي ياحبيبي بس ترى بصيدك لانه مو اسلوبك قعدت اضحك قلت حرام عليك حرقت علي باليالله لقيت كلام حلو وجاهز بس انسخ وارسله لك ترى مالك داعي قال هذا ربي مايصح الا الصحيح

مبسوطه صراحه بمعرفتك يا ام خلودي واتشرف صراحه مشكوره يا قلبي
 
فيه ناس علقوا على النت وعلى الفيس بوك وخلافه انا سبق وقلت كل وحده تعرف زوجها سبق وقلت زوجي رجل عملي انا زوجي واضح بالنسبه لي وضوح الشمس كل ايميلاته اعرف ارقامها وافتحها من وقت للثاني مو للتشييك لا والله بس عنده ايميلات حلوة واحب اشوف الجديد عنده وهو اللي عطاني الارقام لانه عارف نفسه وعلي فكره والله اني افتحها اكثر منه واغلب الايميلات انا اللي افتحها مو هو اما الفيس بوك مايعرفه ابدا قلت لكم ترى ماعنده خلفيه كثير عن النت رجل عملي بمعنى الكلمه واذا قعد على النت قعد على ايميلات العمل يقرا ويرد انا مو غبيه انا طالبه جامعيه تخصصي انجليزي اخر سنه وافهم في الكمبيوتر والنت اكثر من زوجي انا جربته قبل طلع فعلا ماعنده خلفيه على العموم الحياه حلوة ولازم نعيشها بحلاوتها وبحلاوتها جاني النوم تصبحون على حب باي
بتقولون ليه سهرانه الى الان راح اقول لكم انا عندي اهل زوجي موجودين مو شخص ولا اثنين الله يعيني عليهم 5 شهور والله كانها 5 سنين بايات
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل