زوجي الحبيب يخونني ...انتظر ردودكم على احر من الجمر

الله يهديه ويرجعه مثل اول واحسن
 
انا جاتني فكره جهنميه بالله قولوا لي ويش رايكم فيها
فكرت ومسويتها مسويتها فكرت اخذ جواله مثلا وهو نايم وانقعه في مويه وهو مفتوح وبشريخته
الين يطفى يعني احممه في حدود 5 دقايق وبعدها انشفه بالاستشوار وارجعه مكانه ولا من شاف
ولا من دري تهقون بتنجح خطتي تكفون قولوا لي اللي مجربه تقول
 
امممممم
المشكله في البن
يعني ممكن ياخذ الجوال ويصلحه ويرجعون هم يسووله اضاافه
وممكن لا مايضيفونه وتفتكيين
يعني احتمال تضبط واحتمال لا
بس الله يوفقك ​
 
الله يكون بعونك ويصرف عن زوجك بنات الحرام وفكرتك حلوة جربيها
 
أنا برأيي بما انك طلعتي عند أهلك و خلاص ، لا ترجعين كذا ببساطة على البيت، لانه بعد كذا بيستهين في زعلك و كل ما زعلتي بيصير يعايرك و يقولك روحي عند أهلك لانه عارف انك بترجعين من نفسك، أحسن شي في وضعك انك تقولين انه يحبك و يموت فيك و انك مهتمة في بناته كانهم بناتك، بالاضافة الى انه عارف انه غلطان، يعني كل هالأمور بتشكل ضغط عليه، صدقيني هو ما بيتحمل بعدك و بيطلب منك الرجعة و ساعتها بينيله انه اللي يسويه مصيبة كبيرة و انه زعلك كبير جدا من هالموضوع و انها خيانة و انه لازم يبيع الجهاز و أي جهاز يشتريه بعد كذا لازم يكون مفتوح قدامك، صدقيني بغير كذا ما راح ينعدل

أما حركات انك تخبي الموبايل أو انك تحطيه في موية صدقيني ما بتنفع لانه بيشتري جهاز جديد و بيضيف عنده بنات لانه بالنسبة له هذا موضوع جديد عليه و متلهف عليه و مب حاس بغلطه
 
انا حطيت نفسي مكانك لازم اواجهه بقوة واهدده حتى بكسر الجوال

واللي يصير يصير اذا مافاد معه كلمي احد يتفاهم معه وقوليلهم ياانا يالجوال

ونفسي تسوين شغلة تاخذين موية وتصبينها بشويش عالجهاز حتى ينتهي قدامك

لكن المشكلة اذا غير الجهاز واستمر

فمالك الا الدعاء الدعاء

وعلى قولة فوزية الدريع الايام هذي الرجل اللي مايخون غير طبيعي صار العكس

انت مازال فيه امل للتعديل لأنه طاح في شي جديد عليه وعجبه ادعي الله يكرهه في هذي الطريق

انا اقول لو انك لما رحتي لأهلك مارجعت الا بشرط انه يبطل الشي هذا او تخبرين اهلك

وكانت هذي الخطوة المهمة لكن الان هو متأكد ماراح تعلمين عليه وساكتة عليه

باختصار تهديد ومواجهة ثانية مانفع خبري اهله مانفع خبري اهلك هذا اذا مالقيتي استجابة منه لتهديدك
ويارب يارب يارب اهدي ازواجنا جميعا وسخرهم لنا وكرهم في طريق الفساد

وابعد عنهم اولاد وبنات الحرام اللهم انا نستودعك ابصارهم وقلوبهم واياديهم وفروجهم يامن لاتضيع ودائعك
 
يا أختي جربت اكثر منك ومرت علي علاقاته اكثر من محادثة بلاك بيري وصلت وجلت وتعبت نفسيتي وصرت مثلك واكثر من الهم اكلم نفسي صدقيني مانفع الا التوكل على الله واطلبي حاجتك منه وليس من الخلق فهو يملك قلوبنا اجمعين عليك بكثرة الاستغفار وقيام الليل جاهدي نفسك والله تتلذذين بطاعة الله واطلبية سبحانة خاصة في السجود مايبخل عنك بشيء ولايحرمك من شيء الا وفيه مصلحتك ومادام نشئته صالحه بأذن الله يرجع لاوله ولكن عليك الالحاح بالدعاء خاصه اوقات الاجابه واستمتعي بحياتك لاتتركي متعة حلال تسليك الا سويها مثل حديقة او زيارة صديقة لاتتركيها علشانه لا فقط من اجل الله وخليك حليمه ووسعة صدر ولاتكثري الكلام معه الا للحاجة ودايم مبتسمه وصدقيني يجي هذا الشي بكثرة ذكر الله وحسن التوكل عليه وليس على الخلق اشكي كل مشاكلك وهمومك لله وحده حتى بدون صلاة اجلسي بغرفة لحالك وتكلمي له كأنك تكلمين احد قدامك مافيه غيرة عنده حاجتك كلها والله يهديك لطاعته وزوجك انه على ذلك قدير
 
الله يعين ويجزاكم خير وسالفة رجعتي من عند اهلي ابوي رجعني لانها اول زعله لي وهذا شي متعارف فيه عندنا الزعله الاولى الاب يرجع بنته لو هي مذبوحه المهم يوم طلبته يوديني بيت اهلي ووداني قال لابوي شوف فلانه تكلم معاها وشوف ويش في خاطرها شكلها محتاجه تتكلم معاها طبعا هو يقول كذا لانه متاكد اني ماراح اقول ولا اعلم المهم ابوي سالني اكثر من مره قلت له انا مو زعلانه انا جايه بس اشوفكم ومر كذا يوم ابوي مو مقتنع بقعدتي وحس من كلام زوجي ان في خاطري شي وشافها ابوي لي كبيره اني ماعلمته بشي واني ابي احل اموري بنفسي طبعا ابوي ماضغط علي وقال بتقولين لي والا ترى انا برجعك لاتنسين عندك حرمه كبيره في البيت وعندك بناته فيه شي قولي لي مافي شي برجعك قلت اللي تشوفه وعلى هالاساس رجعت وقررت من يومها اشوف لي حل وكان حلي باني اسحب عليه واعطيه حقوقه بصمت وابتسامه قاتله والله يعيني ومن ناحيه الاستحمام محممته محممته الله لايعوق بشر
 
ههههههه ايوا هو دا كيد النساء
انا معاك بحركة الاستحمام بس اهم شيء خلي المويا تدخل جوااا بنفس الجهاز
.
.


وحده من صحباتي حاطه لجوالها رمز قفل وعيال اخواتها حاولو يفتحوه وخلصو المحاولات اللي هيا 10 محاولات وبعدين الببي بي قفل لوحده وسوا فرمته من نفسه بس مارجع اشتغل
رجعته للمحل وسوالها فرمته
وانا كنت ضايفته بجهازي البلاك بيري وطلع انها حاذفتني وطلبت مني ارجع اضيفها
واضفتها

المهم بعدها بكم طاح جوالها بالمويا ولالالالالالالالالارجع اشتغل ابدن ابدن حتى المهندس ماقدر يصلحه
لانه قبل كم يوم مسويله فرمته
وقالها جهازك ماينفع لو بريال وطبعا لستتها مايدرون ان جوالها خرب لان ماطلع انهم حاذفتهم

. . . . .

وعموما من رايي الشخصي مافي احسن من المواجهه واجهيه بس بروقاااااااااااان
وقوليلي لاتنسى ان عندك بنات :) ! !
 
انتظروني بس
في اقرب فرصه بتمم المهمه وبعلمكم ويش بيصير
 
انا نفسي ماكنت اظن اني بسوي كذا بس كيد النساء كيد عظيم والانثى اذا انجرحت تقلب وحش وعلي وعلى اعدائي بس برواقه وبحكمه بحيث انه مايمسك علي شي والحين انا مسويه معاه اني نسيت كل شي ووضعي عادي معه بس بشوية ثقل اكثر من اول وهذه جتني غصب لاني فعلا مجروحه لكن المسكين مايدري ويش في النيه
 
حسبنا الله على هالرجال اللي ما يجي منهم الا وجع القلب

اتفو عليهم وعلى بلاويهم

عيشي حياتك وكوني مرحة مو عشانه وانما عشانك انتي

وكل عمل سويه لوجه ربك وخليه مصيره يرجع مذلول

لانك انتي بجنبك الله تعالى اما هو جنبه الشيطان يغويه ويغريه ببنات الحرام

الله ينصرك والله على كل خاين
 
ممكن واحتمال يرجع يشتغل

حلال عليكي تخربيه لانه محاربة لمنكر زوجك متمادي فيه

اسمعي افتحي الموبايل واذا شفتي صفيحة خضراء صغيرة بيكون عليها مثل نقط نحاسية واسلاك رفيعة

خربي كم نقطة وكم سلك وانقعيه بالماي ان شاء الله تحطين فيها مبيض حتى

والله ينصرك اختي
 
أختي لا تتسرعين في قرارك , وتأكدي مليون مرة قبل ما تقدمين على أي خطوة إنه فعلاً يكلم بنات وتأكدي إنه ها العلاقات فعلا علاقة تقلقين منها لأن بعض الرجال والبنات حتى تكون لهم علاقات نتيه او بي بي وتكون سطحية جداً .. يعني البعض يكون عنده بنات كثير مو معقوله انه على علاقة شخصية فيهم كلهم طبعاً انا ما أبرر ها الشيء ولكن يعتبر أهون من علاقة غرامية ..




المحصلة نصيحتي لك , إستشيري مستشار مختص واشرحي له او لها الموضوع كامل وضروفك كاملة وبناء علية يعطيك حل أفضل , اعط الخباز خبزك لو اكل نصه
هنا تجارب صحيح بس ممكن وحدة دخلت في تجربة مريرة غير عنك تماما وتتأثرين برأيها وتتدمر حياتك خصوصاً ان الكتابة هنا ما تعطي صورة شمولية واضحة

تحياتي لك واتمنى لك السعادة
 
ياام لمويه يعلم الله اني ماسجلت الا عشانك

اختي في الله قريت كلام الأخوات فبعضه يتسم بالطيش والتهور

اختي حبيبتي نصيحه لوجه الله
ايش تخربين الجوال وتكبين عليه مويه ماادري تغرقيه المشكله ما انحلت
ممكن يروح
للنت وطرق اخرى
انتي كذا زدتي المشكله ماحليتيها
انا عن تجربه الرجال اذا عاندتيه وكسرتي الجوال او غرقتيه وسويتي اللي براسك حتى هو بيزيد ويسوي اللي براسه
تراه كبير ورجال وعاقل وبيفهمها وهي طايره لما يشوف الجهاز عطلان
تراه زوجك مب عدوك خذيه بالكلام الزين وبحنانك وطيبك تكسري الصخر وتذوبيه وتحسسسسينه بكبر غلطه وانك مهما غلط تنبهيه وتذكرينه مافي حد كامل حتى اذا انتي غلطتي ينبهك ويعلمك كلميه ليش يسوي هالشي وانتي شمقصره بحقه ذكريه ان اللي يسويه حرام وانك تحبيه مهما سوا او غلط فهو زوجك وابو عيالك
كلميه لازم تواجهيه قبل لاتزيد المشكله عن حدها الله يهون عليك ويفرج لك انتظرك بفارغ الصبر طمنيني عليك
 
الخيانة والعياذ بالله صايرة منتشرة بشكل كبير مثل النمل والجراد والصراصير والقمل >> يناسب التشبيه
الله يعين بس
حاولي تغيري من أسلوب تعاملج مع زوجج وتتحسنين للأفضل
تعلمي من قصص الزوجات اللي تلاقينها بالمنتدى عن الزوجات اللي أزواجهم يخونوهم أو تزوجو عليهم وكيف تغيرو ورجعو أزواحهم لهم
الله يسخر زوجج لج ويهديه
 
لام تقولي انتي عايشه حياتك بسعاده وزوجك غير عن زوجي والله ان زوجي ابلا وخلاق للمشاكل يدور المشاكل في كل شي حتى لو تكلمت يقول لي ليش تتكلمين كذا ليش تلبسين ولدي كذا ليش تاكلين كذا ليش قاصه شعر ولدي كذا كل شي مب عاجبه بس ياحبيبتي الوحده مب تروح بيت اهلها وتطلب الطلاق هذا مب حل اقعدي معاه تفاهمي معاه بالطيب وبعاطفة المرأه تكسبينه اذا قالي ليش وماليش اقوله يسلم راسك ياابو خالد ماطلبت حقك واقل من حقك احين اللي تبيه يصير ومع الأيام
كبرت بعينه وصار يدلعني آخر دلع ومايرد لي طلب بس انتي وكل وحده تعرف كيف تكسب زوجها الله يفرح قلبك ويفرج همك
 
الله يهدي زوجك ويسخره
الرجال صاروا يركضون وراء الشيطان ويغويهم
اطلب له الهدايه
وربي يسخر زوجك وزوجي وزوج المسلمات ويبعدهم عن الحرام
 
غاليتي...مادام انه جديد على هالحركه فخوفيه بالله....وببناته...

من يزني بغير بيته بدرهم........يزنى ببيته بغير الدرهم...

صدقيني....الانفعال الزائد خطأ وكذلك البرود القاتل أيضا خطأ...نحن امة الوسط...لااا إفرااااط ولاتفريط...

لاتجعليه كالجدار ليس له وجود...ولاتهجريه فيتعود منك الصدوود...ولكن...أخجليه بحكمتك...وأحرجيه بحنكتك..ولاتجعلي نفسك رخيصه فتقرينها بجهاز...بل أنت دائما بيني له انك واثقه انك الوحيده بقلبه..هي تجربه يريد ان يخوضها فلا تتركيه يغرق فيها...

خاالص دعائي لك غاليتي بالتوفيق والسداد​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل