راح أقولكم ,, قصة زواجه,,
لكن لاتتعجبون ولا تستغربون..
مابيننا شيء أبدآ.. كان يهتم فيني كثير.. بعد ماأنجبت طفلتي البكريه..
صارت كل حياتنا..لكن أهله ماحبوني بسبب الغيره من كثرهم أخته اللي أكبر منه.. يسمع لها كثييير..(أرمله)
كانت دايم تقط حكي يمين يسار.. بنتي ماشاء الله جميله جدا.. أحلف لكم إنها دايم تعلق على شكلها وهي لساتها بيبي بالشهور.. وبسم الله على بنتي مافيها شيء يتعيب.. وبلعتها وصار كلامها عادي عندي لايودي ولا يجيب..
حملت على طول بعد بنتي.. وبشهور حملي الأخيره كشفت عند الطبيبه وقالت بنت.. وثاني مره بنت..
حطني زوجي ببيتي وراح لأهله ورجع ووجهه متغير.. قلت إيش فيك.. قال أنا ألقاها منك ولا من أهلي,, قلت لاتكون زعلان إن اللي ببطني بنت,, ترا هذا عطاء ربك وإذا أعطى مايشاورك ولا يشاورني,, إحمد ربك غيرك ماعنده نص طفل..
وتركني ,, وكان هذا في رمضان.. جاني يوم يقول لي.. أنا معزوم عند واحد من أخويياي على الفطره ولا تستنيني.. وأنا الحين طالع لصلاة العصر بتأخر في المسجد لحدة آذان المغرب.. يمكن أجيك بعد التراويح..
وجاني الرجاال عادي مافيه أي مشكله.. جاتني ولاده مبكره بنهاية الثامن.. والدكتوره مقرره لي عمليه.. جبت بطبيعي ولد.. عكس كلام الدكاتره..(حكمه من ربي)
طبعا ولد.. لازم الرجل يفرح .. شفت فرحته ناااقصه والله نااقصه,, ماأدري ليش؟؟
قال لي لما شافني.. مبروك الولد وأنا إشتريت لك طقمين ذهب وإسورتين وخاتم.. هي الحين معي بالسياره.. ياخوفي تنسرق.. قلت له.. ليش تتعب حالك الحمد لله أهم شيء ربي يخلي لنا ولدنا..(كان بالحضانه)
طلعت من المستشفى لأهلي لأن الغرز تاعبتني ماأقدر أتحرك..
أمي كانت مسافره.. وزوجة أبوي عندي.. أشوفها دايم تسأل عن زوجي ليش ماجاك اليوم؟؟ قلت لها يقول مشغوول..
جاني أبوي وين فلان يابنتي.. قلت والله ماأدري.. قال لي.. يابنتي رجالك ينصب(يعني يحب بلهجة أبوي) قلت شلووون؟ قال خلي قلبك هاه (قبض يده) خلي قلبك قوي... أحس الدنيا دارت براسي.. إتصلت عليه.. فلان وش اللي أسمع.. أنا فهمت طش حكي .. إنت خاطب أو متزوج.. قال وش هالكلام هاذا .. قاعد يضحك.. أنا ماعندي غيرك.. قلت والله ماأدري.. طيب ليش ماتجي لي تشوفني مع عيالك.. يقول مشغووول..قلت والله مافي دخان من غير نار.. قال,النار تحرق والدخان يخنق.. قلت حتى لو فكرت تراك والله ماراح تلقى مثلي..مر الأسبوع تمام وزوجة أبوي تقول لي خلاص إرجعي لبيتك.. قلت إنتي إيش قصتك.. قاعده على قلبك..جاء زوجي وأخذني معه للسوق أبغا أشتري فستان يليق بحفلة مولودي..
والله قاعد ياخذ ملابس بالهبل لي.. أقول خلاص يكفي يقول بس تعالي إختاري يناسبك ولا لأ,, وأحلف لكم أنا إنشليت من الموقف أول مره يشتري لي كذا,, ووصلت أغراضي فوق الألف..من عادته ميتين ثلاث ميه..
قلت بنفسي.. يحبني وفرحان بولدنا..
دخلت على زوجة أبوي وقاعده أعرض عندها الأغراض بأكياااس كثيره.. وقالت هي رضاوه..مافهمت الكلمه,, ومشت أموري تمام..
عمل العزيمه ببيت أمه.. حضر ناااس كثيير وصديقات أمي حضروا,,لأول مره فبيت أهله..قلت واحده منهن ,,جينا علشانك.. وأشوف نظرااات شفقه من بعضهن.. وبعضهن نظرات متفحصة..قلت شكلي إحلويت بعيونهن..
رجعت لبيتي ومعي أطفالي.. مرت الليله تمام.. وفي الصباااح طلع زوجي للعمل.. وجااني إتصال من أخوي.. من مدينه ثانيه,, سألني.. فلان متغير عليك؟؟ قلت لا.. قال لي.. طيب تحسينه تغير ولا علاقتكم مثل أول؟؟ قلت عااادي وش فيك تسأل.. قال بس لاتزعليين,, فلااان زوجك ملك على وحده من أقاربه البارح..
قفلت الخط بوجهه إنصدمت,,قلت يمكن يمزح..أستنى إتصاله أستناه يقول أمزح..ماأتصل,, زوجة أبوي جتني لبيتي قاعده تتكلم وتنصح وأنا ماأدري وين أنا,,قلت خلاااااص ماأبغا أسمع صوتك إطلعي برااا... تقول لي.. أخواته زوجوه.. وأنا أقول لك من زمااان,,, وووووو,,,, ماأدري وششش تقووول..
قعدت أتصل على زوجي مقفل جواله .. إتصلت على العمل قالوا غير موجود.. رجعت إتصلت على أهله ردت علي إخت زوجي الكبيره وسألتها.. حقيقه فلااان ملك.. قالت من قال لك كذاا.. قلت هو ملك ولا لا,, قالت ماأدري.. وإذا ملك وش بيصير,,
رجعت أتصل عليه ورد علي قال إيش فيك العيال فيهم شيء.. قلت ياليت...تعااال بس
جاني بعد ماطلعت زوجة أبوي.. وجلس وقعدت أبكي وتمالكت نفسي,, إنت تزوجت قل لي؟؟ إنت ملكت؟؟ قال لااا .. مين اللي يبغى يخرب حياتنا؟؟
قلت طيب إنت خاااطب؟؟ قال بعد سكووووت إييه.. وإنفجرت أبكييي وأصييييح.. ليش يافلاان أنا إيش سويت فيييك؟؟ وتمالكت نفسي قلت قل لي من هي؟؟ قال لي فلااانه(وحده من أقاربه خطبوها أهله له قبل خطبته لي ورفضته تقوول مثل أخووي مستحيل أوافق علييه)
بعدها إنجنيت لما سمعت بإسمها والله حاجه تقهررر,, جت إخته وأخوه الكبير(زوجته تكون أخت ضرتي) وقعدت تقط علي كلاااام يذبححح تخسين إنتي ماتحبين أخونا أكثر منا.. فلانه زوجته مالها غير الله ثم هو(قصدها زوجي) ياالله.. صارت زوجته فلااانه صااارت زوجته..؟؟ قلت حرام عليك تخربين حياتي.. أنتم ليش تكرهوني.. أنا إيش سويت فيكم..قالت لزوجي.. أقول خذها حطها عند أهلها وأعطها ورقتها..قلت حرررام علييييك.. طلع زوجي .. يبغا يطلقني..لكنه على كلااامه ماقدر,,قال نزلت رجولي من السياره عند المحكمه.. لكن ماقدرت,,
وكانت خطبته لها باليوم اللي كذب علي إنه معزووم على الفطره عند واحد من أخويااه..
وكان مايجي لي عند أهلي لأنه كان يجهز شقتها.. واذهب اللي قاله.. أحلف لكم ماشفت منه رضاوه لو خاتم فالصو..
كنت نافس أسبوعين لما صارت كل السوالفف..صارت حياتي بكاء ببكاء.. يتصلوون عليه نااس يباركوون له بخطوبته وانا عنده.. يوزع كروت زواجه وانا معه بالسياره..وجاء الصبح اللي بالليل زواجه.. راح للحلاق وتضبط.. ثوبه الأبيض معلقه قداامي.. راح من عندي ورجع نسى البشت حقه.. قال أعطيني البشت.. قلت فاكر نفسك عريس.. قال ليش ماني عريس؟؟ قلت لأ والله ماشكلك عريس راحت عليك..أخذ بشته.. وطلع وماشفته,, نسى ثوبه.. أرسل واحد من أخويااه.. معلش ياأم فلان أبوفلان يبغا ثوبه نسااه عندك.. قلت ماله ثوب عندي .. الله لايهينه يجي ياخذه.. قال لي مشغوووول,, قلت ماعلي منه وآسفه ماراح أعطيك الثوب..
بعد شوي يتصل علي زوجي ,,ليش ماأعطيتيه الثووب.. أنا الحين أرسل أخوي الصغير ياخذه.. جاني وقال أبغا الثوب,, عطيته الثووب وقلت قول له.. لاينسااني..وقعدت أبكي.. وأخوه بكى من بكائي..
هذي قصتي.. من اللي جرحني..
