من جد أحرجتووني بردودكن.. ياغاليات ..
أنا من بعد زواج زوجي علي.. فقدت أهم صفة فيني.. ثقتي بنفسي..
ماراح أمدح نفسي ولكن هاذي صفاتي..
فرفوشه.. متبسمه أغلب أوقاتي حتى الغرباء يقولوا إبتسامتك ماعمرها غادرت وجهك..
جميله إيه.. مزيونه.,,يابلاش..مثقفه.. رومانسيه..وششش بعد؟؟؟
محطمه..دائما أظهر لزوجي بأنني واثقه من نفسي.. وإني أغطي على كل أقراني..
يحطمني كلام النااااس ياناااس..
يشوفوني يقولون .. إنتي الاولى ولا الثانيه؟؟
أقول.. حزروا فزروا.. كلهم يقولون .. طبعا الثانيه..
أقول على أي أساس؟؟ يقولون صغيره ومزيونه.. أقول معلش.. أنا زوجة فلان الاولى.. ونظرررات تقتل.. وكلمه من إمرأة كبيره في السن قالتها بكل أسى..
ياخساره على بنات الناس..
أنا مشتته والله.. زوج مايعترف بالحب.. أهم شيء نفسه وقضاء وطره..
ماأشوف الدلع منه غير إذا حملت..
ولكن ربنا كاتب إن ولاداتي جميعها بقيصري..
ماأدري إيش أكتب..
ولكن أنا ماأستقبل زوجي إلا بوجه بشوش
ماأودعه إلا بدعوه ..(بعض الأحايين تقفل معي وأتركه)
آه نفسي أصرررررخ .. وش قصتك معي؟بذلت الكثيييير لأجله.. وآخرتها يقول ماأعترف بالحب..
أحيان يقول.. إنتي الغاليه..(إيه هين) لو غاليه ماجرحني وخلاني مضحكه للشامتين والشامتات..
كاااان يعاملني بإحترام بعد زواجه ,احسه يفضلني عليها بأمور كثيره..
ولكن من يوم توظفت.. أبشركم ماشفت خيررررر..
يبغا راتبي.. ولما يأس .. يبغا صرافتي.. ولما يأس.. صاريهجرني بسبب الراتب
يمدحها قدامي.. هي أعطتني المبلغ الفلانييي.. وانتي إشبعي بفلوسك..
سحبت قرض بسبب الناس اللي حولي.. زوجي وأخوي وأبوي.. أعطيت أبوي.. ثلث القرض
وزوجي حددت له ثلث القرض والباقي يتركه واعطيته صرافتي يسحب
سحب المصووون فلوسي,, وماترك لي غير قيمة إستقدام شغاله..
ومع ذلك والله العظيييم مايشوفه شيء..
تعبني بمقاراناته بيني وبين زوجته.. مع العلم هي غير موظفه
ماأستكنت له ولا لنت.. لكن تدهورت حياتي معه للأسوأ... تأثروا أطفالي بحالتي النفسيه
وقررت أشتري راحتي
أعطيه من راتبي 500 ريال كل شهررر
ولكن شكلي بأقطعها لأني والله ماأستفدت شيء من راتبي..
أنا الآن مشتته لأن حياتي معه مشاااكل بمشاااكل..
لكن بالفتره هاذي هجد عني
لأنه ناوي على مشرووع يبغاني أساعده فيه
هو ماتكلم لكن.. هذا الهدوء الذي يعقبه العاصفة(عكست المثل)
لكن مافي أي طريييقه أجر راسه .. ويقول وراي بااااء مااااء