زوجك خائن!.,’,.,’(((مواضيع تهمك))).,’’,.,’,!

[البنفسج المميز]

اخت شغف ارجو منج ارسال الرد على الخاص , وارجو منج ان اتواصل معاج عبر الخاص ,انتظر ردج على الخاص

 

[غيثية دلع]

الخيانة صار شي طبيعي بحياة الزوجين لأنه ما في حد يفكر بالعواقب الوخيمة إلي ممكن تحصل في المستقبل وتأثر بحياة الأطفال

 

[البنفسج المميز]

بسم الله الرحمن الرحيم

احب اعرض عليكم مشكلتي وآسفة اذا بطول عليكم

انا متزوجة من 9 سنوات تقريبا ,من شخص كنت وياه في الدوام , وبعد انعجابه فيني وبصراحة انا ساعدته في جزء من المهر ,وبعد فترة سددها لي.

وكان على علاقة بوحدة وكان بيخطبها بس اهلها رفضوه .
بس مكالماته لها استمرت حتى بعد ما ملك علي ,وكشفت هذي المكالمات رخذت منه موقف اياميها ودخلت اخته واهله عرفوا بالموضوع,واتأسف لي وتزوجنا.

لكن الشكوك كانت لاتزال موجودة,وبعد شهور من زواجنا تقريبا ,اكتشفت انه يكلم وحدة من اقاربه ومتزوجة ,شفت انها اطرش له مسج,بس نكر وقال انها هي اللي بدأت, كلها مكالمتين بس,

وطوفت السالفة ,مع العلم اني استقلت من الدوام بناءا على طلبه مني وبعد ما تعبت في اول حملي ,استقلت.

وكنت اساعده ماديا في كل شيئ تقريبا, والايجار ويوم فكر يبني حتى,وحتى يوم فكر انه يدخل في اي مشروع بعد كنت انا الممول الاول اللي يفكر فيه, وانا كنت شاعات وايدة اتضايق من ها الشيء.


وبعد حملي الثالث بدأ عليه التغير لانه دخل شريك في مشروع مع واحد ما يخاف الله,استغل زوجي بأنه يحب الفلوس ,وكان يطلب منه إييب مموليين لان الشريك مب مواطن.

وريلي اتخبل يوم شاف الفلوس وقاستقال من الشغل,بس بعد ما كون علاقة مع وحدة من اياهم ومن نفس المكان اللي كنت اشتغل فيه, يعني كانت تعرفي هز المعرفة,وشايفتني واتعرف اني احلى بوايد منها ,لفت على زوجي وخططت ومن كلامه عرفت انها كانت اتلمح انها ما عندها مانع انها تتزوج واحد متزوج,مع العلم انها مشاركة زوجي في المشروع,واستقال وخلاها تستقيل بعد لانهم كانوا مخططين الاثنين انها بتكون زوجته فر السر حاليا لاني حامل في مولودي الرابع ,وانه وايد خايف علي وعلى صحتي ,وحليله.

واتغيرت معاملته لي وايد لو قعدت اشرحلكم ما بتعيشون اللي عشته,كنت عايشة ومب عايشة,يعني كنت ميته تقريبا.

كان قبل حنون علي وايد بس من يوم ما عرفها اتغير 180 درجة ,عصبي ,المسبة ابيزة لعنات لي وشتايم ,وتعليقات على كل شيئ على اللبس ,والتربية,حتى الاهل ...........................الخ

ما كان عندي غير دمعتي , وصلاتي ..والا حتى العيال ما كانو على بالي ,وصحتي في النازل والحمل اهملته,الله حفظني واللي في بطني.


واهلي كانوا يقولون لي اني مكبرة الموضوع ,وارد اقول انه اعصابه تعبانه وانه مقبل على تجارة ...


وقبل الولادة بفترة اعترف لي انه مالك على اللي خبرتكم عنها , عارض يخبرنبي منو هي, بس انا بذكائي عرفت ,حتى انه سالني بعدين من وين عرفتي؟؟!!

انهرت يوميها واهلي كأنها القيامة قامت,شهر تميت فيها عند اهلي ومعاي 3 يهال اكبر بناتي بس 5 سنوات وتسألني ليش ماما ما نرد البيت؟

ورجعت البيت بعدها على امل اكون اقوى من يوم تركت البيت ,بس للأسسف يوم شافني رديت وبدون شروط لانه ما سمح لاهلي يتفاهمون معاه, ولا قبل مني اي شروط, وانا عشان عيالي تنازلت
ورديت .

لكن تمادى غروره وتمرد اكثر ,وتصرفاته زادت وامصخت بعد,كانت بس عشان يقهرني من مكالمات وطلعات وياها طبعا,وانا صامدة ما اقول ولا كلمه.


وبعدها ما قدرت خلاص انهرت مرة ثانية ورديت عند اهلي ,وربيت وجا عندي في المستشفى,وساعتها جا وقاللي انه خسر تقريبا في وانه كشف شركيه بأنه نصاب ونصب عليه وعلى اللي ماخذ من عندهم الفلوس.


ويوم عن يوم ينهار اكثر واكثر.
وتراكمت عليه الديون, والحين صار بدون وظيفة وعليه ديون لا وقضية بعد ,قضية تشيكات بدون رصيد.

وبعده متمسك فيها ,ما عنده دخل يعيل اسرته حق ليش الزوجة الثثانية ؟؟ما ادريييييييييييييي!!!


وكل ما انفتح له باب ,لا نص باب راح لعندها ودور وناسته وياها,وانا ما ييي عندي الا اذا ضاقت عليه الدنيا وما انفتح له ولا باب , ييلس ويشتكي لي , ليش الشكوى لي انا والتتذمر , وحقها الوناسة والطلعات .

في الفترة الاخيرة غيرت من اسلوبى وياه واللك بتاعيي على قولتهم,وصاية مطنشتنله ,ولا معبرتنه ,وقاعد على النت على طول تقريبا,وصارت فترة يقوللي بستج نت,تعالي وقعدي وياي ,ويطالع شو اسوي,
ولما شافني غيرت اللوك قالي توا الناس بعد الشو ؟!!
الحين يوم بنسجن!
رديت عليه:انا غيرت لنفسي مب عشان حد وانت لا تزعل مني ما صرت اتهمني خلاص ,انا وعيالي وبس .
.
والحين سويروا علي شو اسوي ,وباذات الكلام للاخت شغف,شوري علي ,كيف اتصرف وياه عشان ارده لي,
واخليه يطلقها ,وشو بخصوص سجنه اتعاطف وياه ولا لا؟!!!

بسرعة يا اخت شغف ,ويا ريت اتردين علي بالخاص ,لاني حاولت اراسلج بالخاص بس انا جديدة انتي اتعرفين القوانين.


الحقيني يا اخت شغف ويا اخواتي الاستشاريات

 

[أميرة الالماس]

جزان الله الف خير يارب العالميين ..

 

[قشعه77]

السلام عليكم ابي وحدة استشيره ياحبذا الاستاذة ناعمة كيف

 

[انثى صامته]

السلام عليكم
((ان الله لايحب الخأنين )) الذي يخون انه يخون الله ورسوله ويجعل الله اهون الناظرين اليه هذا مافكرر في خالقه كيف يفكر في زوجته

 

[انثى صامته]

استعيني بالله ؤصلي الاستخارة خليه يتادب ؤدعي ربك ان الله يهديه ؤيرده لكي ؤعيالك

 

[برق الليالي]

لاحول ولاقوة الا بالله العلي العظيم

اللهم اهدي رجال المسلمين وفرج هم نسائهم
اللهم آمين
وأنا أعاني وأدعي الله يفرجها علي وخاطري أطرح مشكلتي بس مترددة
مابقى شي وفي طريقي نحو الطلاق ، دعواتكم خواتي لي بان يردالله لي زوجي رداً جميلا
ويبعد عنه بنات الحرام ,, ادعوا لي عل الله يستجيب دعائكم في هذا اليوم المبارك

 

[همـــس الروووح]

جزاك الله خير


سبحان الله وبحمده سبحان الله العضيم

 

[البندري 111]

عجلي لنا ب مزيد و بارك لكي في زوجكي

 

[7ssasa]

شكرااا على الروابط

 

[اسيرةحزن]

ياختي حرام عليك تضيعين عمرك مع واحد .............مايستاهل صبرت وتنازلت عن اغلا شي في حيات الامراة وهي الامومه والا ثمرفيه لاوبعد خاين وتسالين وش تسوين الخيانه بحد ذاتها تكفي ..تكفين ياختي لاتضيعين عمر ك كذذذذذذذذذ ..لاتعيشين حياتك وحيده.........مثل الشجرة التي ليس له عروق صدقيني مافيه خير وش اللي يخليك تنازلين مافيه شي يستاهل ...هذا موزمن التضحيات .........هذازمن نفسي نفسي وبس..هو موخسران شي انتي الخسرانه صدقين هو موفارقه معه محصل متعته بي مكان بس انتي وش فايدك ............مراح تموتي جوع ان تبهي لحياتك ومستقبلك..........العيال هم سندك ومتدادك فكري كبري عقلك ترا مايفيد الندم...................تضيعين عمرك على شان رجال والله ماعندك سالفه لو العيب فيك كان جدعك من اول.........................................سنه

 

[انا-20]

يعطيك الف عاافيه ،، جزاك الله خيرا

 

[اميره وكلي دلع]

بنات حبيت اعرف احد منكم يعرف وين يبيعون جهاز تسجيل اقدر احطه فالسياره اراقب زوجي
ردو علي لاني محتاجه ظروري

 

[star-om7]

جزاك الله خير

 

[بقاياانسان]

سلمت يداك فقد ضربتي على الجرح

 

[رووج فوش]

انا كمان صدمني زوجي ومهما احاولا انسى مااقدر ماقول الا الله يصبر قلوبنا

 

[نور عينه]

الله يجزيج الف خير

والله يهدي ازواجنا ياااااارب
ساعات احس انه مافي امل
وساعات اتعوذ من ابليس واقول اللهم يامقلب القلوب .ثبتني وانصرني ياااارب

 

[لموورة الدلوعة]

بصراحه الخيانه مالها طب ولا علاج كل شي في ظل التقدم ساعدهم على ا لخيانه .....
قنوات الرقص غرف البالتوك السيئه ومقاطع البلوتوث والتبرج في الاسواق و المكالمات بقصد الخطا وغييرها ونسيت اهم شي الصحبه السيئه وهذا الي اعاني منه والسفرررررررررررر اكبر مصيبه واجهتها في حياتي الزوجيه مع اني سويت حرب طاحنه ضد السفر ماطلعت بنتيجه ...والله المستعان...

 

[الـ ريحانة ـدار]

الخيانة صعبة جداًوما يشعر بمرارتها إلامن جربهاولكن هل تزول اثار الخيانة مع السنين ام تبقى محفورة في الذاكرة ليظل الالم وكأنه الامس افيدوني

جزاكم الله خيراً:no:​

لاااااااااااااااااااامايزول مهما صاااااار