زوجتي العزيزة وجودج غير حياتي (واقعية)

[نبراس الشرق]

يعطيك العافيه اختي بس لي رجاء يا ليت تكبرين الخط

بارك الله فيك وسلمت يداك ​

 

[هدوء أميرة]

اتابع بصمت يالغلا وانتظر النهاية
احترامي ​

 

[محبة الطاعات]

بسم الله الرحمن الرحيم

نرجع لقصتنا​

عقب الأجازة اللي حمد اثبت فيها للشلة انه مو معقد و انه سليم رجع لعادته القديمة و هي ريم و رجع يكلمها كل يوم بالليل و بعد اسبوعين ( و طبعا حمد راح اسبوع للكازينو للشلة و تحجج لريم بحجة انة بينام في بيت عمة و في غرفة عيال عمة و ما يقدر يتكلم بالفون جدامهم و الاسبوع الثاني ما راح الكازينو ) و في يوم من الأيام و حمد كان في الدوام (الشغل) وصل لحمد مسج

توت .. توت ....... توت .. توت ( رنة مسجات نوكيا :5
​

* حمد: اوووو مسج هالوقت منو يا ترى؟ خلني اشوف.
* عمر: حمد شوف و طمني اوكي تدري احنا ربع و اخاف عليك.
* حمد: هع .. اوكي .. صدقتك .. قول لقافة زايدة.
​

و كان المسج من شركة الأتصالات ريم ارسلت لحمد هالمسج من النت عشان تخبرة ان ما عندها رصيد و تبي تكلمة
​

* حمد: هذي ريم تقول ما عندها رصيد اكيد تبي تكلمني بس ما تقدر .. اقول عموري طلبت تكفى لا تردني.
* عمر: ادري .. ادري .. ادري بتكلمها و انا اروح اراقب لك الجو عشان لا يطب علينا المدير .. اوكي .. يلا انا طالع .. مع السلامة.
* حمد: الله يسلمك من كل شر يا الغالي.
​

و اتصل حمد على ريم
​

* حمد: الو.
* ريم: هلا و الله بذا الصوت.
* حمد: فديتج انا تسلمين لي .. اقول قلبي متصلى علي هالوقت خير طمنيني عسى ما شر.
* ريم: ما شر بــــــــــس .. طالبتك .. و ادري ما بتردني. :5:
* حمد: امريني يا عمري انتي.
* ريم(بدت تتدلع عليه): حمودي حبيبي طلبتك .. انت تدري ان ما عندي رصيد ولو عندي جان اتصلت عليك و لا رسلت لك هالمسج و الصراحة اليوم عيد ميلاد صديقتي و انا ما اقدر ما ارسل حق صديقاتي مسج اهنيهم في يوم عيد ميلادهم و يوم فتحت فوني عشان ارسل شفت ان ما فيه رصيد و انصدمت و ما عرفت شسوي عاد قلت حمودي فديته ما يقصر و ادري بك رجال ولد رجاجيل, ها شرايك يا قلبي بتساعد حبيبتك انها ما تتفشل وله انا ما اهمك؟
* حمد: افا بس افا اكييييييييييد بوقف وياج بس عندي طلب لو تنفذينة اعطيج عيوني و انتي على ما اعتقد مجربتني من قبل في موضوع الرصيد.
* ريم: ما يحتاج اجربك انا ادري عنك من يوم ما وقفت وياي في موضوع سيارتي و بعدين انت تأمرني مو تطلب مني.
* حمد: فديتج انا تسلمين لي يارب المهم حياتي بما انج فتحتي موضوع اعياد الميلاد ابي اعرف متى عيد ميلادج؟ بس هذا كل طلبي خبرج لازم اجيب لج هدية محترمة مثلج يا قلبي انتي.
* ريم: وي وي وييييييييييي فديت قلبك انا, هذا طلبك بس, على بالي شي مهم انا اقول لك بدون ما تطلب انا عيد ميلادي يا طويل العمر بـ ../../....:26:
* حمد: اوووووووووو .. يعني قريب عيل تحري الهديه المحترمة قريبا ان شاء الله و العمر كلة مقدما يا قلبي .. انزين الحين انا برسل لج الرصيد بس اول بروح اعبي فوني عشان احول لج يعني ربع ساعة تقريبا و تلاقين في فونج كل خير ان شاء الله امريني بعد.
* ريم: ما يأمر عليك لا عدو و لا ظالم ... اممممم حبيبي انت بالدوام صح؟
* حمد: اي و الله و توني كنت بقول لج عشان مضطر اقفل الخط الحين اخاف المدير يطب علي بعدين يحصل ما لا يحمد عقباة.
* ريم: وي بسم الله عليك فديت قلبك انا خلاص خلاص انا بروح الحين و اكلمك بالليل حياتي اوكي.
* حمد: اوكي يا قلبي .. يلا تيك كير.
* ريم: يو تو حبيبي.
​

و ينادي حمد عمر و يقوله انا بروح الكافتريا اللي جنبنا عشان اشتري رصيد و راجع و بالفعل هذا اللي صار طبعا لما رجع خبرة باللي صار كله

و مضت الأيام و ريم كل فترة و فترة تطلب من حمد رصيد و قلت الفترة من اسبوعين لغاية ما وصلت كل 3 ايام و صار الطلب شي عادي بالنسبة لها ما قامت تقول له حجج بس قامت في اخر المكالمة تقول له ابي رصيد و هو يعبي, و بالنسبة لحمد استمر حاله على الكازينو اسبوع يروح و اسبوع لا و كل اسبوع يقول لريم مرة بيبات عند عمة .. و مرة عند خالة و مرة .. و مرة .. و مرة و الأيام تمضى , و في اليوم اللي قبل يوم عيد ميلاد ريم و حمد كان كالعادة يتغزل فيها بالليل حصل التالي
​

* حمد: اقول ريومتي فديت قلبج يقولون باجر عيد ميلادج صح وله انا غلطان؟
* ريم: اي صج شغصد من هالسؤال هاااااااااااا؟ <<<<<< و هي تتدلع على الأخر
* حمد: ابد ما غصدي شي بس يعني انا كنت واعدج بهدية و وعد الحر دين مثل ما يقولون وله شرايج؟
* ريم: رايي من رايك بس شلون بتوصلها؟
* حمد: مثل ما اي واحد يوصل هديه حق حبيبته بمر عليج و بنطلع انا وياج بنتعشى في مكان شاعري و هادي و بعدين بعطيج الهدية و صدقيني بتكون احلى ليلة بحياتج.
* ريم: لا لا لا لا .. حمد تكفى استحي :5: ما اقدر اطلع وياك للحين خلني اتعود عليك اكثر يعني على الأقل نتم سنة مع بعض عشان اقدر اطلع وياك.
* حمد: يعني شلون ما اطلع ويه حبيبتي حرام عليج تحرميني منج و انتي تدرين فيني ما اقاومج.
* ريم: ما ادري شوف لك صرفة طلعه ما في.
* حمد: خلاص قفلي الموضوع انا زعلان.
* ريم (بدلع و نعومة و رقة): حموووووووودي تكفى كل شي ولا زعلك .. انا اسفة.
* حمد: لا لا لا ما ابي اول عطيني بوثة كبيييييييييييييييييييرة كبر الكون كلة
* ريم: فديت الي يتدلع على قلبي انا اموااااااااااااااااااااااااااااااااااااااااااح.:5:
* حمد: اوكي سامحتج بس اخر مرة تسوينها اوكي يعني اذا مرة ثانية قلت لج بطلع وياج تطلعين اوكيييييييييييي؟
* ريم: انزين انزين يصير خير ... المهم قولي
* حمد (قاطعها): شنو المهم؟ المهم انج تقولين لي انج موافقة مو يصير خير.
* ريم: خـــــــــــلاص .. خـــــــــــلاص اوكي قلت لك ويييييي حمد احرجتني ترى.:5:<<<< بدلع
* حمد: اوكي تعالي الحين صج صج اذا ما بشوفج شلون بعطيج الهديه؟
* ريم: باجر اقولك لما تتصل علي عشان تبارك لي.:22:
* حمد: اوكي يا قلبي و انا باجر ان شاء الله باتصل لج و بنتفاهم لأن تدرين انا شريت الهديه حرام وين اوديها و انتي تدرين اني ما اعرف بنات غيرج. <<<<< كذاااااااب يبي يثبت لها انه يحبها و ما عنده غيرها
* ريم: اي .. اوكـــــــــــــــــي .. مصدقتك.
* حمد: بعد مو مصدقتني .. اوكـــي .. انا زعــــــــــــــــلان.
* ريم (بدلع): لا لا تكفى حمد لا تقعد تزعل علي جي وايد باجر عيد ميلادي ترضى ادش سنة يديدة و انت كل شوي زعلان علي؟
* حمد: اكيد لا.
* ريم: خلاص عيل غير الموضوع وباجر نتفاهم بموضوع الهدية اوكي.
* حمد: اوكي يا قلبي . المهم ..........................


​

و نكمل غذا بأذن الله​

​

 

[نبراس الشرق]

الله يرد له عقل حمد لهذه الدرجه ما حس انه تضحك عليه

تاخذ الرصيد وتكلم اخر ولكن حمد متحمل هذا الشيء لانه

قاعد يخطط لشيء اكثر من ذلك الله يستر لايقعون بالحرام

متابعه معك وانتظر باقي الاحداث تسلمين لنا يا الغلا​

 

[منى25]

غاليتي تم تكبير الخط ..
أعذريني ولكن العتب على النظر...
متابعه لك يالغلا...
​

 

[محبة الطاعات]

اشكرج اختي نبراس الشرق على متابعتج الدايمة لي و اشكرج على التنبية بخصوص الخط بس للأسف انا كنت نزلت الجزء الجديد يوم شفت ردج و الحمد لله المشرفة منى 25 ما قصرت ان شاء الله الجزء الي قاعدة اكتبة الحين بيكون بهالحجم :20:

ام همس المعطائة أشكر لج مرورج المتألق على موضوعي و متابعة ممتعة ان شاء الله

منى 25 أشكر لج مرورج على موضوعي و اشكر مساعدتج لي و انا امس كنت قاعدة افكر اني اكلم وحدة من المشرفات تكبر لي الخط و انتي ما قصرتي جزاج الله كل خير و يريتج لو تكبرين لي خط الأجزاء السابقة لأني ما اقدر اكبرة و اكون لج شاكرة

الله يعطيج العافية :5:

​

 

[انسباير]

دخلت جو مع القصه .. يعطيك العافيه ..

يلا كملي .. متحمسه للبقيه ..

اكيد الجزء الجاي اكشن .. يلا لاتطولين ؟؟

 

[محبة الطاعات]

بسم الله الرحمن الرحيم

حمد و ريم كملوا مكالمتهم في الجزء اللي قبل و على اساس انه باجر بيتصل عليها عشان يتفاهمون بخصوص الهدية و في اليوم الثاني بالفعل اتصل عليها عشان يتفقون و كان الوقت العصر لأن حمد حاط براسة ان يطلع وياها لكن اللي حصل ان ​

*حمد: خلني اتصل على ريوم عشان اقدر اطلع وياها من اول اليوم. :26:​

و اول ما اتصل حمد
​

* حمد: هبي بيرث دي تو يوووووووو هبي بيرث دي تو يووووووووو هبي بيرث دي تو ريومااااا هبي بيرث دي تو يو.:26:
* ريم: هههههههههه (تضحك بنعومة) فديت اللي يغنون لي انا.
* حمد: فديت قلبج انا كل عام و انتي بخير يا قلبي.
* ريم: مشكور حياتي و انت بخير ان شاء الله.
* حمد: ها شلون الحين على الهدية امر وله؟
* ريم: اكييييييد فديت قلبك مر بس انا ما بطلع وياك اوكي.
* حمد: افا عيل شلون اعطيج اياها؟
* ريم: انا الحين ما اقدر اطلع لك بخلي اخوي الصغير يجي ياخذها منك تدري الحين ابوي بالبيت و انا ما اقدر اطلع.
* حمد: افااااااااااااااااااا حتى شوفة ما بشوفج شلووووووون جي, يعني ترضينها علي انتي, اجي لبيتكم و لا اشوفج.
* ريم: فديت قلبك اكيد لا و من قال اني ما بخليك تشوفني.
* حمد: شلون عيل شرحي لي اكثر ؟
* ريم: انا اقول لك يا طويل العمر انا بطل عليك من شباك غرفتي اللي يطل على الشارع و بكلمك بالفون و بنسولف لين ما تمل و تمشي امرني بعد.
* حمد: اممممممممم (يفكر)انزين حرام بتظلين واقفة طول ما احنا نسولف بالفون انا اقول شرايج تنزلين لي و تقولين حق ابوج بتروحين السوبر ماركت وله شي و تعالي افتر وياج بالسيارة شوي و بعدين ارجعج, هاااااااااااا شقلتي ؟
* ريم: حمودي ما اقدر و الله ما اقدر خلاص عاد لا تضغط علي و بعدين انا وعدتك المرة الجاية ان شاء الله بنطلع الحين ما اقدر.
* حمد (بأحباط): اووووووووووف انزين .. انزين خلاص امري لله اكلمج من ورا الشباك. :35:
* ريم: اوك و انا بانتظارك يا قلبي.
* حمد: اوكي و انا شوي و بجيج و قولي حق اخوج يستعد من الحين زين؟
* ريم: اوك من عيوني.
* حمد: يلا مع السلامة.
* ريم: الله يسلمك.

​

و كلها خمس دقايق الا حمد عند باب بيت ريم
و اتصل عليها و نادت اخوها الصغير عشان ياخذ الهديه و تم الموضوع مثل ما ريم خططت <<<<< ادري تبون تعرفون ريم شنو قالت حق اخوها عشان ما يفضحها عند ابوها راح تعرفون بالأجزاء الجاية
طبعا لما خلص حمد المكالمة مشى و رجع بيتهم و ريم فتحت الهدية و الهدية كانت عبارة عن طقم ذهب ابيض و ريم انهبلت عليه:25:

المهم و مرت الايام و الشهور لغاية ما جاء الشهر اللي فية عيد الحب (الفلنتاين) و حب حمد يستغل فرصة الطلعة مع ريم و من اول هالشهر و هو يلمح لريم انه بيطلع وياها في هاليوم لغاية ما صار اليوم اللي قبل يوم الفلنتاين و حمد كان يكلم ريم بالفون بالليل كالعادة
​

* حمد: اقول ريومتي انا اطالبج شي.
* ريم: خير يا قلبي!! امر!!؟
* حمد: انا اطالبج طلعة تذكرين يوم عيد ميلادج يوم اكلمج من الشباك كأني شحات الغرام هع هع.
* ريم: هههههههههههههه (تضحك) اتذكر كان احلى عيد ميلاد في حياتي لأنك انوجدت في حياتي فديتك الله يخليك لي.
* حمد: لا تضيعين الموضوع باجر عيد الحب و ابي اطلع وياج.
* ريم: اوكي و انا تحت امرك.
* حمد: صج!! .. صج!! من صجج تتكلمين انتي؟
* ريم: وشفيك مستغرب انا وعدتك اني ما اردك المرة الجاية و انا من طبعي اوفي بوعودي.
* حمد: فديت قلبج انا, خلاص يا حياتي انتي, باجر امر عليج الساعة 5 لا .. لا 4 لا .. لا 3 ......
* ريم (تقاطعة): حمودي غلطان اطلع وياك من الفجر احسن شرايج ههههههه (تضحك بدلع).
* حمد: هههههههههه و الله ما ادري من الفرحة مو عارف شنو اقول.
* ريم: اوكي يا قلبي انا اقول عنك 5 وايد وايد اوكي نطلع و نقضي اليوم كلة مع بعض و بقعد وياك لغاية الساعة 11 شرايــــــــــــك؟
* حمد: بس لي 11 قولي لغاية الساعة 1 او 3 يعني طلعة صباحية.
* ريم: حمد لا تنسى اني بنت و كلام الناس يأثر في سمعتي وله شرايك؟
* حمد: رايي من رايج اللي يريحج امري لله.
* ريم: كأن الكلام مو عاجبك .. اذا مو عاجبك ما نطلع و نريح روحنا من المشاكل.
* حمد: لا لا عاجبني اكيد افا عليج خلاص باجر امر عليج على الساعة 5.
* ريم: اوكي.

​

يا ترى ريم طلعت مع حمد وله لا
بنعرف باجر ان شاء الله:37:​

​

​

 

[محبة الطاعات]

أختي انسباير اشكر لج مرورج و حماسج مع القصة

و ان شاء الله الأكشن جايج في الطريج بس لا تستعجلين ^,^

سعيدة بردج و مرورج على موضوعي​

 

[غيرهم كلهم]

هالريم مو قليلة

متابعيتك يا حلوة لا تطولين علينا

تحمست كتير ههههه​

 

[محبة الطاعات]

غيرهم كلهم من ناحية انها مو قليله انا وياج انها مو قليله لأن ما خفي كان اعظم ^,^

و ان شاء الله الحين بنزل الجزء الجديد​

 

[نبراس الشرق]

احس انه في مفاجئات غريبه راح تكون في القصه

ننتظر ونشوف ايش الي يصير انا ماني مرتاحه

من ريومي وتصرفاتها الغبيه​

 

[محبة الطاعات]

بسم الله الرحمن الرحيم

و جاء اليوم الموعود و حمد يستعد راح الشغل و اول ما رجع اكل له اي شي خفيف و قعد ياخذ له شور ساعة و نص <<<< ههههههه الأخ وايد متحمس و لما طلع من الحمام قعد يضبط حاله جدام المراية و لبس و كشخ و ضبط امورة و على الساعة 4 اتصل على ريم و ما ردت و رجع اتصل عليها و بعد ما ردت و رجع اتصل عقب 5 دقايق بعد ما في رد و رجع على الساعة 4 و نص
​

* حمد: الوو!!
* ريم: هلا و الله بذا الصوت.
* حمد: وينج من مساعة اتصل ما تردين.
* ريم: حبيبي كنت اخذ لي شور شفيك مستعجل. <<<< بكل برووود
* حمد: من الشوق اللي فيني مو مني .. شسوي؟؟ متحمس حدي, المهم خلصتي وله؟
* ريم: لا للحين ما لبست و ما حطيـ ...
* حمد (يقاطعها): ما لبستي !!؟؟؟
* ريم (بدلع): حــــــــــــمــــــــــــــد استحي.
* حمد: عيون و قلب و حياة حمد يا قلبي شسوي طلعت عفوية.
* ريم: انزين لا تكررها و له ما اطلع وياك.
* حمد: لا لا لا لا خلاص اسف .. اسف .. المهم اشوفج, الا تعالي اذا للحين ما خلصتي امتى بطلع وياج ليكون بتأخريني؟؟<<< (بعصبية)
* ريم: و انت تتوقع اني اقدر اتأخر عليك اذا انا قايلة لك الساعة 5 شلون اتأخر , تعال الساعة 5 و بتلاقيني جاهزه اوكي.
* حمد: اكيييييييد اوكي 4 الا 5 دقايق بتلاقيني عند الباب و 5 بالضبط بتشوفين تلفونج يرن آمري بعد.
* ريم: ما يأمر عليك عدو يا الغالي يلا عيل خلني اكمل كشختي عشان ما تقول هذي اخرتني ترى ان قلتها بقول لك انت السبب لأنك متصل تسولف و انا مو فاضية.
* حمد: لا لا خلاص انا بعد بروح اكمل على كشختي و دقايق الا انا عند باب بيتكم. :26:
* ريم: اوكي يلا باااااااااي.
* حمد: بايات... اموااااااااااااح.
​

و طبعا كلها دقايق و حمد على الوعد كان عند باب بيت ريم على الساعة 5 و اتصل عليها و نزلت له و كانت لابسة عباية مخصرة و مفتوحة من تحت و فيها تطريز احمر لامع و كانت لابسة كعب احمر و بنطلون برمودا كان مبين من الفتحة و طبعا ميك اب كامل سموكي و قلوس احمر لامع بالمختصر كانت في قمة الأناقة و الكشخة و الشياكة و حمد يوم شافها :a194::a200: كان عقلة شوي و يطير, ويوم جات ريم بتفتح باب السيارة شافت باقة ورد روز حلوة احمر و ابيض استهبلت و يوم جات تقعد شالت الباقة و قعدت و سلمت و مدت له الباقة
​

* ريم: هذي وين احطها؟؟<<< (تقولها بقمة الدلع)
* حمد: هذي حق الغالية اللي سرقت قلبي يعلني فدوه لعيونها.
* ريم: و من هذي الي سرقت قلبك؟ <<<< تستهبل بدلع و نعومة
* حمد: ما تعرفينها افاااااااا على العموم انا عندي صورتها لحظة (و طلع من الدرج مراية و عطاها اياها) شوفيها انا متأكد انج تعرفينها.
* ريم:ههههههههههه <<<<< تضحك بدلع خلاص خلاص عرفتها.
* حمد: قلت لج تعرفينها ههههههههه...... حبيبتي ما قلتي لي وين تبين نروح؟؟ انا اليوم ملكج قولي لي يمين اروح يمين قولي لي يسار اروح يسار.
* ريم: اممممممممم شرايك نروح مول؟؟؟ اممم بس اي مول نروح شرايك؟
* حمد: انا برايي نروح مكان مو مزعج شرايج في الكافية الي بمول ال...... .
* ريم: ايييي عرفته .. اوكي يلا.
​

و بالفعل راحوا المول و اول ما نزلوا ريم شافت حمد عندة كيس حلو و كشخة و كانت حاسة انه في هالكيس مفاجأة لها بس طنشت و لما دخلوا الكافية جلسوا في مكان هادي و على طاولة في زاوية و كان على الطاولة وردة و اول ما جلسوا حمد اخذ الوردة و عطاها ريم
​

* حمد: هالوردة ما تعبر عن حبي لج بس ما اقدر ما اعطيج اياها.
* ريم: فديت قلبك غرقتني بالورود اليوم ما يسوى علي عيد الحب.
* حمد: اليوم انا عيدي عيدين واحد انه عيد الحب و الثاني عيد طلعتي وياج انتي ما تتصورين شكثر انا فرحان, اقول حبيبتي شرايج نحجز سينما بالليل و نتعشى يعني الصراحة انا اليوم ودي اسوي كل شي وياج.
* ريم: بس حمد انا قلت لك ما اقدر اتأخر عن الـ 11 لأن تدري ابوي ما يرضى.
* حمد: انزين انتي ما بتتأخرين اول ما يخلص الفلم برجعج البيت اوكي يا قلبي.
* ريم: اوكي اتفقنا.
​

و قعدوا ريم وحمد يسولفون و بعدين حمد قدم حق ريم الهديه اللي بالكيس الكشخة و ريم بعد كانت شارية حق حمد هديه و كل واحد ما شاف هدية الثاني الا في البيت, طبعا اهم دخلوا السينما مثل ما قال حمد و تعشوا و ريم ما رجعت البيت الا على ال12 لأن على ما خلص الفلم و على ما تعشوا الوقت طار اما عن الهدايا فكانت هديه حمد عبارة عن عطر و قميص نوم و هدية ريم كانت نظارة شمسية


و بالجزء الجاي بنعرف شنو ردة فعل ريم على هدية حمد :37:​

 

[start change]

اسجل مرووووري

 

[غيرهم كلهم]

اسلوبك يجنن بالكتابة دايما اتحمس هههه​

بس قاهرني هالريم كيف تطلع من قدام بيتها عادي معاه​

ما تخاف اهلها او جيران يشوفوها ​

كتبتلك بالاحمر من كثر ما عشت بجو :24:​

 

[نبراس الشرق]

لهذه الدرجه ريم بايعه نفسها وشلون تطلع من بيت اهلها

اكيد وراها سالفه متحمسه جدا لمعرفة باقي التفاصيل

يعطيك العافيه​

 

[محبة الطاعات]

start change
اشكرج على تسجيل المرور ^,^

ههههههههههه غيرهم كلهم دوم ردودج تضحكني و استانس لي شفت ردج :31::31::31::31: يسلمو حبيبتي على هالرد الرووعة على العموم اذا على ريم نطري بتعرفين عنها شي قريبا بيبرر لج تصرفاتها الطايشة

نبراس الشرق اختي الغالية مرورج دوم يسعدني لأني حاسة انج متابعة وياي خطوة بخطوة و ما تتصورين شكثر افرح لما اشوف ردج على العموم ريم وراها سالفة كبيرة قريبا جدا بتعرفونها :5:

و في الختام حبيت اشكر كل اللي يتابعوني بصمت :5:​

 

[start change]

واآآآآآآآآي مرررررررررررا وحده قميص نووووم

 

[um_rqawy]

كملي اختي وياج

 

[غيرهم كلهم]

بس انا ما استانست لما شفت ردك

ردتي علينا ومو كاتبة جزء جديد

شديت شعري منك

:e076::e076::e076:


تراني لسه متحمسة لا تطولي علينا :26::26:​