بسم الله الرحمن الرحيم
بطل القصة شاب اسمة حمد وسيم و طويل ابيض و شعره اسود
اما شخصيته فهو مستهتر جداً, سكير, يكلم بنات, ما يصلي, بالمختصر شاب فاسد بسبب رفقة السوء عايش في بيئة فاسدة و عائلتة يعرفون عنه كل شي و الكل ينصح بدون فايدة و على فكرة اهله ملتزمين بعكسة, مو متزوج
خلونا نبدا القصة و نتعرف على حمد اكثر
حمد و هو بسيارتة راجع من الشغل و معاه صاحبة عمر بيوصلة البيت لأنهم ساكنين في نفس المنطقة شافوا بنت واقفة على جنب سيارتها عطلانة البنت كانت لابسة عباية مخصرة و ميك أب كامل كأنها رايحة عرس و شعرها طالع من تحت الحجاب و ريحة العطر لي أخر الشارع.
*عمر: حمد وقف وقف شوف هالبنت شكلها سيارتها عطلانه خلنا نساعدها.
*حمد: و يمكن نرقمها هااااااااااع هاااااااع.
وقف حمد على جنب و نزل
* حمد: السلام عليكم, خير في شي محتاجة مساعدة.
* البنت: عليكم السلام اي و الله شكل العجلة محتاجة نفخ.
* حمد: عمر عموووووور و وجع قوم انزل ساعد البنت شوي بدل ما انت قاعد بطالي.
* عمر: اووووووووووووف ان شاء الله ان شاء الله ( عشان الجميل نتحمل)<< بصوت واطي
* حمد : حياج السيارة عشان عن الحر الجو اليوم وايد حار وله شرايج؟؟
* البنت : اوكي. ( و ركبت معاة )
*^*^*^*^*داخل السيارة*^*^*^*^*
* حمد: اقول ما تعرفنا؟
* البنت: انا اسمي ريم و انت؟
* حمد: و النعم بريم شيخة الحريم معاج حمد ال.....
* ريم: تشرفنا يا حمد ال.....
* عمر من خارج السيارة: حموووود شكل السيارة مطولة قوم ساعدني عشان نخلص بسرعة.
* ريم: اممم حمد السيارة شكلها بتطول و انا ابي اروح البيت بسرعة و ما عندي احد يوصلني شسوي؟
* حمد (و هو طاير من الفرح): عيون حمد افا عليج اصير لج سواااق تبين اوصلج البيت و اول ما تخلص السيارة اجيبها لج و مفتاحها برسم الخدمة.
* ريم: اممم و الله ما ابي اكلف عليك بس مضظرة و الله فشيلة. ( و تبتسم بمكر )
* حمد : اوكي فديتج والله لا فشيلة و لا شي انا مثل اخوج .. عمووووور اقول خلك هني كمل السيارة و انا بوصل البنت و راجع لك .
* عمر: لحظة و انا وين اروح اقعد هني بالحر؟
* حمد: اي اقعد ماني مطول دقايق و تلاقيني عندك سلاااااااااااااام.
لما وصلوا عند بيت ريم و طبعا حمد كان يمشي على مهله عشان يتعرف على البنت اكثر و اكثر و هي خذيت عليه و قامت تنادية حمودي
* ريم: حمودي مشكووووور فديت قلبك امممم بس طلب اخير ما عليك امر.
* حمد: عيونة انتي أمريني و انا انفذ فديتج.
* ريم: احنا جرس بيتنا عطلان ممكن اعطيك رقمي و اول ما توصل تسوي لي رنة عشان اطلع لك و اخذ المفتاح مثل ما انت شايف بيتنا كبير و اذا دقيت على الباب محد بيسمعك. <<<<< كذابة عشان تاخذ الرقم
* حمد: اوكي عطيني رقمج و انا مو اسوي رنة الا اتصل و اسولف ساعات لو تبين. <<<< حركة عشان ما تنتهي العلاقة عقب ما يصول لها السيارة و المفتاح
* ريم: اوكي عيل اشوفك عقب شوي بااااااااااااي.
* حمد: باي.
طبعا حمد طيران على سيارة ريم و لما خلصت راح هو و عمر و وصلوا لها سيارتها و المفتاح طبعا حمد اتصل عليها و هي نزلت له مثل ما اتفقوا
* حمد: هلا و الله بالغالية.
* ريم: هلا فيك ها بشر شخبار السيارة اوكي.
* حمد: حتى لو مو اوكي اخليها لج اوكي ... اممم الا بقول مو كأن جرسكم ما فيه شي.
* ريم ( تبتسم بخبث): بصراحة اي ما فية شي بس انا كان خاطري اتعرف عليك اكثر لأن بصراحة شهامتك و رجولتك و وقفتك وياي خلتني انعجب فيك شسوي بقلبي اللي بدا يحبك. <<<<<< شهالسرعة
* حمد: فديتج و انا بعد و الله بديت انعجب فيج و بجمالج و رقتج و ما ودي اتركج تسمحين لي اني اتجرأ و اتصل عليج و اكلمج يمكن تحتاجين شي او يعني ما تدرين عن الدنيا.
*ريم: اي اكيد حمودي اتصل بأي وقت بصراحة انا ما كنت عارفة شلون بعيش من غيرك لو ما انك اقترحت هالأقتراح. ( و تنزل راسها بالأرض يعني مستحية و هي نصابة)
و بعد هالحوار حمد ركب سيارتة و وصل عمر و راح بيتهم و طول الطريج كان يفكر بريم اللي بدا يحس انها راح تكون جزء من حياته و شلون يقول حق امه عنها لأنه متعود كل ما يتعرف على بنت يحس بهالحساس نحايتها يقول حق امه عنها عشان ما تعور راسة بنصايحها و تكون عارفة مستجداته اول بأول على العموم عشان تعرفون حمد كان دايما يخبر امه اخبارة اول بأول بكل شي بحياته عشان سببين اولهم ان امه كانت دايما تساعدة لو طاح بمشكلة و الشي الثاني عشان ما تنقطع علاقتة مع اهله لأنهم ما كانوا يكلمونه نظراً لتصرفاته الطايشة.
أما بالنسبة لأم حمد فماكانت كبيرة بالسن لأنها تزوجت صغيرة و حمد كان ثاني ولد لها, و في بداية خراب ولدها حمد كانت تنصحة بكثرة لغاية ما ملت و اكتفت بالدعاء له بالهداية في قيام الليل و في كل صلاة تصليها لأنه على قولة ابوة الفرع الأعوج بالعايلة.
اما بالنسبة للأب فهو متحسر على ابنة و بحكم شخصية الأب العنيدة و القاسية ما قامو يتكلمون و مثل ما قلت لكم حلقة الوصل هي الأم يعني لو صار شي لحمد الأب يساعدة لكن عن طريق الأم .
