زوجة صاحبه ,,غير عفيفه..ام ساذجه؟

حاولي بالتتدريج مثل لاتردين علي اتصالاته ولاتستقبلينها دائما ولاتخبري زوجك عنها اي شي اصلن لاتيبين طاريها يدامه واشوي اشوي لما اتفج عنج
 
الله يعينك .......
حاولي تعاملينها بكل رسميه ولاتقعدين معاها كثير يعني تعذري باي شي

ولا تعطينها وجه وبيني انك متضايقه منها ومن اسلوبها..

وحاولي انك ماتردين على اتصالاتها<<<مشغوله-ماسمعت-على الصامت

اهم شي بالموضوع لايدري:santa_1:عن تصرفاتك

واذاسألك عنها قولي تمام وضيعي السالفه


الحقي على بيتك لاتخربه لك:busted_red:
 
الله يكون بعونج ’ ..
ويفكج من شرهـآ ’

اول شي / ريلج لاتقولين له اي شي عنهآ ’..
لو سألج / تهربي عن الاجابة او سوي نفسج مشغولة بشي ثاني
ان كان متضايق انج قللتي من تجاوبج مع هالحرمة / فـ قولي له
اهي لها وعلـيها وما تقدر تزورني مثل قبل’ وانا ما اجبرها اذا بتجي البيت مفتوح لهآـ ’
بهالأسلوب
وهي / تهربي منهـآ ’
لما تقول بتيج قولي انج رايحة الكوافيـر’
او رايحة بيت اهلج او معزومة او أي شي’ ..
واذا اتصلت لاتردين من اول مرة تركيهـآ
ساعات وردي اتصلي وخلج رسمية وقولي انج مشغولة لدرجة انج ما دريتي عن تلفونج
الا بهالوقت
وبس ’ ..
ربي يكون بعونج
 
غلطين اختي وخليتينها تتمادى
المفروض ماتتكلمين عن زوجش قدام اي احد
اكبر غلط هذا
بتقعد تقارن بين زوجش وزوجها وبتبتدي الغيره
نصيحتي لك
حاولي تبتعدين عنها شوي شوي
لادمر حياتكم
ولاجيبين طاريها قدام زوجش
والله يعينك عليها
طمنينا عنك
 
حبيبتي هذي اول مشاركة لي بلمنتدى واتمنى انو افيدك
بس لو تبغين نصيحتي ...
كل ماتبغا تجيلك للبيت تعذري منها انو عندك مشوار مع اهلك او مع اولادك
وإذا جتلك للبيت اشغلي نفسك بأي شي يعني لاتجلسين معاها كثير خليها تمل لحالها وبعدها تضف وجهها للبيت
وانتي لاتروحين لها ووضحي لها انك متضايقة منها ومن تعاملها ولاتوضحين لها حب زوجك لك لاهي ولا غيرها
وزوجك إذا سألك ليش ماتردين على اتصالاتها قوليله هذي وحده ماتستحي على وجهااا قليلة ادب او اخترعي لك اي قصة تسكته بس لاتوضحين له اهتمامها له ...
والله يعينك ويصبرك عليها..
 
ابتعدي عنها بهدووووووء لاتردين على اتصالاتها إلا نادرا.كلميها رسمي لاتاخذين اخبارها.سوي نفسك مشغوله""" وبيتك لاتدخله"""والله بتخرب بيتك.لاتجيبين طاري لزوجك وإذا سأل قولي:مب فاتحه بيتي لها لأني مارتحت لها ..ترا والله ماهي غبيه كل شي مدروس الله يعلم شيخططون عليه هي وزوجها ..وأي اكل تجيبه لكم لاتاكلونه عطي اي احد..ترا هالنوعيه من البشر يستخدمون الاعمال والسحر بسهوله مثل لبس الثياب ..ارقيي نفسك وزوجك وعيالك..نصيحه:انا وحدة والحمد لله على هالنعمة اقدر هالنوع من البشر حتى لو شفته نظرة عابرة.او جلسه بسيطة.او حتى لو اسمع عنه..الحقي نفسك قبل مايطيح الفاس بالراس...حاااااااااااااسبي ماأظن انك تبين يجي يوم وتشوفينها مع......................عاد انتي عقلك ف راسك وتعرفين خلاصك
 
اشكر تفاعلكن الكريم,,
والله انها غايه في الطيبه ومسكينه حيل لكن سؤالها الصريح عن زوجي يغيظني ماأخفي عليكم اخواتي وضحت لها اكثر من مره باسلوب < مزح جداني > مثل مايقولون انها تترك السؤال عن زوجي لكن ماتفهم تضحك وتتمادى حاولت اختفي مارد عليها واتهرب من قبول زيارتها لي لكن تلح وتلح في الاتصال لغاية ماتجي..تموت في بيتي كني امها اللي لازم تقضي عندها اخر الاسبوع مع اني عندي التزامات مهمه وهي فاضيه جدا,,,
اقول اكيد عندها شي مهم وتجي للاسف مشتاقه وحانه تسأل عن زوجي وفي احيان كثيره تصرح بغيرتها.غير كذا عينها فارغه تكره اشيائها حتى لو قيمه وتأخذ اشيائي.وانا ماحب اعطي كل شي ولا احب اكسر بخاطرها.
 
والله انتي مرة طيبة ...ليه معطيتها وجه والله حبيبتي هالصنف
معروف مايحب الانفسه ومصالحه ..وانتي مرة غلطتي يوم قلتي لزوجك انها مهتمة فيه ارجعي امسحي الفكرة باي طريقة
لاتعطينها ملابسك وصور ولاشي يخصكم...في شي اسمه سحر وحسد والله الناس سايرة ماهمها الاالدنيا الامن رحم الله
نصيحة ابعديها عن حياتك بس بطريقة تكون
مافيه شي يحقد عليك لان خلقة نفسها شاينة من الغيرة تقوم تسوي لك بلا
انسحبي منها بهدوء وخلي رسمي كل شي
ولاتاكلين لاانت ولا زوجك..من عندها
الواحد مو ناقص بلاوي...

تعلمي اسلوب التطفيش لحد ماتطفش وتنقلع
ترى انا موتي هالصنف
الاستاذة ناعمة تقول..
ثوبك الغالي لاتعيريه لاحد... لانه لن يعود كما كان
على مقاسك..سوف تغيره على مقاسه وسيصبح
قديما باليا ..ليس كما كان ...انتبهي

الله يسعدك ويبعد عنك شياطين الانس والجن
​
 
الله يهديك .ماكان بينتي لزوجك سبب كرهك لها انه اهتمامها بيه كان قلتي اي شي ثاني
فتحي عينك واقرأي القصص الي هنا في المنتدى وتشيب الراس من من هي مثل هذه المرأه
ومن رأيي اقطعيها بالتدرج بس حاولي تقنعي زوجك بقطع علاقته مع زوجها بأي حيلة
 
انا نفس كلام جود الحلوة احذري تعطينها شيء منك ممكن تسوي سحر وتقلب حياتك ولا تدخلينها بيتك
 
هالاشكال ما تنعطى وج
هذي تغار منج

مو شرط تبي تسرق زوجك .. وممكن بعد تبي تتقرب منه والله اعلم

لاكن بعدي عنها ولا تهتمين ليها ابدا

دائما لا تعطينها وج .. هي راح تحس
 
الله يعينك ياقلبي
الظاهر والله اعلم انها متفقة مع زوجها
ترى بعض الرجال ماعنده غيره ولا حتى اهتمام بالشرف

انتبهي حبيبتي ابتعدي عنها باي شكل
حتى لو تزعليها مو مهم

لا تقولي ساذجة هادي داهية

الله يصرفها عنك هي وزوجها
 
الأشياء الي بينك وبين زوجك والخاصة لا تذكريها قدام أي أحد حاولي تكوني نبيهة وتفهمي الشخص وتقيميه
 
اقطعي عرق وسيحي دم

اقطعي علاقتك بها فورا ..مافي مجال للتدريج او المجاملة هذا بيتك ولازم تحافظي عليه بكل قوتك

طنشيها ولاتردي ع اتصالاتها ابدا ..الغيها من حياتك وكوني صارمة لاتضعفي حتى لو زوجك شافك متكبرة

ماعليك منه ..لان هذه النوعية تظل تزززن وتجري وراك

واذا اعتذرتي مرة تجرب المرة الثانية يعني ماعندها كرامة وتحس نفسها تموون

فالأفضل انك تطنشيها ..ولا عاد تستقبليها ببيتك .

ثم الله يهديك ..ملابس اللانجري لاتعيريها احد ..سواء هي ولا غيرها

وشكل عندها اسلوب تعرف تحزن الواحد وتستدرجه ..انتبهي من ذا الصنف .
 
عزيزتي الطيبه هالايام ماتنفع

خليكي رسميه معاها واذا طلبت من ملابسك قولي عندي حساسيه او اكزيما او اي شيء >>> بعدين مستغربه كيف تعطيها اللانجري تلبسه صراح قرف لان هذا خاص بزوجك والمفروض ماتشوفه اذا انا عيالي وشغالتي مايطلعوا على ملابسي انا اغسلها اخر الليل واكويها واخبيها ,,,, الله يهديك ...

ومن ناحية كثرة زيارتها لك حاولي ماتردي على اتصالاتها واذا مره مره وجت هي وعيالها خربي اي شيء ذو قيمة بالبيت واذا جاء زوجك خبريه عشان يكرههم >>> للضرورة احكام .

ناس زي كذه وربي مايفكروا الا في مصالحهم او قولي لزوجك انها تقول انك تعرف حريم عشان يكرها وانتي الله يهديك المفروض ماتخبريه انها تسال عنه فتحتي عيونه على شيء ماله داعي جربي كل الوسائل عشان يكرها استخدمي كيد النساء ...

خليكي حازمة معاها وحافظي على بيتك هذي انسانه بنظري حسوده واكيد ماراح يتبارك بيتكم طول ماانتي تخبريها ...

الله يكون معاك وانتبهي على زوجك ونفسك ...


دمتي بود ....
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل