زوجة صاحبه ,,غير عفيفه..ام ساذجه؟

[Miis]

الله يبعد عنك شرور الانس والجن

اول شي انتي موذنبك انك انسانه راقيه وتعاملتي معها بذوق

لاتلومي نفسك كثير هي ظبطت الدور واظهرت نفسها بصوره الساذجه البريئه والله محد برئ غيرك

حاولي تحطين العواطف ع جنب وفكري صح

لو صديتيها انتي بتروح بحال سبيلها بس لابد تضل حياتك براسها دايم وتتمنى اللي انتي فيه ويمكن تحاول تنتقم باي طريقه

صار لقريبه لي موقف قريب من موقفك

كانت ذكيه وعرفت وش يخوف زوجها من حرمه زي هالشكل بدت تحكي لزوجها ببراءه كيف هالحرمه تمدحها وتلمح لها

اخوي يبي زيك وفلان لو شافك ويلا نروح السوق وفلانه تبي سلف وكذا خاف طبعا رجالها على حرمته وصار مايبيها تقابل هالمره وطبعا

كان متاكد يطلع من هالشكل اي شي لانها بجد كانت تتحرش فيه بكل الطرق

وبالاخير طردها من بيته

لو قدرتي تطبقي كلامي صدقيني بترتاحين كثير من جهتين هو شالها من راسه وعرف اي نوعيه واي طبقه هي

وانتي تطلعين منها بدون خسائر

 

[Miis]

اولاياحلوه واضح من كلامك انها المسكينة معتبرتك صديقتها المقربه وانه عادي تقولك كل شي وانها بالعربي تظن انها تمون عليك وان الكلافه مرفوعه وشكلها من النوع الفضول
ثانيا هي لوتفكر بزوجك ما كان هذا حصل عن طريقك يا فهيمه ما اعتقد انها حتى تفكر فيه لانها تعرف كيف توصله من طريق ثاني
يا عزيزتي ان بعض الظن اثم من اللي قريته انه وحده حبت بس تستفيد من خبرتك

اي صداقه هذي

الله غني عن هالصداقه وهالخبرات

بالعكس هذا الطريق السهل والله يستر علينا ياكثر حكايات هذي بدايتها

 

[القلب المهجور]

الله يعينك

أنا ابتليت بواحده شبيهه بها بإختلاف بعض الأحداث وردة الفعل

الله يكون معنا ويساعدنا للتخلص منهن

موفقه

 

[ودي بونس]

والله ماقصرتو ياخوات واشكركن على الردود والاهتمام,,,

واللي عندها قصه مشابهه لقصتي ياليت ماتبخل علي بسردها عشان استفيد انا وغيري ,,,
بصراحه اشك هل ظنت اني ضعيفة شخصيه امامها لترحيبي لها ,,,الغريب انها تذكر لي تفاصيل حياتها بالتفصيل مع اني اتهرب لكن تصيدني عندها اكثر من رقم وللعلم انا لا ابادلها الاتصال او الزياره او السؤال عن احوالها ابدا .