زوجة ثانية...!!لكني الأولى بقلبه..تجربتي

بنت الوالد قال:
اختي وقفات كنت أتمنى ان تقفي عند اول رساله وانتهي لكن إصرارك هذا وبموضوعها هاهنا قد يجعلنا نخطئ بالظن في نيتك فعلا دعي الخلق للخالق ولو انك ناقشتيها ع الخاص اعتقد انها كانت تجاوبا معك اكثر

أعجبتني غيرتك على الدين لكن لم يجعلك الله وليه عليهم انت نصحتي وما على الرسول الا البلاغ الأمين

وأما من قاست خطبه الرسول لخديجة ومايحدث الآن من تعارف للشباب صدمني جدااااا

هذا قياس مع الفارق
أقلها اقول ان الرسول تزوج خديجة ايام الجاهلية قبل الإسلام


اخواتي جميعا أحسنوا الظن واستهدوا بالله
اتمنى ان ينتهي الجدال الى هنا
ودعوا المراء
أنقر للتوسيع...
. وهذا رأيي أيضاً
 
حلم حب الانحناء ليس مادي بل معنوي يعني مجازا وكناية عن الاحترام والتقدير
اشكرك علي النصيحة حبيبتي
 
(طعنتك...وبيدي الاخر ضمدت جراحك)

الفصل الحادي عشر..

صرت بس ساااكته
مااحكي كثير
هااااااديه..
راح جاء نام نزل طلع مشى..
عااااااااااادي
صرت ادور اي شي يلهيني عنه
اتابع فيلم
ارتب بيتي
اتقهوى
ازور صاحباتي
اعطيه حقوقه بصمممت
حرمته من كلمة احبك وحبيبي وعمري
قمصان نوم لا
دلع لا
الاكل بموعد..حبيبت حبيت ماحبيت انا مومضطره اسخنه..كله بارد
انام قبله
واحيان يروح بدري..اقوم اسهرا انا
لو ابي مقاضي اسكت
حتى لو ضروري
ابيه يجرب يوم صوتي ينفقد بالبيت
عيووني ماتجي بعييوووووووووووووووووونه
والحركة ذي تقهر الرجل مووووت
حتى لو ابي شي لطبخة مااطلبه..
يوم يقولي اقول مافيه
مابي اطلب منه شي واحد
بمعنى ادق واصح.

الغيته بحياتي

حتى مااحاول استفزه...
طبعا اللي تحت استغرببببببببببببببببببببببببببببت من صمتي
كانت تفتعل مشاكل معه
وفعلا يطلع معصب ومتضايق
لكني اسكت
ولا افك حلقي
اطبخ واغسل واكوي ومنظفة بيتي وهادية
حتى المصروف اسكت
حسسته انه شي مو اساسي
طبعا ماككان تمثيل
كنت مجروحه

هو صار دقييق بالتعامل معي
لان الكلام صار محدود معه

اسمها مااذكره
بكاء عنده مستحيل
حقوقه اقوم فيها بدون اي نقص
مالي خص بعياله
حتى يوم يدق علي
اقوله ابو فلان
موحبيبي وقلبي وكلام قبل..
اهم شي كنت صادقه
يعني بدون مبالغة
كنت اتبع احساسي فقط..
تمينا على هالحال...

يجي شهرين..
عقب شهرين.....صار حدث رجعني له اخت وحبيبه وزوجه...




يتبع
 
حبايب قلبي اكمل باكر الصبح...كذا ع الساعة 6ان شاء الله..مرهقة وتعبانه حاليا...

تصبحون على الف خير
 
تم بحمدالله عودت الموضوع
يمنع الجدال اوالنقاش او السب او التطاول من قبل العضوات
(ومايلفظ من قول إلا لديه رقيب عتيد)
اي عضوه عندها نصيحه تكتبها على الخاص لصاحبة القصه
عشقت حتى انتهيت شكراً لعودتك..
 
بانتظارك عشقت حتى انتهيت


والف شكر لكل من لها يد في عوده الموضوع من جديد



عوداً حميداً
 
أشكرك يالوردي على تفعيل الموضوع يسلمو.

عشقت حتى انتهيت نهنئكي يالغالية اكملي منتظرينك. هذا هو منتدانا العادل الرائع.
 
السلام عليكم ورحمه الله حقا هذا المنتدى رائع بكل اعضائه وانت يا اختى وان كنت زوجه ثانيه فهذا لا يعيبك والا كان عاب زوجات الرسول وهم ثانيه ثالثه وسابعه ولكن انت عارفه خطاك وهو الشات واحييكى على شجاعتك فى كتابه قصتك ولا تبالى من احد مدام انت تبت وعرفت خطأك لكى منى كل التقدير ووفقك الله ونحن فى انتظار جديدك

 
(انا غصن منك..لكنك كسرته)



(الفصل مااقبل الأخير)


علاقتي معه صارت رسميه
ضحك قبل واستهبالي وخبالي كله ركنته على جنب
يشوفني يوم يدقون صديقاتي علي..اضحك واستهبل وانكت..لنها طبيعتي
لكن من اقفل الخط ارجع الانسانة الثقيله
صار يوم يطلع مع عياله وزوجته ماارسل ولا رساله..(قبل كنت ارسل احبك ووحشتني)
الحين صرت ماارسل شي.
صار يرسل هو..
نمتي قلبي؟
وش تسوين؟
مااحقره...!!!لا.
كنت ارد بكل هدوء.
لا ياابو فلان صاحية..
ولا اقوله مااسوي شي حتى لو كنت مااسوي شي..
اقوله مشغوله ارتب.
مشغوله اقرا كتاب.
عشان مااحسسه اني عايشه بملل وزوهق.
طبعا هو كان رافض فكرة الاطفال نهائي...
على قولته بسبب المشاكل..
لكن ذاك اليوم صرح لي انه يبي..
شسووووويت؟
شريت حبوب ياسمين..مانع الحمل..
وحطيتها جنب سريري..
وصرت كل يوم اكل حبه.
قام هو ماسألني وش هذي.
لكن قالي بعدين.
ماه داعي الحبوب خلينا نجيب لنا طفل صغير.
قلت له:
حياتي مو راكد معك..مدري وش يصير..حاليا ماابي.

نفس كلامه لي قبل.
ولا قلتها له اقولها بهدوء ووجه رايق..مو تنفخ وعصبيه.
طبعا هو انصدم..انا اللي كنت مشفوحه على الاطفال الحين ماابي..ومنه؟؟
صرت اتعمد اسري بدري...
او متأخر..على حسب سروته هو..يعني مااسري معه..
قلت له بزور اهلي...
قال اوكي بحجز لك..بس متى العوده..؟
يناسبك اسبوع..!!
قلت لا..
خلي العودة مفتوحه.
قال ليش كم يوم بتقعدين..!!
قلت:الى وقت غير معلوم..شهر شهرين ثلاث..يوم يومين موعارفة بالضبط.
قال:على خير.
وراح وحجز لي...
ويوم سفري...
صحى هو الصبح بس مالقيته وانا جالسه انتظره..جاء عقب ساعتين..
طيارتي كانت الظهر..
طبعا انا منظفة البيت ومغسله ومشطفه..حتى فطوره جاهز..وغسلت غسيلي..وسددت منافذ البيت زين عن التراب..يعني ماخليت علي عذروب.
ومنزله شناطي تحت..
جاء هو وافطر..وقال يلا مشينا.
ركبت السياره وانا ساكته وهو ساكت..
قال اخيرا:
انتبهي لحالك.
رديت:
ابشر.
بالعادة انا بكاء وصياح ويتقطع قللبي اني بتركه وطول الطريق ماسكه يده وووو,,,الخ
لكن المره ذي كنت ثابته.
ولا ابي اكذب عليكم..
دموعي نزلت بس ماحسسته اني ابكي ابدا.
وصلنا المطار.
جلس هو ينتظر طيارتي..
قلت له:تقدر تروح انا انتظر مع النساء لين تقلع الطياره.
رفض.
وتم جالس لين نادوا الرحلة.
وقفت على طول..
وبدون مااطالع به قلت:
مع السلامة ابو فلان.
ومشيت بدون ماالتفت او حتى اسمع رده.
انا واثقه انه انصعق..
عارفين ليش؟
بالعادة اقوله استودعتك الله.
بس الحين بس مع السلامه..يعني موفارقه رجعت او لا..
هو كان يدق بس مكالماته حيييل مختصرة حييييل..وانا عادي.
يوم فتحت شنطت ملابسي..
وش تتوقعون لقيت..."؟
لقيت اسوارة ذهب ناعمه...ورساله ومصحف..


يتبع..

ملاحظة..الفصل القادم هو الفصل الاخير بإذن ربي.
 
السلام عليكم
جميلة قصتك اختي مع ما فيها من ألم نفسي وجسدي لا حرمك الله الاجر ولكن فيها من العبر الكثير.
وان كان هناك خلل في بداية العلاقة ولكن بفضل ورحمة الله ومحبته لك صحح لكي هذا المسار بالزواج الشرعي
فالله عز وجل اذا علم من العبد صدقه واخلاصه وخوفه ورغبته فانه سبحانه يحرص بعودة العبد اليه من خلال تسيير السبل والطرق المشروعه له

اجمالا والفائدة الكبيرة سواء كنت زوجة وحيده او زوجة معدد يجب عليك ان لا تنسي ذاتك ابدا ولا تظني بأن محبتك لزوجك وتفانيك في خدمته وتنازلك عن كثير من حقوقك وسكوتك عن اهاناته
يعني انك ملكتي قبله لا والله ابدا
الرجال لا يحبون المرأة الضعيفة المهانه
نعم اتفانى في خدمتك لا اهمل حقك ولكن
لا اهمل ذاتي فلي اوقات تخصني اجد فيها ذاتي امارس هواياتي استرخي اعتني بذاتي
الرجل يعشق المرأة المحبة لذاتها المعتدله في جميع شؤون حياتها


ننتظرك اختي الحبيبة بشوق عارم
 
استخدمتي معه اسلوب التطنيش والغمووض وهذا مايجذب الرجل في المرأه عموما ويحاول التقرب منها اهنئك وادعو من الله ان يوفقك في الدنيا والاخره ويسخر لك زوجك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل