زميلي في الدوام.................حركاته ما مريحتني

الله يعينك ياقلبي لا تخبين على زوجك شي والله بعدين بيقول ليش ماعلمتيني
 
أعتقد لو قلتي لزوجك راح تكبر السالفة .. انت تقدري تطلبي ان الي ماله شغل خاص فيكم ما يدخل مكتبكم واذا ماوصله المعلومة تقدري تلجأ لمديرك وتوضحي له .. وما أعتقد انه بيمانع ..
والواحده في الأشياء أحساسها ما يخيب يعني لما تحسي أنه يدور سالفة ويحاول يتحرش فهو فعلا كذلك ولا تقولي يتهيأ لي .. وحافظي على نفسك ولا تتركي له فرصة والله يحميكي

سبحان الله وبحمده سبحان الله عظيم
 
اهم شي امسحي الرسايل لايشوفها زوجك وطنشية ما كأنك تعرفينة واذا دخل مكتبكم قولي لو سمحت اذا بتجيب شي خل المراسل يجيبة اتن مالك دخل وحاولي تصيري قوية ولاتخافين

واذا مافاد قولي لزوجك ولا لرأيسك بالشغل

الله يستر علينل وياكم يارب
 
والله منتم صاحين وش تقول لزوجها زميلي في العمل يتغزل فيني تبون الشك يدخل بحياتها ويدمرها
وش بيقول زوجها ليش يجيك وين زميلتك يمكن تعطينه وجه يمكن تضحكين وياه وش شايف منك
تراه زوج وله غيره
اذا تمادى قولي حق مديرك وطقيها بوجهه وخلاص وحافظي على بيتك
 
الرقم جابه من الملفات لأن الرقم متسجل عندهم..........زيعني هاي مو صعبة أبد


أعتقد أني باخذ رأس البنات اللي قالولي اني اطنشه ولا أعطيه سالفة ولا لا كأني قريت شيء

وما أخبر زوجي عشان لا اثير غيرته واضايقه

أما سالفة اني لا أضعف في يوم!!!!!!!!!!!
مستحيييييييييييييييييييييييييييييييييييييييييييل وعععععععع
 
طيــــــف قال:
حبيبتي الأفضل انك ماتكونين في عمل فيه اختلاط درأللفتنه .
واذا لزم الأمر وكنتي بحاجه العمل فاذهبي ولكن بشرووط ..
1- البسي لباس ساتر وياليت تكونين منقبه افضل الله يفتح عليك.
2- قبل ماتروحي لدوامك لاتضعين من ادوات الزينه شي لا مكياج ولا غيره حتى لا تفتنين الجنس الأخر.
واذا كان عملك فيه اختلاط فلا تشتكي من المضايقات من الرجال لأنه شيء واارد في الأماكن المختلطه , ولأنه من الطبيعي الرجل يميل للأنثى اياً كانت سواءً بحجاب او بدونه ولكن بدون حجاب اشد انجذاب وفتنه والأنثى تميل للرجل ,ومن الناادر ان يرى الرجل مرأه بغير حجاب وظهر منها اجمل مافيها وهو وجهها ولا تدعوه نفسه للتحدث معها ومضايقتها الى اخر مايحدث حفظنا الله واياكم من كل شر ومكروه.ولذا اقول لك يا اختي الفاضله ابتعدي عن ذلك افضل ومن ترك شيئاً لله عوضه الله خيرا منه تأكدي انك لن تخسري شيئا مقابل الحصول على رضا الله ..
أسأل الله لك الثبات والستر ولفردوس الأعلى وكل مسلم ...
لافض فووووك
أنقر للتوسيع...
 
هلا أختي أول شي أسأليه أنته مطرش مسج وبأي صفه أطرش
2 سوري على السؤال بس انتي كيف لبسج في الدوام
3 الحرمه يوم تبى تشتغل بس في مجااال حريم غيره لا لا لا
هاي وجهت نضري واسمحيلي على فكرة الحرمه قلبعا ضعيف في لحضه بتخربين بيتج
 
انتي شوفي اذا زوجك متفاهم خبريه
واذا لي انتظري يظهر بالصوره وهاك الساعه شرشحيه
وطنشي وجوده
 
حبيبتي انا بعد مر عليه هالموقف بس على اكثر شوي كان اييب لي ريوق (فطور) بس كل مااشوفه يقرب من المكتب اطلع او اتكلم بالتلفون والأكل اوديه البانتري واخلي الفراشين يااكلونه خخخخ لين مل وطفش وبعدين قال عني متكبره وشايفه حالي قلت خله يقول اللي يقوله وكل ما اتوظف شخص يديد يقولهم لا تقربون منها ما يغركم شكلها تعاملها واايد خشن وتوته توته وخلصت الحتوته
اما ريلج مافي داعي تخبرينه لانه شي ما يسوى ومب مشكله فلا تحطييينه في باالج
والله يوفقج
 
لبسي محترم من وجهة نظري بس ايش اسوي يوم اني حلوة خخخخخ

لا بأمانة أنا تعاملي مرة جاد في الدوام وعادة ما يكون تصرفي كلمة ورد غطاها مثل ما يقولوا بس شكله هذا واحد تافه

المهم اليوم اتعامل معاه وكأن عساكرة بالجيش وعسى يتأدب لأن بادخل للمسؤول ومسؤووولي وااااااااااااايد عووود (و ز ي ر ) يعني مجرد ما اهده اني باعلمه اعتقد بينتفض مكانه
 
خصصي رقم للعمل ورقم للبيت وريحي راسك ...
 
ولا تعطين هذا التافه اكبر من حجمه ؟؟؟؟؟؟؟؟؟؟


ولا تعيرينه اي اهتمام
 
حبيبتي لاتمسحي الرساله
ممكن هو مايمسح رسالتك ويستخدمها دليل ضدك
 
أقول حبيبتي أنقلي من مكتبك وخبري زوجك هذه أهم شي تعملينه أذا مو زوجك أخوكي ولا تسكتين هذه ذئب بيخرب بتك وكثر الطق يفك الحديد والشيطان يعرف يدخل لبني أدم والله يحفظك من كل سؤ
 
اممم ، انا عندي نفس المشكلة ، بس مع عميل !

انا مشكلتي ان زوجي ماراح يتفهم .. شوي عصبي .. من جذي ما خبرته بالسالفة ،
لكني سألت اخوي ، مع اني أرسلت للعميل كلام بما معناه:: إن علاقتي بك علاقة عمل لا أكثر لذا افضل أن لا ترسل لي تسأل عن حالي, أو عن شيء آخر سوى ما يخص عملك.
ومنها وهو سيدة وما يتكلم . جربي هالطريقة ! .. لا يكسر خاطرج ، ترا فيه رياييل ان عطيتيهم ويه يتمادون وباجر الخطأ بيصير باسمج وهو بيطلع منها مثل الشعره من العجين لأنه ريال :)

وخبرت اخوي ، عشان لو صار شي عندي احد يوقف وياي .وبس!

:)


ربي يوفقج (f)
 
انا اشوف ان من الضروووري ان الزوجه تخبر زوجها بكل شي يصير معها اول باول
عشان يكون بالصورة
واذا هذا الحقير دق عليك مره ثانيه خلي زوجك يأدبه
والافضل انك تغيرين رقم الجوااااااال
بس لازم زوجك يعرف كل شيء
 
حبيت أخبركم حبيباتي أن هالشخص أحترم نفسه بعد ما حس أني قنبلة موقوتة وبافجر فيه لو ما احترم نفسه والحمد لله


الله يحمينا من المرضى
 
الحمد لله أنه وقف عند حده
حفظك الله وبنات المسلمين من كل شر
وإذا حاول مرة تانية ممكن توصلي له عن طريق أحد الزملاء أو إحدى الزميلات أنك متضايقة من رسائله بحيث تحرجيه أمام زملاءه بالعمل
 
انتي شنو تنتظرين

تنتظري يطيح الفاس بالراس..

وبالله عليكم خوات شلون تقول لزوجها..

انتي حلي المشكلة بروحج بدون علم زوجج..

إذا كنتي جرئية كشري عن انيابج وهاوشيه بأدب.

وإذا كنت تستحين تجاهليه..واحتقريه..

وما راح يقرب يمج..

واجهت ذي المشكلة وكان كل يوم يشرب قهوة الصبح عندي ..

حاربته وحاربت الشيطان .

والحين يشوفني بس يسلم علي..

تراه خطر عليك وعلى اسرتك وعلى دينك..

احذري والله وياج​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل